ବଲିଉଡ ଅଭିନେତ୍ରୀ ଅମୀଷା ପଟେଲ ତାଙ୍କର ଏକ ବିମାନ ଯାତ୍ରା ସମୟରେ ଏକ ବଡ଼ ଅଘଟଣରୁ ଅଳ୍ପକେ ବର୍ତ୍ତିଯାଇଛନ୍ତି। ନ୍ୟୁୟର୍କରୁ ମୁମ୍ବାଇ ଆସୁଥିବା ବେଳେ ମଝି ଆକାଶରେ ତାଙ୍କୁ ଏକ ଭୟାନକ ପରିସ୍ଥିତିର ସାମ୍ନା କରିବାକୁ ପଡ଼ିଥିଲା। ସଂଯୁକ୍ତ ଆରବ ଏମିରେଟ୍ସ (UAE) ଉପରେ କ୍ଷେପଣାସ୍ତ୍ର ଆକ୍ରମଣ କାରଣରୁ ତାଙ୍କ ବିମାନର ଗତିପଥକୁ ବଦଳାଇ ଦିଆଯାଇଥିଲା। ଏହି ଘଟଣା ପରେ ଅଭିନେତ୍ରୀ ନିଜର ଭୟ ଏବଂ ଉଦ୍‌ବେଗକୁ ସୋସିଆଲ୍ ମିଡିଆରେ ପ୍ରକାଶ କରିଛନ୍ତି।

ମଝି ଆକାଶରେ ଆତଙ୍କ

ସୂଚନା ଅନୁଯାୟୀ, ଅମୀଷା ପଟେଲ ଏକ ଏମିରେଟ୍ସ ବିମାନ (Emirates flight) ଯୋଗେ ନ୍ୟୁୟର୍କରୁ ମୁମ୍ବାଇ ଫେରୁଥିଲେ। ବିମାନଟି ଦୁବାଇ (Dubai) ରେ ଅବତରଣ କରିବାକୁ ଥିବା ବେଳେ ହଠାତ୍ ୟୁଏଇ ଆକାଶମାର୍ଗକୁ ବନ୍ଦ କରିଦିଆଯାଇଥିଲା। ଇରାନ ପକ୍ଷରୁ କରାଯାଇଥିବା ତାଜା କ୍ଷେପଣାସ୍ତ୍ର ଏବଂ ଡ୍ରୋନ ଆକ୍ରମଣ ଯୋଗୁଁ ସୁରକ୍ଷା ଦୃଷ୍ଟିରୁ ଏହି ପଦକ୍ଷେପ ନିଆଯାଇଥିଲା। ଫଳସ୍ୱରୂପ ଅମୀଷାଙ୍କ ବିମାନକୁ ଜରୁରୀକାଳୀନ ଭାବେ ଓମାନର ମସ୍କାଟ୍ (Muscat) କୁ ଡାଇଭର୍ଟ ବା ଗତିପଥ ପରିବର୍ତ୍ତନ କରାଯାଇଥିଲା।

Been hours n hours at DUBAI airport !! And the wait continues …. Can’t wait to get home to MUMBAI ❤️❤️❤️ pic.twitter.com/Kcmrro3fyf

— ameesha patel (@ameesha_patel) May 5, 2026

'କେବେ ଶେଷ ହେବ ଏହି ଯୁଦ୍ଧ'

