ବାଲେଶ୍ବର: ବାଲେଶ୍ବର ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ର ୩ ନମ୍ବର ଲଞ୍ଚ ପ୍ୟାଡରେ ମଧ୍ୟାହ୍ନ ୧୨ ଟାରେ ସ୍ବଳ୍ପ ଦୂରଗାମୀ ଭୁପୃଷ୍ଠରୁ ଆକାଶକୁ ଲକ୍ଷଭେଦ କରିପାରୁଥିବା VL-SRSAM (Vertical Luch Short Range Surface to Air Missile) କ୍ଷେପଣାସ୍ତ୍ରର ସଫଳ ପରୀକ୍ଷଣ । ପୂର୍ବରୁ ଏହି ପରୀକ୍ଷା ହୋଇଥିବା ବେଳେ ଦ୍ୱିତୀୟ ପର୍ଯ୍ୟାୟ ପରୀକ୍ଷଣ କରାଯାଇଛି । ଭୁପୃଷ୍ଠରୁ ଆକାଶକୁ ଲକ୍ଷଭେଦ କରିପାରୁଥିବା VL-SRSAMର ଲକ୍ଷ୍ୟଭେଦ କ୍ଷମତା ୮୦ କିଲୋମିଟର। ଡିଆରଡିଓ ଓ ନୌସେନା ତରଫରୁ କରାଯାଇଥିବା ପରୀକ୍ଷଣ ସଫଳ ହୋଇଥିବା ପ୍ରତିରକ୍ଷା ବିଭାଗର ସୂଚନା।

Vertically-Launched Short-Range Surface-to-Air Missile (VLSRSAM) was successfully flight tested today, against a high-speed aerial target at very close range and low altitude, establishing the Near-Boundary-Low Altitude capability of the missile system pic.twitter.com/QXxqi6AxXi

— DRDO (@DRDO_India) March 26, 2025

ଚାନ୍ଦିପୁର ଆଇଟିଆର LC-III କ୍ଷେପଣାସ୍ତ୍ର ଘାଟିରୁ କ୍ଷେପଣାସ୍ତ୍ର ପରୀକ୍ଷା କରାଯିବା ପାଇଁ ନିର୍ଦ୍ଧାରିତ ହୋଇଥିବା ସାଢ଼େ ଦୁଇ କିଲୋମିଟର ପରିଧି ଅଞ୍ଚଳର ୩୨୦୦ ଲୋକଙ୍କୁ ସ୍ଥାନାନ୍ତର ଓ ସୁରକ୍ଷା ନିମନ୍ତେ ଜିଲ୍ଲା ଓ ପୁଲିସ ପ୍ରଶାସନ ପକ୍ଷରୁ ସମସ୍ତ ପଦକ୍ଷେପ ନିଆଯାଇଥିଲା

ବାଲେଶ୍ୱର: ଅବଦୁଲ୍‌ କଲାମ ଦ୍ୱୀପରୁ ବୁଧବାର ଇଣ୍ଟରସେପ୍ଟର କ୍ଷେପଣାସ୍ତ୍ର ପରୀକ୍ଷଣ ହୋଇଛି। ଅପରାହ୍ନ ୪ଟା ୧୫ ମିନିଟ୍‌ରେ ବ୍ୟାବହାରିକ ପରୀକ୍ଷଣ ହୋଇଛି। ପ୍ରଥମେ ଚାନ୍ଦିପୁରର ୩ ନଂ ଲଞ୍ଚପ୍ୟାଡ୍‌ରୁ ପୃଥ୍ବୀ-୨ ଉତ୍‌କ୍ଷେପଣ କରାଯାଇଥିଲା। ୨୩୦ କିଲୋମିଟର ପର୍ଯ୍ୟନ୍ତ ଏହି ମିସାଇଲ ଲକ୍ଷ୍ୟଭେଦ କରିପାରିବ। ଟାର୍ଗେଟକୁ ସଫଳତାର ସହିତ ଲକ୍ଷ୍ୟଭେଦ କରିଥିବା ସୂଚନା ।

