ହରଭଙ୍ଗା(ଭାଗବତ ମେହେର): ଏ ବର୍ଷ ଶୀତଲହରି ଆସିବାକୁ ଡେରି ହୋଇଥିବାରୁ ଚଳିତ ବର୍ଷ ପକ୍ଷୀଙ୍କ ଆଗମନ ବିଳମ୍ୱ ହୋଇଥିଲେ ମଧ୍ୟ ଧୀରେ ଧୀରେ ବିଭିନ୍ନ ପ୍ରଜାତିର ପକ୍ଷୀଙ୍କ ସୁଅ ଛୁଟୁଛି। ଏପରିକି ଜାନୁୟାରୀ ମାସ ପ୍ରଥମରୁ ହିଁ ସମସ୍ତ ପ୍ରକାର ବିଦେଶୀ ପକ୍ଷୀଙ୍କ ଆଗମନ ହେବା ଆଶା କରାଯାଉଛି ।

ଏଭଳି ଏକ ପ୍ରକୃତି ପରିବେଶ ସ୍ଥାନ ହେଉଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ କୁସଙ୍ଗ ମହାନଦୀ ବନ୍ୟପ୍ରାଣୀ ଦୁର୍ଗମ ଅଭୟାରଣ୍ୟ ଅଞ୍ଚଳ ପଦ୍ମତୋଳା। ପରିବେଶବିତଙ୍କ ମତରେ ବର୍ତ୍ତମାନ ସମୟରେ ବିଦେଶରେ ଅତ୍ୟଧିକ ଥଣ୍ଡା ଯୋଗୁଁ ବିଭିନ୍ନ ସ୍ଥାନରେ ତୁଷାରପାତ ହେବା ଯୋଗୁଁ ପକ୍ଷୀଙ୍କ ପାଇଁ ଖାଦ୍ୟ ସଙ୍କଟ ଦେଖାଦେଇଥାଏ। ଭାରତ ବର୍ଷରେ ପ୍ରତ୍ୟେକ ବର୍ଷ ନଭେମ୍ୱର ଶେଷ ଏବଂ ଜାନୁୟାରୀ ପ୍ରଥମରୁ ଫେବୃୟାରୀ ପର୍ଯ୍ୟନ୍ତ ପାଗ ଅନୁକୂଳ ସହ ପକ୍ଷୀଙ୍କ ପାଇଁ ଉପଯୁକ୍ତ ସ୍ଥାନ ହୋଇଥିବାରୁ ଦେଶ ଓ ଦେଶ ବାହାର ପକ୍ଷୀଙ୍କ ଆଗମନ ହୋଇଥାଏ ।ଏଠାରେ ପକ୍ଷୀଙ୍କ ପାଇଁ ପ୍ରଚୁର ଖାଦ୍ୟ ସାଙ୍ଗେ ସୁରକ୍ଷିତ ସ୍ଥାନ ହୋଇଥିବା ହେତୁ ଗଡ଼ୱାଲ, ପନିଟେଲ, ସାଭାର, ରୁଡିସେଲଡ଼କ ଭଳି ବିଭିନ୍ନ ପ୍ରଜାତିର ପକ୍ଷୀ ଆସୁଥିବା ଦାୟିତ୍ୱରେ ଥିବା ରେଞ୍ଜ ଅଧିକାରୀ ସଂସାର ବର୍ଗିଆ ସୂଚନା ଦେଇଛନ୍ତି । ଅତିଥି ଭଳି ଆସି ୨ମାସରୁ ଅଢେଇ ମାସ ରହିଲା ପରେ ମାର୍ଚ୍ଚ ପ୍ରଥମ ସପ୍ତାହ ବେଳକୁ ବିଦେଶୀ ପକ୍ଷୀ ପୁଣି ପ୍ରତ୍ୟାବର୍ତ୍ତନ କରିଥାନ୍ତି। ପ୍ରକାଶ ଥାଉକି ବର୍ତ୍ତମାନ ଏହି ଅଭ୍ୟାରଣ୍ୟର ମହାନଦୀ ଜଳରାଶିରେ ବିଦେଶୀ ପକ୍ଷୀଙ୍କ ଚରବୁଲା ହେବା ସହ ସୁମଧୁର ରାବରେ ଅଞ୍ଚଳ ମୁଖରିତ ହେବାସହ ପର୍ଯ୍ୟଟକଙ୍କୁ ବେଶ ଆକୃଷ୍ଟ କରିଥାଏ। ପକ୍ଷୀଙ୍କ ସୁରକ୍ଷା ନେଇ ଉକ୍ତ ରେଞ୍ଜ ପକ୍ଷରୁ ନିୟମିତ ଭାବେ ଯାଞ୍ଚ କରାଯିବା ଅତ୍ୟାଧୁନିକ କ୍ୟାମେରାରେ ନଜର ରଖିବା ଏବଂ ନଦୀ ଗର୍ଭରେ ମାଛ ମାରିବା ଏସବୁ ବିଭିନ୍ନ କଟକଣା ବିଦେଶୀ ପକ୍ଷୀଙ୍କ ସୁରକ୍ଷା ପାଇଁ ରଖାଯାଇଥିବା ବନ୍ୟପ୍ରାଣୀ ବିଭାଗ ପକ୍ଷରୁ ସୂଚନା ମିଳିଛି।

ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଳକର ପୁରୁଣାକଟକ ଥାନା ଅର୍ନ୍ତଗତ ଫୁଲଝରୀ ଗ୍ରାମରେ ଜଣେ ମହିଳାଙ୍କ ମୃତ୍ୟୁକୁ ନେଇ ପରିବାରିକ ବିବାଦ ମୁଣ୍ଡ ଟେକିଛି। ବିବାହିତ ମହିଳା ଜଣଙ୍କର ମୃତ୍ୟୁ ନିଜ ବାପା ଘରେ ହୋଇଥିବା ବେଳେ ଏନେଇ ତାଙ୍କ ସ୍ୱାମୀଙ୍କୁ ଖବର ଦିଆଯାଇନଥିଲା। ଯାହାକୁ ନେଇ ବିବାଦ ଓ ସନ୍ଦେହ ଉପୁଜିଛି। ମୃତକ ଜଣକ ହେଲେ ଫୁଲଝରୀ ଗ୍ରାମର ଶୁନ୍ୟବାସୀ କହଁରଙ୍କ ଝିଅ ଜିରା ଜଗଦଲା (୪୫)।

ମିଳିଥିବା ଖବର ମୁତାବକ, ଫୁଲଝରୀ ଗ୍ରାମର ଶୁନ୍ୟବାସୀ କହଁରଙ୍କ ଝିଅ ଜିରା ଜଗଦଲା (୪୫) ରାମଗଡ ଗ୍ରାମର ଖଶେଶ୍ୱର ଜଗଦଲାଙ୍କୁ ଦୀର୍ଘ ବର୍ଷ ହେବ ବିବାହ କରିଥିଲା । ଜିରାଙ୍କ ପ୍ରାପ୍ତ ବୟସର ପୁଅ ଓ ଝିଅ ମଧ୍ୟ ଅଛନ୍ତି । ଘରୋଇ ସମସ୍ୟାକୁ ନେଇ ଜିରା ଓ ତାଙ୍କ ସ୍ୱାମୀଙ୍କ ମଧ୍ୟରେ ମନମାଳିନ ହୋଇଥିଲା। ସେଥିପାଇଁ ପ୍ରାୟ ଏକ ମାସ ହେବ ଜିରା ନିଜ ବାପଘରେ ଆସି ରହୁଥିଲେ । ଗତ ଗୁରୁବାର ଦିନ ଜିରା ବାପଘର ଗାଁ ନିକଟସ୍ଥ ଏକ ଗଛରେ ଆତ୍ମହତ୍ୟା କରିଥିଲେ । ଆତ୍ମହତ୍ୟା ପରେ ଜିରାଙ୍କ ବାପଘର ଲୋକ ଶବକୁ ରାତାରାତି ପୋଡି ଦେଇଥିଲେ । ଶବଦାହ କରିଦେଇଥିଲେ ମଧ୍ୟ ସେ ବାବଦରେ ଜିରାଙ୍କ ସ୍ୱାମୀ କିମ୍ବା ତାଙ୍କ ପୁଅ ଝିଅଙ୍କୁ କୌଣସି ଖବର