ଉତ୍ତରପ୍ରଦେଶର ଗାଜିଆବାଦ ସ୍ଥିତ ଭାରତ ସିଟି ସୋସାଇଟିରେ ଘଟିଥିବା ତିନି ନାବାଳିକା ଭଉଣୀଙ୍କ ଆତ୍ମହତ୍ୟା ଘଟଣାରେ ପୋଲିସ ତଦନ୍ତ ଜୋରଦାର କରିଛି। ନବମ ମହଲାରୁ ଡେଇଁ ତିନି ଭଉଣୀଙ୍କ ମୃତ୍ୟୁ ଘଟଣାରେ ପ୍ରତିଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ପ୍ରାଥମିକ ତଦନ୍ତରୁ ପାରିବାରିକ ବିବାଦ, ଆର୍ଥିକ ଅନଟନ ଏବଂ ପିଲାଙ୍କ ପାଠପଢ଼ା ବନ୍ଦ ହେବା ଭଳି ଗୁରୁତ୍ୱପୂର୍ଣ୍ଣ ଦିଗ ସାମ୍ନାକୁ ଆସିଛି। ପୋଲିସ ଏହାକୁ କେବଳ ଏକ ଦୁର୍ଘଟଣା ଭାବରେ ନ ଦେଖି ଏହା ପଛରେ ଥିବା ଜଟିଳ ପରିସ୍ଥିତିର ଖୋଳତାଡ଼ କରୁଛି।

ଗୋଟିଏ ରୁମରେ ଶୋଉଥିଲେ ୯ ଜଣ ସଦସ୍ୟ

ତଦନ୍ତରୁ ଏକ ଆଶ୍ଚର୍ଯ୍ୟଜନକ କଥା ଜଣାପଡିଛି ଯେ, ପରିବାର ଏକ ୩ ବିଏଚକେ (3 BHK) ଫ୍ଲାଟରେ ରହୁଥିଲେ ସୁଦ୍ଧା ସମସ୍ତେ ଗୋଟିଏ ରୁମରେ ଶୋଉଥିଲେ। ମୃତକଙ୍କ ବାପା ଚେତନ କୁମାର, ତାଙ୍କର ତିନି ପତ୍ନୀ ଏବଂ ପାଞ୍ଚ ସନ୍ତାନ ଏକାଠି ଗୋଟିଏ କୋଠରୀରେ ରହୁଥିଲେ। ତେବେ ଏତେ ଲୋକଙ୍କ ଉପସ୍ଥିତି ସତ୍ତ୍ୱେ ତିନି ଜଣ ନାବାଳିକା କିପରି ବିଳମ୍ବିତ ରାତିରେ ବାହାରକୁ ଗଲେ ଏବଂ କେହି ଜାଣିପାରିଲେ ନାହିଁ, ତାହା ପୋଲିସକୁ ଚକିତ କରିଛି।

ସନ୍ଦେହ ଘେରରେ ଚେତନଙ୍କ ବ୍ୟକ୍ତିଗତ ଜୀବନ

ଚେତନ କୁମାରଙ୍କ ବ୍ୟକ୍ତିଗତ ଜୀବନ ମଧ୍ୟ ତଦନ୍ତ ପରିସରଭୁକ୍ତ ହୋଇଛି। ସେ ତିନୋଟି ବିବାହ କରିଥିବା ସ୍ୱୀକାର କରିଛନ୍ତି, କିନ୍ତୁ ବିବାହ ତାରିଖ ଏବଂ ପିଲାମାନଙ୍କ ବୟସ ମଧ୍ୟରେ କୌଣସି ତାଳମେଳ ରହୁନାହିଁ। ତୃତୀୟ ପତ୍ନୀଙ୍କୁ ନେଇ ତାଙ୍କ ବୟାନ ବାରମ୍ବାର ବଦଳୁଥିବାରୁ ପୋଲିସର ସନ୍ଦେହ ଆହୁରି ଗଭୀର ହୋଇଛି। ଅନ୍ୟପକ୍ଷରେ, କୌଣସି ବିବାହ ସମ୍ବନ୍ଧୀୟ ପକ୍କା ଦସ୍ତାବିଜ ଏଯାଏଁ ମିଳିପାରି ନାହିଁ।