ବାଲେଶ୍ଵର: ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ୩ନଂ ଲଞ୍ଚପ୍ୟାଡରୁ ମଙ୍ଗଳବାର ଦିନ ଭୂ-ପୃଷ୍ଠରୁ ପୂ-ପୃଷ୍ଠକୁ ଲକ୍ଷ୍ୟଭେଦ କରିପାରୁଥିବା ସ୍ବଦେଶୀ ଜ୍ଞାନକୌଶଳରେ ନିର୍ମିତ ଷ୍ଟାଟିକ୍‌ ବାଲେଷ୍ଟିକ ମିସାଇଲ ‘ପ୍ରହାର’ ମିସାଇଲ୍ ଅପରାହ୍ନ ୩ ଘଟିକା ୯ ମିନିଟରେ ସଫଳ ପରୀକ୍ଷଣ ହୋଇଯାଇଛି। ଏହି କ୍ଷେପଣାସ୍ତ୍ରକୁ ପରୀକ୍ଷା କରିବା ପାଇଁ ଡିଆରଡିଓର ବରିଷ୍ଠ ବୈଜ୍ଞାନିକମାନେ ଲଞ୍ଚପ୍ୟାଡରେ ଉପସ୍ଥିତ ରହିଥିଲେ। ସୁରକ୍ଷା ଦୃଷ୍ଟିରୁ ଲଞ୍ଚପ୍ୟାଡରୁ ୭ କିଲୋମିଟର ପର୍ଯ୍ଯନ୍ତ ସମୁଦ୍ର ଭିତରକୁ ମତ୍ସ୍ୟଜୀବୀମାନଙ୍କୁ ଯିବାକୁ ବାରଣ କରାଯାଇଥିବା ବେଳେ ୩ ନଂ ଲଞ୍ଚପ୍ୟାଡର ଅଢେଇ କିଲୋମିଟର ବ୍ୟାସାର୍ଦ୍ଧ ମଧ୍ୟରେ ଥିବା ବିଭିନ୍ନ ଗାଁ ଯଥା ଗୁଡୁପାହି, କୁସୁମୁଳିପାହି, ଭୀମପୁରପାହି, ସାହାଦାନଗରପାହିର ୬ ହଜାରରୁ ଅଧିକ ଲୋକଙ୍କୁ ଅସ୍ଥାୟୀ ଶିବିର ଯଥା ଅସ୍ଥାୟୀ ବାତ୍ୟା ଆଶ୍ରୟସ୍ଥଳୀ ଓ ସ୍ଲୁଲକୁ ସ୍ଥାନାନ୍ତର କରାଯାଇଛି।

ତେବେ ‘ପ୍ରହାର’ କ୍ଷେପଣାସ୍ତ୍ରକୁ ପ୍ରଥମ ଥର ପାଇଁ ୨୦୧୧ ମସିହା ଜୁଲାଇ ୨୧ ତାରିଖ ଏବଂ ଦ୍ବିତୀୟ ଥର ପାଇଁ ୨୦୧୮ ମସିହା ସେପ୍ଟେମ୍ବର ୨୦ ତାରିଖରେ ପରୀକ୍ଷା କରାଯାଇଥିଲା। ଉଭୟ ପରୀକ୍ଷା ସଫଳ ହୋଇଥିବାବେଳେ ଏହା ଟାର୍ଗେଟ୍‌କୁ ୧୦ ମିଟର ଦୂରତା ମଧ୍ୟରେ ହିଟ୍‌ କରିବାରେ ସକ୍ଷମ ହୋଇଥିଲା। ‘ପ୍ରହାର’ ମିସାଇଲର ଲମ୍ବ ୭.୩୨ ମିଟର ଥିବାବେଳେ, ଓଜନ ୧୨୮୦ କିଲୋଗ୍ରାମ ରହିଛି। ଏହା ୨୫୦ ସେକେଣ୍ଡ ମଧ୍ୟରେ ଶବ୍ଦର ବେଗ ଠାରୁ ୩ ଗୁଣ ଅଧିକ ବେଗରେ ଗତୀକରି ୧୫୦ ରୁ ୨୦୦ କିଲୋମିଟର ମଧ୍ୟରେ ଟାର୍ଗେଟ୍‌କୁ ନଷ୍ଟ କରିବାର କ୍ଷ୍ୟମତା ରହିଛି। ପ୍ରହାର କ୍ଷେପଣାସ୍ତ୍ରରେ ୨୦୦ ରୁ ୫୦୦ କିଲୋଗ୍ରାମ ପର୍ଯ୍ଯନ୍ତ ଉଭୟ ପାରମ୍ପରିକ ଓ ଆଣବିକ ଯୁଦ୍ଧାସ୍ତ୍ର ବ୍ୟବହାର କରାଯାଇପାରିବ। ଭାରତ ଡାୟନାମିକ୍‌ ଲିମିଟେଡ଼ ଦ୍ବାରା ନିର୍ମିତ ପ୍ରହାର ମିସାଇଲକୁ କେନିଷ୍ଟାରରୁ ଉତ୍‌କ୍ଷେପଣ କରାଯିବା ସହିତ ଏହାକୁ ଟାଟ୍ରା ମୋବାଇଲ ଲଞ୍ଚରରୁ ମଧ୍ୟ ଉତ୍‌କ୍ଷେପଣ କରାଯାଇପାରିବ।

