ଟଲିଉଡର ଲୋକପ୍ରିୟ ଅଭିନେତା ବେଲମକୋଣ୍ଡା ସାଇ ଶ୍ରୀନିବାସ ନିକଟରେ ନିଜର ବାନ୍ଧବୀ କାବ୍ୟା ରେଡ୍ଡୀଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ବିବାହ ପରେ ସେ ସୋସିଆଲ ମିଡିଆରେ ନିଜ ପତ୍ନୀଙ୍କୁ ନିଆରା ଢଙ୍ଗରେ ପ୍ରଶଂସକମାନଙ୍କ ସହ ପରିଚିତ କରାଇଛନ୍ତି। ଇନଷ୍ଟାଗ୍ରାମରେ ବିବାହର ପ୍ରଥମ ଫଟୋ ସେୟାର କରି ସେ ଏକ ସ୍ୱତନ୍ତ୍ର କ୍ୟାପ୍ସନ ଲେଖିଛନ୍ତି। ଶ୍ରୀନିବାସ ଲେଖିଛନ୍ତି ଯେ, "ମୁଁ ନିର୍ମାଣ କରିଥିବା ସବୁକିଛି ମଧ୍ୟରେ, ମୁଁ ଏକ ବହୁତ ବଡ଼ ଜିନିଷ ପାଇଛି। ଦୁନିଆ, ମୋ ପତ୍ନୀଙ୍କୁ ଭେଟନ୍ତୁ।" ଏହା ସହିତ ସେ ହ୍ୟାସଟ୍ୟାଗ୍ ସହ ଲେଖିଛନ୍ତି "ନା ପେଲ୍ଲମ୍ ନିପ୍ପୁ ରା" (ମୋ ସ୍ତ୍ରୀ ନିଆଁ)। ସୂଚନାଯୋଗ୍ୟ ଯେ, ଏହା ତାଙ୍କର ୨୦୧୭ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ଜୟା ଜାନକୀ ନାୟକ'ର ଏକ ଲୋକପ୍ରିୟ ଡାଏଲଗ୍ "ନି କୁଥୁରୁ ନିପ୍ପୁ ରା" ସହିତ ମେଳ ଖାଉଛି।

ତିରୁମାଲାରେ ପାରମ୍ପରିକ ବିବାହ

୨୯ ଏପ୍ରିଲ ୨୦୨୬ ତାରିଖ ରାତି ୧୧:୧୩ ମିନିଟରେ ତିରୁମାଲା ସ୍ଥିତ କର୍ଣ୍ଣାଟକ ଭବନରେ ଶ୍ରୀନିବାସ ଏବଂ କାବ୍ୟାଙ୍କ ବିବାହ ସମ୍ପନ୍ନ ହୋଇଥିଲା। ଏହି ବିବାହ କେବଳ ପରିବାରର ଘନିଷ୍ଠ ସଦସ୍ୟ ଏବଂ କିଛି ସୀମିତ ବନ୍ଧୁବର୍ଗଙ୍କ ଉପସ୍ଥିତିରେ ଏକାନ୍ତରେ ଅନୁଷ୍ଠିତ ହୋଇଥିଲା। ବିବାହ ବେଦୀରେ ଉଭୟଙ୍କ ପୋଷାକ ବେଶ ଆକର୍ଷଣୀୟ ଥିଲା। ଶ୍ରୀନିବାସ ପାରମ୍ପରିକ ଆଇଭୋରୀ (ହାତୀଦାନ୍ତ ରଙ୍ଗ) ଏବଂ ସୁବର୍ଣ୍ଣ ରଙ୍ଗର ପୋଷାକ ସହ ସୁନାର ଚୋକର୍ ପିନ୍ଧିଥିବା ବେଳେ, କାବ୍ୟା ହୀରା ଅଳଙ୍କାର ସହିତ ଏକ କ୍ରିମ୍ ରଙ୍ଗର ଶାଢ଼ୀ ପିନ୍ଧିଥିଲେ।