ଅଧାରୁ ବନ୍ଦ ଥିଲା ପାଠପଢ଼ା

ପୋଲିସ ଜାଣିବାକୁ ପାଇଛି ଯେ, ମୃତ ତିନି ଭଉଣୀ ସ୍କୁଲ ଯାଉ ନଥିଲେ। ଆର୍ଥିକ ସଙ୍କଟ ଯୋଗୁଁ ସେମାନଙ୍କ ପାଠପଢ଼ା ଅଧାରୁ ବନ୍ଦ ହୋଇଯାଇଥିଲା। ଅଧିକାରୀମାନେ ଏବେ ସ୍କୁଲ ସହ ଯୋଗାଯୋଗ କରି ଶିକ୍ଷାଗତ ରେକର୍ଡ ଯାଞ୍ଚ କରୁଛନ୍ତି। ଏହା ସହିତ ମୋବାଇଲ ଫୋନ୍ ଡାଟା ଉପରେ ମଧ୍ୟ ନଜର ରଖାଯାଇଛି। ଋଣ ଭାର ଯୋଗୁଁ ପିଲାଙ୍କ ଫୋନ୍ ବିକ୍ରି କରିଦିଆଯାଇଥିବା ଚେତନ ଦାବି କରିଛନ୍ତି, ଯାହାକୁ ପୋଲିସ ବୈଷୟିକ ଜ୍ଞାନକୌଶଳ ସାହାଯ୍ୟରେ ଯାଞ୍ଚ କରୁଛି।

ଉତ୍ତରପ୍ରଦେଶର ଗାଜିଆବାଦ ସହରରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏଠାରେ ତିନିଜଣ ନାବାଳିକା ଭଉଣୀ ନବମ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି। ଘଟଣାସ୍ଥଳରୁ ମିଳିଥିବା ସୁଇସାଇଡ୍ ନୋଟ୍, ଡାଏରୀ ଏବଂ କାନ୍ଥରେ ଲେଖାଯାଇଥିବା କିଛି ଅଜବ କଥା ଏବେ ପୋଲିସ ପାଇଁ ଚିନ୍ତାର ବିଷୟ ପାଲଟିଛି। ମୃତକଙ୍କ ବାପା ଚେତନ ଏହି ଘଟଣା ପଛରେ ଥିବା କିଛି ଗୁରୁତ୍ୱପୂର୍ଣ୍ଣ ରହସ୍ୟ ଉପରୁ ପରଦା ହଟାଇଛନ୍ତି।

ଅନ୍‌ଲାଇନ୍ ଗେମ୍ ଓ କୋରିଆନ୍ କଲଚର୍‌ର ନିଶା

ଫେବୃଆରୀ ୪, ୨୦୨୬ ରାତି ପ୍ରାୟ ୨ଟା ସମୟରେ ଗାଜିଆବାଦର ଭାରତ ସିଟି ସୋସାଇଟିରେ ଏହି ଘଟଣା ଘଟିଥିଲା। ମୃତ ତିନି ଭଉଣୀ ହେଲେ ନିଶିକା (୧୬), ପ୍ରାଚୀ (୧୪) ଏବଂ ପାଖୀ (୧୨)। ବାପା ଚେତନଙ୍କ କହିବା ଅନୁଯାୟୀ, ତିନି ଭଉଣୀଙ୍କୁ ମୋବାଇଲ୍‌ରେ ଅନ୍‌ଲାଇନ୍ ଗେମ୍ ଖେଳିବାର ଭୟଙ୍କର ନିଶା ଥିଲା। ସେମାନେ କୋରିଆନ୍ ସଂସ୍କୃତି ଦ୍ୱାରା ଅତ୍ୟଧିକ ପ୍ରଭାବିତ ଥିଲେ ଏବଂ ସବୁବେଳେ କୋରିଆ ଯିବା କଥା କହୁଥିଲେ। ଗତ ଦୁଇ ବର୍ଷ ହେଲା ସେମାନେ ସ୍କୁଲ ଯିବା ମଧ୍ୟ ବନ୍ଦ କରିଦେଇଥିଲେ। ପରୀକ୍ଷାରେ ଫେଲ୍ ହେବା ପରେ ସେମାନେ ଘରେ ରହି କେବଳ ମୋବାଇଲ୍‌ରେ ସମୟ ବିତାଉଥିଲେ।

‘ପ୍ରାଚୀ ଥିଲା ବସ୍, ଅନ୍ୟମାନେ ମାନୁଥିଲେ କଥା’