ଅନ୍ୟପଟେ ଚାନ୍ଦିପୁର ଗୋଳାବାରୁଦ ପରୀକ୍ଷଣ କେନ୍ଦ୍ରରୁ ମିସାଇଲ ପରୀକ୍ଷଣ ହେବା ଏନେଇ ପାଖାପାଖି ଅଢେଇ କିଲୋମିଟର ପରିସୀମା ଅଞ୍ଚଳର ଲୋକମାନଙ୍କୁ ଅସ୍ଥାୟୀ ଭାବେ ସ୍ଥାନାନ୍ତର କରାଯାଇଥିଲା। ଉକ୍ତ ଅଞ୍ଚଳର ୮ ଶହ ପରିବାରର ୫୨୦୦ ରୁ ଅଧିକ ଅର୍ଥାତ ୬ ହଜାର ଲୋକଙ୍କୁ ଅସ୍ଥାୟୀ ଶିବିରକୁ ସ୍ଥାନାନ୍ତର କରାଯାଇଛି। ଏଥିସହିତ ୧୧୯୭ ଟି ଚିଙ୍ଗୁଡ଼ି ଘେରିରୁ ୧୧୦୦ ଲୋକଙ୍କୁ ସ୍ଥାନାନ୍ତର କରାଯାଇଛି। ପାଖାପାଖି ୬ ହଜାର ଲୋକଙ୍କୁ ଅସ୍ଥାୟୀ ଭାବେ ସ୍ଥାନାନ୍ତର କରାଯିବା ସହ ଅପରାହ୍ନରେ ମିସାଇଲ ପରୀକ୍ଷଣ ପରେ ସେମାନଙ୍କୁ ପୁଣି ସେମାନଙ୍କ ଘରେ ଛଡ଼ାଯିବାର ବ୍ୟବସ୍ଥା କରାଯାଇଥିଲା।

ବାଲେଶ୍ଵର: ବାଲେଶ୍ୱର ଜିଲ୍ଲା ଚାନ୍ଦିପୁର ଡିଆରଡିଓରୁ ହାଇସ୍ପିଡ ଏକ୍ସପେଣ୍ଡେବଲ୍ ଏରିୟଲ ଟାର୍ଗେଟ ‘ଅଭ୍ୟାସ’ କ୍ଷେପଣାସ୍ତ୍ରର ଶୁକ୍ରବାର ସଫଳ ପରୀକ୍ଷଣ ହୋଇଛି। କ୍ଷେପଣାସ୍ତ୍ର ଘାଟି ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜରୁ ଏହି ଉତ୍‌କ୍ଷେପଣ ପ୍ରତିରକ୍ଷା ଅନୁସନ୍ଧାନ ଓ ବିକାଶ ସଂଗଠନ(ଡିଆରଡିଓ) କରିଛି। ‘ଅଭ୍ୟାସ’ ହେଉଛି ଚାଳକ ବିହୀନ ଦ୍ରୁତଗାମୀ ଟାର୍ଗେଟ୍ ଏୟାରକ୍ରାଫ୍ଟ। ଏହା ରାଡାର ଓ ଇଲେକ୍ଟ୍ରୋ ଅପ୍‌ଟିକ୍ ସିଷ୍ଟମ୍ ଦ୍ବାରା ପରିଚାଳିତ ହୋଇଥାଏ | ‘ଅଭ୍ୟାସ’କୁ ବିଭିନ୍ନ ପ୍ରକାରର କ୍ଷେପଣାସ୍ତ୍ର ଏବଂ ବିମାନକୁ ଚିହ୍ନଟ କରି ଟାର୍ଗେଟ କରିବାରେ ବ୍ୟବହାର କରାଯାଇପାରିବ । ଏଥିରେ ଏକ ଛୋଟ ଗ୍ୟାସ ଟର୍ବାଇନ ଇଞ୍ଜିନ ବ୍ୟବହାର କରାଯାଇଛି ଏବଂ ଏମ୍‌ଇଏମ୍‌ଏସ୍‌ ନାଭିଗେସନ୍‌ ସିଷ୍ଟମରେ ଏହା କାର୍ଯ୍ୟ କରୁଛି ।

