ବଲିଉଡର ଫିଟନେସ୍ ଆଇକନ୍ ତଥା ସୁପରଷ୍ଟାର ହ୍ରିତିକ ରୋଶନ ବର୍ତ୍ତମାନ ଏକ ଭିନ୍ନ ଧରଣର ଭୂମିକା ଖୋଜୁଛନ୍ତି। ନିକଟରେ ସେ ନିଜର ସୋସିଆଲ୍ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରି ନିଜ ମନର କଥା ପ୍ରକାଶ କରିଛନ୍ତି। ପ୍ୟାରିସର ଆଇଫେଲ୍ ଟାୱାର ସାମ୍ନାରେ ଉଠାଇଥିବା ଏକ ଫଟୋ ସେୟାର କରି ସେ ଲେଖିଛନ୍ତି ଯେ ତାଙ୍କୁ କେବଳ 'ଭଲ ପିଲା' ବା 'ଗୁଡ୍ ବୟ' ଚରିତ୍ର ଅଫର୍ କରାଯାଉଛି। କିନ୍ତୁ ସେ ବର୍ତ୍ତମାନ କିଛି ନକାରାତ୍ମକ ବା ଗ୍ରେ-ସେଡ୍ ଥିବା ଚରିତ୍ରରେ ଅଭିନୟ କରିବାକୁ ଇଚ୍ଛା ପ୍ରକାଶ କରିଛନ୍ତି।

ଖୋଜୁଛନ୍ତି 'ଜାଫର' ଭଳି ଚରିତ୍ର

ହ୍ରିତିକ ନିଜ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି ଯେ, "ମୋତେ ପଚରାଯାଇଥିଲା ମୁଁ କିପରି ଭୂମିକା ଖୋଜୁଛି ଏବଂ ମୁଁ ଯେତେବେଳେ ଉତ୍ତର ଦେଲି ନିଜେ ଆଶ୍ଚର୍ଯ୍ୟ ହୋଇଗଲି। ଆପଣମାନଙ୍କର ମନେ ଅଛି କି ଫିଲ୍ମ 'ଲକ୍ ବାଇ ଚାନ୍ସ' (Luck By Chance) ର ସେହି ଅହଂକାରୀ ଷ୍ଟାର୍ ଜାଫର୍ (Zafar) ଚରିତ୍ର? ମୁଁ ସେହିଭଳି କିଛି ଚରିତ୍ର ଖୋଜୁଛି।" ହ୍ରିତିକ ଆହୁରି ମଧ୍ୟ କହିଛନ୍ତି ଯେ ଯଦି ତାଙ୍କୁ ସେହିଭଳି କୌଣସି ଚରିତ୍ର ମିଳେ ତେବେ ସେ ତୁରନ୍ତ ରାଜି ହୋଇଯିବେ। କିନ୍ତୁ ନିର୍ଦ୍ଦେଶକମାନେ ତାଙ୍କୁ କେବଳ ଭଲ ଚରିତ୍ରରେ ଦେଖିବାକୁ ଚାହୁଁଛନ୍ତି ବୋଲି ସେ ଦୁଃଖ ପ୍ରକାଶ କରିଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Hrithik Roshan (@hrithikroshan)