ଟଲିଉଡ୍ ତାରକାଙ୍କ ମେଳିରେ ଗ୍ରାଣ୍ଡ ରିସେପ୍ସନ୍

ବିବାହ ପରେ ଏହି ନବଦମ୍ପତି ୧ ମେ ୨୦୨୬ ତାରିଖରେ ହାଇଦ୍ରାବାଦଠାରେ ଏକ ଗ୍ରାଣ୍ଡ ରିସେପ୍ସନ୍ ଆୟୋଜନ କରିଥିଲେ। ଏହି ଉତ୍ସବରେ ତେଲୁଗୁ ଚଳଚ୍ଚିତ୍ର ଜଗତର ଅନେକ ନାମୀଦାମୀ ତାରକା ଏବଂ ରାଜନୈତିକ ବ୍ୟକ୍ତିବିଶେଷ ଯୋଗ ଦେଇ ନବଦମ୍ପତିଙ୍କୁ ଆଶୀର୍ବାଦ ଦେଇଥିଲେ। ମେଗାଷ୍ଟାର ଚିରଞ୍ଜୀବୀ, ଅକ୍କିନେନି ନାଗାର୍ଜୁନ, ନାଗା ଚୈତନ୍ୟ, ଗୋପୀଚାନ୍ଦ, ମୋହନ ବାବୁ, ଅଲ୍ଲାରି ନରେଶ, ଏବଂ ଅଭିନେତ୍ରୀ କାଜଲ ଅଗ୍ରୱାଲ ପ୍ରମୁଖ ଏହି ସମାରୋହରେ ସାମିଲ ହୋଇଥିଲେ। ରିସେପ୍ସନ୍ ପାର୍ଟିରେ କାବ୍ୟା ଏକ ଚମକପୂର୍ଣ୍ଣ ସିଲଭର୍ ଲେହେଙ୍ଗାରେ ନଜର ଆସିଥିବା ବେଳେ ଶ୍ରୀନିବାସ ଏକ ଡାର୍କ ସୁଟ୍ ପିନ୍ଧିଥିଲେ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Sreenivas bellamkonda (@sreenivasbellamkonda)

ଟେଲିଭିଜନର ଲୋକପ୍ରିୟ ଅଭିନେତ୍ରୀ କୃତିକା କାମରା ଏବଂ କ୍ରୀଡ଼ା ଉପସ୍ଥାପକ ଗୌରବ କପୁର ନିକଟରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଗତ ମାର୍ଚ୍ଚ ୧୧ ତାରିଖରେ ମୁମ୍ବାଇସ୍ଥିତ ନିଜ ବାସଭବନରେ ଉଭୟଙ୍କର ବିବାହ ସମ୍ପନ୍ନ ହୋଇଥିଲା। ଏହାପରେ ମାର୍ଚ୍ଚ ୧୨ ତାରିଖରେ ନବଦମ୍ପତି ନିଜର ବନ୍ଧୁ ଏବଂ ସମ୍ପର୍କୀୟଙ୍କ ପାଇଁ ଏକ ଗ୍ରାଣ୍ଡ ରିସେପ୍ସନ (ପ୍ରୀତିଭୋଜନ) ଆୟୋଜନ କରିଥିଲେ। ଏହି କାର୍ଯ୍ୟକ୍ରମରେ ବଲିଉଡ ଏବଂ କ୍ରିକେଟ ଜଗତର ଅନେକ ନାମୀଦାମୀ ତାରକା ଯୋଗ ଦେଇଥିବା ଦେଖିବାକୁ ମିଳିଛି।