ଭୁବନେଶ୍ବର : ଚାନ୍ଦିପୁର ଡିଆରଡିଓ ତଥ୍ୟ ଲିକ୍ ମାମଲାରେ ଅଧିକ ତଦନ୍ତ ପାଇଁ ଇଣ୍ଟରପୋଲର ସହାୟତା ନେବ କ୍ରାଇମବ୍ରାଞ୍ଚ। ଡିଆରଡିଓ ଗୁପ୍ତ ତଥ୍ୟ ହାସଲ ଲାଗି ୫ ଜଣଙ୍କୁ ନିଜ ଜାଲରେ ପକାଇଥିବା ରହସ୍ୟମୟୀ ଯୁବତୀଙ୍କ ଫଟୋ ଏବଂ ଭିଡିଓ କଲ୍‌ ରେକର୍ଡିଂ ମିଳିବା ପରେ ତଦନ୍ତକୁ ଆଗେଇ ନେଇଛି ଓଡିଶା କ୍ରାଇମବ୍ରାଞ୍ଚ। କିନ୍ତୁ ରହସ୍ୟମୟୀ ଯୁବତୀଙ୍କ ଚାନ୍ଦିପୁର ଡିଆରଡିଓରୁ ଗିରଫ ୫ ଜଣଙ୍କ ସହ ବ୍ରିଟେନ ନମ୍ବରରେ କଥା ହୋଉଥିବାରୁ ଏବଂ ବିଦେଶୀ ବ୍ୟାଙ୍କ ଆକାଉଣ୍ଟରୁ ଟଙ୍କା ଆସିଥିବାରୁ  ଅଧିକ ତଦନ୍ତ ପାଇଁ ଆନ୍ତର୍ଜାତିକ ଗୁଇନ୍ଦା ସଂସ୍ଥା ଇଣ୍ଟରପୋଲର ସହାୟତା ନେବ କ୍ରାଇମବ୍ରାଞ୍ଚ । ତେବେ ମିଳିଥିବା ରହସ୍ୟମୟୀ ଯୁବତୀଙ୍କ ଫଟୋ ଏବଂ ଭିଡିଓ କଲରେକର୍ଡିଂକୁ ନେଇ  ଆଗକୁ ଆହୁରି ତଦନ୍ତ କରୁଛି କ୍ରାଇମବ୍ରା଼ଞ୍ଚ । ଡାଟା ଭେରିଫାଏ ହେଲା ପରେ ଅଭିଯୁକ୍ତଙ୍କୁ ପୁଣି ରିମାଣ୍ଡରେ ଅଣାଯିବ।। ଆଜି ଏ ନେଇ ସୂଚନା ଦେଇଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।

କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା କହିଛନ୍ତି ଯେ ଫେସବୁକ୍ ସମେତ ଅନ୍ୟ ସୋସିଆଲ ମିଡିଆ ଜରିଆରେ ଅଭିଯୁକ୍ତଙ୍କ ସହ ସମ୍ପର୍କ ଗଢ଼ିଥିଲା ରହସ୍ୟମୟୀ ମହିଳା। ୫ ଜଣଙ୍କ ମଧ୍ୟରୁ ଦୁଇ ଜଣଙ୍କୁ ବିବାହ ପ୍ରତିଶ୍ରୁତି ଦେଇଥିଲା । ହିନ୍ଦୀରେ କଥାବାର୍ତ୍ତା କରି ଭିଡିଓ କଲ୍ କରୁଥିଲେ ମହିଳା। ମହିଳା ଜଣଙ୍କ ଦୁବାଇରେ ଥିବା ଏକ ଆକାଉଣ୍ଟରୁ ଟଙ୍କା ପଠାଇଛନ୍ତି ତେବେ ଉକ୍ତ ଆକାଉଣ୍ଟ କାହା ନାଁରେ ଅପରେଟ ହେଉଛି ଏବଂ ଏଥି ପାଇଁ କିଏ ଫଣ୍ଡି କରୁଥିଲା। ସେ କେଉଁ ଲୋକେସନରୁ କଲ୍‌ କରୁଥିଲେ ଓ ତାଙ୍କ ଆଇପି ଆଡ୍ରେସର ଲୋକେସନ ଓ ସେହି ଆଇପି ଆଡ୍ରେସରେ ଆଉ କେଉଁ ସଂକ୍ରାନ୍ତୀୟ ଗୁପ୍ତ ତଥ୍ୟ ଚୋରି ହୋଇଛି ତାହା ଇଣ୍ଟରପୋଲ ସହାୟତା ଦ୍ବାରା ହିଁ ଜଣାପଡିବ। ଏଣୁ କ୍ରାଇମବ୍ରାଞ୍ଚ ଇଣ୍ଟରପୋଲ ସହାୟତା ନେବ ବୋଲି ଏଡିଜି ସଞ୍ଜୀବ ପଣ୍ଡା କହିଛନ୍ତି।

