ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ବହୁ ପ୍ରତୀକ୍ଷିତ ଡାର୍କ ଫାଣ୍ଟାସୀ ଫିଲ୍ମ କଥାନାର: ଦି ୱାଇଲ୍ଡ ସର୍ସରର୍ ର ହିନ୍ଦୀ ତଥା ଅନ୍ୟାନ୍ୟ ଭାଷାର ଟିଜର୍ ଆନୁଷ୍ଠାନିକ ଭାବେ ରିଲିଜ୍ ହୋଇଛି। ଏହି ଫିଲ୍ମରେ ମୁଖ୍ୟ ଭୂମିକାରେ ଲୋକପ୍ରିୟ ଅଭିନେତା ଜୟସୂର୍ଯ୍ୟ ଏବଂ ସୁନ୍ଦରୀ ଅଭିନେତ୍ରୀ ଅନୁଷ୍କା ଶେଟ୍ଟୀ ନଜର ଆସିବେ। ୟୁଟ୍ୟୁବ୍‌ରେ ଏହି ଫିଲ୍ମର ଦମଦାର୍ ଟିଜର୍ ରିଲିଜ୍ ହେବା ପରେ ଦର୍ଶକଙ୍କ ମଧ୍ୟରେ ଉତ୍କଣ୍ଠା ବୃଦ୍ଧି ପାଇଛି।

୯ମ ଶତାବ୍ଦୀର ଯାଦୁକରୀ କାହାଣୀ

ଏହି ଫିଲ୍ମଟି ଏକ ଏପିକ୍ ଡାର୍କ ଫାଣ୍ଟାସୀ (Epic Dark Fantasy) ଉପରେ ଆଧାରିତ। କାହାଣୀଟି ମୁଖ୍ୟତଃ ୯ମ ଶତାବ୍ଦୀର ଜଣେ କିମ୍ବଦନ୍ତୀ ଖ୍ରୀଷ୍ଟିୟାନ ପୁରୋହିତ କାଡାମାଟ୍ଟାଥୁ କଥାନାରଙ୍କ ଜୀବନୀ ଉପରେ ପର୍ଯ୍ୟବସିତ, ଯାହାଙ୍କ ପାଖରେ ଅଦ୍ଭୁତ ଯାଦୁକରୀ ଶକ୍ତି ଥିବା ବିଶ୍ୱାସ କରାଯାଏ। ଫିଲ୍ମରେ ଜୟସୂର୍ଯ୍ୟ କଥାନାର ଭୂମିକାରେ ଅଭିନୟ କରୁଥିବା ବେଳେ ଅନୁଷ୍କା ଶେଟ୍ଟୀ ନୀଲି ନାମକ ଏକ ଗୁରୁତ୍ୱପୂର୍ଣ୍ଣ ଚରିତ୍ରରେ ଅଭିନୟ କରୁଛନ୍ତି।

ନିର୍ଦ୍ଦେଶନା ଏବଂ ଷ୍ଟାର୍‌କାଷ୍ଟ

ଫିଲ୍ମଟିର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଦକ୍ଷ ନିର୍ଦ୍ଦେଶକ ରୋଜିନ୍ ଥୋମାସ୍। ଶ୍ରୀ ଗୋକୁଲମ୍ ମୁଭିଜ୍ ବ୍ୟାନର୍‌ରେ ଗୋକୁଲମ୍ ଗୋପାଳନ୍ ଏହି ବିଗ୍ ବଜେଟ୍ ଫିଲ୍ମର ପ୍ରଯୋଜନା କରୁଛନ୍ତି। ଏହି ଫିଲ୍ମରେ ଦର୍ଶକମାନେ ସାଉଥ୍ ସୁପରଷ୍ଟାର୍ ମୋହନଲାଲ୍ (ଆବୋ ଭୂମିକାରେ) ଏବଂ ନୃତ୍ୟ ନିର୍ଦ୍ଦେଶକ ତଥା ଅଭିନେତା ପ୍ରଭୁଦେବାଙ୍କୁ ଅତିଥି କଳାକାର (Cameo) ଭାବେ ଦେଖିବାକୁ ପାଇବେ। ଅନ୍ୟମାନଙ୍କ ମଧ୍ୟରେ ସ୍ନୁପ୍ ସନ୍ତୋଷ, ବିଷ୍ଣୁ ପ୍ରିୟା ଥୋପ୍ପିଲ୍, ନୀତୀଶ ଭରଦ୍ୱାଜ ଏବଂ ବିନୀତ ପ୍ରମୁଖ ଅଭିନୟ କରୁଛନ୍ତି। ନୀଲ୍ ଡି' କୁହ୍ନାଙ୍କ ସିନେମାଟୋଗ୍ରାଫୀ ଏବଂ ରାହୁଲ୍ ସୁବ୍ରମଣ୍ୟମଙ୍କ ସଙ୍ଗୀତ ନିର୍ଦ୍ଦେଶନା ଫିଲ୍ମର ଟିଜର୍‌କୁ ଆହୁରି ଆକର୍ଷଣୀୟ କରିପାରିଛି।

ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ଅଭିନେତ୍ରୀ ଅନୁଷ୍କା ଶେଟ୍ଟୀଙ୍କ ବିବାହକୁ ନେଇ ପୁଣି ଥରେ ଚର୍ଚ୍ଚା ଜୋର ଧରିଛି। 'ବାହୁବଲୀ'ରେ ଦେବସେନା ଭୂମିକାରେ ଅଭିନୟ କରି ଦର୍ଶକଙ୍କ ହୃଦୟ ଜିଣିଥିବା ଅନୁଷ୍କା ୪୪ ବର୍ଷ ବୟସରେ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ତେବେ ସବୁଠାରୁ ବଡ଼ କଥା ହେଉଛି ଯେ, ସେ ତାଙ୍କର କଥିତ ପ୍ରେମିକ ତଥା ସାଉଥ୍ ସୁପରଷ୍ଟାର ପ୍ରଭାସଙ୍କୁ ନୁହେଁ, ବରଂ ଜଣେ ପ୍ରତିଷ୍ଠିତ ବ୍ୟବସାୟୀଙ୍କୁ ବିବାହ କରିବେ ବୋଲି ଖବର ମିଳିଛି।

ପରିବାରର ସହମତିରେ ହେବ ବିବାହ

ମିଡିଆ ରିପୋର୍ଟ ଅନୁଯାୟୀ, ଅନୁଷ୍କାଙ୍କ ହେବାକୁ ଥିବା ସ୍ୱାମୀ ଫିଲ୍ମ ଇଣ୍ଡଷ୍ଟ୍ରିର ନୁହଁନ୍ତି। ସେ ବେଙ୍ଗାଲୁରୁର ଜଣେ ସଫଳ ବିଜନେସମ୍ୟାନ୍ (ବ୍ୟବସାୟୀ) ଏବଂ ଅନୁଷ୍କାଙ୍କ ପରିବାର ସହ ତାଙ୍କର ପୂର୍ବରୁ ଭଲ ସମ୍ପର୍କ ରହିଛି। ବର୍ତ୍ତମାନ ଉଭୟ ପରିବାର ମଧ୍ୟରେ ବିବାହକୁ ନେଇ ଆଲୋଚନା ଚାଲିଥିବା ବେଳେ ଏହା ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ଯଦି ସବୁକିଛି ଠିକ୍ ରହେ, ତେବେ ୨୦୨୬ ମସିହାରେ ହିଁ ଅନୁଷ୍କା ନିଜ ଜୀବନର ଏହି ନୂଆ ଅଧ୍ୟାୟ ଆରମ୍ଭ କରିବେ। ଏହି ବିବାହ ଉତ୍ସବ ସମ୍ପୂର୍ଣ୍ଣ ଘରୋଇ ଭାବେ ଅନୁଷ୍ଠିତ ହେବ, ଯେଉଁଥିରେ କେବଳ ପରିବାର ସଦସ୍ୟ ଏବଂ କିଛି ଘନିଷ୍ଠ ବନ୍ଧୁ ସାମିଲ ହେବେ।