ସିଦ୍ଧାର୍ଥ ଆନନ୍ଦଙ୍କ ପ୍ରତିକ୍ରିୟା

ହ୍ରିତିକଙ୍କ ଏହି ପୋଷ୍ଟ ଭାଇରାଲ ହେବା ପରେ ଏଥିରେ ଅନେକ ପ୍ରଶଂସକ ଏବଂ ସେଲିବ୍ରିଟି ପ୍ରତିକ୍ରିୟା ଦେଇଛନ୍ତି। ତେବେ ସବୁଠାରୁ ଅଧିକ ଚର୍ଚ୍ଚାର ବିଷୟ ପାଲଟିଛି ବଲିଉଡ୍ ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କ କମେଣ୍ଟ। ସିଦ୍ଧାର୍ଥ ଏହି ପୋଷ୍ଟରେ କମେଣ୍ଟ କରି ଲେଖିଛନ୍ତି, "ଆସ ତେବେ (Come on then)।" ସୂଚନାଯୋଗ୍ୟ ଯେ, ସିଦ୍ଧାର୍ଥ ଏବଂ ହ୍ରିତିକ ପୂର୍ବରୁ 'ବ୍ୟାଙ୍ଗ ବ୍ୟାଙ୍ଗ', 'ୱାର୍' ଏବଂ 'ଫାଇଟର୍' ଭଳି ବ୍ଲକବଷ୍ଟର ଫିଲ୍ମରେ ଏକାଠି କାମ କରିଛନ୍ତି। ସିଦ୍ଧାର୍ଥଙ୍କ ଏହି କମେଣ୍ଟ ପରେ ଉଭୟ ପୁଣିଥରେ ଏକ ନୂଆ ପ୍ରୋଜେକ୍ଟ ପାଇଁ ହାତ ମିଳାଇପାରନ୍ତି ବୋଲି ବଲିଉଡରେ ଚର୍ଚ୍ଚା ଜୋର୍ ଧରିଛି।

ଆଗାମୀ ପ୍ରୋଜେକ୍ଟ

ୱାର୍କ ଫ୍ରଣ୍ଟ କଥା କହିବାକୁ ଗଲେ, ହ୍ରିତିକ ରୋଶନଙ୍କୁ ଶେଷଥର ପାଇଁ 'ୱାର୍ ୨' (War 2) ରେ ଦେଖିବାକୁ ମିଳିଥିଲା, ଯାହାକି ବକ୍ସ ଅଫିସରେ ଆଶାନୁରୂପ ପ୍ରଦର୍ଶନ କରିପାରିନଥିଲା। ବର୍ତ୍ତମାନ ସେ ନିଜର ବହୁ ପ୍ରତୀକ୍ଷିତ ସୁପରହିରୋ ଫିଲ୍ମ 'କ୍ରିସ୍ ୪' (Krrish 4) ର ପ୍ରସ୍ତୁତିରେ ବ୍ୟସ୍ତ ଅଛନ୍ତି। ବିଶେଷ କଥା ହେଉଛି ଏହି ଫିଲ୍ମର ନିର୍ଦ୍ଦେଶନା ମଧ୍ୟ ସେ ନିଜେ ଦେଉଛନ୍ତି। ଏହା ବ୍ୟତୀତ ତାଙ୍କର ଆଉ ଏକ ଫିଲ୍ମ 'ଷ୍ଟର୍ମ' (Storm) ମଧ୍ୟ ଆସିବାକୁ ଯାଉଛି। ତେବେ ଆଗାମୀ ଦିନରେ ନିର୍ଦ୍ଦେଶକମାନେ ହ୍ରିତିକଙ୍କ ଇଚ୍ଛା ପୂରଣ କରି ତାଙ୍କୁ ଏକ ନକାରାତ୍ମକ ଭୂମିକାରେ ସୁଯୋଗ ଦେଉଛନ୍ତି କି ନାହିଁ ତାହା ଦେଖିବାକୁ ବାକି ରହିଲା।

