ଭୁବନେଶ୍ୱର: ହୋଟେଲ ଓ ରେଷ୍ଟୁରାଣ୍ଟକୁ ବ୍ୟବସାୟିକ ଗ୍ୟାସ ସିଲିଣ୍ଡର ଯୋଗଣ ବନ୍ଦ ପରେ ଚିନ୍ତାରେ ମାଲିକ । ହୋଟେଲ ଶିଳ୍ପକୁ ଗ୍ୟାସ ବନ୍ଦ ନକରିବାକୁ କେନ୍ଦ୍ର ପେଟ୍ରୋଲିୟମ ଓ ଗ୍ୟାସ ମନ୍ତ୍ରୀଙ୍କ ଉଦେଶ୍ୟରେ ଦାବିପତ୍ର ଦେଲା ଓଡ଼ିଶା ରେଷ୍ଟୁରାଣ୍ଟ ଓ ହୋଟେଲ ସଂଘ ହାରୋ। ବର୍ତ୍ତମାନ ପ୍ରାୟ ୨୦ ପ୍ରତିଶତ କମର୍ସିଆଲ ଗ୍ୟାସ ସପ୍ଲାଏ ବନ୍ଦ କରାଯାଇଛି ।  ଏଥିପାଇଁ ହୋଟେଲ ଓ ରେଷ୍ଟୁରାଣ୍ଟ ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଦେଶର ବଡ଼ ବଡ଼ ସହର ସବୁରେ ବର୍ତ୍ତମାନ ହୋଟେଲ ବନ୍ଦ ହେବା ଆରମ୍ଭ ହେଲାଣି ।  ଏହିଭଳି ସ୍ଥିତି ଲାଗି ରହିଲେ ଆସନ୍ତା ୨ ଦିନ ମଧ୍ୟରେ ଭୁବନେଶ୍ୱରରେ ମଧ୍ୟ ସମାନ ଅବସ୍ଥା ଦେଖିବାକୁ ମିଳିବ ।

ହୋଟେଲ ଓ ରେଷ୍ଟୁରାଣ୍ଟଗୁଡିକର ଦୈନନ୍ଦିନ କାର୍ଯ୍ୟ ସମ୍ପୂର୍ଣ୍ଣ ଭାବେ ବ୍ୟବସାୟିକ LPG ସିଲିଣ୍ଡର ଉପରେ ନିର୍ଭର କରେ। ମାତ୍ର ହଠାତ୍ ବ୍ୟବସାୟିକ ଗ୍ୟାସ ସିଲିଣ୍ଡର ଯୋଗାଣ ବନ୍ଦ କିମ୍ବା କମିଯିବାରୁ ହୋଟେଲରେ ଖାଦ୍ୟ ପ୍ରସ୍ତୁତି ଓ ସେବା ଗୁରୁତର ଭାବେ ପ୍ରଭାବିତ ହେଉଛି। ଏହି ପରିସ୍ଥିତି ଜାରି ରହିଲେ ଅନେକ ହୋଟେଲ ଓ ରେଷ୍ଟୁରାଣ୍ଟକୁ ବନ୍ଦ କରିବାକୁ ପଡ଼ିପାରେ, ବୁକିଂ ବାତିଲ ହେବାର ସମ୍ଭାବନା ରହିଛି। ଖାଲି ହୋଟେଲ ଇଣ୍ଡଷ୍ଟ୍ରି ନୁହେଁ ପର୍ଯ୍ୟଟନ କ୍ଷେତ୍ରକୁ ମଧ୍ୟ ଏହା କ୍ଷତିଗ୍ରସ୍ତ କରିବ। ଜରୁରୀ ଭାବରେ ବ୍ୟବସାୟିକ LPG ସିଲିଣ୍ଡର ଯୋଗାଣକୁ ପୁନରାରମ୍ଭ କରିବାକୁ ଓ ଏହାକୁ ସୁଚାରୁ ଭାବେ ଚାଲୁ ରଖିବାକୁ ସରକାରଙ୍କ ନିକଟରେ ଅନୁରୋଧ କଲା ହୋଟେଲ ଏବଂ ରେଷ୍ଟୁରାଣ୍ଟ ଆସୋସିଏସନ ଅଫ୍ ଓଡିଶା। ଓଡ଼ିଶାରେ ୫୦ ହଜାର ଲୋକ ହୋଟେଲ ଶିଳ୍ପରେ କାମ କରୁଛନ୍ତି। ହୋଟେଲ ବନ୍ଦ ହେଲେ ସେମାନେ ବେକାର ହେବେ। ହୋଟେଲ ଶିଳ୍ପକୁ ଗ୍ୟାସ ବନ୍ଦ ନ କରିବାକୁ କେନ୍ଦ୍ର ପେଟ୍ରୋଲିୟମ ଓ ଗ୍ୟାସ ମନ୍ତ୍ରୀଙ୍କୁ ଉଦେଶ୍ୟରେ ମେମୋରାଣ୍ଡମ ଦେଇଛି ହାରୋ। 

ଭୁବନେଶ୍ୱର: ଆୟକର ଟିକସ ଫାଙ୍କିବା ଅଭିଯୋଗରେ ରାଜ୍ୟର ୬ ରେସ୍ତୋରାଁରେ IT ଚଢ଼ାଉ । ପ୍ରାଥମିକ ଭାବେ ପାଖପାଖି ୫୦ କୋଟି ଟଙ୍କାର ଟିକସ ଫାଙ୍କିବା ନେଇ ପ୍ରମାଣ ପାଇଲା ଆୟକର ବିଭାଗ । ଭୁବନେଶ୍ୱର ଚନ୍ଦ୍ରଶେଖରପୁରରେ ଥିବା ଏମ୍ବାସି ବାର ଏବଂ ସ୍କାଏ ଲାଉଞ୍ଜ ବାର୍ଷିକ ୨୫ କୋଟି କାରବାର କରୁଥିବା ବେଳେ ୮୦ ପ୍ରତିଶତ ଟିକସ ଫାଙ୍କିବା ନେଇ ତଥ୍ୟ ପ୍ରମାଣପାଇଛି ଆୟକର ବିଭାଗ । ସେହିଭଳି ମହୀଶୂର ଏକ୍ସପ୍ରେସ ଓ ତନ୍ଦୁରୱାଲା ମଧ୍ୟ ବିପୁଳ ପରିମାଣର ଟିକସ ଠକେଇ କରିଥିବା ଆୟକର ବିଭାଗ ପ୍ରମାଣ ପାଇଛି । ପେଟପୂଜା ଆପ୍ ଜରିଆରେ ଏହି ରେଷ୍ଟୁରାଣ୍ଟ ଗୁଡିକ ଠକେଇ କରିବା ନେଇ ପ୍ରାଥମିକ ପ୍ରମାଣ ସହ ଆୟକର ବିଭାଗର ୧୫ଟି ଟିମ୍ କଟକ,  ଭୁବନେଶ୍ୱର, ପୁରୀର ୬ଟି ସ୍ଥାନରେ ଚଢାଉ କରିଥିଲା  । ୨୪ ଘଣ୍ଟା ଧରି ଖୋଳତାଡ଼ କରିବା ପରେ ଗୁରୁତ୍ୱପୂର୍ଣ୍ଣ କାଗଜପତ୍ର, କ୍ୟାସ ବୁକ୍, ବ୍ୟାଙ୍କ ସମ୍ବନ୍ଧିତ କାଗଜପତ୍ର ଆଦି ଜବତ କରିଛି ଚଢାଉକାରୀ ଦଳ । ମହୀଶୂର ଏକ୍ସପ୍ରେସ ମାଲିକ ଅଭୟ କୁମାର ନାୟକ ଓ  ଏମ୍ବାସି ବାର ଏବଂ ରେଣ୍ଟୁରାଣ୍ଟ , ସ୍କାଏ ଲାଉଞ୍ଜ ମାଲିକଙ୍କୁ ଜେରା ପରେ ଆୟକର ବିଭାଗ ଅଫିସରେ ହଜାର ପାଇଁ ନୋଟିସ କରାଯାଇଛି ।