ନୂଆଦିଲ୍ଲୀ : ବିଶ୍ବର ଦ୍ବିତୀୟ ବୃହତ୍ତମ ମହାଦେଶ ଆଫ୍ରିକା ଦୁଇ ଫାଳ ହେବାକୁ ଯାଉଛି। ଏହି ପ୍ରକ୍ରିୟା ଆରମ୍ଭ ହୋଇଯାଇଛି। ଲୋହିତ ସାଗରରୁ ମୋଜାମ୍ବିକ ମଧ୍ୟରେ ଥିବା ୩୫୦୦ କିମିର ପୂର୍ବ ଆଫ୍ରିକୀୟ ଫାଟ (ଇଷ୍ଟ ଆଫ୍ରିକାନ ରିଫ୍ଟ) ଦିନକୁ ଦିନ ସମ୍ପ୍ରସାରିତ ହେବାରେ ଲାଗିଛି। ଅନ୍ତର୍ଜାତୀୟ ଗଣମାଧ୍ୟମରେ ଏହି ରିପୋର୍ଟ ପ୍ରକାଶ ପାଇଛି। ପୂର୍ବରୁ ବୈଜ୍ଞାନିକ ଏ ନେଇ ଭବିଷ୍ୟବାଣୀ କରିଥିଲେ। ଆଫ୍ରିକା ମହାଦେଶର ଏକ ବଡ଼ ଭାଗ ଭାଙ୍ଗିଯିବ ବୋଲି କହିଥିଲେ। ସୂଚନାଯୋଗ୍ୟ ଯେ ପୃଥିବୀ ଅନେକ ଟେକ୍ଟୋନିକ ପ୍ଲେଟ୍‌ ଉପରେ ରହିଛି। ଏହାର ତଳେ ତରଳ ପଦାର୍ଥ ‘ଲାର୍ଭା’ ରହିଛି। ଏହି ପ୍ଲେଟ ଗୁଡିକ ସବୁବେଳେ ବ୍ୟାପିବାରେ ଲାଗିଥାଆନ୍ତି। ଅନେକ ସମୟରେ ପରସ୍ପର ସହ ଧକ୍କା ମଧ୍ୟ ହୋଇଯାଆନ୍ତି। ଧକ୍କା ହେବା ଯୋଗୁଁ ପ୍ଲେଟର କୋଣଗୁଡିକ ବୁଲି ଯାଇଥାଏ। ଅଧିକ ଚାପ ପଡ଼ିଲେ ଏହି ପ୍ଲେଟ୍‌ ଭାଙ୍ଗି ଯାଇଥାଏ। ଏହା ଦ୍ବାରା ଫାଟ ସୃଷ୍ଟି ହୋଇଥାଏ।

ସୂଚନା ଅନୁଯାୟୀ ଆଫ୍ରିକା ପ୍ଲେଟକୁ ଇଷ୍ଟ ଆଫ୍ରିକାନ ରିଫ୍ଟ ଦୁଇ ଭାଗରେ ବିଭକ୍ତ କରିଛି। ହୋରାଇଜେଣ୍ଟାଲ ଏକ୍ସପାଣ୍ଡିଂ ଫୋର୍ସ ତଳେ ଲିଥୋସ୍ପିୟର ଥିଲେ ଏହା ବ୍ୟାପି ପତଳା ହୋଇ ଚାଲିଥାଏ। ଏହାକୁ ଭୌଗଳିକ ଭାଷାରେ ରିଫ୍ଟ (ଫାଟ) କୁହାଯାଏ। ଫାଟ ସୃଷ୍ଟି ହେଲେ ଏହି ଭାଗ ଭାଙ୍ଗିଯାଇଥାଏ। ଏହାର ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଯାଇଛି। ଏପରି ହେଲେ ଏକ ନୂଆ ମହାସାଗର ସୃଷ୍ଟି ହେବ। ପୂର୍ବରୁ ଦକ୍ଷିଣ ଆଟଲାଣ୍ଟିକ ମହାସାଗରରେ ଏପରି ହୋଇଥିଲା।

