ଅଭିନେତ୍ରୀ ତଥା ଉଦ୍ୟୋଗପତି ପାରୁଲ ଗୁଲାଟୀ ନିକଟରେ ନିଜର ବ୍ୟବସାୟିକ ଅନୁଭୂତିକୁ ନେଇ ଏକ ବଡ଼ ଖୁଲାସା କରିଛନ୍ତି। ଗୋଆରେ ଥିବା ତାଙ୍କର ବିଳାସପୂର୍ଣ୍ଣ ଏୟାରବିଏନବି (Airbnb) ରୁ ଦୈନିକ ୪୦,୦୦୦ ଟଙ୍କା ଆୟ କରିବାର ଯେଉଁ ସ୍ୱପ୍ନ ସେ ଦେଖିଥିଲେ, ତାହା ବର୍ତ୍ତମାନ ଭୁଲ ପ୍ରମାଣିତ ହୋଇଛି ବୋଲି ସେ ସ୍ୱୀକାର କରିଛନ୍ତି। ନିକଟରେ ଏକ ପଡକାଷ୍ଟରେ ଭାଗ ନେଇ ପାରୁଲ କହିଛନ୍ତି ଯେ, ବାସ୍ତବତା ତାଙ୍କ ଆଶା ଠାରୁ ସମ୍ପୂର୍ଣ୍ଣ ଭିନ୍ନ।

ପୂର୍ବ ଆକଳନ ଏବଂ ବାସ୍ତବତା

ନିଶ୍ ହେୟାର୍ (Nish Hair) ର ପ୍ରତିଷ୍ଠାତା ପାରୁଲ ପ୍ରାୟ ଦୁଇ ବର୍ଷ ପୂର୍ବେ ପଡକାଷ୍ଟର ଶରଣ ହେଗଡେଙ୍କ ଶୋ'ରେ କହିଥିଲେ ଯେ ସେ ଗୋଆରେ ଏକ ଘର କିଣିଛନ୍ତି ଏବଂ ଏହାକୁ ଭଡ଼ାରେ ଦେଇ ଦିନକୁ ୪୦,୦୦୦ ରୁ ୪୫,୦୦୦ ଟଙ୍କା ଆୟ କରିବାକୁ ଲକ୍ଷ୍ୟ ରଖିଛନ୍ତି। ମାତ୍ର ବର୍ତ୍ତମାନ ପୁନର୍ବାର ସେହି ଶୋ'ରେ ସାମିଲ ହୋଇ ପାରୁଲ ସ୍ୱୀକାର କରିଛନ୍ତି ଯେ ତାଙ୍କର ପ୍ରାରମ୍ଭିକ ଆକଳନ ଭୁଲ୍ ଥିଲା ଏବଂ ବର୍ତ୍ତମାନ ଏହି ଭିଲ୍ଲାରୁ ଦୈନିକ ମାତ୍ର ୧୧,୦୦୦ ଟଙ୍କା ମିଳୁଛି।

ଗୋଆର ମାଲକିନ ହାଉସ୍

ଗୋଆର ନେରୁଲ ଠାରେ ଥିବା ପାରୁଲଙ୍କ ଏହି ସମ୍ପତ୍ତିର ନାମ ମାଲକିନ ହାଉସ୍ (Malkin House)। ଏହା ଏକ ବିଳାସପୂର୍ଣ୍ଣ ୨-ବିଏଚକେ (2-BHK) ଭିଲ୍ଲା, ଯେଉଁଥିରେ ପ୍ରାଇଭେଟ୍ ପୁଲ୍ ଏବଂ ଗାର୍ଡେନ୍ ଭଳି ଅନେକ ସୁବିଧା ରହିଛି। ଅତ୍ୟାଧୁନିକ ସୁବିଧା ଥିବା ସତ୍ତ୍ୱେ ବଜାରର ପ୍ରତିଯୋଗିତା କାରଣରୁ ଏହା ଆଶାନୁରୂପ ଆୟ ଦେବାରେ ବିଫଳ ହୋଇଛି।

ଆଶା ପୂରଣ ନହେବାର ମୁଖ୍ୟ କାରଣ

ପାରୁଲ ଏହି ବିଫଳତାର କାରଣ ଦର୍ଶାଇ କହିଛନ୍ତି ଯେ, ଗତ ୪ ରୁ ୫ ବର୍ଷ ମଧ୍ୟରେ ଗୋଆରେ ଅନେକ ନୂତନ ଲକ୍ସଜରୀ ଭିଲ୍ଲା ତିଆରି ହୋଇଛି। ଫଳସ୍ୱରୂପ, ବଜାରରେ ପ୍ରତିଯୋଗିତା ବୃଦ୍ଧି ପାଇଛି। ଏହାଛଡ଼ା ନିଜର ପ୍ରଥମ ଅନୁଭୂତି ହୋଇଥିବାରୁ ସେ ପର୍ଯ୍ୟଟନ କ୍ଷେତ୍ରରେ ଥିବା ପିକ୍ ସିଜନ୍ (peak season) ଏବଂ ଅଫ୍-ସିଜନ୍ (off-season) ବିଷୟରେ ସଠିକ୍ ଭାବରେ ବୁଝିପାରି ନଥିଲେ, ଯାହା ତାଙ୍କ ଆକଳନକୁ ପ୍ରଭାବିତ କରିଥିଲା। ପାରୁଲଙ୍କ ଏହି କାହାଣୀ ସୋସିଆଲ୍ ମିଡିଆରେ ଭାଇରାଲ ହେବା ସହ ବାସ୍ତବ ଜୀବନର ବିନିଯୋଗକୁ ନେଇ ଅନେକ ଲୋକଙ୍କୁ ଏକ ବଡ଼ ଶିକ୍ଷା ଦେଇଛି।

