ଭୁବନେଶ୍ୱର: ବିଜେପି ସରକାର ଆସିବା ପରଠାରୁ ଶିଶୁ ନିଖୋଜ ମାମଲା ବଢ଼ିବାରେ ଲାଗିଛି । 2024 ରେ 6838 ଶିଶୁ ନିଖୋଜ ହୋଇଥିବାବେଳେ 5942 ଜଣ ଉଦ୍ଧାର ହୋଇଥିଲେ । ହେଲେ 2025ରେ ଶିଶୁ ନିଖୋଜ ସଂଖ୍ୟା ବଢ଼ି 8206 ରେ ପହଁଚିଲା । ସେଥିରୁ 6036 ଜଣ ଉଦ୍ଧାର ହୋଇଥିଲେ । ସେପଟେ କମିସନରେଟ ପୋଲିସର ପାରିବାପଣିଆ ବି ଟାର୍ଗେଟରେ ଅଛି । ଭୁବନେଶ୍ୱରରେ ହତ୍ୟାକାଣ୍ଡ ମାମଲା କମିଥିବାବେଳେ କଟକରେ ବଢ଼ି ଚାଲିଛି । 2024 ରେ କଟକରେ 21 ଟି ହତ୍ୟା ମାମଲା ପଞ୍ଜିକୃତ ହୋଇଥିଲା । ଏହି ସଂଖ୍ୟା 2025 ରେ ବଢ଼ି 24 ରେ ପହଁଚିଲା ।ଭୁବନେଶ୍ୱରରେ ହତ୍ୟାକାଣ୍ଡ ସଂଖ୍ୟା ଅଧିକ ରହିଥିଲେ ବି 2024 ତୁଳନାରେ 2025 ରେ ଏହା କମିଛି । 2024 ରେ ଭୁବନେଶ୍ୱରରେ 43 ଟି ହତ୍ୟାକାଣ୍ଡ ମାମଲା ପଞ୍ଜିକରଣ ହୋଇଥିଲା । ଯାହା 2025 ରେ କମି 33 ରେ ରହିଲା । ଗୃହରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଲିଖିତ ଉତ୍ତରରୁ ଏହା ସ୍ପଷ୍ଟ ହୋଇଛି ।