ରିସେପ୍ସନରେ ଯୋଗଦେଲେ ବହୁ ନାମୀଦାମୀ ତାରକା

କୃତିକା ଏବଂ ଗୌରବଙ୍କ ଏହି ରିସେପ୍ସନ ପାର୍ଟିରେ କ୍ରିକେଟ ଜଗତର ଦିଗ୍ଗଜ ଖେଳାଳି ସଚିନ ତେନ୍ଦୁଲକର, ସୁନୀଲ ଗାଭାସ୍କର, ଯୁବରାଜ ସିଂହ ଏବଂ ବିରେନ୍ଦ୍ର ସେହୱାଗ ପ୍ରମୁଖ ଉପସ୍ଥିତ ଥିଲେ। ସେହିପରି ମନୋରଞ୍ଜନ ଜଗତରୁ ମଲାଇକା ଆରୋରା, ନେହା ଧୂପିଆ, ଅଙ୍ଗଦ ବେଦୀ, ବିଦ୍ୟା ବାଲାନ, ସିଦ୍ଧାର୍ଥ ରୟ କପୁର, ଫରହାନ ଅଖତର ଏବଂ ଭେଟେରାନ ଅଭିନେତା ନସିରୁଦ୍ଦିନ ଶାହା ଓ ରତ୍ନା ପାଠକ ଶାହା ସାମିଲ ହୋଇଥିଲେ। ନବଦମ୍ପତିଙ୍କ ସହ ତାରକାମାନେ ଖୁବ୍ ମଜାମସ୍ତି ଏବଂ ଡ୍ୟାନ୍ସ କରୁଥିବାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି।

ନବଦମ୍ପତ୍ତିଙ୍କ ଆକର୍ଷଣୀୟ ଲୁକ୍

ରିସେପ୍ସନ ପାର୍ଟିରେ କୃତିକା ଏକ ଧଳା ରଙ୍ଗର ବଡି-ହଗିଙ୍ଗ୍ ଗାଉନ୍ ପିନ୍ଧିଥିଲେ, ଯାହା ସହ ହୀରାର ନେକଲେସ୍ ତାଙ୍କୁ ଏକ ଆକର୍ଷଣୀୟ ଲୁକ୍ ଦେଇଥିଲା। ଅନ୍ୟପଟେ ଗୌରବ ଏକ ବ୍ଲୁ ଫର୍ମାଲ ସୁଟ୍ ସହ ବ୍ଲାକ୍ ଟାଇରେ ଖୁବ୍ ହ୍ୟାଣ୍ଡସମ୍ ଲାଗୁଥିଲେ। କ୍ୟାମେରା ସାମ୍ନାରେ ଉଭୟ ପରସ୍ପରର ହାତ ଧରି ବେଶ ଖୁସିଥିବା ନଜର ଆସିଥିଲେ। ସୂଚନାଯୋଗ୍ୟ ଯେ, ବିବାହ ସମୟରେ କୃତିକା ତାଙ୍କ ମାଆଙ୍କ ଦ୍ୱାରା ଉପହାରରେ ମିଳିଥିବା ଏକ ନାଲି ରଙ୍ଗର ଚନ୍ଦେରୀ ଶାଢ଼ି ପିନ୍ଧିଥିବା ବେଳେ ଗୌରବ ଏକ ବେଜ୍ (beige) ରଙ୍ଗର ଶେରୱାନୀ ପିନ୍ଧିଥିଲେ।

ଗୁପ୍ତ ରହିଥିଲା ପ୍ରେମ କାହାଣୀ

ଉଭୟ ନିଜ ସମ୍ପର୍କକୁ ଦୀର୍ଘ ଦିନ ଧରି ଗୁପ୍ତ ରଖିଥିଲେ। ଗତ ୨୦୨୫ ମସିହା ଡିସେମ୍ବର ମାସରେ ସେମାନେ ଇନଷ୍ଟାଗ୍ରାମ ମାଧ୍ୟମରେ ନିଜ ପ୍ରେମ ସମ୍ପର୍କ ବିଷୟରେ ସର୍ବସାଧାରଣରେ ପ୍ରକାଶ କରିଥିଲେ। ମାର୍ଚ୍ଚ ୧୧ ତାରିଖରେ ମୁମ୍ବାଇର ବାନ୍ଦ୍ରା ସ୍ଥିତ ବାସଭବନର ଛାତ ଉପରେ ଏକାନ୍ତରେ କେବଳ ପରିବାର ଓ ନିକଟତର ବନ୍ଧୁମାନଙ୍କ ଉପସ୍ଥିତିରେ ଏହି ବିବାହ ସମ୍ପନ୍ନ ହୋଇଥିଲା। ବିବାହ ପରେ କୃତିକା ଓ ଗୌରବ ଇନଷ୍ଟାଗ୍ରାମରେ ଫଟୋ ସେୟାର କରି ଲେଖିଥିଲେ, "ଗତକାଲି ଆମେ ସବୁଦିନ ପାଇଁ ଏକାଠି ହେଲୁ"।