ସୂଚନାଯୋଗ୍ୟ ଚାନ୍ଦିପୁର ସ୍ଥିତ କ୍ଷେପଣାସ୍ତ୍ର କେନ୍ଦ୍ର ସଂପର୍କିତ ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ଏପର୍ଯ୍ୟନ୍ତ ୫ ଜଣଙ୍କୁ ଗିରଫ କରିଛି । ସେମାନଙ୍କ ମଧ୍ୟରୁ ୪ ଜଣ ଠିକା କର୍ମଚାରୀ ହୋଇଥିବାବେଳେ ଜଣେ ଆଇଟିଆରର ସ୍ଥାୟୀ ଡ୍ରାଇଭର ସଚିନ କୁମାର ଛେତା । ଏହି ଅଭିଯୁକ୍ତମାନେ ଉକ୍ତ ରହସ୍ୟମୟୀ ମହିଳାଙ୍କ ହନିଟ୍ରାପରେ ଫସି ଗୁରୁତ୍ବପୂର୍ଣ୍ଣ ତଥ୍ୟ ଲିକ୍‌ କରୁଥିବା ସନ୍ଦେହ କରାଯାଉଛି।

ବାଲେଶ୍ୱର: ବାଲେଶ୍ଵର ଜିଲ୍ଲା ଚାନ୍ଦିପୁର ପ୍ରତିରକ୍ଷା ଅନୁସନ୍ଧାନ ଓ ବିକାଶ ସଙ୍ଗଠନରେ ଠିକା ଶ୍ରମିକ ଭାବେ କାର୍ଯ୍ୟ କରୁଥିବା ୪ ଜଣ କର୍ମଚାରୀଙ୍କୁ ସୋମବାର ଦିନ ଚାନ୍ଦିପୁର ପୁଲିସ ଉଠାଇନେଇଛି। ଏହି ଠିକା ଶ୍ରମିକମାନେ ଅଗ୍ନି ଓ ପୃଥିବୀ, ଆକାଶ, ବ୍ରହ୍ମସ ପରି ବହୁ ଗୁରୁତ୍ୱପୂର୍ଣ୍ଣ କ୍ଷେପଣାସ୍ତ୍ର ପରୀକ୍ଷା ହେଉଥିବା ୩ ନମ୍ବର ଲଞ୍ଚପ୍ୟାଡରୁ ମୋବାଇଲ ସାହାଯ୍ୟରେ ବାରମ୍ବାର ଆଇଏସଡି କଲ୍ କରିବା ଏବଂ କଲ୍ ରିସିଭ୍ କରିବା ଭଳି ଘଟଣା କେନ୍ଦ୍ର ଗୁଇନ୍ଦା ବିଭାଗ ଜାଣିବା ପରେ ପୁଲିସ ଏପରି କାର୍ଯ୍ୟାନୁଷ୍ଠାନ ନେଇଥିବା କୁହାଯାଇଛି। ପାକିସ୍ତାନର ଗୁଇନ୍ଦା ସଂସ୍ଥା ତଥା ଭାରତ ବିରୋଧୀ ଆଇଏସଆଇ ପରି ସଂସ୍ଥାର ଏଜେଣ୍ଟ ମାନଙ୍କ ସହ ଏହି ଠିକା ଶ୍ରମିକ ମାନେ ଲିଙ୍କ ରଖି ଦେଶର ନିରାପତ୍ତା ସମ୍ବନ୍ଧୀୟ ତଥ୍ୟ ଯୋଗାଉଥିଲେ ବୋଲି ଗୁରୁତର ଅଭିଯୋଗ ରହିଥିବାରୁ ପୁଲିସ ତଦନ୍ତ ସମ୍ପର୍କରେ କୌଣସି ସୂଚନା ଦେବାକୁ ମନା କରିଦେଇଛି।