ଦେଇନଥିଲେ। ଜିରାଙ୍କୁ ତାଙ୍କ ବାପାଘର ଲୋକ ପୋଡି ମାରିଦେଇଥିବା ସ୍ଵାମୀ ଖଗେଶ୍ବର ଅଭିଯୋଗ କରିଛନ୍ତି। ଅଭିଯୋଗ ପରେ ଘଟଣା ପଦାକୁ ଆସିବା ସହ ସମସ୍ତଙ୍କ ମନରେ ସନ୍ଦେହ ଉପୁଜିଛି। ଜିରାଙ୍କୁ ପୋଡି ମାରିଥିବା ତାଙ୍କ ସ୍ବାମୀ ଅଭିଯୋଗ କରିଥିବା ବେଳେ ଏପେଟ କିନ୍ତୁ ବାପଘର ଲୋକଙ୍କ କହିବା କଥା ଅଲଗା। ତାର ସ୍ୱାମୀ ଉକ୍ତ ଦିନ ଜିରାକୁ ନେବାକୁ ଆସିଥିଲା ଓ ଜିରା ଖଗେଶ୍ବର ସହିତ ସନ୍ଧ୍ୟାରେ ଯାଇଥିବା କହୁଛନ୍ତି । ଏନେଇ ପୁରୁଣାକଟକ ଥାନାରେ ଏକ ମାମଲା ରୁଜୁ ହୋଇଛି । ପୋଲିସ ଅପମୃତ୍ୟୁ ମାମଲା ୪/୨୧ ରେ ରୁଜୁ କରି ପୋଡାଯାଇଥିବା ସ୍ଥାନରୁ ପାଉଁଶ ଓ ହାଡ ଜବତ କରିବା ସହ ତଦନ୍ତ ଆରମ୍ଭ କରିଛି ।

ହରଭଙ୍ଗା: ଫଳମୂଳ, ପନିପରିବା ଅନେକ ସମୟରେ ଭିନ୍ନ ଭିନ୍ନ ଜୀବଜନ୍ତୁଙ୍କ ଅବିକଳ ନକଲ ପରି ଦେଖାଯାଇଥାନ୍ତି । ଯାହାକୁ ନେଇ ଦେଖେଣାହାରୀଙ୍କ ମଧ୍ୟରେ ମନୋରଞ୍ଜନ ଆଣିଥାଏ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଧଳପୁର ଗ୍ରାମ ପଞ୍ଚାୟତ ଅନ୍ତର୍ଗତ କଙ୍କଲା ଗ୍ରାମର ସୁଶାନ୍ତ ବେହେରାଙ୍କ ଆମ୍ବ ବଗିଚାରେ । ଆଜି ସୁଶାନ୍ତ ବେହେରା ନିଜ ଆମ୍ବ ବଗିଚାରୁ ଆମ୍ବ ତୋଳୁଥିବା ସମୟରେ ଏକ ବିରଳ ଆମ୍ବ ଦେଖିବାକୁ ପାଇଥିଲେ । ଆମ୍ବଟିର ଆକୃତି ଓ ବର୍ଣ୍ଣ ଏମିତି ଦେଖାଯାଉଛି ଯାହା କି ଆମ୍ବ ବୋଲି ବିଶ୍ଵାସ କରି ହେବ ନାହିଁ । ଆମ୍ବ ସତ୍ୟ କିନ୍ତୁ ଦେଖାଯାଉଛି ଏକ ‘ଚଢେଇ’ ପରି । ଏହି ଆମ୍ବ କୁ ଦେଖିବା ପାଇଁ ଲୋଙ୍କ ଗହଳି ଦେଖାଦେଇଛି । ଏହି ଆମ୍ବଟିର ଓଜନ ୨୫୦ ଗ୍ରାମ ଥିବାବେଳେ ଆମ୍ବଟିର ଭିଡିଓ ଓ ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।