ପ୍ରଭାସଙ୍କ ସହ ଯୋଡ଼ା ଯାଉଥିଲା ନାଁ

ଦୀର୍ଘ ବର୍ଷ ଧରି ଅନୁଷ୍କା ଶେଟ୍ଟୀ ଏବଂ ପ୍ୟାନ୍-ଇଣ୍ଡିଆ ଷ୍ଟାର ପ୍ରଭାସଙ୍କ ସମ୍ପର୍କକୁ ନେଇ ଖୁବ୍ ଗୁଜବ ସୃଷ୍ଟି ହୋଇଥିଲା। ବିଶେଷ କରି 'ବାହୁବଲୀ: ଦ ବିଗିନିଂ' ଏବଂ 'ବାହୁବଲୀ: ଦ କନକ୍ଲୁଜନ୍' ଚଳଚ୍ଚିତ୍ରର ଅପାର ସଫଳତା ପରେ ଉଭୟଙ୍କ ଅନ୍-ସ୍କ୍ରିନ୍ କେମେଷ୍ଟ୍ରିକୁ ଦର୍ଶକ ଖୁବ୍ ପସନ୍ଦ କରିଥିଲେ। ଅନେକ ପ୍ରଶଂସକ ଆଶା କରିଥିଲେ ଯେ ଏହି ଯୋଡ଼ି ରିଅଲ୍ ଲାଇଫରେ ମଧ୍ୟ ଏକାଠି ହେବେ। କିନ୍ତୁ ଉଭୟ କଳାକାର ଏହି ଖବରକୁ ବାରମ୍ବାର ଖଣ୍ଡନ କରିବା ସହ ନିଜକୁ କେବଳ 'ଭଲ ବନ୍ଧୁ' ବୋଲି କହିଥିଲେ। ବର୍ତ୍ତମାନ ଅନୁଷ୍କା ଜଣେ ବ୍ୟବସାୟୀଙ୍କୁ ବିବାହ କରିବା ଖବର ପ୍ରକାଶ ପାଇବା ପରେ ପ୍ରଭାସଙ୍କ ଫ୍ୟାନ୍ସମାନେ ସାମାନ୍ୟ ନିରାଶ ହୋଇଛନ୍ତି।

ଅଫିସିଆଲ୍ ଘୋଷଣାକୁ ଅପେକ୍ଷା

ଯଦିଓ ବିବାହକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି, ତଥାପି ଏଯାଏଁ ଅନୁଷ୍କା ଶେଟ୍ଟୀ କିମ୍ବା ତାଙ୍କ ଟିମ୍ ପକ୍ଷରୁ କୌଣସି ବିଧିବଦ୍ଧ ଘୋଷଣା କରାଯାଇନାହିଁ। ନିଜର ବ୍ୟକ୍ତିଗତ ଜୀବନକୁ ଗୋପନୀୟ ରଖିବାକୁ ପସନ୍ଦ କରୁଥିବା ଏହି ଅଭିନେତ୍ରୀଙ୍କ ଆଧିକାରୀକ ବୟାନକୁ ପ୍ରଶଂସକମାନେ ଅପେକ୍ଷା କରିଛନ୍ତି। ୱାର୍କ ଫ୍ରଣ୍ଟ କଥା କହିବାକୁ ଗଲେ, ଅନୁଷ୍କା ଶେଷଥର ପାଇଁ 'ମିସ୍ ଶେଟ୍ଟୀ ମିଷ୍ଟର ପୋଲିଶେଟ୍ଟୀ' ଏବଂ 'ଘାଟୀ' ଭଳି ଚଳଚ୍ଚିତ୍ରରେ ନଜର ଆସିଥିଲେ। ଖୁବଶୀଘ୍ର ସେ 'କଥାନାର - ଦ ୱାଇଲ୍ଡ ସର୍ସରର୍' ଜରିଆରେ ମାଲାୟାଲମ୍ ସିନେମା ଜଗତରେ ଡେବ୍ୟୁ କରିବାକୁ ଯାଉଛନ୍ତି |