ଭୁବନେଶ୍ୱର: ମାଞ୍ଜା ସୁତାରେ ବେକ କଟି ଆହତ ହେଲେ ଯୁବକ । ବେକ କଟିବା ପରେ ଆକ୍ସନ ମୁଡ଼ରେ ପୋଲିସ । ଭୁବନେଶ୍ୱର ଏକ ନମ୍ବର ମାର୍କେଟରେ ମାଞ୍ଜା ସୂତା ପାଇଁ ଚଢ଼ାଉ କରିଛି କମିଶନରେଟ୍ ପୋଲିସ ।  ଡିସିପିଙ୍କ ନିର୍ଦ୍ଦେଶରେ କ୍ୟାପିଟାଲ୍ ଥାନା ପକ୍ଷରୁ ଚଢାଉ । ମାଞ୍ଜା ସୁତା ବିକ୍ରି ନେଇ ଯାଞ୍ଚ ହୋଇଛି । ବୁଲି ବୁଲି ମାର୍କେଟର ଅନେକ ଗୁଡି ଦୋକାନ ଓ ଗୋଦାମ ଯାଞ୍ଚ କରୁଛନ୍ତି । ଯେହେତୁ ମାଞ୍ଜା ସୁତା ବିକ୍ରି ପାଇଁ କଟକଣା ରହିଛି । ଜୀବନ ବିପଦରେ ପଡୁଛି ତେଣୁ ଏସବୁ ବିକ୍ରି ଉପରେ ରୋକ ଲଗାଇବାକୁ ଏଭଳି ଯାଂଚ ଚାଲିଛି। ମାଞ୍ଜା ସୂତା ବିକୁଥିବା ଦୋକାନୀ ଉପରେ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ମିଳିଛି । 

ଭୁବନେଶ୍ବର: କଟକ ପୁରୀ ପରେ ଏବେ ରାଜଧାନୀ ଭୁବନେଶ୍ବରରେ ଗୁଡ଼ି ସୁତାକୁ ନେଇ ଭୟ। ଲୋକଙ୍କ ପାଇଁ ବିପଦ ସାଜିଛି ମାଞ୍ଜା ସୂତାରେ ଉଡୁଥିବା ଗୁଡ଼ି। ଏହା ଉପରେ ରୋକ ଲଗାଇବା ପାଇଁ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି ସ୍ବତନ୍ତ୍ର ଅଭିଯାନ। ମାଞ୍ଜା ସୂତା ଦ୍ଵାରା ଅନେକ ଲୋକ ଆହତ ହେବା ପରେ ଆକ୍ସନ ମୋଡ଼କୁ ଆସିଛି ବଡଗଡ଼ ଥାନା ପୋଲିସ। ଏ ନେଇ ପୋଲିସ ଫାଇନ କରିବା ସହ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଆରମ୍ଭ କରିଛି। ବର୍ତ୍ତମାନ ସୁଦ୍ଧା ଏକାଧିକ ଦୋକାନରେ ଚଡାଉ କରିଥିବାବେଳେ ନଟେଇ, ମାଞ୍ଜା ସୁତା ବଣ୍ଡଲ ଓ ୨୪ଟି ଗୁଡ଼ିକୁ ଜବତ କରାଯାଇଛି l ବଡଗଡ଼ ପୋଲିସ ପକ୍ଷରୁ ମାଞ୍ଜା ସୁତା ବ୍ୟବହାର ନକରିବା ପାଇଁ ସଚେତନତା କରାଯାଉଥିବା କହିଛନ୍ତି ଥାନାଧିକାରୀ।