ପ୍ରକାଶଯୋଗ୍ୟ,ଚାନ୍ଦିପୁରସ୍ଥିତ ୩ ନମ୍ବର ଲଞ୍ଚପ୍ୟାଡରେ ଦୀର୍ଘବର୍ଷ ଧରି ଠିକା ଶ୍ରମିକ ଭାବେ କାର୍ଯ୍ୟ କରୁଥିବା ସ୍ଥାନୀୟ ଅଞ୍ଚଳର ଜଣେ ଯୁବକଙ୍କ ଫୋନକୁ ଗତ କିଛି ମାସ ମଧ୍ୟରେ ବାରମ୍ବାର ଆଇଏସଡି କଲ୍ ଯିବାଆସିବା କରିବା ଖବର ପ୍ରଥମେ କେନ୍ଦ୍ରିକ ଗୁଇନ୍ଦା ବିଭାଗର ନଜରକୁ ଆସିଥିଲା। ଏହି କଲ୍ ଗୁଡିକ ରାଜସ୍ଥାନ ବୋର୍ଡରରୁ ଆସିଥିବାର ଜଣାପଡିଛି। ଯେଉଁଠାରୁ କଲଗୁଡିକ ଆସିଛି ତାହା ପାକିସ୍ତାନ ସୀମାର ଅତି ନିକଟରେ ହୋଇଥିବାରୁ ଗୁଇନ୍ଦା ବିଭାଗର ନିଦ ହଜିଯାଇଥିଲା। ଗୁଇନ୍ଦା ବିଭାଗ ଏସମ୍ପର୍କରେ କେନ୍ଦ୍ର ନିରାପତ୍ତା ବିଭାଗକୁ ଅବଗତ କରିବା ସହ ସେହି ଫୋନର ଗତିବିଧି ଜାଣିବା ପାଇଁ ଟ୍ରାକ କରିଥିଲା। ଟ୍ରାକିଂ ସମୟରେ ଗୁଇନ୍ଦା ବିଭାଗକୁ ଅନେକ ଗୁରୁତ୍ଵପୂର୍ଣ୍ଣ ତଥ୍ୟ ମିଳିଥିବାର ଜଣାପଡିଛି। ଏନେଇ ଗୁଇନ୍ଦା ବିଭାଗର ସୂଚନା ଆଧାରରେ ଓ ବାଲେଶ୍ଵର ଜିଲ୍ଲା ପୁଲିସ ମୁଖ୍ୟାଳୟ ର ନିର୍ଦ୍ଦେଶରେ ଗତକାଲି ସୋମବାର ଚାନ୍ଦିପୁର ଆଇଟିଆରରେ ଠିକା ଶ୍ରମିକ ଭାବେ କାର୍ଯ୍ୟ କରୁଥିବା ୪ ଜଣକୁ ପୁଲିସ ଉଠାଇଆଣିଛି।ସେମାନଙ୍କୁ ବିଭିନ୍ନ ସ୍ଥାନରେ ରଖି ଜେରା କରାଯାଉଛି। ଅଟକ ଥିବା ଏହି ଠିକା ଶ୍ରମିକ ମାନେ ବାଲେଶ୍ଵର ସଦର ବ୍ଲକର ଶ୍ରୀକୋଣା,ହିଡଗାଁ ଓ ବର୍ଦ୍ଧନପୁର ପଞ୍ଚାୟତର ବୋଲି କୁହାଯାଇଛି। ତେବେ ସେମାନଙ୍କ ପରିବାର ଲୋକେ ସେମାନେ ନିର୍ଦ୍ଦୋଷ ବୋଲି କହିଛନ୍ତି।

ସୂଚନାଯୋଗ୍ୟ ଯେ ଏହା ପୂର୍ବରୁ ମଧ୍ୟ ଆଇଟିଆରରେ ଜଣେ ଚୁକ୍ତିଭିତ୍ତିକ ଫଟୋଗ୍ରାଫର ଭାବେ କାର୍ଯ୍ୟ କରୁଥିବା ମୟୁରଭଞ୍ଜ ଜିଲ୍ଲା ବେତନଟୀ ଥାନା କଣ୍ଟିପୁର ଗାଁର ଇଶ୍ଵର ବେହେରାକୁ ଆଇଏସଆଇ ସହ ଲିଙ୍କ ଅଭିଯୋଗରେ ୨୦୧୪ ମସିହା ଡିସେମ୍ବର ୨୨ ତାରିଖରେ ଗିରଫ କରାଯାଇଥିଲା। ତଦନ୍ତ ସମୟରେ ପାକିସ୍ତାନ ଗୁଇନ୍ଦା ସଂସ୍ଥା ଆଇଏସଆଇକୁ ଇଶ୍ବର ଭାରତୀୟ ନିରାପତ୍ତା ବା ପ୍ରତିରକ୍ଷା ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ତଥ୍ୟ ଓ ଗୁପ୍ତ ଦସ୍ତାବିଜ ପ୍ରଦାନ କରିଥିବା ବେଳେ ପ୍ରତିବଦଳରେ ଇଶ୍ବରର ବ୍ୟାଙ୍କ ଆକାଉଣ୍ଟକୁ ଟଙ୍କା ଆସିଥିବାର ଜଣାପଡିଥିଲା। ଏହି ମାମଲାର ବିଚାର ଦୀର୍ଘ ୬ ବର୍ଷରୁ ଉର୍ଦ୍ଧ୍ବ ସମୟ ଧରି ଚାଲିଥିବା ବେଳେ ୨୯ ଜଣକ ସାକ୍ଷୀଙ୍କ ବୟାନ ରେକର୍ଡ କରାଯାଇଥିଲା। ଶେଷରେ ଅପରାଧିକ ଷଡ଼ଯନ୍ତ୍ର,ଦେଶ ଦ୍ରୋହ ଓ ଦେଶ ନିରାପତ୍ତା ସମ୍ପର୍କରେ ଗୁପ୍ତ ତଥ୍ୟ ଦେବା ଅଭିଯୋଗରେ ଗତ ଫେବୃଆରୀ ମାସରେ ଇଶ୍ବରକୁ ଆଜୀବନ କାରାଦଣ୍ଡାଦେଶ ଦିଆଯାଇଛି।