ବାପା ଚେତନ ଆହୁରି ମଧ୍ୟ କହିଛନ୍ତି ଯେ, ତିନି ଭଉଣୀଙ୍କ ମଧ୍ୟରେ ଏକ ଅଦ୍ଭୁତ ବୁଝାମଣା ଥିଲା। ମଝିଆ ଝିଅ ପ୍ରାଚୀ ନିଜକୁ ‘ବସ୍’ ବୋଲି ଭାବୁଥିଲା ଏବଂ ଅନ୍ୟ ଦୁଇ ଭଉଣୀ ତା’ କଥା ମାନୁଥିଲେ। ସେମାନେ ଏକାଠି ଖାଉଥିଲେ, ଏକାଠି ଶୋଉଥିଲେ ଏବଂ ଏପରିକି ଟଏଲେଟ୍ ମଧ୍ୟ ଏକାଠି ଯାଉଥିଲେ। ଘଟଣା ଦିନ ବାପା-ମା’ ଶୋଇବା ପରେ ସେମାନେ ବାହାରୁ କବାଟ ବନ୍ଦ କରି ୯ମ ମହଲାରୁ ଡେଇଁ ପଡିଥିଲେ।

କାନ୍ଥ ଓ ଡାଏରୀରେ ଲେଖାଥିଲା ରହସ୍ୟମୟ କଥା

ପୋଲିସ ତଦନ୍ତ ବେଳେ ଝିଅମାନଙ୍କ ରୁମ୍‌ରୁ ଏକ ଡାଏରୀ ଓ ସୁଇସାଇଡ୍ ନୋଟ୍ ଜବତ କରିଛି। ସୁଇସାଇଡ୍ ନୋଟ୍‌ରେ ଲେଖାଥିଲା, "True Life Story (ଜୀବନର ସତ କାହାଣୀ)... I’m Really Sorry Papa"। ସେହିପରି ଡାଏରୀରେ "We Love Korean Games" ବୋଲି ଉଲ୍ଲେଖ ରହିଛି। ସବୁଠାରୁ ଆଶ୍ଚର୍ଯ୍ୟର କଥା ହେଲା, ସେମାନଙ୍କ ରୁମ୍ କାନ୍ଥରେ ଲେଖାଥିଲା- "Make me a heart of broken. I am very alone"।

ଗାଜିଆବାଦ ଡିସିପି ନିମିଶ ପାଟିଲ କହିଛନ୍ତି ଯେ, ଝିଅମାନଙ୍କର ନିଜର ଫୋନ୍ ନଥିଲା, ସେମାନେ ବାପା-ମା’ଙ୍କ ଫୋନ୍ ବ୍ୟବହାର କରୁଥିଲେ। କିଛି ଦିନ ତଳେ ପରିବାର ଲୋକେ ମୋବାଇଲ୍ ବ୍ୟବହାର ଉପରେ କଟକଣା ଲଗାଇଥିଲେ, ଯାହାକୁ ନେଇ ସେମାନେ ଆହତ ହୋଇଥିଲେ। ବର୍ତ୍ତମାନ ପରିବାରର ମୋବାଇଲ୍ ଫୋନ୍‌ଗୁଡ଼ିକୁ ଫୋରେନସିକ୍ ଯାଞ୍ଚ ପାଇଁ ପଠାଯାଇଛି ଏବଂ ଏହା କୌଣସି ଟାସ୍କ ବେସ୍ଡ ଗେମ୍ (Task-based game) କି ନୁହେଁ, ତାହାର ତଦନ୍ତ ଚାଲିଛି।

ଉତ୍ତରପ୍ରଦେଶର ଗାଜିଆବାଦ ସ୍ଥିତ ଭାରତ ସିଟି ସୋସାଇଟିରେ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଏଠାରେ ତିନି ନାବାଳିକା ଭଉଣୀ ଏକାସାଙ୍ଗରେ ୯ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି। ପୋଲିସ ଘଟଣାସ୍ଥଳରୁ ଏକ ଡାଏରୀ ଜବତ କରିଛି, ଯେଉଁଥିରେ ମୃତ୍ୟୁ ପୂର୍ବରୁ ଲେଖାଯାଇଥିବା କିଛି ଚାଞ୍ଚଲ୍ୟକର ତଥ୍ୟ ରହିଛି।

ଡାଏରୀରେ ଲେଖାଥିଲା ‘True Life Story’

