ଭୁବନେଶ୍ୱର: ବର୍ଷକରେ ୩୨ହଜାର ମହିଳା ବିରୋଧୀ ହିଂସା । ଗୋଟିଏ ବର୍ଷରେ ୩୨ ହଜାର ୬୮୭ ମହିଳା ବିରୋଧୀ ହିଂସା ପଞ୍ଜିକୃତ ହୋଇଥିବା ନେଇ ଗୃହରେ ଲିଖିତ ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ୨୦୨୫ ମସିହାର ମହିଳା ବିରୋଧୀ ଅପରାଧର ତଥ୍ୟ ରଖିଛନ୍ତି ମୁଖ୍ୟମନ୍ତ୍ରୀ । ୭୩୭୮ ଜଣ ମହିଳାଙ୍କୁ ଅପହରଣ କରାଯାଇଥିବାବେଳେ  ୭୩୮୨ ଜଣଙ୍କୁ ଅସଦାଚରଣ କରାଯାଇଥିବା କେଶ ପଞ୍ଜିକୃତ ହୋଇଛି । ୧୧୮୩ଟି  ଯୌନ ନିର୍ଯ୍ୟାତନା, ୫୪୧୯ ଅଣ ଯୌତୁକ ଜନିତ ନିର୍ଯାତନା, ୪୩୬୧ ଯୌତୁକଜନିତ ନିର୍ଯାତନା ସାମିଲ ଅଛି । ୨୯୯୪ଟି  ଧର୍ଷଣ ମାମଲା ପଞ୍ଜିକୃତ ହୋଇଥିବାବେଳେ ରାଜ୍ୟରେ ଆଇନ ଶୃଙ୍ଖଳା ବ୍ୟବସ୍ଥା ନେଇ ପ୍ରଶ୍ନ ଉଠିଛି ।