ବଲିଉଡ୍‌ ଅଭିନେତା ହ୍ରିତିକ୍‌ ରୋଶନଙ୍କ ଅଭିନୀତ ‘କ୍ରିସ୍’ ଫ୍ରାଞ୍ଚାଇଜ୍‌ର ଚତୁର୍ଥ ଫିଲ୍ମକୁ ଦର୍ଶକେ ଅନେକ ଦିନରୁ ଅପେକ୍ଷା କରିଛନ୍ତି। ଫିଲ୍ମକୁ ନେଇ ନୂଆ ନୂଆ ଖବର ମଧ୍ୟ ଆସୁଛି। ଏଥିରେ ଜବରଦସ୍ତ ଆକ୍ସନ୍‌ ସିନ୍‌ ସାଙ୍ଗକୁ ଉଚ୍ଚ କୋଟିର ଗ୍ରାଫିକ୍ସ ରହିବ ବୋଲି ଚର୍ଚ୍ଚା ହେଉଛି। ପ୍ରିୟଙ୍କା ଚୋପ୍ରାଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ। ପ୍ରିୟଙ୍କାଙ୍କ ସହ ଏଥିରେ ପ୍ରୀତି ଜିନ୍‌ଟା ଓ ରେଖା ମଧ୍ୟ ଦେଖାଯିବେ। ଇତିିମଧ୍ୟରେ ଫିଲ୍ମକୁ ନେଇ ଆଉ ଏକ ଖବର ଆସିଛି। ‘କ୍ରିସ୍‌-୪’ରେ ହ୍ରିତିକ୍‌ ଟ୍ରିପିଲ ରୋଲରେ ଦେଖାଯିବେ। ସେ ଏଥିରେ ତିନୋଟି ଭିନ୍ନ ଭିନ୍ନ ଭୂମିକାରେ ଅତୀତ, ବର୍ତ୍ତମାନ ଓ ଭବିଷ୍ୟତ ସହ ଯୋଡ଼ି ହେଉଥିବାର ଦେଖାଯିବେ। ତେବେ ଏଥିରେ ହ୍ରିତିକ୍‌ ଅଭିନୟ କରିବା ସହ ଏହାର ନିର୍ଦ୍ଦେଶନା ମଧ୍ୟ ଦେବେ। ଏବେ ଏହାର ପ୍ରିପ୍ରଡକ୍ସନ କାମ ଚାଲିଛି। ୨୦୨୬ ଆରମ୍ଭରେ ଏହା ରିଲିଜ୍‌ ହୋଇପାରେ ବୋଲି କୁହାଯାଉଛି। ‘କୋଇ ମିଲଗୟା’ ରିଲିଜ୍‌ ହେବାର ୨୩ ବର୍ଷ ପରେ ‘କ୍ରିସ୍‌-୪’ ରିଲିଜ୍‌ ହେଉଛି।

ବଲିଉଡ୍‌ ଅଭିନେତା ହ୍ରିତିକ୍‌ ରୋଶନ ‘କ୍ରିସ୍‌-୪’ ଫିଲ୍ମ ବିଷୟରେ ଘୋଷଣା କରିବା ପରେ ଏହାକୁ ନେଇ ତାଙ୍କ ପ୍ରଶଂସକମାନେ ବେଶ୍‌ ଉତ୍ସାହିତ ଅଛନ୍ତି। ହ୍ରିତିକ୍‌ ଏଥିରେ ଅଭିନୟ କରିବା ସହ ଏହାର ନିର୍ଦ୍ଦେଶନା ଭାର ସମ୍ଭାଳିବେ। ଇତିମଧ୍ୟରେ ଫିଲ୍ମକୁ ନେଇ ଏକ ଖବର ଆସିଛି। ଏହାର କାହାଣୀ ଟାଇମ୍‌ ଟ୍ରାଭେଲ ଉପରେ ଆଧାରିତ ହେବ ବୋଲି ଜଣାପଡ଼ିଛି। ଏଥିରେ ହ୍ରିତିକ୍‌ ଟ୍ରିପିଲ ରୋଲରେ ଦେଖାଯିବେ ବୋଲି ଚର୍ଚ୍ଚା ହେଉଛି। ପ୍ରୀତି ଜିନ୍‌ଟା ମଧ୍ୟ ଏଥିରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିବେ। ‘କୋଇ ମିଲ ଗୟା’ ଫିଲ୍ମରେ ହ୍ରିତିକ୍‌ ସିଙ୍ଗିଲ୍‌ ରୋଲରେ ଦେଖାଯାଇଥdବାବେଳେ ‘କ୍ରିସ୍’ ଓ ‘କ୍ରିସ୍-୩’ରେ ଡବଲ ରୋଲରେ ନଜର ଆସିଥିଲେ। । ଟାଇମ୍‌ ଟ୍ରାଭେଲ ଉପରେ ଫିଲ୍ମଟି ଆଧାରିତ ହୋଇଥିବାରୁ ଏଥରେ ଅତୀତ, ବର୍ତ୍ତମାନ ଓ ଭବିଷ୍ୟତର ଘଟଣାଗୁଡ଼ିକ ଯୋଡ଼ି ହୋଇଥିବାର ଦେଖିବାକୁ ମିଳିବ। ପ୍ରିୟଙ୍କା ଚୋପ୍ରା ଓ ରେଖା ମଧ୍ୟ ଏଥିରେ ନଜର ଆସିବେ। ଏହାସହ ଏହି ଫିଲ୍ମରେ ବିବେକ ଓବରୟଙ୍କୁ ଦେଖିବାକୁ ମିଳିବ। ସେ ‘କ୍ରିସ୍-୩’ରେ ଖଳନାୟକ ଭାବେ ଦେଖାଯାଇଥିଲେ। ‘କ୍ରିସ୍‌-୪’ରେ ପୁଣି ଥରେ ହ୍ରିତିକ୍‌ ଓ ବିବେକ ମୁହାଁମୁହିଁ ହେଉଥିବାର ଦେଖାଯିବେ।

