ଭୁବନେଶ୍ୱର/ ଯାଜପୁର: କ୍ଷମତାକୁ ଆସୁଆସୁ ମିଶନଶକ୍ତି ମହିଳାଙ୍କ ଏସ୍‌ଏଚ୍‌ଜିକୁ ବନ୍ଦ କରିବା ନିମନ୍ତେ ଡ଼ବଲ ଇଞ୍ଜିନ୍‌ ସରକାର ଆରମ୍ଭ କରିଥିବା ଅଭିଯାନ ଆପାତତଃ ସଫଳ ହୋଇଛି । ମିଶନଶକ୍ତି, ଏହାର ସଦସ୍ୟ, ସହଯୋଗ କରୁଥିବା ନିର୍ବାହୀ ସମସ୍ତଙ୍କ ଉପରେ ସରକାର ଦାଉ ସାଧିଛନ୍ତି। ନିର୍ବାହୀମାନଙ୍କୁ ପାରିଶ୍ରମିକ ବନ୍ଦ କରି ସେମାନଙ୍କୁ ଛଟେଇ କରାଯାଉଛି । ଏସ୍‌ଏଚ୍‌ଜି ପୁନର୍ଗଠନ ପାଇଁ କାମ ଆରମ୍ଭ କରି ୭୦ ଲକ୍ଷ ମହିଳାଙ୍କ ଆର୍ଥିର୍କ ମେରୁଦଣ୍ଡ ଉପରେ ଆଘାତ ଦିଆଯାଇଛି। ଅନ୍ୟପକ୍ଷରେ ଏବେ ସୁଧଫେରସ୍ତ ପ୍ରକ୍ରିୟା ବନ୍ଦ କରିବା ପରେ ଋଣ ଦେବାକୁ ବି ବ୍ୟାଙ୍କ ରାଜି ନୁହନ୍ତି। ସାରା ରାଜ୍ୟରେ ଏପରି ସମସ୍ୟା ମିଶନଶକ୍ତି ପାଇଁ ସମସ୍ୟା ସୃଷ୍ଟି କରିଛି । ବିଡ଼ମ୍ବନା ହେଉଛି ୭୦ଲକ୍ଷ ମହିଳାଙ୍କ ସହ ଜଡ଼ିତ ରାଜ୍ୟର ୭୦ ଲକ୍ଷ ପରିବାର ଏହାଦ୍ୱାରା ପ୍ରଭାବିତ ହୋଇଛନ୍ତି।

ମହିଳା ସଶକ୍ତିକରଣକୁ ଶୀର୍ଷରେ ପହଞ୍ଚାଇବା ପାଇ ନବୀନ ସରକାର ସୁଧ ଛାଡ଼ ଯୋଜନା କରିଥିଲେ। ବିଗତ ବର୍ଷରେ ରାଜ୍ୟର ୪୦ ଲକ୍ଷ ମହିଳା ଏହାଦ୍ୱାରା ଉପକୃତ ହୋଇଥିଲେ। ମହିଳାଙ୍କ ଆର୍ଥିକ ମେରୁଦଣ୍ଡ ସୁଦୃଢ଼ ହେବା ସହ ଗାଁ ଗଣ୍ଡାରେ ମହିଳା ସ୍ୱାବଲମ୍ବୀ ହୋଇ ପାରିଥିଲେ। ବିନା ସୁଧରେ ସ୍ୱୟଂ ସହାୟକ ଗୋଷ୍ଠୀ(ଏସ୍‌ଏଚ୍‌ଜି)ଙ୍କୁ ୫ ଲକ୍ଷଟଙ୍କା ପର୍ଯ୍ୟନ୍ତ ଋଣ ଲଗାଣ ପାଇଁ ବିଜେଡି ସରକାର ସୁଧ ଫେରସ୍ତ ଯୋଜନା ପ୍ରଣୟନ କରିଥିଲେ। ବ୍ୟାଙ୍କରୁ ଏସ୍‌ଏଚ୍‌ଜି ଋଣ ଉଠାଣ ପରେ କିସ୍ତିୱାରୀ ପରିଶୋଧ କରୁଥିଲେ ଓ ରାଜ୍ୟ ସରକାର ବ୍ୟାଙ୍କ ଋଣ ବାବଦର ସୁଧଅର୍ଥକୁ ପ୍ରତ୍ୟକ୍ଷ ଭାବେ ଏସ୍‌ଏଚ୍‌ଜିଙ୍କୁ ଫେରସ୍ତ କରୁଥିଲେ। ସରକାରଙ୍କ ଏଭଳି ପଦକ୍ଷେପ ଯୋଗୁ, ଏସ୍‌ଏଚ୍‌ଜିଙ୍କୁ ସରଳ ପ୍ରକ୍ରିୟାରେ ବ୍ୟାଙ୍କ ଋଣ ମିଳି ପାରୁଥିଲା ଓ ମହିଳାମାନେ ମଧ୍ୟ ସରକାରଙ୍କ ସୁଧ ଫେରସ୍ତ ଯୋଜନାରେ ଉପକୃତ ହୋଇ ସଠିକ୍‌ ସମୟରେ ବ୍ୟାଙ୍କ ଋଣ ଶୁଝି ପାରୁଥିଲେ।

ମାତ୍ର ଏହି ସୁଧ ଫେରସ୍ତ ପ୍ରକ୍ରିୟାକୁ ରାଜ୍ୟ ସରକାର ବନ୍ଦ କରି ଦେଇଛନ୍ତି । ଏସ୍‌ଏଚ୍‌ଜି ଋଣଭାର ବୁଡ଼ି ରହିପୂର୍ବ ବର୍ଷର ଋଣ ଅର୍ଥକୁ ବ୍ୟାଙ୍କରେ ପରିଶୋଧ କରି ପାରୁ ନାହାନ୍ତି। କେବଳ ଯାଜପୁର ଜିଲ୍ଲାର ୨୦ ହଜାରରୁ ଅଧିକ ଏସ୍‌ଏଚ୍‌ଜି ଚଳିତ ଆର୍ଥିକ ବର୍ଷରେ ଋଣ ନେଣଦେଣ ପ୍ରକ୍ରିୟା ଠାରୁ ଦୂରେଇ ଯାଇଛନ୍ତି। ୨୦୨୩-୨୪ ଆର୍ଥିକ ବର୍ଷରେ ଯାଜପୁର ଜିଲ୍ଲାର ୧୪ ହଜାର ୪୮୫ଟି ଏସ୍‌ଏଚ୍‌ଜି ୩ ଲକ୍ଷଟଙ୍କା ଲେଖାଏଁ ଋଣ ଉଠାଣ କରିବା ସହ ସମୂଳ ସୁଧ ଅର୍ଥ ବ୍ୟାଙ୍କକୁ ଫେରସ୍ତ କରିଥିଲେ। ଏହି ଋଣ ନେଣଦେଣ ବ୍ୟବସ୍ଥାରେ ଜିଲ୍ଲାର ଦେଢ଼ ଲକ୍ଷରୁ ଅଧିକ ମହିଳାଙ୍କୁ୧୩ କୋଟି ୨୬ ଲକ୍ଷଟଙ୍କାର ସୁଧଅର୍ଥ ଫେରସ୍ତ କରାଯାଇଥିଲଶ। ଚଳିତ ଆର୍ଥିକ ବର୍ଷ (୨୦୨୪-୨୫)ରେ ଯାଜପୁର ଜିଲ୍ଲାର ୧୯ ହଜାର ୫୦୦ ଏସ୍‌ଏଚ୍‌ଜିଙ୍କୁ ୧୦୫୬ କୋଟି ଟଙ୍କାର ଋଣ ଲଗାଣ ପାଇଁ ସରକାର ଲକ୍ଷ୍ୟ ରଖିଥିଲେ। ମାତ୍ର ଏଯାଏ ଗୋଟିଏ ବି ଏସ୍‌ଏଚ୍‌ଜିଙ୍କୁ ସୁଧଛାଡ଼ ଅର୍ଥ ଫେରସ୍ତ ମିଳି ନାହିଁ। ଏହା ମହିଳା