ରୂପସା : ବାଲେଶ୍ଵର ଜିଲ୍ଲା ରୁପ୍ସା ଥାନା ଅନ୍ତର୍ଗତ ବୁଧଖଣ୍ଡି ଗ୍ରାମରେ ଜଣେ ଯୁବକ ନିଜ ପୋଖରୀରେ ମାଛ ଧରୁଥିବା ବେଳେ ଜାଲରେ ଛନ୍ଦି ହୋଇ ଯିବାରୁ ପାଣିରେ ବୁଡ଼ି ମୃତ୍ୟୁ ହୋଇଛି। ମୃତ ଯୁବକ ଜଣକ ହେଉଛନ୍ତି ପ୍ରଭୁଚରଣ ରାଉତ (୩୦) । ଆଜି ସକାଳେ ପ୍ରଭୁଚରଣ ନିଜ ପୋଖରୀକୁ ଜାଲ ପକାଇବା ପାଇଁ ଯାଇଥିବା ବେଳେ ଆଉ ଫେରିନଥିଲେ। କିଛି ସମୟ ପରେ ପରିବାର ଲୋକେ ଖୋଜାଖୋଜି କରି ତାଙ୍କୁ ପୋଖରୀର ପାଣି ଭିତରେ ଜାଲରେ ଛନ୍ଦିଯାଇଥିବା ଅବସ୍ଥାରେ ଉଦ୍ଧାର କରିଥିଲେ। ତେବେ ଉଦ୍ଧାର ସମୟକୁ ତାଙ୍କର ମୃତ୍ୟୁ ହୋଇଯାଇଥିଲା ବୋଲି କୁହାଯାଇଛି। ରୁପ୍ସା ପୋଲିସ ଶବକୁ ଜବତ କରି ବ୍ୟବଛେଦ ପାଇଁ ପଠାଇଥିବା ଜଣାପଡିଛି।

ରୁପ୍ସା/ବାଲେଶ୍ୱର : ରୁପ୍ସା ଥାନା କସିପଦା ପଞ୍ଚାୟତ କସିପଦା ଗ୍ରାମରେ ଥିବା ଶିବ ମନ୍ଦିର ପୋଖରୀକୁ ଗ୍ରାମର ବାବାଜୀ ବେହେରା (୭୫ ) ନାମକ ଜଣେ ବୃଦ୍ଧ ବ୍ୟକ୍ତି ଶକାଳ ୧୦.୩୦ରେ ଗାଧୋଇବାକୁ ଯାଇଥିଲେ । ମାତ୍ର ଗାଧୋଇବା ସମୟରେ ତାଙ୍କ ଗୋଡ ଖସିଯିବା ଯୋଗୁଁ ପାଣିରେ ବୁଡିଯାଇଥିଲେ ଓ ତାଙ୍କର ମୃତ୍ୟୁ ହୋଇଥିଲା । ପୋଖରୀରେ ବୁଡିଯିବା ପରେ ସ୍ଥାନୀୟ ମନ୍ଦିର ପୂଜକ ଦେଖି ପରିବାର ବର୍ଗଙ୍କୁ ଖବର ଦେଇଥିଲେ । ତେବେ ତାଙ୍କୁ ପୋଖରୀରୁ ଉଦ୍ଧାର କରି ନିକଟସ୍ଥ ରୁପ୍ସା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନେବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ରୁପ୍ସା ପୋଲିସ ଘଟଣା ସ୍ଥଳରେ ପହଂଚି ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପାଇଁ ପଠାଇଛି ।