ଇଷ୍ଟ ଆଫ୍ରିକାନ ରିଫ୍ଟ ବଢ଼ିଲେ ଏହାର ପ୍ରଭାବ ସୋମଲିଆନ ଏବଂ ନୁବିୟନ ଟେକ୍ଟୋନିକ ପ୍ଲେଟ ଉପରେ ପଡ଼ିବ। ଏହି ଦୁଇ ପ୍ଲେଟ ଇଥିଓପିଆର ‘ଅଫାର’ ଅଞ୍ଚଳରେ ମିଶୁଛି। ଏଠାରେ ‘ୱାଇ’ ଆକାରର ଫାଟ ସୃଷ୍ଟି ହୋଇଥାଏ। ଅଫାର ଅଞ୍ଚଳର କିଛି ଭାଗ ସମୁଦ୍ର ଭିତରେ ରହିଛି। ଫାଟ ସମ୍ପ୍ରସାରିତ ହୋଇ ଚାଲିଲେ ଏଥିରେ ପାଣି ଭର୍ତ୍ତି ହୋଇଯିବ। ଏହା ଦ୍ବାରା ଏକ ନୂଆ ସମୁଦ୍ର ସୃଷ୍ଟି ହେବ। ଏହି ସମୁଦ୍ର ସୋମାଲିଆନ ପ୍ଲେଟକୁ ଦୂରକୁ ଠେଲିଦେବ। ଏପରି ଭାବେ ସୋମାଲିଆ ଏବଂ ସାଉଥ ଇଥିଓପିଆ ଅଲଗା ହୋଇଯିବ। ଆଫ୍ରିକା ବହୁତ ଛୋଟ ହୋଇଯିବ।

ସେନେଗାଲ୍‌: ଦୁଇ ବସ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଅତି କମରେ ୪୦ ଜଣଙ୍କ ମୃତ୍ୟୁ ହୋଇଛି । ଆଫ୍ରିକୀୟ ଦେଶ ସେଣ୍ଟ୍ରାଲ ସେନେଗାଲ୍‌ର କାଫରିନ୍‌ରେ ଘଟିଛି ଏଭଳି ଭୟଙ୍କର ସଡକ ଦୁର୍ଘଟଣା । ଦୁର୍ଘଟଣାରେ ପ୍ରାୟ ୮୭ ଜଣ ଯାତ୍ରୀ ଆହତ ହୋଇଥିବା ମଧ୍ୟ ସୂଚନା ମିଳିଛି । ସମସ୍ତ ଆହତଙ୍କୁ ଚିକିତ୍ସା ପାଇଁ କାଫରିନ୍‌ ହସ୍ପିଟାଲରେ ଭର୍ତ୍ତି କରାଯାଇଛି ।

ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ଏକ ବସର ଟାୟାର ଫାଟିଯିବା କାରଣରୁ ତାହା ଅନିୟନ୍ତ୍ରିତ ହୋଇ ଅନ୍ୟ ଏକ ବସ୍ ସହ ଧକ୍କା ହୋଇଥିଲା । ଯାହାଫଳରେ ବସରେ ଯାତ୍ରା କରୁଥିବା ୪୦ ଜଣ ଯାତ୍ରୀ ମୃତ୍ୟୁବରଣ କରିଛନ୍ତି । ସୂଚନା ଅନୁସାରେ ଦୁର୍ଘଟଣାର ଶିକାର ହୋଇଥିବା ଉଭୟ ବସ୍‌ରେ ୧୨୫ ଜଣ ଯାତ୍ରୀ ଥିଲେ, ଯେଉଁଥିରୁ ୪୦ ଜଣକ ମୃତ୍ୟୁଛି । ଅଧିକାରୀଙ୍କ କହିବା ଅନୁଯାୟୀ ଘଟଣା ସ୍ଥାନୀୟ ସମୟ ରବିବାର ସକାଳ ୩.୧୫ରେ ହୋଇଥିଲା।

ଏହି ଘଟଣାକୁ ରାଷ୍ଟ୍ରପତି ମ୍ୟାକି ସାଲ୍‌ ଦୁଃଖପ୍ରକାଶ କରିଛନ୍ତି, ଏବଂ ମୃତକଙ୍କ ପରିବାରକୁ ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। ଏହା ସହ ସୋମବାରଠାରୁ ତିନିଦିନିଆ ରାଷ୍ଟ୍ରୀୟ ଶୋକ ଘୋଷଣା କରିଛନ୍ତି।