ସଶକ୍ତିକରଣ ଅଭିଯାନ ପ୍ରଭାବିତ କରିଛି। ଏସ୍‌ଏଚ୍‌ଜିଙ୍କୁ ରାଜ୍ୟ ସରକାର ସୁଧ ଫେରସ୍ତ କରି ପାରୁ ନଥିବାରୁ ମହିଳାଙ୍କୁ ବ୍ୟାଙ୍କ ଋଣ ଦେବା ପାଇଁ ଧରାଛୁଆଁ ଦେଉ ନାହାନ୍ତି। କେନ୍ଦ୍ର ସରକାରଙ୍କ ଦ୍ୱାରା ନିୟନ୍ତ୍ରିତ ବ୍ୟାଙ୍କ ଓ ରାଜ୍ୟ ସରକାରଙ୍କ ଦ୍ୱାରା ସଂଚାଳିତ ମିଶନ ଶକ୍ତି କେହି ଏସ୍‌ଏଚ୍‌ଜିଙ୍କ ସାଥୀରେ ନାହାନ୍ତି। ଚଳିତ ଆର୍ଥିକ ବର୍ଷରେ ରାଜ୍ୟ ସରକାର ଯାଜପୁର ଜିଲ୍ଲାର ୧୯ ହଜାର ୫୦୦ ଏସ୍‌ଏଚ୍‌ଜିଙ୍କୁ ଋଣ ଲଗାଣ କରିବା ଲକ୍ଷ୍ୟରୁ ଅଧା ବି ପୂରଣ ହୋଇ ନାହିଁ। ନୈରାଶ୍ୟଜନକ ଋଣ ଲଗାଣ ବ୍ୟବସ୍ଥା ଜିଲ୍ଲାର ୨ ଲକ୍ଷରୁ ଅଧିକ ମହିଳା ସ୍ୱୟଂ ସହାୟକ ଗୋଷ୍ଠୀର ସଭ୍ୟାଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଦେଇଛି। କେବଳ ଯାଜପୁର ନୁହେଁ, ରାଜ୍ୟର ପ୍ରାୟ ସବୁ ଜିଲ୍ଲାରେ ସମାନ ଅବସ୍ଥା। ଏବେ ଯଦି ଏହି ବ୍ୟବସ୍ଥା ଜାରିରହେ, ତେବେ ୭୦ଲକ୍ଷ ସ୍ୱାବଲମ୍ବୀ ମହିଳାଙ୍କ ପରିବାର ଆର୍ଥିକ କ୍ଷତିଗ୍ରସ୍ତ ହେବା ଜଳଜଳ ଦିଶୁଛି ।

ଭୁବନେଶ୍ୱର : ସାରା ବିଶ୍ଵ ଏବେ କରୋନା କବଳିତ । ଏହି ସମୟରେ କିଏ ରୋଜଗାର ହରାଇଛନ୍ତି ତ ଆଉ କାହାର ରୋଜଗାରର ବାଟ ବନ୍ଦ ହୋଇଯାଇଛି । ମାତ୍ର ମହିଳା ସ୍ଵୟଂ ସହାୟକ ଗୋଷ୍ଠୀଙ୍କ ହାତ ଅଟକିଯାଇନାହିଁ । ମହାମାରୀ ସମୟରେ ରାଜ୍ୟ ସରକାରଙ୍କ କରୋନା ପରିଚାଳନାରେ ସେମାନଙ୍କର ସହଭାଗିତା ଜାରି ରଖିଛି । କେତେବେଳେ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କ ହାତରେ ଖାଦ୍ୟ ନିରାପରାର ଦାୟିତ୍ବ ନ୍ୟସ୍ତ କରାଯାଉଛି ତ ଆଉ କେଉଁଠି ଘରେ ହୋମ ଆଇସୋଲେସନ୍‌ରେ ଥିବା ଆକ୍ରାନ୍ତଙ୍କ ପାଇଁ କିଟ୍ ବ୍ୟାଗ୍ ପ୍ରସ୍ତୁତ କରୁଛନ୍ତି । କୋଭିଡ -୧୯ ସମୟରେ ମିଶନ ଶକ୍ତି ସେମାନଙ୍କୁ ରୋଜଗାରର ବାଟ ଦେଖାଇବା ସହ ସାବଲମ୍ବୀ ମଧ୍ୟ କରିଛି। ଆଉ ଘରୁ ଗୋଡ କାଢି ପାରୁନଥିବା ମହିଳାମାନଙ୍କ ପାଇଁ ମିଶନଶକ୍ତି ଏବେ କରୋନା ମହାମାରୀ ସମୟରେ ସାମର୍ଥ୍ୟ ଆଣିଦେଇଛି ।

ମହାମାରୀର ଆରମ୍ଭରୁ ମା’ମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ କରୋନାର ସୁରକ୍ଷା କବଚ ‘ମାସ୍କ’ ତିଆରି କରି ବିକ୍ରି କରିବା ସହ ବାଣ୍ଟିବାରେ ସିଦ୍ଧହସ୍ତ ହୋଇପାରିଛନ୍ତି। କରୋନାର ପ୍ରଥମ ଲହରରୁ ୨ୟ ଲହର ପର୍ଯ୍ୟନ୍ତ ମିଶନ ଶକ୍ତିର ମହିଳା ସ୍ଵୟଂ ସହାୟକ ଗୋଷ୍ଠୀମାନେ ଏବେ ଜିଲ୍ଲା ପ୍ରଶାସନ ସାହାଯ୍ୟରେ କରୋନା ପରିଚାଳନାର ଦାୟିତ୍ୱ ଭାର ନେଇଛନ୍ତି । ଏମିତି କିଛି ସ୍ବୟଂ ସହାୟକ ଗୋଷ୍ଠୀଙ୍କ ମଧ୍ୟରୁ କଟକର ହାକି ଅଲ୍ଲୀ ଉତ୍ପାଦକ ଗୋଷ୍ଠୀ ଏବେ କରୋନା ପରିଚାଳନାର ମଙ୍ଗ ଧରିଛନ୍ତି । ମିଶନ ଶକ୍ତିର ଏସ୍ଏଚ୍‌ଡି କୋଭିଡ -୧୯ ମହାମାରୀ ବିରୋଧରେ ଲଢେଇ ଜାରି ରଖ୍ ସେମାନଙ୍କର ସେବା ପ୍ରଦାନ କରୁଛନ୍ତି। ୨୦୨୦ ମସିହାରୁ ଆରମ୍ଭ ହୋଇଛି ସେମାନଙ୍କର ଏହି ଅଭିଯାନ। ମହିଳାମାନେ ଏକାଠି ହୋଇ ଏବେ କନା ଆକ୍ରାନ୍ତ ହୋଇ ହୋମ୍ ଆଇସୋଲେସନ୍‌ରେ ଥିବା ଆକ୍ରାନ୍ତ ପାଇଁ ଜିଟ୍ ବ୍ୟାଗ୍ ପ୍ରସ୍ତୁତ କରୁଛନ୍ତି ।

