ନୂଆଦିଲ୍ଲୀ: ମଧ୍ୟ ପ୍ରାଚ୍ୟ ସଙ୍କଟ ମଧ୍ୟରେ ଏୟାର ଇଣ୍ଡିଆ ଏହାର ଭଡ଼ା ବୃଦ୍ଧି କରିବ । ବିମାନ କମ୍ପାନୀ ଘରୋଇ ବିମାନ ଟିକଟ ଉପରେ ଇନ୍ଧନ ସରଚାର୍ଜ ଲାଗୁ କରିବ। ଇରାନ୍‌ ଯୁଦ୍ଧ ଯୋଗୁଁ ବିମାନ ଟର୍ବାଇନ୍‌ ଇନ୍ଧନ (ଏଟିଏଫ୍‌)ର ମୂଲ୍ୟ ବୃଦ୍ଧି ପରେ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ମାର୍ଚ୍ଚ ୧୨ରୁ ପ୍ରତ୍ୟେକ ଘରୋଇ ବିମାନ ଟିକଟ ଉପରେ ୩୯୯ ଟଙ୍କାର ଇନ୍ଧନ ସରଚାର୍ଜ ଲାଗୁ କରିବେ। ଅନ୍ତର୍ଜାତୀୟ ବିମାନ କ୍ଷେତ୍ରରେ ମଧ୍ୟ  ଇନ୍ଧନ ସରଚାର୍ଜ ବୃଦ୍ଧି କରାଯିବ। 

ମଙ୍ଗଳବାର ଜାରି ଏକ ବିବୃତ୍ତିରେ ବିମାନ କମ୍ପାନୀ ପକ୍ଷରୁ କୁହାଯାଇଛି ଯେ ନୂତନ ସରଚାର୍ଜ ବ୍ୟବସ୍ଥା ପର୍ଯ୍ୟାୟକ୍ରମେ କାର୍ଯ୍ୟକାରୀ କରାଯିବ। ପ୍ରଥମ ପର୍ଯ୍ୟାୟରେ, ମାର୍ଚ୍ଚ ୧୨ରୁ ଘରୋଇ ଏବଂ ଦକ୍ଷିଣ ଏସୀୟ ଆଞ୍ଚଳିକ ସହଯୋଗ ସଂଘ (ସାର୍କ) ବିମାନ ପାଇଁ ପ୍ରତି ଟିକଟରେ ୩୯୯ ଟଙ୍କାର  ଇନ୍ଧନ ସରଚାର୍ଜ ଲାଗୁ ହେବ। ବିବୃତ୍ତିରେ ଆହୁରି କୁହାଯାଇଛି ଯେ ପଶ୍ଚିମ ଏସିଆକୁ ଉଡ଼ାଣ ପାଇଁ ଏହି ସରଚାର୍ଜ ୧୦ ଡଲାର, ଆଫ୍ରିକା ପାଇଁ ୯୦ ଡଲାର ଏବଂ ଦକ୍ଷିଣ ପୂର୍ବ ଏସିଆ ପାଇଁ ୬୦ ଡଲାର ହେବ। ସିଙ୍ଗାପୁରକୁ ଉଡ଼ାଣ ସମେତ ଏହି ସମସ୍ତ ପରିବର୍ତ୍ତନ ମାର୍ଚ୍ଚ ୧୨ ତାରିଖରୁ କାର୍ଯ୍ୟକାରୀ ହେବ। ବର୍ତ୍ତମାନ, ସିଙ୍ଗାପୁର ସେବାରେ କୌଣସି ଇନ୍ଧନ ସରଚାର୍ଜ ଲାଗିନାହିଁ। ଏକ ବିମାନ କମ୍ପାନୀର ପରିଚାଳନା ଖର୍ଚ୍ଚର ପ୍ରାୟ ୪୦% ଥ଄ବା ବିମାନ ଟର୍ବାଇନ୍ ଇନ୍ଧନ ମୂଲ୍ୟରେ ଉଲ୍ଲେଖନୀୟ ବୃଦ୍ଧି ଘଟିଇଛି। ଏଡାଛଡା ଭାରତରେ, ଦିଲ୍ଲୀ ଏବଂ ମୁମ୍ବଇ ଭଳି ପ୍ରମୁଖ ମେଟ୍ରୋ ସହରଗୁଡ଼ିକରେ ଏଟିଏଫ୍‌ ଉପରେ ଉଚ୍ଚ ଉତ୍ପାଦ ଶୁଳ୍କ ଏବଂ ଭାଟ୍‌ ଲାଗୁ ଏହି ଚାପକୁ ଆହୁରି ବୃଦ୍ଧି କରୁଛି, ଯାହା ଦ୍ୱାରା ଖର୍ଚ୍ଚ ଉପରେ ପ୍ରଭାବ ବଢ଼ୁଛି। 

