ଗ୍ଲୋବାଲ ଆଇକନ୍ ପ୍ରିୟଙ୍କା ଚୋପ୍ରା ନିକଟରେ କାନ୍ସ ଲାୟନ୍ସ କନଫରେନ୍ସରେ ଯୋଗ ଦେଇଥିଲେ, ଯେଉଁଠାରେ ସେ ତାଙ୍କ ଅଭିନୟ ଯାତ୍ରା ବିଷୟରେ ଖୋଲାଖୋଲି ଭାବେ ଆଲୋଚନା କରିଛନ୍ତି। ଏହି କାର୍ଯ୍ୟକ୍ରମରେ ବାର୍ତ୍ତାଳାପ ବେଳେ ଅଭିନେତ୍ରୀ ସ୍ୱୀକାର କରିଛନ୍ତି ଯେ ତାଙ୍କ ହଲିଉଡ୍ କ୍ୟାରିୟର ଏପର୍ଯ୍ୟନ୍ତ ବଲିଉଡରେ ସେ ସୃଷ୍ଟି କରିଥିବା ସଫଳତା ଏବଂ ଲିଗାସି ସହ ମେଳ ଖାଉନାହିଁ।

ବଲିଉଡରେ ଶହେରୁ ଅଧିକ ଫିଲ୍ମ

ନିଜ ଯାତ୍ରା ବିଷୟରେ ବିସ୍ତୃତ ଭାବରେ ବର୍ଣ୍ଣନା କରି ପ୍ରିୟଙ୍କା କହିଛନ୍ତି ଯେ ସେ ଭାରତୀୟ ଚଳଚ୍ଚିତ୍ର ଜଗତରେ ୧୦୦ ରୁ ଅଧିକ ଫିଲ୍ମରେ କାମ କରିଛନ୍ତି ଏବଂ ନିଜ ପାଇଁ ଏକ ଦୃଢ଼ ପରିଚୟ ସୃଷ୍ଟି କରିଛନ୍ତି। ତେବେ ହଲିଉଡ୍ କଥା ଆସିଲେ, ସେ ଅନୁଭବ କରୁଛନ୍ତି ଯେ ସେ ଏପର୍ଯ୍ୟନ୍ତ ସେଠାରେ ବିଶେଷ କିଛି କରିନାହାଁନ୍ତି। ସେ ସ୍ୱୀକାର କରିଛନ୍ତି ଯେ ସେ ଏବେ ବି ପାଶ୍ଚାତ୍ୟରେ ନିଜର ରାସ୍ତା ତିଆରି କରୁଛନ୍ତି ଏବଂ ଭାରତରେ ସେ ହାସଲ କରିଥିବା ଷ୍ଟାରଡମ୍ ସ୍ତରରେ ପହଞ୍ଚିବା ପାଇଁ ତାଙ୍କୁ ଆହୁରି ଅନେକ ଦୂର ଯିବାକୁ ପଡିବ।

ଷ୍ଟାଇଲିସ୍ ଅନ୍ଦାଜରେ ଆସିଲେ ନଜର

ନିଜର ପ୍ରଭାବଶାଳୀ ବକ୍ତବ୍ୟ ବ୍ୟତୀତ ପ୍ରିୟଙ୍କା ଚୋପ୍ରା ଏହି ଇଭେଣ୍ଟରେ ନିଜର ଅଲଟ୍ରା-ଏଲିଗେଣ୍ଟ ଫ୍ୟାଶନ୍ ପାଇଁ ମଧ୍ୟ ଧ୍ୟାନ ଆକର୍ଷଣ କରିଥିଲେ। ଏକ ମଲ୍ଟି-କଲର ସାଟିନ୍ ଡ୍ରେସ୍ ଏବଂ ପୋଲକା-ଡଟ୍ ଗାଉନ୍‌ରେ ସେ ବହୁତ ସୁନ୍ଦର ଦେଖାଯାଉଥିଲେ। ତାଙ୍କର ଏହି ଷ୍ଟାଇଲିସ୍ ଲୁକ୍ ପୁଣିଥରେ ପ୍ରମାଣିତ କରିଛି ଯେ ସେ କାହିଁକି ଜଣେ ଗ୍ଲୋବାଲ୍ ଫ୍ୟାଶନ୍ ଆଇକନ୍ ଭାବରେ ପରିଚିତ। ତାଙ୍କର ଏହି ସତ୍ୟବାଦୀ ସ୍ୱୀକାରୋକ୍ତି ଏବଂ ଷ୍ଟାଇଲିସ୍ ଅନ୍ଦାଜ ବର୍ତ୍ତମାନ ଇଣ୍ଟରନେଟରେ ଏକ ପ୍ରମୁଖ ଚର୍ଚ୍ଚାର ବିଷୟ ପାଲଟିଛି।

