ଇରାନରେ ଦେଖାଦେଇଥିବା ଭୟଙ୍କର ଗଣବିକ୍ଷୋଭ ଏବଂ ହିଂସାତ୍ମକ ପରିସ୍ଥିତିକୁ ଦୃଷ୍ଟିରେ ରଖି ତେହେରାନସ୍ଥିତ ଭାରତୀୟ ଦୂତାବାସ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ପରାମର୍ଶବଳୀ (Advisory) ଜାରି କରାଯାଇଛି। ଦେଶର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ବିରୁଦ୍ଧରେ ଜନତା ରାଜରାସ୍ତାକୁ ଓହ୍ଲାଇଥିବାବେଳେ ପରିସ୍ଥିତି ଅଣାୟତ୍ତ ହେବାରେ ଲାଗିଛି। ଏହି ସଙ୍କଟ ସମୟରେ ସେଠାରେ ଥିବା ଭାରତୀୟ ନାଗରିକମାନଙ୍କୁ ଯଥାଶୀଘ୍ର ଇରାନ ଛାଡ଼ିବାକୁ ଦୂତାବାସ ଅନୁରୋଧ କରିଛି।

ଭାରତୀୟ ଦୂତାବାସ ଇରାନରେ ରହୁଥିବା ଭାରତୀୟ ଛାତ୍ର, ତୀର୍ଥଯାତ୍ରୀ, ବ୍ୟବସାୟୀ ଏବଂ ପର୍ଯ୍ୟଟକମାନଙ୍କୁ ତୁରନ୍ତ ଦେଶ ଛାଡିବାକୁ ପରାମର୍ଶ ଦେଇଛି। ଯେହେତୁ ଇରାନ ସରକାର ଆନ୍ଦୋଳନକାରୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି, ତେଣୁ ଭାରତୀୟଙ୍କୁ ସତର୍କତା ଅବଲମ୍ବନ କରିବା ସହ ବିକ୍ଷୋଭ ପ୍ରଦର୍ଶନ ଚାଲିଥିବା ସ୍ଥାନକୁ ନ ଯିବାକୁ କୁହାଯାଇଛି। ଏହା ସହିତ ନିଜର ପାସପୋର୍ଟ ଏବଂ ଅନ୍ୟାନ୍ୟ ଜରୁରୀ କାଗଜପତ୍ର ସୁରକ୍ଷିତ ରଖିବାକୁ ନାଗରିକମାନଙ୍କୁ ଅନୁରୋଧ କରାଯାଇଛି।

ଦୂତାବାସ ପକ୍ଷରୁ କୁହାଯାଇଛି ଯେ, ଇରାନରେ ରହୁଥିବା ଯେଉଁ ଭାରତୀୟମାନେ ଏପର୍ଯ୍ୟନ୍ତ ନିଜର ନାମ ପଞ୍ଜିକରଣ କରିନାହାଁନ୍ତି, ସେମାନେ ତୁରନ୍ତ ଦୂତାବାସ ଦ୍ୱାରା ଜାରି କରାଯାଇଥିବା ଲିଙ୍କରେ ପଞ୍ଜିକରଣ କରନ୍ତୁ। ଯଦି ସେଠାରେ ଇଣ୍ଟରନେଟ୍ ସମସ୍ୟା ଯୋଗୁଁ ଏହା ସମ୍ଭବ ହେଉନାହିଁ, ତେବେ ଭାରତରେ ଥିବା ସେମାନଙ୍କ ପରିବାର ସଦସ୍ୟ ମଧ୍ୟ ପଞ୍ଜିକରଣ କରିପାରିବେ। କୌଣସି ବି ଜରୁରୀକାଳୀନ ପରିସ୍ଥିତି ପାଇଁ ଭାରତୀୟ ଦୂତାବାସ ହେଲ୍ପଲାଇନ୍ ନମ୍ୱର ଜାରି କରି ସହାୟତା ପାଇଁ ଯୋଗାଯୋଗ କରିବାକୁ କହିଛି।

ଗତ ଡିସେମ୍ବର ୨୮ ତାରିଖରୁ ଆର୍ଥିକ ସଙ୍କଟକୁ ନେଇ ଇରାନରେ ଆରମ୍ଭ ହୋଇଥିବା ପ୍ରତିବାଦ ଏବେ ହିଂସାତ୍ମକ ରୂପ ନେଇଛି। ସୁରକ୍ଷା ବାହିନୀର ଗୁଳିମାଡ଼ରେ ବହୁ ଲୋକଙ୍କର ମୃତ୍ୟୁ ଘଟିଥିବା ଖବର ସାମ୍ନାକୁ ଆସୁଛି। ଅନ୍ୟପକ୍ଷରେ, ଇରାନର ସର୍ବୋଚ୍ଚ ନେତା ଖାମେନି ଏହି ଆନ୍ଦୋଳନ ପଛରେ ଆମେରିକାର ହାତ ଥିବା ଅଭିଯୋଗ ଆଣିଛନ୍ତି।

ନୂଆଦିଲ୍ଲୀ: ଯେତେଶୀଘ୍ର ସମ୍ଭବ ଇରାନ ଛାଡ଼ିବାକୁ ଭାରତୀୟଙ୍କୁ ପରାମର୍ଶ । ତେହେରାନ୍‌ ସ୍ଥିତ ଭାରତୀୟ ଦୂତାବାସ ପକ୍ଷରୁ ଆଡଭାଇଜରୀ ଜାରି । ସମ୍ଭାବ୍ୟ ଆମେରିକା ଆକ୍ରମଣ ଆଶଙ୍କାରେ ଆଡଭାଇଜରୀ ଜାରି କରାଯାଇଛି । ଇରାନରେ ଲାଗି ରହିଥିବା ତୀବ୍ର ବିକ୍ଷୋଭ ଏବଂ ଅଶାନ୍ତି ମଧ୍ୟରେ ଭାରତ ସରକାର ବୁଧବାର ସେଠାରେ ଥିବା ନିଜ ନାଗରିକଙ୍କ ପାଇଁ ଏକ ଜରୁରୀ ପରାମର୍ଶ ଜାରି କରିଛନ୍ତି। ବଦଳୁଥିବା ପରିସ୍ଥିତିକୁ ଦୃଷ୍ଟିରେ ରଖି ଭାରତୀୟ ନାଗରିକମାନଙ୍କୁ ଯଥାଶୀଘ୍ର ଉପଲବ୍ଧ ଯେକୌଣସି ମାଧ୍ୟମରେ, ବିଶେଷକରି ବାଣିଜ୍ୟିକ ବିମାନ ଯୋଗେ ଇରାନ ଛାଡ଼ିବାକୁ ପରାମର୍ଶ ଦିଆଯାଇଛି।

https://twitter.com/India_in_Iran/status/2011377849480139238?ref_src=twsrc%5Etfw%7Ctwcamp%5Etweetembed%7Ctwterm%5E2011377849480139238%7Ctwgr%5E1f7dee358a7ba15fe8b1e047664295a98be9e6db%7Ctwcon%5Es1_&ref_url=https%3A%2F%2Ftimesofindia.indiatimes.com%2Findia%2Fleave-iran-indias-stark-advisory-amid-threat-of-us-attack-protests-spread%2Farticleshow%2F126524206.cms

ଭାରତୀୟ ଦୂତାବାସ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତିରେ କୁହାଯାଇଛି ଯେ, ବର୍ତ୍ତମାନ ଇରାନରେ ରହୁଥିବା ଭାରତୀୟ ଛାତ୍ରଛାତ୍ରୀ, ତୀର୍ଥଯାତ୍ରୀ, ବ୍ୟବସାୟୀ ଏବଂ ପର୍ଯ୍ୟଟକମାନେ ତୁରନ୍ତ ଦେଶ ଛାଡ଼ି ଚାଲି ଆସନ୍ତୁ । ଇରାନରେ ଥିବା ଭାରତୀୟ ଦୂତାବାସ ସହିତ ସଂପର୍କ କରନ୍ତୁ । କୌଣସି ଘଟଣା ଜାଣିବା ପାଇଁ ସ୍ଥାନୀୟ ମିଡିଆ ଉପରେ ନଜର ରଖନ୍ତୁ । ଭାରତୀୟ ନାଗରିକ କର୍ମସିଆଲ ବିମାନ ହେଉ ଅବା ଅନ୍ୟ କୌଣସି ଟ୍ରାନ୍ସପୋର୍ଟ ଜରିଆରେ ଇରାନ ଛାଡିବାକୁ ପରାମର୍ଶ ଦିଆଯାଇଛି । ସୁରକ୍ଷା ଦୃଷ୍ଟିକୋଣରୁ ଏହି ନିଷ୍ପତ୍ତି ନିଆଯାଇଛି।