ନୂଆଦିଲ୍ଲୀ: ବଲିଉଡ୍‌ର ଲୋକପ୍ରିୟ ଅଭିନେତ୍ରୀ ଶ୍ରଦ୍ଧା କପୁରଙ୍କ ଅଭିନୀତ ‘ସ୍ତ୍ରୀ ୨’ ନିକଟରେ ମୁକ୍ତିଲାଭ କରିଛି। ଶ୍ରଦ୍ଧା ଓ ରାଜ୍‌କୁମାର ରାଓଙ୍କ ଏହି ଫିଲ୍ମ ପାଞ୍ଚଦିନ ମଧ୍ୟରେ ବକ୍ସ ଅଫିସ୍‌ରୁ ୨୭୫ କୋଟି ଟଙ୍କା ଆୟ କରିଛି। ଇତିମଧ୍ୟରେ ଶ୍ରଦ୍ଧା ‘କ୍ରୀସ୍-୪’ରେ ନଜର ଆସିବେ ବୋଲି ଚର୍ଚ୍ଚା ହେଉଛି। ‘ସ୍ତ୍ରୀ ୨’ର ସଫଳତାକୁ ଦେଖି ‘କ୍ରୀସ୍-୪’ର ନିର୍ଦ୍ଦେଶକ କରନ୍‌ ମଲହୋତ୍ରା ଶ୍ରଦ୍ଧାଙ୍କ ନାମ ବାଛିଥିବା କୁହାଯାଉଛି। ଏହାବାଦ୍‌ ଶ୍ରଦ୍ଧା ଗତବର୍ଷ କରିଥିବା ଏକ ପୋଷ୍ଟରୁ ସେ ଏହି ଫିଲ୍ମରେ କାମ କରିବେ ବୋଲି ଚର୍ଚ୍ଚା ହେଉଛି। କାରଣ ଶ୍ରଦ୍ଧା ସୂର୍ଯ୍ୟକିରଣରେ ଏକ ଫଟୋ ପୋଷ୍ଟ କରି ଏହାର କ୍ୟାପସନ୍‌ରେ ଲେଖିଥିଲେ, ‘ଯାଦୁ ଭଳି ସୂର୍ଯ୍ୟକିରଣର ଆବଶ୍ୟକତା ରହିଛି।’ ଏଥିରେ ହ୍ରିତିକ୍‌ ମନ୍ତବ୍ୟ ଦେଇଥିାଲେ,‘ ମୁଁ ତାକୁ କହିଦେଇଛି, ସେ ଆସୁଛି।’ କିନ୍ତୁ ଏନେଇ ଫିଲ୍ମର ପ୍ରଯୋଜକ ସ୍ପଷ୍ଟ ଭାବେ କିଛି କହିନାହାନ୍ତି। ସୁପର୍‌ହିରୋ ଉପରେ ଆଧାରିତ ‘କ୍ରୀସ୍-୪’କୁ ଦର୍ଶକେ ୧୧ ବର୍ଷ ଧରି ଅପେକ୍ଷା କରିଛନ୍ତି। ଏହାର କାହାଣୀ ଲେଖା ହୋଇସାରିଛି। ଆସନ୍ତା ବର୍ଷ ଏହାର ସୁଟିଂ ଆରମ୍ଭ ହୋଇପାରେ ବୋଲି କୁହାଯାଉଛି।