ହଲିଉଡର ଲୋକପ୍ରିୟ ତାରକା ଦମ୍ପତି ବ୍ଲେକ୍ ଲାଇଭ୍‌ଲି ଏବଂ ରିଆନ୍ ରେନୋଲ୍ଡସ୍ ଏବେ ଏକ ନୂଆ ବିବାଦରେ ଛନ୍ଦି ହୋଇପଡିଛନ୍ତି। ନିଜର ସ୍ୱପ୍ନର ବାସଭବନ ନିର୍ମାଣ କରୁଥିବା ଠିକାଦାରମାନଙ୍କୁ ପ୍ରାୟ ୨.୧ ନିୟୁତ ଡଲାରର ବକେୟା ଅର୍ଥ ନଦେବା ନେଇ ସେମାନଙ୍କ ଉପରେ ଗୁରୁତର ଅଭିଯୋଗ ଆସିଛି। ନ୍ୟୁୟର୍କର ଲୁଇସ୍‌ବୋରୋଠାରେ ଥିବା ଏହି ଅଧାଗଢ଼ା ୧୧୦ ଏକରର ବିଳାସପୂର୍ଣ୍ଣ ସମ୍ପତ୍ତିକୁ ନେଇ ଏବେ ଆଇନଗତ ଲଢ଼େଇ ଆରମ୍ଭ ହୋଇଛି।

ଠିକାଦାରଙ୍କ ଅଭିଯୋଗ ଓ ମାମଲା

ବିଭିନ୍ନ ରିପୋର୍ଟ ଅନୁଯାୟୀ, ଗତ ମାସରେ ପାଞ୍ଚ ଜଣ ଠିକାଦାର ଏବଂ ସବ୍-କଣ୍ଟ୍ରାକ୍ଟର ଏହି ଦମ୍ପତିଙ୍କ ବିରୋଧରେ ସେମାନଙ୍କ ପାଉଣା ନ ମିଳିବା ନେଇ ମାମଲା ରୁଜୁ କରିଛନ୍ତି। ୱେଷ୍ଟଚେଷ୍ଟର୍ କାଉଣ୍ଟିର ରେକର୍ଡ ଅନୁସାରେ ଏହି ମୋଟ ବକେୟା ରାଶି ୨.୧ ନିୟୁତ ଡଲାର ଅଟେ। ଏଥିମଧ୍ୟରୁ ସର୍ବାଧିକ ଦାବି ଫ୍ଲୋକନ୍ ଇନ୍‌କର୍ପୋରେସନ୍ (ଫ୍ଲାୱାର୍ କନ୍‌ଷ୍ଟ୍ରକ୍ସନ୍) ପକ୍ଷରୁ କରାଯାଇଛି, ଯାହାର ପରିମାଣ ହେଉଛି ୧.୩୫ ନିୟୁତ ଡଲାର। ଏହି କମ୍ପାନୀ ଫ୍ରେମିଂ, ଏଚଭିଏସି (HVAC) ସିଷ୍ଟମ୍, ପ୍ଲମ୍ବିଂ, ଇଲେକ୍ଟ୍ରିକାଲ୍ କାମ, ପେଣ୍ଟିଂ ଏବଂ ୱାଟରପ୍ରୁଫିଂ ଆଦି ବିଭିନ୍ନ ଗୁରୁତ୍ୱପୂର୍ଣ୍ଣ କାର୍ଯ୍ୟ କରିଥିଲା।