ଏହି ଘଟଣାକୁ ନେଇ ଅମୀଷା ସୋସିଆଲ୍ ମିଡିଆ ପ୍ଲାଟଫର୍ମ 'ଏକ୍ସ' (X) ରେ ନିଜର ଅନୁଭୂତି ବାଣ୍ଟିଛନ୍ତି। ସେ ଲେଖିଛନ୍ତି, "ମୁଁ ଏମିରେଟ୍ସ ବିମାନରେ ନ୍ୟୁୟର୍କରୁ ମୁମ୍ବାଇ ଫେରୁଥିଲି। ଆମେ ଦୁବାଇରେ ଲ୍ୟାଣ୍ଡ କରିବାକୁ ଯାଉଥିବା ବେଳେ ତାଜା ମିସାଇଲ ଆକ୍ରମଣ ଯୋଗୁଁ ୟୁଏଇରେ ଆକାଶମାର୍ଗ ବନ୍ଦ ହୋଇଯାଇଥିଲା। ଆମ ବିମାନକୁ ଏବେ ମସ୍କାଟ୍ ପଠାଇ ଦିଆଯାଇଛି ଏବଂ ଆମେ ପରବର୍ତ୍ତୀ ସୂଚନାକୁ ଅପେକ୍ଷା କରିଛୁ। ଏହି ଯୁଦ୍ଧ କେବେ ଶେଷ ହେବ!! ପ୍ରାର୍ଥନା କରୁଛି।" ପରେ ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ଘଣ୍ଟା ଘଣ୍ଟା ଧରି ଫସି ରହିଥିବା କଥା ମଧ୍ୟ ଜଣାଇଥିଲେ ଏବଂ ମୁମ୍ବାଇ ଫେରିବାକୁ ବ୍ୟାକୁଳ ଥିବା ପ୍ରକାଶ କରିଥିଲେ।

On my way back to
MUMBAI from NEW YORK on Emirates! As we were about to land in DUBAI the airspace closed in UAE due to fresh missile Attacks! We have now been diverted to MUSCAT n are awaiting further updates !! When will this WAR end 🙏🏻🙏🏻!! Praying 🙏🏻🙏🏻🙏🏻❤️

— ameesha patel (@ameesha_patel) May 4, 2026

ୟୁଏଇରେ ଯୁଦ୍ଧ ପରିସ୍ଥିତି

ଉଲ୍ଲେଖଯୋଗ୍ୟ ଯେ, ମଧ୍ୟପ୍ରାଚ୍ୟରେ ଲାଗି ରହିଥିବା ଉତ୍ତେଜନା କାରଣରୁ ପରିସ୍ଥିତି ସଙ୍ଗିନ ରହିଛି। ସୋମବାର ଦିନ ଇରାନ ପକ୍ଷରୁ ୟୁଏଇ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍ ମାଡ଼ କରାଯାଇଥିଲା। ତେବେ ୟୁଏଇ ପ୍ରତିରକ୍ଷା ମନ୍ତ୍ରଣାଳୟ (UAE Ministry of Defence) ପକ୍ଷରୁ ସ୍ପଷ୍ଟ କରାଯାଇଛି ଯେ, ସେମାନଙ୍କର ଏୟାର ଡିଫେନ୍ସ ସିଷ୍ଟମ୍ ସକ୍ରିୟ ଅଛି ଏବଂ ଆସୁଥିବା ବାଲାଷ୍ଟିକ୍ ଏବଂ କ୍ରୁଜ୍ ମିସାଇଲ୍ ଗୁଡ଼ିକୁ ସଫଳତାର ସହ ନଷ୍ଟ କରାଯାଇଛି। ତଥାପି ଏହି ଯୁଦ୍ଧ ପରିସ୍ଥିତି ସାଧାରଣ ନାଗରିକ ଏବଂ ଅନ୍ତର୍ଜାତୀୟ ବିମାନ ଯାତ୍ରୀଙ୍କ ପାଇଁ ଏକ ବଡ଼ ଆତଙ୍କ ସୃଷ୍ଟି କରିଛି।

ବଲିଉଡ ଅଭିନେତ୍ରୀ ଅମିଷା ପଟେଲ ପୁଣି ଥରେ ଆଇନଗତ ବିବାଦ ମଧ୍ୟକୁ ଟାଣି ହୋଇଯାଇଛନ୍ତି। ୨୦୧୭ ମସିହାର ଏକ ପୁରୁଣା ମାମଲାକୁ ନେଇ ଉତ୍ତର ପ୍ରଦେଶର ମୋରାଦାବାଦର ଏକ କୋର୍ଟ ତାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଛନ୍ତି। ଏହି ଖବର ସାମ୍ନାକୁ ଆସିବା ପରେ ଅଭିନେତ୍ରୀ ସୋସିଆଲ ମିଡିଆ ଜରିଆରେ ନିଜର ପ୍ରତିକ୍ରିୟା ରଖିଛନ୍ତି।

କ’ଣ ଥିଲା ପୂରା ଘଟଣା?

