ଉତ୍ତରପ୍ରଦେଶର ବାରାବାଙ୍କି ଏବଂ ପ୍ରତାପଗଡ଼ ଜିଲ୍ଲାରୁ ଏକ ଚାଞ୍ଚଲ୍ୟକର ମାମଲା ସାମ୍ନାକୁ ଆସିଛି। ଜଣେ ବ୍ୟକ୍ତି ଗୋଟିଏ କି ଦୁଇଟି ନୁହେଁ, ଦୀର୍ଘ ୧୭ ବର୍ଷ ଧରି ଦୁଇଟି ଅଲଗା ଅଲଗା ସରକାରୀ ବିଭାଗରେ ଚାକିରି କରି ଆସୁଥିଲେ। କେବଳ ସେତିକି ନୁହେଁ, ସେ ଉଭୟ ସ୍ଥାନରୁ ପ୍ରତି ମାସରେ ସରକାରୀ ଦରମା ଏବଂ ଭତ୍ତା ମଧ୍ୟ ଉଠାଉଥିଲେ। ଶେଷରେ ଏହି ମହାଦୁର୍ନୀତିର ପର୍ଦ୍ଦାଫାଶ ହେବା ପରେ କୋର୍ଟ ଅଭିଯୁକ୍ତଙ୍କୁ କଠୋର ଦଣ୍ଡାଦେଶ ଶୁଣାଇଛନ୍ତି। ଅଭିଯୁକ୍ତଙ୍କ ନାମ ଜୟପ୍ରକାଶ ସିଂହ ହୋଇଥିବା ବେଳେ ସେ ବାରାବାଙ୍କି ଜିଲ୍ଲା ସତରିଖ୍ ଥାନା ଅନ୍ତର୍ଗତ ନରୋଲି ଗାଁର ବାସିନ୍ଦା ବୋଲି ଜଣାପଡ଼ିଛି।

ଆରଟିଆଇ (RTI) ରୁ ହେଲା ଖୁଲାସା

ସୂଚନା ଅନୁସାରେ, ଅଭିଯୁକ୍ତ ଜୟପ୍ରକାଶ ସିଂହ ପ୍ରଥମେ ଡିସେମ୍ବର ୨୬, ୧୯୭୯ ମସିହାରେ ପ୍ରତାପଗଡ଼ ଜିଲ୍ଲାର ସ୍ୱାସ୍ଥ୍ୟ ବିଭାଗରେ ନନ୍-ମେଡିକାଲ୍ ଆସିଷ୍ଟାଣ୍ଟ ପଦରେ ନିଯୁକ୍ତି ପାଇଥିଲେ। ଏହାର କିଛି ବର୍ଷ ପରେ, ସେହି ସମାନ ଶିକ୍ଷାଗତ ପ୍ରମାଣପତ୍ର ଓ ଜାଲ୍ କାଗଜପତ୍ର ବ୍ୟବହାର କରି ଜୁନ୍ ୧୯୯୩ ମସିହାରେ ବାରାବାଙ୍କି ଜିଲ୍ଲାର ମୌଳିକ ଶିକ୍ଷା ବିଭାଗରେ ଶିକ୍ଷକ ଭାବରେ ମଧ୍ୟ ନିଯୁକ୍ତି ହାସଲ କରିଥିଲେ। ସେ ପ୍ରାୟ ଦେଢ଼ ଦଶନ୍ଧିରୁ ଅଧିକ ସମୟ ଧରି ଏହି ଉଭୟ ବିଭାଗରେ କାର୍ଯ୍ୟରତ ଥିଲେ। ତେବେ ୨୦୦୯ ମସିହାରେ ପ୍ରଭାତ ସିଂହ ନାମକ ଜଣେ ବ୍ୟକ୍ତିଙ୍କ ଅଭିଯୋଗ ଏବଂ ସୂଚନା ଅଧିକାର (RTI) ଆଇନ ବଳରେ ତଥ୍ୟ ମଗାଯିବା ପରେ ଏହି ଡବଲ ଚାକିରିର ଗୁମର ଫିଟିଥିଲା। ଏହାପରେ ପୋଲିସ ଘଟଣାର ତଦନ୍ତ କରି ଚାର୍ଜସିଟ୍ ଦାଖଲ କରିଥିଲା।

କୋର୍ଟଙ୍କ କଡ଼ା ନିଷ୍ପତ୍ତି ଏବଂ ଦଣ୍ଡାଦେଶ

ଦୀର୍ଘ ଦିନ ଧରି ଚାଲିଥିବା ଏହି ଆଇନଗତ ଲଢ଼େଇ ଏବଂ ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ଏକ ଐତିହାସିକ ରାୟ ଶୁଣାଇଛନ୍ତି। ବାରାବାଙ୍କିର ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ୍ (CJM) ସୁଧା ସିଂହ ଅଭିଯୁକ୍ତ ଜୟପ୍ରକାଶ ସିଂହଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଅଦାଲତ ତାଙ୍କୁ ୭ ବର୍ଷର କଠୋର କାରାଦଣ୍ଡରେ ଦଣ୍ଡିତ କରିବା ସହ ୩୦ ହଜାର ଟଙ୍କାର ଜରିମାନା ଲଗାଇଛନ୍ତି। ଏହା ସହିତ ସବୁଠାରୁ ବଡ଼ କଥା ହେଉଛି, ଗତ ୧୭ ବର୍ଷ ଧରି ଅଭିଯୁକ୍ତ ଜଣକ ଉଭୟ ସ୍ଥାନରୁ ସରକାରୀ ତହବିଲରୁ ଯେତେ ବି ଦରମା ଓ ଭତ୍ତା ଆକାରରେ ଅର୍ଥ ନେଇଛନ୍ତି, ସେହି ସମସ୍ତ ଅର୍ଥ ଆଦାୟ (Recovery) କରିବାକୁ କୋର୍ଟ କଡ଼ା ନିର୍ଦ୍ଦେଶ ଦେଇଛନ୍ତି। ପ୍ରଶାସନିକ ବ୍ୟବସ୍ଥାରେ ସ୍ୱଚ୍ଛତା ଆଣିବା ଦିଗରେ କୋର୍ଟଙ୍କ ଏହି ରାୟ ଏକ ବଡ଼ ଉଦାହରଣ ସୃଷ୍ଟି କରିଛି।

ଭୁବନେଶ୍ୱର : ଜାଲ କାଗଜପତ୍ର ଦେଇ ୩.୪୯ କୋଟି ଟଙ୍କାର କୃଷି ସବ୍‌ସିଡିକୁ ଚଳୁ କରିବା ମାମଲାରେ ଇଓଡବ୍ଲ୍ୟୁ (ଅର୍ଥ ନୈତିକ ଅପରାଧ ଶାଖା)ଘଟଣାର ମୁଖ୍ୟ କାର୍ପଟଦାରଙ୍କ ଭାଇକୁ ଗିରଫ କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ବରଗଡ଼ର କମଲଜିତ୍ ସିଂ। ତାଙ୍କ ବିରୋଧରେ ଠକେଇ ଏବଂ ଚଞ୍ଚକତା ଭଳି ସଂଗୀନ ଦଫା ଲଗାଇ ଇଓଡବ୍ଲ୍ୟୁ କୋର୍ଟ ଚାଲାଣ କରିଛି। ଏହି ଠକେଇର ମୁଖ୍ୟ ଅଭିଯୁକ୍ତ ହରପାଲ ସିଂହ ଫେରାର ହୋଇ ଯାଇଛନ୍ତି । ଅନ୍ୟପକ୍ଷରେ ଇଓଡ଼ବ୍ଲ୍ୟୁ ସିଂହ ଭ୍ରାତା ଓ ତାଙ୍କ କମ୍ପାନୀ ଆକାଉଣ୍ଟରୁ ୧.୯୨ କୋଟି ଟଙ୍କାକୁ ଜବତ କରିଛି।

କେରଳରେ ୨୦୧୬ରୁ ରେଲ୍ୟାଣ୍ଡସ୍ ଆସିୟାନ୍ ମୋଟର୍ସ ବିଭିନ୍ନ ପ୍ରକାର କୃଷି ଯନ୍ତ୍ରପତି ନିର୍ମାଣ କରି ଏକାଧିକ ରାଜ୍ୟକୁ ଯୋଗାଇ ଥାଏ | ୨୦୧୮ ମସିହରେ ବରଗଡ଼ର ଜରପାଲ ସିଂ ନାମକ ବ୍ୟକ୍ତି ଓଡ଼ିଶା ଡିଲରସିପ୍ ପାଇଁ ଆବେଦନ କରିଥିଲେ। ତାଙ୍କ ଆବେଦନ ଆଧାରରେ କମ୍ପାନୀ ତାଙ୍କୁ କୃଷି ଯନ୍ତ୍ରପାତି ବିକ୍ରି କରିବା ପାଇଁ ଅନୁମତି ଦେଇଥିଲେ । କମ୍ପାନୀ ୨୦୨୦ ଏପ୍ରିଲ ମାସରେ ପ୍ରଥମେ ୨ଟି ଟ୍ରାକ୍ଟର ବରଗଡ଼ର ପ୍ରୋପାଇଟର ହରପାଲ ଫାର୍ମା ଇକ୍ୟୁମେଣ୍ଟ ସଂସ୍ଥାକୁ ଦିଆଯାଇଥିଲା। ହରପାଲ ଏହି ଯନ୍ତ୍ରପାତିଙ୍କୁ ଚାଷୀକୁ ବିକ୍ରି କରିବା ପାଇଁ କମ୍ପାନୀ ଅନୁମତି ଦେଇଥିଲା।