ଦେଶୀ ଗାର୍ଲ ପ୍ରିୟଙ୍କା ଚୋପ୍ରା, ଗ୍ଲୋବାଲ୍ ଆଇକନ୍‌ ହେବା ରାସ୍ତା ଏତେଟା ସହଜ ନ ଥିଲା। ବଲିଉଡ୍‌ ପରେ ହଲିଉଡ୍‌ରେ ମଧ୍ୟ ପ୍ରିୟଙ୍କା ବେଶ୍ ନାମ କମାଇଛନ୍ତି। ହଲିଉଡ୍‌ରେ ବେଶ୍ ବଡ଼ ବଡ଼ ପ୍ରୋଜେକ୍ଟରେ ପ୍ରିୟଙ୍କା ଏବେ କାମ କରୁଛନ୍ତି। ଏବେ ତାଙ୍କର ପ୍ରଶଂସକମାନେ ପ୍ରିୟଙ୍କାଙ୍କ ବଲିଉଡ୍‌ ଫିଲ୍ମକୁ ଅପେକ୍ଷା କରିଛନ୍ତି। ତେବେ ସେ ବଲିଉଡ୍‌ ଅଭିନେତା ହ୍ରିତିକ୍‌ ରୋଶନଙ୍କ ସହ ପରଦାକୁ ଫେରିବେ ବୋଲି ନିକଟରେ ଏକ ରିପୋର୍ଟରେ ପ୍ରକାଶ ପାଇଛି।

ଅଭିନେତା ହ୍ରିତିକ୍‌ ରୋଶନ ଓ ପ୍ରିୟଙ୍କା ଚୋପ୍ରାଙ୍କ ଯୋଡ଼ି ବଲିଉଡ୍‌ର ଏକ ସଫଳ ଯୋଡ଼ି ଭାବେ ଗଣନା କରାଯାଏ। ଦୁହିଁଙ୍କ ଅଭିନୀତ ‘କ୍ରିସ୍‌’ ଓ ‘ଅଗ୍ନିପଥ’ ବକ୍ସ ଅଫିସ୍‌ରେ ଭଲ ବିଜିନେସ୍‌ କରିଥିଲା। ଏବେ ୧୦ ବର୍ଷ ପରେ ଏହି ଯୋଡ଼ିଙ୍କୁ ଏକାଠି ‘କ୍ରୀସ୍-୪’ରେ ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି। ପ୍ରିୟଙ୍କା ହ୍ରିତିକ୍‌ଙ୍କ ସହ ‘କ୍ରିସ୍’ ଓ ‘କ୍ରିସ୍-୩’ରେ ଏକାଠି ନଜର ଆସିଥିଲେ। ତେବେ ‘କ୍ରୀସ୍‌-୪’ରେ ପ୍ରିୟଙ୍କା କାମ କରିବେ କି ନାହିଁ, ତାହା ଏବେ ସୁଦ୍ଧା ଫିଲ୍ମର ପ୍ରଯୋଜକଙ୍କ ପକ୍ଷରୁ କିଛି କୁହାଯାଇ ନାହିଁ। ଫିଲ୍ମର କାହାଣୀ ଫାଇନାଲ ହୋଇଯାଇଛି। ହ୍ରିତିକ୍ ଏଥିରେ କାମ କରିବା ପାଇଁ ରାଜି ହୋଇଯାଇଛନ୍ତି। ଯଦି ପ୍ରିୟଙ୍କା ଏଥିରେ କାମ କରିବା ପାଇଁ ରାଜି ହୋଇଯାନ୍ତି ଫିଲ୍ମର ସୁଟିଂ ୨୦୨୪ ଫେବୃଆରୀରୁ ଆରମ୍ଭ ହେବ।