ଗ୍ରୁପ୍‌ର ମହିଳାମାନେ ପ୍ରଥମ ପର୍ଯ୍ୟାୟରୁ ଏବେ ସୁଦ୍ଧା ୮ହଜାରରୁ ଉର୍ଦ୍ଧ୍ବ କିଟ୍ ବ୍ୟାଗ୍ ତିଆରି କରି କଟକ ଜିଲ୍ଲା ମୁଖ୍ୟଚିକିତ୍ସା ଅଧିକାରୀଙ୍କ କାର୍ଯ୍ୟାଳୟକୁ ପ୍ରଦାନ କରିଛନ୍ତି। ଏହି ବ୍ୟାଗରେ ସେମାନେ ସେମାନଙ୍କ ହାତ ତିଆରି ମାସ୍କ ଏବଂ ସାନିଟାଇଜର୍ ଭର୍ତ୍ତି କରି ଦେଉଛନ୍ତି। ହାଜି ଅଲ୍ଲୀ ଉତ୍ପାଦକ ଗୋଷ୍ଠୀର ୩୦ଜଣ ମହିଳା ଏବେ ଏହି ସେବା କାର୍ଯ୍ୟରେ ନିଜକୁ ନିୟୋଜିତ କରିଛନ୍ତି। ଏହାସହିତ ଢେଙ୍କାନାଳ ଜିଲ୍ଲାରେ ମଧ୍ୟ ୨ହଜାର ଆଇସୋଲେସନ୍ କିଟ୍ ବ୍ୟାଗରେ ମାସ୍କ ଏବଂ ସାନିଟାଇଜର୍‌ ଦେଇଛନ୍ତି। କେବଳ ସେତିକି ନୁହେଁ ଝୋଟିରୁ ମଧ୍ୟ ବ୍ୟାଗ୍ ପ୍ରସ୍ତୁତ କରି ସରକାରୀ ଅଫିସ୍‌ମାନଙ୍କୁ ପ୍ରଦାନ କରୁଛନ୍ତି। ବର୍ତ୍ତମାନ କୋଭିତର ଏହି ଘଡିସନ୍ଧି ମୁହୁର୍ତରେ ମା’ମାନେ ୧୦ହଜାର ଝୋଟ ବ୍ୟାଗ୍‌କୁ ରାଜ୍ୟ ପଛୁଆ ବର୍ଗ କମିଶନଙ୍କୁ ପ୍ରଦାନ କରିଛନ୍ତି। ମହାମାରୀ ଆରମ୍ଭରୁ ସେମାନେ କପଡ଼ା ମାସ୍କ ତିଆରି କରି ନିଜେ ରୋଜଗାରକ୍ଷମ ହେବା ସହ ସ୍ୱାବଲମ୍ବୀ ହୋଇପାରିଛନ୍ତି ।

୨୦୧୩ ମସିହାରୁ କଟକ କେଶରପୁରର ମୁସଲମାନ ସମ୍ପ୍ରଦାୟରର ୩୦ଜଣ ମହିଳା ଏକତ୍ରିତ ହୋଇ ସ୍ଵୟଂ ସହାୟକ ଗୋଷ୍ଠୀ ମାଧ୍ୟମରେ ସିଲେଇ କରି ରୋଜଗାରକ୍ଷମ ହେବା ଆରମ୍ଭ କରିଥିଲେ ବୋଲି ଜୀବିକା ସହାୟକ ମଉସିନ୍ ମଲ୍ଲିକ୍ କହିଛନ୍ତି ।କିଛି ମହିଳା ଏବେ ଘରେ ରହି ସିଲେଇ କରୁଥିବାବେଳେ ଆଉ କିଛି ଜଣ ଗୋଷ୍ଠୀ କାର୍ଯ୍ୟାଳୟରେ ମାସ୍କ ଏବଂ ଆଇସୋଲେସନ କିଟ୍ ବ୍ୟାଗ୍ ପ୍ରସ୍ତୁତ କରିବାରେ ଲାଗିପଡ଼ିଛନ୍ତି ।