ଘଟଣାସ୍ଥଳରୁ ମିଳିଥିବା ଡାଏରୀରେ ପିଲାମାନେ ଲେଖିଥିଲେ, "True Life Story… Read Now"। ଏଥିରେ କାନ୍ଦୁଥିବା ଆଖିର ଚିତ୍ର ଅଙ୍କାଯାଇଥିଲା ଏବଂ ସେମାନେ ନିଜ ବାପା-ମା’ଙ୍କୁ କ୍ଷମା ମାଗି ଲେଖିଥିଲେ, "I’m Really Sorry Papa… I Love You"। ଡାଏରୀର ପୃଷ୍ଠାରେ 'କୋରିଆନ୍ ଗେମ୍ସ' ବିଷୟରେ ମଧ୍ୟ ଉଲ୍ଲେଖ ରହିଛି, ଯାହା କୌଣସି ଅନଲାଇନ୍ ଟାସ୍କ ବା ଗଭୀର ମାନସିକ ଚାପ ଆଡକୁ ଇଙ୍ଗିତ କରୁଛି।

ମୋବାଇଲ୍ ନିଶା ସାଜିଲା କାଳ?

ଗାଜିଆବାଦ ଡିସିପି ନିମିଶ ପାଟିଲଙ୍କ ସୂଚନା ଅନୁଯାୟୀ, ମୃତ ତିନି ଭଉଣୀ ନିଶିକା (୧୬), ପ୍ରାଚୀ (୧୪) ଏବଂ ପାଖୀ (୧୨) ମୋବାଇଲ୍ ଗେମ୍‌ର ଘୋର ନିଶାରେ ଥିଲେ। ନିଜର ଫୋନ୍ ନଥିବାରୁ ସେମାନେ ବାପା-ମା’ଙ୍କ ଫୋନ୍ ବ୍ୟବହାର କରୁଥିଲେ। ପାଠପଢ଼ାରେ ବ୍ୟାଘାତ ହେବାରୁ ପରିବାର ଲୋକେ ମୋବାଇଲ୍ ବ୍ୟବହାର ଉପରେ କଟକଣା ଲଗାଇଥିଲେ, ଯାହା ସେମାନଙ୍କୁ ଗଭୀର ଆଘାତ ଦେଇଥିଲା ବୋଲି ପୋଲିସ ସନ୍ଦେହ କରୁଛି।

ଜୀବନ ଓ ମୃତ୍ୟୁର ସାଥୀ

ପଡ଼ୋଶୀ ଏବଂ ପରିଜନଙ୍କ କହିବା ମୁତାବକ, ତିନି ଭଉଣୀ ପରସ୍ପରର ଖୁବ୍ ନିକଟତର ଥିଲେ। ଖାଇବା, ଶୋଇବା, ସ୍କୁଲ ଯିବା ଭଳି ସବୁ କାମ ସେମାନେ ଏକାଠି କରୁଥିଲେ। ଶେଷରେ ମୃତ୍ୟୁର ରାସ୍ତା ମଧ୍ୟ ସେମାନେ ଏକାଠି ବାଛିଥିଲେ। ରାତି ପ୍ରାୟ ୨ଟା ସମୟରେ ଫ୍ଲାଟ୍ ନମ୍ବର ୯୦୭ର ବାଲକୋନିରୁ ତିନିହେଁ ଏକାସାଙ୍ଗରେ ତଳକୁ ଡେଇଁ ପଡ଼ିଥିଲେ।

ପାରିବାରିକ ସ୍ଥିତି ଓ ତଦନ୍ତ

ମୃତକଙ୍କ ବାପା ଚେତନ କୁମାର ଅନଲାଇନ୍ ଟ୍ରେଡିଂ କାମ କରନ୍ତି। ସେ ଦୁଇଜଣ ସଗା ଭଉଣୀଙ୍କୁ ବିବାହ କରିଥିଲେ ଏବଂ ଗତ ୪ ବର୍ଷ ହେଲା ସମସ୍ତେ ଏକାଠି ରହୁଥିଲେ। ପୋଲିସ ବର୍ତ୍ତମାନ ପରିବାରର ମୋବାଇଲ୍ ଫୋନ୍ ଜବତ କରି ଫୋରେନ୍ସିକ୍ ଯାଞ୍ଚ ପାଇଁ ପଠାଇଛି। କୌଣସି 'ଟାସ୍କ ବେସ୍‌ଡ କୋରିଆନ୍ ଗେମ୍' ଏହି ଆତ୍ମହତ୍ୟା ପଛର ପ୍ରକୃତ କାରଣ କି ନାହିଁ, ତାହା ରିପୋର୍ଟ ଆସିବା ପରେ ସ୍ପଷ୍ଟ ହେବ।