ଭାରତୀୟ ଦୂତାବାସ ପକ୍ଷରୁ ନାଗରିକମାନଙ୍କୁ ଅତ୍ୟଧିକ ସତର୍କତା ଅବଲମ୍ବନ କରିବାକୁ କୁହାଯାଇଛି।
* ବିକ୍ଷୋଭ କିମ୍ବା ଆନ୍ଦୋଳନ ହେଉଥିବା ସ୍ଥାନକୁ ଯିବାକୁ ବାରଣ କରାଯାଇଛି।
* ସମସ୍ତ ନାଗରିକ ନିଜର ଯାତ୍ରା ଏବଂ ଇମିଗ୍ରେସନ୍ ଡକ୍ୟୁମେଣ୍ଟ (ପାସପୋର୍ଟ ଓ ID) ନିଜ ପାଖରେ ପ୍ରସ୍ତୁତ ରଖିବାକୁ ଅନୁରୋଧ କରାଯାଇଛି।
* ଯେକୌଣସି ସହାୟତା ପାଇଁ ତେହେରାନରେ ଥିବା ଭାରତୀୟ ଦୂତାବାସ ସହିତ ଯୋଗାଯୋଗରେ ରହିବାକୁ ପରାମର୍ଶ ଦିଆଯାଇଛି।

ଏହି ଘଟଣାକ୍ରମ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଏକ ଗୁରୁତ୍ୱପୂର୍ଣ୍ଣ ଘୋଷଣାର ଦିନକ ପରେ ଆସିଛି। ମଙ୍ଗଳବାର ଦିନ ଟ୍ରମ୍ପ ଇରାନୀ ଅଧିକାରୀଙ୍କ ସହ ହେବାକୁ ଥିବା ସମସ୍ତ ବୈଠକ ବାତିଲ କରିଦେଇଛନ୍ତି। ଏହା ସହିତ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲ୍ (Truth Social)ରେ ସେ ଲେଖିଛନ୍ତି ଯେ, "ସାହାଯ୍ୟ ରାସ୍ତାରେ ଅଛି" (Help is on its way), ଯାହା ପରିସ୍ଥିତିକୁ ଆହୁରି ସମ୍ବେଦନଶୀଳ କରିଛି।

ନୂଆଦିଲ୍ଲୀ: ଇରାନରେ ଚାଲିଥିବା ସରକାର ବିରୋଧୀ ଆନ୍ଦୋଳନ ଏବେ ଭୟଙ୍କର ରୂପ ଧାରଣ କରିଛି। ଦେଶର ବିଭିନ୍ନ ସହରରେ ପୋଲିସ୍ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ଜୋରଦାର ସଂଘର୍ଷ ଜାରି ରହିଛି। ଆମେରିକାର ମାନବାଧିକାର ସଂସ୍ଥା ‘ହ୍ୟୁମାନ୍ ରାଇଟ୍ସ ଆକ୍ଟିଭିଷ୍ଟ୍‌ ନିୟୁଜ୍ ଏଜେନ୍ସି’ର ରିପୋର୍ଟ ଅନୁଯାୟୀ, ବୁଧବାର ସକାଳ ସୁଦ୍ଧା ଇରାନରେ ମୃତ୍ୟୁସଂଖ୍ୟା ୨,୫୭୧ ରେ ପହଞ୍ଚିଛି। ଗତ କିଛି ଦଶନ୍ଧି ମଧ୍ୟରେ ଇରାନରେ ହୋଇଥିବା ଏହା ସବୁଠାରୁ ବଡ଼ ନରସଂହାର ଏବଂ ୧୯୭୯ର ଇସଲାମିକ୍ ବିପ୍ଳବ ସମୟର ଅରାଜକତାକୁ ମନେ ପକାଇ ଦେଉଛି।