ଖରତୁମ୍‌: ଜଣେ ମହିଳାଙ୍କ ହତ୍ୟା ମାମଲାରେ ସୁଦାନର ଏକ କୋର୍ଟ ଗୋଟିଏ ମେଣ୍ଢାକୁ ଦୋଷୀ ସାବ୍ୟସ୍ତ କରିଛନ୍ତି। ଏହି ମାମଲାରେ ବିଚାରପତି ମେଣ୍ଢାକୁ ୩ ବର୍ଷ ଜେଲ୍‌ଦଣ୍ଡରେ ଦଣ୍ଡିତ କରିଛନ୍ତି। ଏହି ଘଟଣା ଦକ୍ଷିଣ ସୁଦାନର ରୁବେକ ଇଷ୍ଟ କାଉଣ୍ଟିର। ସୂଚନା ଅନୁଯାୟୀ ଏଠାରେ ମେଣ୍ଢା ୪୦ ବର୍ଷୀୟ ମହିଳା ଏଡ୍ୟୁ ଚ୍ୟାପିଙ୍ଗଙ୍କ ଉପରେ ମରଣାନ୍ତକ ଆକ୍ରମଣ କରିଥିଲା। ଏହି ଆକ୍ରମଣରେ ମହିଳା ଗୁରୁତର ଆହତ ହୋଇଥିଲେ। ପରେ ଚିକିତ୍ସାଧୀନ ସମୟରେ ତାଙ୍କର ମୃତ୍ୟୁ ହୋଇଥିଲା। ପୁଲିସ ମେଣ୍ଢାକୁ ଗିରଫ କରି କୋର୍ଟରେ ଉପସ୍ଥାପନ କରିଥିଲା। ଏବେ ଦୋଷୀ ମେଣ୍ଢା ତିନି ବର୍ଷ ପର୍ଯ୍ୟନ୍ତ ସେନା କ୍ୟାମ୍ପରେ ବନ୍ଦୀ ରହିବ। ମୁକ୍ତ ହେବାପରେ ମେଣ୍ଢାକୁ ମୃତକଙ୍କ ପରିବାରକୁ ଦିଆଯିବ।

ନୂଆଦିଲ୍ଲୀ: ଆଫ୍ରିକାର ବୋତ୍ସାନାରେ ମିଳିଛି ଦୁନିଆର ତୃତୀୟ ସର୍ବବୃହତମ ହୀରା । ୧୦୯୮ କ୍ୟାରେଟର ଏକ ମୂଲ୍ୟବାନ ପଥର ଏଠାରେ ଖୋଳାଯିବା ବେଳେ ମିଳିଥିଲା । ଏହାକୁ ସଫା କରାଯିବା ପରେ ଏହା ଦୁର୍ଲଭ ଶ୍ରେଣୀର ହୀରା ବୋଲି ଜଣାପଡିଥିଲା । ବୁଧବାର ଦେବସ୍ୱାନା ଡାଇମଣ୍ଡ କମ୍ପାନୀର ମ୍ୟାନେଜିଂ ଡାଇରେକ୍ଟର ଲାଇନେଟ ଆର୍ମଷ୍ଟ୍ରଙ୍ଗ ଏହି ସୂଚନା ଦେଇଥିଲେ ।

ସେଠାକାର ରାଷ୍ଟ୍ରପତି ମୋକେଗୱିଟିସ ମାସିସିଙ୍କୁ ଏହି ମୂଲ୍ୟବାନ ହୀରା ଦେଖା ଯାଇଥିଲା । ପୃଥିବୀର ସବୁଠାରୁ ବୃହତମ ହୀରା ଦକ୍ଷିଣ ଆଫ୍ରିକାରେ ୧୯୦୫ରେ ମିଳିଥିଲା । ଏହା ୩୧୦୬ କ୍ୟାରେଟ କୁଲିନାନ ହୀରା ଥିଲା । ୨୦୧୫ରେ ବୋତ୍ସାନାରେ ୧୧୦୯ କ୍ୟାରେଟ ଳେସେଡି ଲା ରୋନା ଶ୍ରେଣୀର ଥିଲା । ଏବେ ମିଳିଥିବା ହୀରାର ନାମ ଏବଂ ଶ୍ରେଣୀ ପ୍ରକାଶ କରାଯାଇ ନାହିଁ ।