ବଲିଉଡ୍ ଅଭିନେତ୍ରୀ ପାରୁଲ୍ ଗୁଲାଟି ତାଙ୍କର ପ୍ରଥମ ହିନ୍ଦୀ ଥିଏଟ୍ରିକାଲ୍ ଚଳଚ୍ଚିତ୍ର 'କିସ୍ କିସକୋ ପ୍ୟାର୍ କରୁଁ ୨' (KKPK 2)ର ରି-ରିଲିଜକୁ ନେଇ ବେଶ୍ ଉତ୍ସାହିତ ଅଛନ୍ତି। କପିଲ ଶର୍ମାଙ୍କ ଅଭିନୀତ ଏହି କମେଡି ଚଳଚ୍ଚିତ୍ରଟି ଜାନୁଆରୀ ୯, ୨୦୨୬ରେ ପୁଣିଥରେ ପ୍ରେକ୍ଷାଳୟକୁ ଫେରୁଛି। ପାରୁଲ୍ ଏହି ଘଟଣାକୁ ନିଜ ପାଇଁ ଏକ "ଡବଲ୍ ବୋନସ୍" ବୋଲି ବର୍ଣ୍ଣନା କରିଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Parul Gulati 🤍 (@gulati06)

ଏହି ଚଳଚ୍ଚିତ୍ରଟି ପ୍ରଥମେ ଡିସେମ୍ବର ୧୨, ୨୦୨୫ରେ ମୁକ୍ତିଲାଭ କରିଥିଲା। ତେବେ ସେହି ସମୟରେ ରଣବୀର ସିଂହ ଏବଂ ଅକ୍ଷୟ ଖାନ୍ନାଙ୍କ ଅଭିନୀତ ବ୍ଲକବଷ୍ଟର ଚଳଚ୍ଚିତ୍ର 'ଧୁରନ୍ଧର' ମଧ୍ୟ ମୁକ୍ତିଲାଭ କରିଥିଲା। 'ଧୁରନ୍ଧର'ର ଅଦ୍ଭୁତପୂର୍ବ ସଫଳତା ଏବଂ ଏଥିରେ ଉଜୈର ବାଲୋଚ୍ ଭୂମିକାରେ ଅଭିନୟ କରିଥିବା ଡାନିଶ୍ ପାଣ୍ଡୋରଙ୍କ ଦମଦାର ଅଭିନୟ ଯୋଗୁଁ କପିଲଙ୍କ ଫିଲ୍ମକୁ ବକ୍ସ ଅଫିସରେ କଡ଼ା ପ୍ରତିଯୋଗିତାର ସାମ୍ନା କରିବାକୁ ପଡ଼ିଥିଲା। ଏହି କାରଣରୁ ନିର୍ମାତାମାନେ ଏହାକୁ ପୁନର୍ବାର ରିଲିଜ୍ କରିବାକୁ ନିଷ୍ପତ୍ତି ନେଇଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Parul Gulati 🤍 (@gulati06)

ଆଜ୍ ତକ୍ ସହ ଏକ ସ୍ୱତନ୍ତ୍ର ସାକ୍ଷାତକାରରେ ପାରୁଲ୍ କହିଛନ୍ତି ଯେ, "ଏହା ସତରେ ମୋ ପାଇଁ ଏକ ଡବଲ୍ ବୋନସ୍ ଏବଂ ନୂତନ ବର୍ଷର ସବୁଠାରୁ ସୁନ୍ଦର ଉପହାର। KKPK 2 ମୋର ପ୍ରଥମ ଥିଏଟ୍ରିକାଲ୍ ଫିଲ୍ମ ଏବଂ ଏହା ଏତେ କମ୍ ସମୟ ମଧ୍ୟରେ ଦୁଇଥର ରିଲିଜ୍ ହେବା ମୋ ପାଇଁ ଅତ୍ୟନ୍ତ ଆନନ୍ଦଦାୟକ।" ସେ କପିଲ ଶର୍ମାଙ୍କ ସହ କାମ କରିବା ଏବଂ କମେଡି ଶୈଳୀରେ ନିଜକୁ ଖାପ ଖୁଆଇବା ବିଷୟରେ ମଧ୍ୟ ନିଜର ଅଭିଜ୍ଞତା ବାଣ୍ଟିଥିଲେ।

ଏହି ଚଳଚ୍ଚିତ୍ରରେ କପିଲ ଶର୍ମାଙ୍କ ସହ ପାରୁଲ୍ ଗୁଲାଟି, ତ୍ରିଧା ଚୌଧୁରୀ ଏବଂ ଆୟେଶା ଖାନ୍ ମୁଖ୍ୟ ଭୂମିକାରେ ଅଛନ୍ତି। ଦର୍ଶକମାନେ ବର୍ତ୍ତମାନ ଏହି ହାସ୍ୟରସାତ୍ମକ ଚଳଚ୍ଚିତ୍ରକୁ ପୁଣିଥରେ ବଡ଼ ପରଦାରେ ଦେଖିବାର ସୁଯୋଗ ପାଇବେ।