ଏତେ ସଂଖ୍ୟକ ଲୋକଙ୍କ ମୃତ୍ୟୁ ପରେ ମଧ୍ୟ ଇରାନ ପ୍ରଶାସନ ମୁଣ୍ଡ ନୁଆଁଇବାକୁ ପ୍ରସ୍ତୁତ ନୁହେଁ। ଇରାନର ସୁପ୍ରିମ୍ ନ୍ୟାସନାଲ୍ ସିକ୍ୟୁରିଟି କାଉନସିଲର ସେକ୍ରେଟେରୀ ଅଲି ଲାରିଜାନି ଆମେରିକା ଓ ଇସ୍ରାଏଲକୁ କଡ଼ା ଭାଷାରେ ସମାଲୋଚନା କରିଛନ୍ତି। ସେ କହିଛନ୍ତି ଯେ, ଇରାନବାସୀଙ୍କ ମୃତ୍ୟୁ ପାଇଁ ମୁଖ୍ୟତଃ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଦାୟୀ। ଅନ୍ୟପକ୍ଷରେ, ଇରାନର ସରକାରୀ ଟିଭି ଚ୍ୟାନେଲ୍ ପ୍ରଥମ ଥର ପାଇଁ ମୃତ୍ୟୁ ଖବରକୁ ସ୍ୱୀକାର କରି ଦେଶରେ ଅନେକ ଲୋକ ଶହୀଦ ହୋଇଥିବା କହିଛି।

ଡିସେମ୍ବର ଶେଷ ଆଡକୁ ଅର୍ଥନୀତିର ଦୁର୍ବଳ ଅବସ୍ଥାକୁ ନେଇ ଆରମ୍ଭ ହୋଇଥିବା ଏହି ଆନ୍ଦୋଳନ ଏବେ ସମ୍ପୂର୍ଣ୍ଣ ରାଜନୈତିକ ରୂପ ନେଇଛି। ରାଜଧାନୀ ତେହେରାନରେ ଲୋକମାନେ ସର୍ବୋଚ୍ଚ ଧାର୍ମିକ ନେତା ଆୟାତୋଲ୍ଲା ଅଲି ଖାମେନେଇଙ୍କ ମୃତ୍ୟୁ କାମନା କରି ନାରାବାଜି କରୁଛନ୍ତି, ଯାହା ଇରାନରେ ଏକ ଗୁରୁତର ଅପରାଧ। ଏହି ସମୟରେ ଆମେରିକା ରାଷ୍ଟ୍ରପତି ଟ୍ରମ୍ପ ପ୍ରଦର୍ଶନକାରୀଙ୍କୁ ସମର୍ଥନ ଜଣାଇ ସେମାନଙ୍କୁ "ଦେଶଭକ୍ତ" ବୋଲି ସମ୍ବୋଧନ କରିଛନ୍ତି ଏବଂ ହତ୍ୟାକାଣ୍ଡ ନରୋକିବା ପର୍ଯ୍ୟନ୍ତ ଇରାନ ଅଧିକାରୀଙ୍କ ସହ ଆଲୋଚନା ବନ୍ଦ କରିବାକୁ ଘୋଷଣା କରିଛନ୍ତି।

ପ୍ରାୟ ୫ ଦିନ ପରେ ଇରାନରେ ଫୋନ୍ ସେବା ସ୍ୱାଭାବିକ ହେବା ପରେ ସେଠାକାର ଭୟଙ୍କର ଚିତ୍ର ସାମ୍ନାକୁ ଆସିଛି। ତେହେରାନରେ ସରକାରୀ କୋଠା ଓ ଏଟିଏମ୍ ଜଳିଯାଇଥିବା ଦେଖିବାକୁ ମିଳିଛି। ସାଧାରଣ ଲୋକେ ଏବେ ଆମେରିକାର ସାମରିକ ଆକ୍ରମଣ ଆଶଙ୍କାରେ ଭୟଭୀତ ଅଛନ୍ତି। ଯୁବବର୍ଗ ହତାଶ ଥିଲେ ମଧ୍ୟ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛନ୍ତି।