ସମ୍ପତ୍ତିର ବିବରଣୀ

ବ୍ଲେକ୍ ଏବଂ ରିଆନ୍ ଏହି ସମ୍ପତ୍ତିଟିକୁ ୨୦୧୮ ମସିହାରେ କିଣିଥିଲେ। ଏଥିରେ ଏକ ବିଶାଳ ୧୪,୫୦୦ ବର୍ଗଫୁଟର ମୁଖ୍ୟ ଘର, ୩,୩୦୬ ବର୍ଗଫୁଟର ପୁଲ୍ ହାଉସ୍ ଏବଂ ଏକ ୧,୭୦୨ ବର୍ଗଫୁଟର ଜିମ୍ ରହିଛି। ଅନ୍ୟାନ୍ୟ ଦାବିଗୁଡ଼ିକ ମଧ୍ୟରେ କଷ୍ଟମ୍ ତମ୍ବା ଛାତ ନିର୍ମାଣ, ଷ୍ଟ୍ରକଚରାଲ୍ ଷ୍ଟିଲ୍ ଫେବ୍ରିକେସନ୍ ଏବଂ ଜିଓଥର୍ମାଲ୍ ଖନନ ଭଳି କାମ ସାମିଲ ରହିଛି। ସୂଚନାଯୋଗ୍ୟ ଯେ, ଏହାର ନିର୍ମାଣ କାର୍ଯ୍ୟ ଅଧାରେ ଅଟକି ଯାଇଛି ଏବଂ ଏପର୍ଯ୍ୟନ୍ତ କୌଣସି ବିଲ୍ ପୈଠ ହୋଇଥିବାର ପ୍ରମାଣ ନାହିଁ।

ବିବାଦ ଘେରରେ ତାରକା ଦମ୍ପତି

ଏହି ଆର୍ଥିକ ସମସ୍ୟା ଏମିତି ଏକ ସମୟରେ ସାମ୍ନାକୁ ଆସିଛି, ଯେତେବେଳେ ବ୍ଲେକ୍ ଲାଇଭ୍‌ଲି ତାଙ୍କ ଚଳଚ୍ଚିତ୍ର 'ଇଟ୍ ଏଣ୍ଡ୍‌ସ ୱିଥ୍ ଅସ୍' (It Ends With Us) ର ନିର୍ଦ୍ଦେଶକ ତଥା ସହ-ଅଭିନେତା ଜଷ୍ଟିନ୍ ବାଲ୍‌ଡୋନିଙ୍କ ସହ ଏକ ଆଇନଗତ ବିବାଦର ସମ୍ମୁଖୀନ ହେଉଛନ୍ତି। ଏହି ଲଗାତାର ସମସ୍ୟା ଯୋଗୁଁ ହଲିଉଡର ଏହି ଲୋକପ୍ରିୟ ଯୋଡ଼ି ଏବେ ଗଣମାଧ୍ୟମର ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି।

ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ନିକଟରେ ଏକ ସାକ୍ଷାତକାରରେ ବଲିଉଡ ଛାଡିବାର ପ୍ରକୃତ କାରଣ ବିଷୟରେ ଖୁଲାସା କରିଛନ୍ତି। ନିଜ କ୍ୟାରିୟରର ଶୀର୍ଷରେ ଥିବା ସମୟରେ ସେ କାହିଁକି ହଠାତ ହଲିଉଡ ମୁହାଁ ହୋଇଥିଲେ, ସେ ନେଇ ଅନେକ ଦିନରୁ ଚର୍ଚ୍ଚା ଲାଗି ରହିଥିଲା। ଏବେ ପ୍ରିୟଙ୍କା କହିଛନ୍ତି ଯେ, ସେହି ସମୟରେ ତାଙ୍କୁ ଇଣ୍ଡଷ୍ଟ୍ରିରେ ସୀମିତ ଅନୁଭବ ହେଉଥିଲା ଏବଂ ସେଠାରେ ରହିଥିବା ରାଜନୀତି ବା ଗନ୍ଦଗୀ ମଧ୍ୟରେ ସେ ଆଉ ରହିବାକୁ ଚାହୁଁନଥିଲେ।