ବଲିଉଡ୍ ସୁପରଷ୍ଟାର୍‌ ହ୍ରିତିକ୍ ରୋଶନଙ୍କ ଦ୍ବିତୀୟ ବିବାହକୁ ନେଇ ସୋସିଆଲ୍‌ ମିଡିଆରେ ଏବେ ଚର୍ଚ୍ଚା ଜୋର୍‌ ଧରିଛି। ଅଭିନେତ୍ରୀ ସବା ଆଜାଦଙ୍କ ପ୍ରେମରେ ପଡ଼ିଛନ୍ତି ହ୍ରିତିକ୍‌। ଦୀର୍ଘଦିନ ଧରି ସେ ସବାଙ୍କୁ ଡେଟ୍ କରିଆସୁଛନ୍ତି। କରନ୍‌ ଜୋହର୍‌ଙ୍କ ୫୦ ତମ ଜନ୍ମଦିନ ପାର୍ଟିରେ ଏହି ପ୍ରେମୀ ଯୁଗଳ ପରସ୍ପରର ହାତ ଧରି ଆସିଥିଲେ। ଦୁହେଁ ଏବେ ସେମାନଙ୍କ ସମ୍ପର୍କକୁ ନେଇ ସିରିୟସ୍‌ ଅଛନ୍ତି। ପରିବାର ଲୋକଙ୍କ ଉପସ୍ଥିତିରେ ଦୁହେଁ ରୀତିନୀତି ଅନୁସାରେ ଖୁବ୍‌ଶୀଘ୍ର ବିବାହ କରିବେ ବୋଲି ନିକଟରେ ଏକ ଗଣମାଧ୍ୟମ ରିପୋର୍ଟରୁ ଜଣାପଡ଼ିଛି। ସେହିପରି ବିବାହକୁ ନେଇ କୌଣସି ତରବରିଆ ନିଷ୍ପତ୍ତି ମଧ୍ୟ ସେମାନେ ନେବାକୁ ଚାହିଁ ନାହାନ୍ତି।

୨୦୦୦ ମସିହାରେ ହ୍ରିତିକ୍ ତାଙ୍କର ବାନ୍ଧବୀ ସୁଜେନ୍ ଖାନ୍‌ଙ୍କୁ ବିବାହ କରିଥିଲେ। ଉଭୟଙ୍କର ଦୁଇ ପୁଅ ଅଛନ୍ତି। ହ୍ରିତିକ୍‌ ଓ ସୁଜେନ୍ ୨୦୧୪ରେ ପରସ୍ପରଠାରୁ ଅଲଗା ହୋଇଯାଇଥିଲେ। ଏହା ବିଶ୍ବର ସବୁଠୁ ଦାମୀ ଛାଡ଼ପତ୍ର ବୋଲି ଚର୍ଚ୍ଚା ହେଉଥିଲା। ସୁଜେନ୍ ଏବେ ଅର୍ସଲାନ ଗୋନିଙ୍କୁ ଡେଟ୍‌ କରୁଛନ୍ତି। ହ୍ରିତିକ୍‌ଙ୍କ କାମ କଥା କହିବାକୁ ଗଲେ, ଏବେ ସେ ‘ବିକ୍ରମ୍‌ ବେଧା’ ଫିଲ୍ମରେ ଦେଖାଯିବେ। ଏହି ଫିଲ୍ମ ସେପ୍ଟେମ୍ବର ୩୦ରେ ମୁକ୍ତିଲାଭ କରିବ। ସେହିଭଳି ସେ, ସିଦ୍ଧାର୍ଥ ଆନନ୍ଦଙ୍କ ଫିଲ୍ମ ‘ଫାଇଟର୍‌’ରେ ଦେଖାଯିବେ। ଏଥିରେ ତାଙ୍କ ବିପକ୍ଷରେ ଅଭିନୟ କରୁଛନ୍ତି ଦୀପିକା ପାଦ୍ୟୁକୋନ୍‌।

