ମୁମ୍ବାଇ : ପଶ୍ଚିମବଙ୍ଗ ପରେ ଏବେ ମହାରାଷ୍ଟ୍ରରେ ସକ୍ରିୟ ହୋଇଛି ପ୍ରବର୍ତ୍ତନ ନିଦ୍ଦେଶାଳୟ(ଇଡି) । ରବିବାର ସକାଳୁ ଶିବସେନା ନେତା ତଥା ରାଜ୍ୟ ସଭା ଏମପି ସଞ୍ଜୟ ରାଉତଙ୍କ ଘରେ ଇଡି ପକ୍ଷରୁ ଚଢାଉ କରାଯାଇଛି । ପାତ୍ର ଚାୱଲା ଜମି ଦୁର୍ନିତି ମାମଲାରେ ଏହି ଚଢାଉ କରାଯାଉଛି । ଏହାରି ଭିତରେ ସଞ୍ଜୟ ରାଉତ କିଛି ଟୁଇଟ କରିଛନ୍ତି । ସେ ଅଭିଯୋଗ କରିଛନ୍ତି, ମୋ ବିରୋଧରେ ମିଛ ପ୍ରମାଣ ଏକାଠି କରି ଭୁଲ କାର୍ଯ୍ୟାନୁଷ୍ଠାନ ନିଆଯାଉଛି ।

ସେ ଟୁଇଟରେ ଲେଖିଛନ୍ତି, ଭୁଲ କାର୍ଯ୍ୟାନୁଷ୍ଠାନ, ମିଛ ପ୍ରମାଣ, ମୁଁ ଶିବସେନା ଛାଡିବି ନାହିଁ । ମୁଁ ମରିଗଲେ ବି ସମର୍ପଣ କରିବି ନାହିଁ । ଜୟ ମହାରାଷ୍ଟ୍ର.. ମହାରାଷ୍ଟ୍ର ଓ ଶିବସେନାର ଲଢେଇ ଜାରି ରହିବ । କେବଳ ଏତିକି ନୁହେଁ ଶିବସେନା ନେତାଙ୍କ ପକ୍ଷରୁ ଦଳୀୟ ଚିହ୍ନକୁ ଟୁଇଟ କରାଯାଇ ଲେଖାଯାଇଛି, ଶିବସେନା କେବେ ଛାଡିବି ନାହିଁ ।

ମହାରାଷ୍ଟ୍ରରେ ଶିବସେନା ବିଧାୟକ ଦିଲ୍ଲୀପ ଲାଣ୍ଡେଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ବେସ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଜଣେ ଠିକାଦାରକୁ ଅଳିଆ ଗଦା ଉପରେ ବସାଇବା ଏବଂ ଡ୍ରେନ୍ ସଠିକ୍ ପରିଷ୍କାର ନହେଲେ ଏହା ଉପରେ ଅଳିଆ ଫିଙ୍ଗିଥିବାର ଦେଖାଯାଉଛି ।

ସୂଚନାନୁଯାୟୀ, ଚାନ୍ଦିବାଲୀ ଅଞ୍ଚଳରେ ନାଳ ଠିକରେ ସଫା ନହେବା କାରଣରୁ ଲୋକମାନଙ୍କ ଘରେ ନାଳ ପାଣି ପଶୁଥିବା ନେଇ ବାରମ୍ବାର ବିଧାୟକ ଦିଲ୍ଲୀପ ଲାଣ୍ଡେଙ୍କ ଠାରେ ଅଭିଯୋଗ କରୁଥିଲେ । ଏଥିରେ ରାଗିଯାଇ ବିଧାୟକ ତାଙ୍କ କର୍ମଚାରୀଙ୍କ ସହ ସେଠାରେ ପହଞ୍ଚି ସ୍ଥିତିର ଅନୁଧ୍ୟାନ କରିଥିଲେ । ନାଳ ଠିକରେ ସଫା ନହେବା ଦେଖି ବିଧାୟକ ତାଙ୍କ କାର୍ଯ୍ୟକର୍ତ୍ତାଙ୍କ ସହ ସଫେଇ କରି ଏବଂ ସେଠାକାର ସଫେଇ ଠିକାଦାରଙ୍କୁ ଡକାଇ ଥିଲେ । ଠିକାଦାରଙ୍କୁ କାମ କାହିଁକି ଠିକରେ ହୋଇନାହିଁ ବୋଲି ପଚାରିଥିଲେ । ହେଲେ ଠିକାଦାର ସନ୍ତୋଷଜନକ ଉତ୍ତର ଦେଇ ନପାରିବାରୁ ତାଙ୍କୁ ନାଳ ନିକଟରେ ବସାଇ ତାଙ୍କ ଉପରେ ନାଳରୁ ବାହାରିଥିବା ଅବର୍ଜନା କୁଢାଇ ଦେଇଥିଲେ ।

କଣ୍ଟ୍ରାକ୍ଟରଙ୍କ ଉପରେ ଅଳିଆ ପକାଇବା ଘଟଣା ପରେ ସୋସିଆଲ ମିଡିଆରେ ତାଙ୍କୁ କଡା ସମାଲୋଚନା କରାଯାଇଛି । ସମାଲୋଚିତ ହେବା ପରେ ବି ବିଧାୟକ କ୍ଷମା ନମାଗି ସଫେଇ ଦେଇଛନ୍ତି କି ‘ଲୋକଙ୍କ ଦୁଖ ଦୂର କରିବା ପାଇଁ କଣ୍ଟ୍ରାକ୍ଟର କାମ କରିନାହାଁନ୍ତି । ଏଭଳି ପରିସ୍ଥିତିରେ ଲୋକଙ୍କ ଦୁଖ ଦୂର କରିବା ଆମର ଦାୟିତ୍ବ ହୋଇଯାଏ । ମୋ ପାଖରେ ବାରମ୍ବାର ଅଭିଯୋଗ ପହଂଚିବାରୁ ମୁଁ ଦଳୀୟ କର୍ମୀମାନଙ୍କୁ ଡାକି ନାଳ ସଫା କରାଇଲି ।