ବାଲେଶ୍ଵର : ବାଲେଶ୍ଵର ସ୍ଥିତ ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ୩ ନମ୍ବର ଲଞ୍ଚପ୍ୟାଡରୁ ଆଜି ଦିନ ପ୍ରାୟ ୧୦ଟା ୪୩ ମିନିଟ ସମୟରେ ଦୂରଗାମୀ ସବସୋନିକ କ୍ରୁଜ ମିସାଇଲ ନିର୍ଭୟର ପରୀକ୍ଷା ହୋଇଛି।

ନିର୍ଭୟର ଲକ୍ଷ୍ୟ ଭେଦ କ୍ଷମତା ୧୫୦୦ କିଲୋମିଟର ରହିଛି ବୋଲି ଜଣାପଡିଛି। ଏଥିରେ ୨୦୦ କିଲୋଗ୍ରାମ ପର୍ଯ୍ୟନ୍ତ ଆଣବିକ ଯୁଦ୍ଧାସ୍ତ୍ର ବ୍ୟବହାର କରାଯାଇ ପାରିବ ଯାହା ଶତୃପକ୍ଷର ଚିନ୍ତା ବଢ଼ାଇବାରେ ସକ୍ଷମ ହେବ ବୋଲି ପ୍ରତିରକ୍ଷା ବିଶେଷଜ୍ଞ ମାନେ ପ୍ରକାଶ କରିଛନ୍ତି।ଉତକ୍ଷେପଣ ପରେ ନିର୍ଭୟ ମିସାଇଲ ଏୟାରକ୍ରାଫ୍ଟ ଭଳି ଉଡାଣକରି ଶତ୍ରୁ ଉପରକୁ ସିଧା ଆକ୍ରମଣ କରିପାରିବ। ସବସୋନିକ କ୍ରୁଜ ମିସାଇଲ ନିର୍ଭୟ ଭାରତୀୟ ସେନାର ଶକ୍ତି ବୃଦ୍ଧି କରିବାରେ ବିଶେଷ ସହାୟକ ହେବ ବୋଲି କୁହାଯାଉଛି।

ବାତ୍ୟା ପ୍ରଭାବରେ ବାଲେଶ୍ଵର ଜିଲ୍ଲାରେ ସାମୁଦ୍ରିକ ଜୁଆର ଆଜି ପ୍ରଖର ହେବାରେ ଲାଗିଛି।ଆଜି ଜିଲ୍ଲାର ଚାନ୍ଦିପୁର,ତାଳସାରି, ଉଦୟପୁର ଓ କୀର୍ତ୍ତନିଆ ଆଦି ସ୍ଥାନରେ ଗତକାଲି ରାତିରୁ ୨ ମିଟର ଉଚ୍ଚତାରେ ଜୁଆର ଉଠୁଛି। ଚାନ୍ଦିପୁର ବେଳାଭୁମି ରେ ସମୁଦ୍ର ଭୟଙ୍କର ରୂପ ଧାରଣ କରିଛି। ପର୍ଯ୍ୟଟକଙ୍କ ସୁବିଧା ପାଇଁ ନିର୍ମିତ ହୋଇଥିବା କଙ୍କ୍ରିଟ ପାହାଚ ଉପରେ ପାଣି ଛାଟି ହୋଇ ପଡୁଛି। ସେହିପରି ସଦର ବ୍ଲକ ଅଧିନସ୍ଥ ରସୁଲପୁର ପଞ୍ଚାୟତର ବଡଧନାଡି ଓ ଉପାଡ଼ି ଗାଁ ନିକଟକୁ ଜୁଆର ପାଣି ଧିରେ ଧିରେ ମାଡ଼ି ଆସୁଥିବାରୁ ଏହି ଦୁଇ ଗାଁର ଲୋକେ ମଧ୍ୟ ଆତଙ୍କିତ ହୋଇପଡିଛନ୍ତି।ପରଖି ଅଞ୍ଚଳରେ ମଧ୍ୟ ସମୁଦ୍ର ର କରାଳ ରୂପ ଦେଖିବାକୁ ମିଳୁଛି ବୋଲି ସ୍ଥାନୀୟ ଗ୍ରାମବାସୀ ସୂଚନା ଦେଇଛନ୍ତି।ଉଚ୍ଚ ଜୁଆର ଯୋଗୁଁ ଭୋଗରାଇ ବ୍ଲକ ଅଧିନସ୍ଥ ତାଳସାରି ସନ୍ନିକଟ ଥିବା ସୁବର୍ଣ୍ଣପୁର ଦ୍ବିପରେ ହଜାର ହଜାର ସଙ୍ଖ୍ୟାରେ ଝାଉଁ ଗଛ ଉପୁଡ଼ି ପଡ଼ିଛି।କୀର୍ତ୍ତନିଆ ଚଡ୍ ଉପରେ ୪ ମିଟର ଉଚ୍ଚତାରେ ଜୁଆର ପାଣି ମାଡି ଆସିବା ସହ ଲୁଣି ବନ୍ଧରେ ମାଡ଼ ଖାଉଛି। ଫଳରେ ଏନଏମ ପଡିଆ,କୀର୍ତ୍ତନିଆ, ଚନ୍ଦ୍ରାବାଲି ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି।ସେହିପରି କୀର୍ତ୍ତନିଆର ଅତି ନିକଟରେ ଥିବା ରଣସିଂପୁର,ଖଡିବିଲ ଓ ବଡପାହି ଗାଁର ମଧ୍ୟ ସମାନ ଅବସ୍ଥା।

