ପୁରୀ: ପୁରୀ ଜିଲ୍ଲା କୋଣାର୍କ-କାକଟପୁର ରାସ୍ତାର ବଢ଼େଇ ଛକ ନିକଟରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଦୁଇ ଜଣ ସାଙ୍ଗଙ୍କର ଜୀବନ ଚାଲିଯାଇଛି। ଘଟଣାସ୍ଥଳରେ ଜଣେ ପ୍ରାଣ ହରାଇଥିବା ବେଳେ ଚିକିତ୍ସାଧୀନ ଅବସ୍ଥାରେ ଆଉ ଜଣଙ୍କର ମୃତ୍ଯୁ ଘଟିଛି। ମୃତକମାନେ ହେଲେ କାକଟପୁର ଥାନା ଅନ୍ତର୍ଗତ ଅଶୃଙ୍ଖଳା ଗ୍ରାମର ବଳରାମ ଖଟୋଇ ଓ ବେଲପାହାଡ଼ ଗୁମେଡେରା ଅଞ୍ଚଳର ଦିବ୍ୟରଞ୍ଜନ ପଟ୍ଟନାୟକ ବୋଲି ଜଣା ପଡିଛି ।

ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ସେମାନେ ବାଇକରେ କୋଣାର୍କରୁ କାକଟପୁର ସ୍ଥିତ ନିଜ ଘରକୁ ଫେରୁଥିଲେ । ବଢ଼େଇ ଛକ ବୁଲାଣିରେ ଭାରସାମ୍ୟ ହରାଇ ବାଇକଟି ପିଟି ହୋଇଥିଲା । ଦୁଇ ଯୁବକ ଗୁରୁତର ଅବସ୍ଥାରେ ରାସ୍ତାରେ ପଡିଥିବା ବେଳେ ସ୍ଥାନୀୟ ଅଗ୍ନିଶମ ବିଭାଗ କର୍ମଚାରୀ ସେମାନଙ୍କୁ ଉଦ୍ଧାର କରି ଗୋପ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ଉଭୟଙ୍କୁ ମୃତ୍ୟୁ ଘୋଷଣା କରିଥିଲେ ।

ବାଲିଗୁଡ଼ା /କୋଟଗଡ: କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କୋଟଗଡ ବ୍ଲକ ନୂଆଗାଁ ନିକଟରେ ଏକ ବାଇକ ସହ ମାଲବାହୀ ଟ୍ରକର ମୁହାଁମୁହିଁ ଧକ୍କା ଘଟିଛି।  ଫଳରେ ବାଇକ ଚାଳକଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି। ବାଇକ ଚାଳକ ଜଣଙ୍କ ହେଲେ ତୁମୁଡିବନ୍ଧ ବ୍ଲକ ଗୁମା ଗ୍ରାମର ବୃନ୍ଦାବନ ଜାନୀ।

ସୂଚନା ଅନୁଯାୟୀ, ବୃନ୍ଦାବନ ଜାନୀ ତାଙ୍କ ଝିଅ ବାହାଘର ତିଥି ନିର୍ଣ୍ଣୟ କରିବାକୁ ଶଢୁ ସହ ଦୁଇଟି ବାଇକରେ ଯାଉଥିଲେ। ହେଲେ କୋଟଗଡର ନୂଆଗାଁ ନିକଟରେ ହଠାତ ଏକ ମାଲବାହୀ ଟ୍ରକ ଡାହାଣ ଆଡୁ ମାଡି ଆସି ଜୋରରେ ବାଡେଇ ହେବା ଫଳରେ ଘଟଣା ସ୍ଥଳରେ ବୃନ୍ଦାବନଙ୍କ ମୃତ୍ୟୁ ଘଟିବା ସହ ବୃନ୍ଦାବନଙ୍କ ବାଇକଟି ଟ୍ରକରେ ଲାଗି ପ୍ରାୟ ୩ କିଲୋମିଟର କୋଟଗଡ ପାହାଡି ଢ଼ାବା ପର୍ଯ୍ଯନ୍ତ ଘୋସାଡି ହୋଇ ଯାଇଥିଲା। ସେଠାରୁ ଟ୍ରକ ଚାଳକ ଫେରାର ହୋଇଯାଇଛି। ଖବର ପାଇ ଘଟଣା ସ୍ଥଳରେ କୋଟଗଡ଼ ଥାନା ଅଧିକାରୀ ଧୀରାଜ ଲେଙ୍କା ପହଞ୍ଚି ଟ୍ରକକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଥିବା ଜଣା ପଡିଛି।