ଏହି ମାମଲାଟି ମୋରାଦାବାଦର ଜଣେ ବ୍ୟବସାୟୀ ତଥା ଇଭେଣ୍ଟ ଆୟୋଜକ ପବନ କୁମାର ବର୍ମାଙ୍କ ଦ୍ୱାରା ଦାୟର କରାଯାଇଥିବା ଅଭିଯୋଗ ଉପରେ ଆଧାରିତ। ପବନଙ୍କ କହିବା ଅନୁଯାୟୀ, ୨୦୧୭ ନଭେମ୍ବର ୧୬ ତାରିଖରେ ଏକ ବିବାହ ଉତ୍ସବରେ ପ୍ରଦର୍ଶନ କରିବା ପାଇଁ ଅମିଷାଙ୍କୁ ୧୪.୫୦ ଲକ୍ଷ ଟଙ୍କା ଅଗ୍ରିମ ଦିଆଯାଇଥିଲା। ତାଙ୍କ ରହିବା ପାଇଁ ହୋଟେଲ ମଧ୍ୟ ବୁକ୍ କରାଯାଇଥିଲା, କିନ୍ତୁ ସେ କାର୍ଯ୍ୟକ୍ରମରେ ଯୋଗ ଦେଇନଥିଲେ। ଏହାକୁ ନେଇ ବିବାଦ ହେବା ପରେ ଅମିଷା ସମସ୍ତ ଅର୍ଥ ଫେରସ୍ତ କରିବାକୁ ପ୍ରତିଶ୍ରୁତି ଦେଇଥିଲେ ମଧ୍ୟ ତାହା କରିନଥିବା ପବନ ଅଭିଯୋଗ କରିଛନ୍ତି।

କୋର୍ଟଙ୍କ ନିର୍ଦ୍ଦେଶ

କୋର୍ଟରେ ଚାଲିଥିବା ଶୁଣାଣିରେ ଅମିଷା ହାଜର ନହେବାରୁ କୋର୍ଟ ଏହାକୁ ଗମ୍ଭୀରତାର ସହ ନେଇଛନ୍ତି। ତାଙ୍କ ବିରୋଧରେ ଅଣଜାମିନ ବିହୀନ ୱାରେଣ୍ଟ ଜାରି କରାଯିବା ସହ ଆସନ୍ତା ମାର୍ଚ୍ଚ ୨୭ ତାରିଖରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି।

ଅଭିଯୋଗକୁ ଖଣ୍ଡନ କଲେ ଅମିଷା

ଏହି ଖବର ପ୍ରସାରିତ ହେବା ପରେ ଅମିଷା ପଟେଲ ନିଜର ଇନଷ୍ଟାଗ୍ରାମ ଷ୍ଟୋରିରେ ଏକ ସ୍ପଷ୍ଟୀକରଣ ରଖିଛନ୍ତି। ସେ କହିଛନ୍ତି ଯେ, ଏହା ଏକ ବହୁ ପୁରୁଣା ମାମଲା ଯାହା ବର୍ଷ ବର୍ଷ ପୂର୍ବେ ସମାଧାନ ହୋଇସାରିଥିଲା। ପବନ ବର୍ମା ପୂର୍ବରୁ ସମସ୍ତ ଅର୍ଥ ଗ୍ରହଣ କରି ସେଟଲମେଣ୍ଟ କାଗଜପତ୍ରରେ ଦସ୍ତଖତ କରିଛନ୍ତି। ଅମିଷା ଅଭିଯୋଗ କରିଛନ୍ତି ଯେ, କେବଳ ଚର୍ଚ୍ଚାରେ ରହିବା ପାଇଁ ପବନ ମିଥ୍ୟା ଆଧାରରେ ଏହି ମାମଲାକୁ ପୁଣି ଥରେ ଉଖାରୁଛନ୍ତି। ସେ ନିଜେ ପବନଙ୍କ ବିରୋଧରେ ଜାଲିଆତି ମାମଲା ରୁଜୁ କରିବାକୁ ପ୍ରସ୍ତୁତି କରୁଥିବା ସୂଚନା ଦେଇଛନ୍ତି।