ଭୁବନେଶ୍ୱର: ଆଗାମୀ ୨ ଦିନ ମଧ୍ୟରେ ରାଜ୍ୟରେ ଦିନ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ ବଢ଼ିବ । ପରବର୍ତ୍ତୀ ୩ ଦିନରେ ମଧ୍ୟ ତାପମାତ୍ରାରେ ସେପରି ପରିବର୍ତ୍ତନ ହେବନି । ଏ ନେଇ ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ଜାରି ହୋଇଛି । ମାର୍ଚ୍ଚ ୧୦ ତାରିଖରୁ ମାର୍ଚ୍ଚ ୧୫ ତାରିଖ ପର୍ଯ୍ୟନ୍ତ ରାଜ୍ୟରେ ପାଗ ଶୁଖିଲା ରହିବ । 

ଗତ ୨୪ ଘଣ୍ଟା ମଧ୍ୟରେ ୩୭.୬ ଡିଗ୍ରୀ ସେଲସିୟସ ସହ ଝାରସୁଗୁଡ଼ା ସବୁଠୁ ଉତ୍ତପ୍ତ ସହର ପାଲଟିଛି । ସେହିଭଳି ରାୟଗଡ଼ାରେ ସର୍ବନିମ୍ନ ତାପମାତ୍ରା ୧୭.୪ ଡିଗ୍ରୀ ସେଲସିୟସ ରେକର୍ଡ ହୋଇଛି । ଅନ୍ୟପଟେ ଗତ ୨୪ ଘଣ୍ଟାରେ ଭୁବନେଶ୍ୱରରେ ସର୍ବାଧିକ ତାପମାତ୍ରା ୩୩.୭ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ବିଗତ ୨୪ ଘଣ୍ଟା ମଧ୍ୟରେ ରାଜ୍ୟର କିଛି କିଛି ସ୍ଥାନରେ ହାଲୁକା ବର୍ଷା ରେକର୍ଡ କରାଯାଇଛି । ଆଗାମୀ ୨୪ ଘଣ୍ଟା ମଧ୍ୟରେ ଓଡ଼ିଶାର ବିଭିନ୍ନ ଜିଲ୍ଲା ଯଥା ମୟୂରଭଞ୍ଜ, ବାଲେଶ୍ୱର, କେଉଁଝର ଓ ଭଦ୍ରକ ଜିଲ୍ଲାର କିଛି କିଛି ସ୍ଥାନରେ ହାଲୁକା ରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଏହାସହ ବିଜୁଳି ଘଡଘଡି ଏବଂ ୩୦ ରୁ ୪୦ କିଲୋମିଟର ପ୍ରତି ଘଣ୍ଟା ବେଗରେ ପବନ ବୋହିବାର ସମ୍ଭାବନା ରହିଛି । ଏଥିପାଇଁ ଏହି ୪ ଜିଲ୍ଲାକୁ ୟେଲୋ ୱାର୍ଣିଂ ଜାରି କରିଛି ପାଣିପାଗ ବିଜ୍ଞାନ କେନ୍ଦ୍ର ।