ଜଳେଶ୍ବର: ବାଲେଶ୍ୱର ଜିଲ୍ଲା ଜଳେଶ୍ଵର ଥାନା ୫୭ ନମ୍ବର ରାଜ୍ୟ ରାଜପଥର ଅମ୍ବଳିଆଠା ବାରାହାଗଡିଆ ଛକ ଠାରେ ସିରିଜ ଦୁର୍ଘଟଣା। ଡମ୍ପର ଧକ୍କାରେ ଧାନ ବୋଝେଇ ଗାଡ଼ି ଓ ଅଲଟୋ କାର ଦୁର୍ଘଟଣା ଗ୍ରସ୍ତ। ଧାନ ବୋଝେଇ ଗାଡ଼ିର ଡ୍ରାଇଭର ଓ ସମ୍ପର୍କୀୟଙ୍କ ଘଟଣା ସ୍ଥଳରେ ମୃତ୍ଯୁ ଘଟିଛି।

ସୂଚନା ଅନୁଯାୟୀ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଆରୁହା ଗ୍ରାମର ସିଦ୍ଧେଶ୍ୱର ବେହେରା (କାକା) ଯାହାର ବୟସ (୫୨) ଓ କୁଳମଣି ବେହେରା (ପୁତୁରା)ଉଭୟେ ଏକ ମହେନ୍ଦ୍ରା ଜିତ ଗାଡ଼ିରେ ଅମ୍ବଳିଅଠା ଧାନ ଖଟିକୁ  ଧାନ ବୁଝେଇ କରି ଆସୁଥିଲା ସମୟରେ ଜଳେଶ୍ୱର ୫୭ ନମ୍ବର ରାଜ୍ୟ ରାଜପଥ ବାରାଗଡିଆ ଠାରେ ଚନ୍ଦନେଶ୍ୱର ଆଡୁ ଜଳେଶ୍ୱର ଆଡକୁ ଆସୁଥିବା ଡମ୍ପର ମହେନ୍ଦ୍ରା ଜିତ ଓ ଏକ ଅଲଟୋ କାରକୁ ଧକ୍କା ଦେଇଥିଲା।

ମହେନ୍ଦ୍ରା ଜିତ ଓ ଡମ୍ପର ମୁହାଁ ମୁହିଁ ଧକ୍କା ହୋଇଥିଲା ଦୁର୍ଘଟଣାଟି ଏତେ ଜୋରରେ  ଘଟିଥିଲା ଯେ ମହେନ୍ଦ୍ରା ଜିତ ଡମ୍ପର ଇଂଜିନ  ମଧ୍ୟକୁ ପଶି ଯାଇଥିଲା।ମହେନ୍ଦ୍ରା ଜିତରେ ଥିବା ଡ୍ରାଇଭର କୁଳମଣି ବେହେରା ଓ ସମ୍ପର୍କୀୟ କାକା ସିଧେଶ୍ୱର ବେହେରା ଘଟଣା ସ୍ଥଳରେ ମୃତ୍ୟୁ ଘଟିଥିଲା ବେଳେ ଅଲଟ କାରର  ଡ୍ରାଇଭର ଗୁରୁତj ହୋଇ ଜଳେଶ୍ୱର ଜିକେ ଭଟ୍ଟର ହସ୍ପିଟାଲରେ ଚିକତ୍ସିତ ହେଉଛନ୍ତି। ସ୍ଥାନୀୟ ଲୋକ ମାନେ ଘଟଣାସ୍ଥଳରେ ପହଁଚି ଉଦ୍ଧାର କରିଥିଲେ। ତେବେ କ୍ଷତି ପୂରଣ ଦାବିରେ ସମ୍ପର୍କୀୟ ଲୋକମାନେ ଦିନ ୨ଟାରୁ ୪ଟା ପର୍ଯ୍ୟନ୍ତ  ରାସ୍ତାରୋକ କରିଥିଲେ। ଘଟଣା ସ୍ଥଳରେ ଜଳେଶ୍ବର ତହସିଲଦାର ଶଙ୍କର ପଟ୍ଟନାୟକ, ଏସଡିପିଓ ଅଙ୍କିତା କୁମ୍ଭାର, ଆଇଆଇଆସି ପର୍ଶୁରାମ ସାହୁ,ଏସ ଆଇ ଦିଲ୍ଲୀପ ସାମଲ,ନଗରଦୀପ ସେଠୀ, ଏ ଏସ ଆଇ ସତ୍ୟନାରାୟନ ବଳ, ରମାକାନ୍ତ ସେଠୀ, ପ୍ରଫୁଲ୍ଲ ଅଟବୁଧି ପହଞ୍ଚି ଲୋକମାନଙ୍କୁ ବୁଝା ସୁଝା କରିଥିଲେ। ରେଡ଼କ୍ରସରୁ ଉଭୟ ପରିବାରକୁ ଦଶ ଦଶ ହଜାର କରି ଟଙ୍କା ଦିଆଯିବା ପରେ ରାସ୍ତା ରୋକ ଉଠିଥିଲା