ବଲିଉଡ୍ ଅଭିନେତ୍ରୀ କରିନା କପୁର ‘ସୀତା’ ଭୂମିକା ପାଇଁ ଏବେ ସାମାଜିକ ଗଣମାଧ୍ୟମରେ ବେଶ୍‌ ଚର୍ଚ୍ଚାରେ । ‘ରାମାୟଣ’ ପୃଷ୍ଠଭୂମି ଉପରେ ଏକ ଫିଲ୍ମ ନିର୍ମାଣ ହେବାକୁ ଯାଉଛି ଏବଂ ଏଥିରେ ସୀତା ଭାବେ କରିନା ଅଭିନୟ କରିବେ ବୋଲି ଚର୍ଚ୍ଚା ହେଉଛି। ଏହି ଖବର ସୋସିଆଲ ମିଡିଆରେ ପ୍ରକାଶ ପାଇବା ପରେ ଅନେକ ଏଥିପାଇଁ କରିନାଙ୍କୁ ଟ୍ରୋଲ କରିଥିଲେ। କରିନା ଜଣେ ମୁସଲିମ୍‌ଙ୍କୁ ବିବାହ କରିଥିବାରୁ ସେ ଏହି ଭୂମିକା କରିପାରିବେ ନାହିଁ ବୋଲି ଅନେକ ୟୁଜର୍ସ କହିଥିଲେ। କେବଳ ସେତିକି ନୁହେଁ, କରିନା ଏହି ଭୂମିକା ପାଇଁ ତାଙ୍କର ପାରିଶ୍ରମିକ ବୃଦ୍ଧି କରିଥିବା ସହ ଏଥିପାଇଁ ସେ ୧୨ କୋଟି ଟଙ୍କା ନେବେ ବୋଲି ମଧ୍ୟ ଖବର ପ୍ରକାଶ ପାଇଥିଲା। ଅବଶ୍ୟ ପାରିଶ୍ରମିକ ପ୍ରସଙ୍ଗ ଉପରେ ତାପସୀ ପନ୍ନୁ, ପୂଜା ହେଗ୍‌ଡେ, ପ୍ରିୟାମଣି ଆଦି ଅଭିନେତ୍ରୀମାନେ କରିନାଙ୍କ ସମର୍ଥନରେ ବାହାରିଥିଲେ।

ଏହି ଅଭିନେତ୍ରୀମାନେ କହିଥିଲେ ଯେ, ଦୀର୍ଘଦିନରୁ ଇଣ୍ଡଷ୍ଟ୍ରୀରେ ଅଭିନେତା ଓ ଅଭିନେତ୍ରୀଙ୍କ ପାରିଶ୍ରମିକକୁ ନେଇ ତର୍କ ଚାଲିଛି। କରିନାଙ୍କ ପାରିଶ୍ରମିକ ବୃଦ୍ଧିକୁ ନେଇ ଲୋକଙ୍କର କଟୁ ମନ୍ତବ୍ୟ ଏୟା ପ୍ରମାଣ କରୁଛି ଯେ, ସମାଜ ନାରୀ ଓ ପୁରୁଷଙ୍କୁ ନେଇ ଭିନ୍ନଭିନ୍ନ ମାନସିକତା ରଖୁଛି। ଏବେ ଏହି ବିବାଦ ଉପରେ ନିଜେ କରିନା ମୁହଁ ଖୋଲିଛନ୍ତି। ନିକଟରେ ଏକ ସାକ୍ଷାତକାର ସମୟରେ କରିନାଙ୍କୁ ଏହି ପ୍ରସଙ୍ଗ ଉପରେ ପଚରାଯିବାରୁ ସେ ବହୁତ କମ୍‌ କଥାରେ ବହୁତ କିଛି କହି ଦେଇଥିଲେ। ଯେତେବେଳେ କରିନାଙ୍କୁ ପଚାରାଗଲା ଆପଣ ସୀତା ରୋଲ୍‌ ପାଇଁ ୧୨ କୋଟି ଟଙ୍କା ନେଉଛନ୍ତି? ଏହି ଖବର କ’ଣ ଗୁଜବ ବୋଲି ପଚାରାଯିବାରୁ କରିନା ‘ହଁ’ ‘ହଁ’ କହି ସେହିକଥାରୁ ଓହରି ଯାଇଥିଲେ। କରିନାଙ୍କ ଏପରି କଥାରୁ ଜଣାପଡୁଛି ଯେ, ନା ସେ ସୀତା ରୋଲ୍‌ରେ ନଜର ଆସିବେ ନା ସେଥÒପାଇଁ ୧୨ କୋଟି ଟଙ୍କା ନେଉଛନ୍ତି।

ବଲିଉଡ୍ ଫିଲ୍ମ ନିର୍ମାତା ମଧୁ ମଣ୍ଟେନାଙ୍କ ବହୁପ୍ରତୀକ୍ଷିତ ଫିଲ୍ମ ‘ରାମାୟଣ’ କୁ ନେଇ ଏବେ ଚର୍ଚ୍ଚା ଜୋର୍ ଧରିଛି । ମଧୁଙ୍କର ଏହି ବହୁ ପ୍ରତିକ୍ଷୀତ ଫିଲ୍ମ ବଲିଉଡ୍‌ର ଏକ ମେଗା ପ୍ରୋଜେକ୍ଟ ଫିଲ୍ମ ହେବ । ଏଥ୍‌ରେ ସାଉଥ ସୁପରଷ୍ଟାର ମହେଶ ବାବୁ ଏବଂ ବଲିଉଡ୍ ଅଭିନେତା ପ୍ରିତିକ୍ ରୋଶନ ଲିଡ୍ ରୋଲ୍‌ରେ ନଜର ଆସିବେ। ‘ରାମାୟଣ’ରେ ମହେଶ ବାବୁ ରାମ ଓ ଡ୍ରିତିକ୍ ରାବଣ ଭୂମିକାରେ ନଜର ଆସିବେ । ଆଉ ସୀତା ଭୂମିକା ଲାଗି ଦୀପିକା ପାହ୍ୟୁକୋନ୍‌ଙ୍କ ନାଁ ପ୍ରଥମେ ଚର୍ଚ୍ଚା ହେଉଥିଲା ।

କିନ୍ତୁ ଶେଷ ମୁହୂର୍ତ୍ତରେ ଦୀପିକାଙ୍କୁ ବାଦ୍ ଦିଆଯାଇ କରିନା କପୁର ଖାନ୍‌ଙ୍କୁ ସୀତା ଭୂମିକା ପାଇଁ ଚୟନ କରାଯାଇଛି। ଫିଲ୍ମ ଲାଗି କରିନାଙ୍କୁ ୧୨କୋଟି ଟଙ୍କାର ଅଗ୍ରିମ ଚେକ୍ ମଧ୍ୟ ଦିଆଯାଇଛି ବୋଲି ଜଣାପଡିଛି। ଏଥିରେ ଡ୍ରିତିକ୍ ରାବଣ ଭୂମିକାରେ ଅଭିନୟ କରୁଥିବାରୁ ତାଙ୍କୁ ସଜ୍ଜାଇବା ନିମନ୍ତେ ହଲିଉଡ୍ ଫିଲ୍ମ ‘ଅବତାର’ର କଷ୍ଟ୍ୟମ୍ ଡିଜାଇନର୍‌ଙ୍କୁ ନିୟୋଜିତ କରାଯିବ । କରିନା ଏସ୍ ଏସ୍ ରାଜମୌଲୀଙ୍କ ପିତା ବିଜେନ୍ଦ୍ର ପ୍ରସାଦଙ୍କ ଫିଲ୍ମ ‘ସୀତା-ଦି ଇନକାଗନେଶନ’ରେ ସୀତା ଭୂମିକାରେ ଅଭିନୟ କରୁଛନ୍ତି ବୋଲି ଅନେକ ଦିନରୁ ସୋସିଆଲ ମିଡିଆରେ ଚର୍ଚ୍ଚା ହେଉଥିଲା । ଦୁଇଟି ଫିଲ୍ମ ମଧ୍ୟରୁ କେଉଁଥିରେ ବେଳେ ସୀତା ହେବାକୁ ପସନ୍ଦ କରୁଛନ୍ତି ତାହା ଅଗାମୀ ଦିନରେ ଜଣାପଡ଼ିବ ।