କିନ୍ତୁ ହରପାଲ ବିଭିନ୍ନ ଆକାଉଣ୍ଟରୁ ୧. ୯୨ କୋଟି ଟଙ୍କା ଜବତ ବଞ୍ଚକତା କରି ଏହାର ଫାଇଦା ଉଠାଇଥିଲେ। ସେ କମ୍ପାନୀର ସିଇଓଙ୍କ ନାମରେ ଜାଲ ଦସ୍ତଖତ ଏବଂ କମ୍ପାନୀର ରେଜିଷ୍ଟ୍ରେସନ ନମ୍ବର, ମେଲ ଆଇଡି ଆଦି ଜାଲିଆତି କରି ରାଜ୍ୟ ସରକାରଙ୍କ କୃଷି ସେ – ବିଭାଗରେ ପଞ୍ଜିକରଣ କରିଥିଲେ। ଯାହାଫଳରେ ଅନେକ କୃଷି ଯନ୍ତ୍ରପାତି ବିକ୍ରି ନ କରି ନକଲି ଫଟୋ, ଜାଲ୍ ଚେଟିସ୍ ନମ୍ବର ଏବଂ ଇଞ୍ଜିନି ନମ୍ବର ଦେଇ ବିପୁଳ ଅର୍ଥ ହଡ଼ପ କରିଥିଲେ । ୨୭୮ ଚାଷୀଙ୍କ ନାମରେ ଜାଲ ଆକାଉଣ୍ଟ ଖୋଲି ସେମାନଙ୍କୁ ଦିଆଯାଉଥିବା ୩୪୯ କୋଟି ଟଙ୍କାର ସବ୍‌ସିଡି ଅର୍ଥକୁ ହରପାଲ ଓ ତାଙ୍କ ଭାଇ ଚଳୁ କରି ଦେଇଥିଲେ ।

ଶେଷରେ ରାଜ୍ୟ ସରକାରଙ୍କ କୃଷି ବିଭାଗରୁ ରେଡଲ୍ୟାଣ୍ଟର୍ସ ଆସିୟାନ୍ କମ୍ପାନୀକୁ ଦୁଇ ବର୍ଷରେ ବିକ୍ରି ହୋଇଥିବା ସମସ୍ତ କୃଷି ଯନ୍ତ୍ରପାତିର ତାଲିକା ଦେବାକୁ କୁହାଯାଇଥିଲା । ଏହି ଚିଠି ପାଇବା ପରେ କମ୍ପାନୀ ଆଶ୍ଚର୍ଯ୍ୟ ହୋଇଯାଇଥିଲା । ସେ ହରପାଲଙ୍କୁ ୨ଟି କୃଷି ଯନ୍ତ୍ରପାତି ବିକ୍ରି କରିବାକୁ ଦେଇଥିଲେ । କିନ୍ତୁ ତାହା ଏଯାଏ ବିକ୍ରି ହୋଇନାହିଁ । ହେଲେ କିଭଳି ସରକାରଙ୍କ ନିକଟରୁ ଏହି ଚିଠି ଆସିଲା ବୋଲି କମ୍ପାନୀ ମ୍ୟାନେଜର ହବାକ୍ ହୋଇଯାଇଥିଲେ। । ସେ ଖୋଳତାଡ଼ କରିବା ପରେ ହରପାଳଙ୍କ ଏଭଳି ଜାଲିଆତି ଘଟଣା ସି ପଦାକୁ ଆସିଥିଲା । କମ୍ପାନୀ ହରପାଲଙ୍କୁ ଓଡ଼ିଶା ଡିଲରସିପ୍ ବାତିଲ କରିବା ସହ ଇଓଡକ୍ୟୁରେ ଅଭିଯୋଗ କରିବା ପରେ ଇଓଡବ୍ଲ୍ୟୁ ଏହି ମାମଲାରେ ହରପାଲଙ୍କ ଭାଇ କମଳଜିତକୁ ଗିରଫ କରିଛି ।