ବାତ୍ୟା ମୁକାବିଲା ପାଇଁ କଚ୍ଚା ଚାଳ ଛପର ଓ ଆଜବେଷ୍ଟ ଘରେ ରହୁଥିବା ୧୨ ଟି ବ୍ଲକ ଓ ୪ ଟି ସହରଞ୍ଚଳର ୬୦୨୫୫ ଜଣ ଲୋକଙ୍କୁ ୧୩୪୧ ଟି ବହୁମୂଖୀ ବାତ୍ୟା ଆଶ୍ରୟସ୍ଥଳୀ ଓ ଅସ୍ଥାୟୀ ଆଶ୍ରୟସ୍ଥଳୀ କୁ ସ୍ଥାନାନ୍ତର କରାଯାଇଛି ବୋଲି କୁହାଯାଇଛି। ସେଥିମଧ୍ୟରୁ ୭୪୯ ଟି ଆଶ୍ରୟସ୍ଥଳୀରେ ରନ୍ଧାଖାଦ୍ୟର ବ୍ୟବସ୍ଥା କରାଯାଇଛି। ସେହିପରି ବାତ୍ୟା ସମୟରେ ଓ ପରେ ଉଦ୍ଧାର କାର୍ଯ୍ୟ ପାଇଁଁ ଜିଲ୍ଲାରେ ଚୁଡାନ୍ତ ଭାବେ ୯ ଟି ଏନଡିଆରଏଫ ଟିମ,୪ ଟି ଓଡ୍ରାଫ ଟିମ,୯ ଟି ଫରେଷ୍ଟ ଟିମ ଓ ୨୮୧ ଜଣ ଅଗ୍ନିଶମ କର୍ମଚାରୀଙ୍କୁ ବିଭିନ୍ନ ସ୍ଥାନରେ ନିୟୋଜିତ କରାଯାଇଛି। ବାତ୍ୟା ପରବର୍ତ୍ତୀ‌ ପୂର୍ତ୍ତ କିମ୍ବା ଅନ୍ୟ ମୁଖ୍ୟ ରାସ୍ତା ସଫା(ରୋର୍ଡ କ୍ଲିୟର) ପାଇଁ ଜିଲ୍ଲା ର ୯୬ ଟି ସ୍ଥାନକୁ ଚିହ୍ନଟ କରାଯାଇ ସେଠାରେ ପୂର୍ତ୍ତ ଓ ବନ୍ୟ ବିଭାଗକୁ ଦାୟିତ୍ଵ ଦିଆଯାଇଛି। ତେବେ ଗତକାଲି ରାତିରୁ ବର୍ଷା ସହ ପବନର ବେଗ ବଢୁଥିବାରୁ ବିଭିନ୍ନ ସ୍ଥାନରେ ଗଛ ପଡ଼ିବା ଓ ଭାଙ୍ଗିବା ଆରମ୍ଭ ହୋଇଛି। ସେହିପରି ଲଗାଣ ବର୍ଷା ଯୋଗୁଁ ଜିଲ୍ଲାର ବିଭିନ୍ନ ବ୍ଲକରେ ଖାଲୁଆ ଅଞ୍ଚଳର ଗୁଡ଼ିକରେ ବର୍ଷା ପାଣି ର ପ୍ରଖର ସ୍ରୋତ ଚାଲିଛି।