ମୁମ୍ବାଇ : ନିକଟରେ ସୁପରଷ୍ଟାର ହ୍ରିତିକ ରୋଶନ ଓ କଙ୍ଗନା ରଣାୱତଙ୍କ ସମ୍ପୃକ୍ତ ଥିବା ମାମଲା ସାଇବର ସେଲ କ୍ରାଇମବ୍ରାଞ୍ଚ ଇଣ୍ଟେଲିଜେନ୍ସ ୟୁନିଟକୁ ସ୍ଥାନାନ୍ତର କରାଯାଇଥିଲା । କ୍ରାଇମବ୍ରାଞ୍ଚର ଦାୟିତ୍ବରେ ଥିବା ଏବଂ ମୁମ୍ବାଇର ଯୁଗ୍ମ ପୁଲିସ କମିଶନରଙ୍କ ଦ୍ବାରା ଏହି ନିର୍ଦ୍ଦେଶ ଦିଆଯାଇଥିଲା । ଯାହା ଅନୁଯାୟୀ କ୍ରାଇମବ୍ରାଞ୍ଚ ହ୍ରିତିକଙ୍କ ଏଫଆଇଆର ଯାଞ୍ଚ କରିଥାଆନ୍ତେ । ଇତିମଧ୍ୟରେ ହ୍ରିତିକଙ୍କୁ ସମନ ପଠାଇଛି ମୁମ୍ବାଇ କ୍ରାଇମ ବ୍ରାଞ୍ଚ । ୨୭ ଫେବୃଆରୀରେ ହ୍ରିତିକ କ୍ରାଇମବ୍ରାଞ୍ଚକୁ ଆସି ତାଙ୍କ ବୟାନ ଦେବେ।

କଙ୍ଗନା ରାନାୱତଙ୍କ ସହ ବିବାଦ ମାମଲାରେ ହ୍ରିତିକ ରୋଶନଙ୍କ ବିବୃତ୍ତି ରେକର୍ଡ ହେବ। ତିକ ୨୦୧୬ ମସିହାରେ କଙ୍ଗନାଙ୍କ ବିରୋଧରେ ଅଭିଯୋଗ ଆଣିଥିଲେ ଯେ ଅଭିନେତ୍ରୀ ତାଙ୍କୁ ୧୦୦ରୁ ଅଧିକ ମେଲ ପଠାଇ ତାଙ୍କୁ ହଇରାଣ କରିଥିଲେ। ବର୍ତ୍ତମାନ ଏହି ମାମଲାରେ କ୍ରାଇମ ବ୍ରାଞ୍ଚ ହ୍ରିତିକଙ୍କ ଠୁ ସବୁ କିଛି ଜାଣିବାକୁ ଚାହୁଁଛି ।

ଜଣେ ପୁଲିସ ଅଧିକାରୀ କହିଛନ୍ତି ଯେ ଏହି ମାମଲାର ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ କଙ୍ଗନାଙ୍କ ଆକାଉଣ୍ଟରୁ ହ୍ରିତିକଙ୍କୁ ଇମେଲ କରାଯାଇଛି। ଏହା ପରେ କଙ୍ଗନାଙ୍କ ବିବୃତ୍ତି ରେକର୍ଡ କରାଯାଇଥିଲା । ୨୭ ଫେବୃଆରୀରେ ହ୍ରିତିକ  ବୟାନ ରେକର୍ଡ କରାଯିବ।

ତେବେ ଅଧିକାରୀ ଆହୁରି କହିଛନ୍ତି ଯେ ହ୍ରିତିକଙ୍କୁ ଇମେଲ ପଠାଇବାକୁ ଖଣ୍ଡନ କରିଥିଲେ କଙ୍ଗନା। ସେପଟେ ହ୍ରିତିକ ତାଙ୍କ ମୋବାଇଲ ଏବଂ ଲାପଟପ ମଧ୍ୟ ଦାଖଲ କରିଥିଲେ, କିନ୍ତୁ ସେଥିରୁ କିଛି ମିଳିନଥିଲା। ଏହି ମେଲଗୁଡିକ ୨୦୧୩ ରୁ ୨୦୧୪ ମଧ୍ୟରେ ପଠାଯାଇଥିଲା । ଏହା ପରେ ୨୦୧୬ରେ କଙ୍ଗନାଙ୍କୁ ଏକ ଆଇନଗତ ନୋଟିସ୍ ପଠାଇଥିଲେ ହ୍ରିତିକ।