ବଲିଉଡର କଟୁ ଅନୁଭୂତି

ପ୍ରିୟଙ୍କା କହିଛନ୍ତି ଯେ, ବଲିଉଡରେ ସେହି ସମୟରେ ତାଙ୍କର କିଛି ସମ୍ପର୍କ ଭଲ ନଥିଲା ଏବଂ ତାଙ୍କୁ କୋଣଠେସା କରାଯାଇଥିଲା। ଅମାଣ୍ଡା ହିର୍ଶଙ୍କ ପୋଡକାଷ୍ଟ 'ନଟ୍ ସ୍କିନି ବଟ୍ ନଟ୍ ଫ୍ୟାଟ୍'ରେ ଯୋଗ ଦେଇ ସେ କହିଛନ୍ତି ଯେ, ମୋତେ ଗନ୍ଦଗୀ ବା କାଦୁଅରେ ରହିବାକୁ ପସନ୍ଦ ନୁହେଁ, କାରଣ ଏଥିରେ ରହିଲେ ଆପଣଙ୍କୁ ତା'ର ଗନ୍ଧରେ ଅଭ୍ୟସ୍ତ ହେବାକୁ ପଡେ। ସେ ପରିବର୍ତ୍ତନ ଉପରେ ବିଶ୍ୱାସ କରନ୍ତି ଏବଂ ଜୀବନ ଯେତେବେଳେ କଷ୍ଟକର ହୁଏ, ସେତେବେଳେ ନିଜକୁ ସମ୍ଭାଳି ଆଗକୁ ବଢିବା ଆବଶ୍ୟକ ବୋଲି ସେ ମତ ଦେଇଛନ୍ତି।

ଆଇଶ୍ୱର୍ଯ୍ୟା ରାୟଙ୍କୁ ନେଇ କହିଲେ ଏହି କଥା

ଯେତେବେଳେ ପ୍ରିୟଙ୍କାଙ୍କୁ ପଚରାଗଲା ଯେ ସେ ଆମେରିକୀୟ ଫିଲ୍ମ ଇଣ୍ଡଷ୍ଟ୍ରିରେ କାମ କରିବାକୁ କାହିଁକି ସ୍ଥିର କଲେ, ସେ ଆଇଶ୍ୱର୍ଯ୍ୟା ରାୟ ଏବଂ ମିଣ୍ଡି କାଲିଙ୍ଗଙ୍କ ନାମ ନେଇଥିଲେ। ସେ କହିଥିଲେ ଯେ ସେହି ସମୟରେ ହଲିଉଡରେ ଭାରତୀୟ କଳାକାରଙ୍କ ପ୍ରତିନିଧିତ୍ୱ ବହୁତ କମ ଥିଲା। ସେ ଜଣେ ନବମ ଶ୍ରେଣୀର ଝିଅ ଭଳି ଅନୁଭବ କରୁଥିଲେ ଯାହାର ଚେହେରା ସେଠାରେ ଅନ୍ୟମାନଙ୍କ ସହ ମିଶୁନଥିଲା। ଏହି ଅଭାବକୁ ଦୂର କରିବା ଏବଂ ନିଜର ସାମର୍ଥ୍ୟ ପରଖିବା ପାଇଁ ସେ ହଲିଉଡରେ କାମ ଖୋଜିବା ଆରମ୍ଭ କରିଥିଲେ।

୨୦୧୫ ମସିହାରେ 'କ୍ୱାଣ୍ଟିକୋ' ସିରିଜ ଜରିଆରେ ସେ ନିଜର ଆନ୍ତର୍ଜାତୀୟ ଯାତ୍ରା ଆରମ୍ଭ କରିଥିଲେ। ପ୍ରିୟଙ୍କାଙ୍କ କହିବା ଅନୁଯାୟୀ, ସେ ଜଣେ ପରିଶ୍ରମୀ ମଣିଷ ଏବଂ ନିଜ କାମକୁ ଭଲ ଭାବେ ଜାଣନ୍ତି। ବର୍ତ୍ତମାନ ସେ ତାଙ୍କର ଆଗାମୀ ଚଳଚ୍ଚିତ୍ର 'ବାରାଣସୀ' ପାଇଁ ପ୍ରସ୍ତୁତି ଚଳାଇଛନ୍ତି, ଯାହା ଆସନ୍ତା ବର୍ଷ ମୁକ୍ତିଲାଭ କରିବ।