ନୂଆଦିଲ୍ଲୀ: ଇରାନର ନିର୍ବାସିତ ରାଜକୁମାରଙ୍କ ଡାକରା ପରେ ଦେଶରେ ସରକାର ବିରୋଧୀ ଆନ୍ଦୋଳନ ତୀବ୍ର ରୂପ ନେଇଛି। ଏହାର ମୁକାବିଲା ପାଇଁ ଇରାନ ସରକାର ଗୁରୁବାର ରାତିରୁ ସମଗ୍ର ଦେଶରେ ଇଣ୍ଟରନେଟ୍ ଏବଂ ଆନ୍ତର୍ଜାତୀୟ ଟେଲିଫୋନ୍ ସେବାକୁ ବିଚ୍ଛିନ୍ନ କରିଦିଇଛନ୍ତି। ରାଜକୁମାର ରେଜା ପାହଲଭିଙ୍କ ଆହ୍ୱାନ କ୍ରମେ ରାତିରେ ହଜାର ହଜାର ଲୋକ ରାସ୍ତାକୁ ଓହ୍ଲାଇବା ସହ ଝରକାରୁ ସରକାର ବିରୋଧୀ ସ୍ଲୋଗାନ ଦେଇଥିଲେ। 

ବୃହତ ଆର୍ଥିକ ସଙ୍କଟ ଦେଇ ଗତି କରୁଥିବା ଇରାନରେ ଜନ ଅସନ୍ତୋଷ ବୃଦ୍ଧି ପାଉଛି। ୧୯୭୯ ଇସ୍‌ଲାମିକ୍ ବିପ୍ଳବ ପୂର୍ବରୁ ଦେଶ ଛାଡ଼ି ପଳାଇଥିବା ଶାହାଙ୍କ ପୁତ୍ର ରେଜା ପାହଲଭି ଗୁରୁବାର ରାତି ୮ଟାରେ ପ୍ରଦର୍ଶନ ପାଇଁ ଆହ୍ୱାନ ଦେଇଥିଲେ। ଏହି ସମୟରେ ତେହେରାନର ବିଭିନ୍ନ ଅଞ୍ଚଳରେ "ଏକଛତ୍ରବାଦ ଶାସକ ନିପାତ ହେଉ" ଏବଂ "ଇସ୍‌ଲାମିକ୍ ରିପବ୍ଲିକ୍ ମୂର୍ଦ୍ଦାବାଦ" ଭଳି ସ୍ଲୋଗାନ ଶୁଣିବାକୁ ମିଳିଥିଲା। ଅନେକ ପ୍ରଦର୍ଶନକାରୀ ପୁରୁଣା ରାଜତନ୍ତ୍ରକୁ ମନେ ପକାଇ ପାହଲଭିଙ୍କ ସମର୍ଥନରେ ନାରାବାଜି କରିଥିଲେ, ଯାହା ଅତୀତରେ ଏକ ଗୁରୁତର ଅପରାଧ ବୋଲି ବିବେଚନା କରାଯାଉଥିଲା।

ମାନବାଧିକାର କର୍ମୀଙ୍କ ରିପୋର୍ଟ ଅନୁଯାୟୀ, ବର୍ତ୍ତମାନ ସୁଦ୍ଧା ଏହି ଆନ୍ଦୋଳନରେ ହିଂସାତ୍ମକ ଘଟଣା ଘଟି ଅତିକମରେ ୪୨ ଜଣଙ୍କର ମୃତ୍ୟୁ ଘଟିଥିବା ବେଳେ ୨,୨୭୦ରୁ ଅଧିକ ଲୋକଙ୍କୁ ଅଟକ ରଖାଯାଇଛି। କ୍ଲାଉଡଫ୍ଲେୟାର (CloudFlare) ଏବଂ ନେଟବ୍ଲକ୍ସ (NetBlocks) ଭଳି ସଂସ୍ଥା ଇରାନରେ ଇଣ୍ଟରନେଟ୍ ସେବା ବନ୍ଦ ଥିବା ନିଶ୍ଚିତ କରିଛନ୍ତି। ଦୁବାଇରୁ ଇରାନକୁ ଫୋନ୍ କଲ୍ ସଂଯୋଗ ହୋଇପାରୁ ନାହିଁ। ତେବେ ଇରାନର ସରକାରୀ ଟିଭି ଚ୍ୟାନେଲ ଏହି ଇଣ୍ଟରନେଟ୍ କଟକଣା ସମ୍ପର୍କରେ କୌଣସି ସୂଚନା ଦେଇନାହିଁ।

ଦେଶର ବିଭିନ୍ନ ସ୍ଥାନରେ ସୁରକ୍ଷାକର୍ମୀ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ସଂଘର୍ଷ ଘଟିଛି। ଲର୍ଡେଗାନ୍ ସହରରେ ଗୁଳିକାଣ୍ଡରେ ଦୁଇଜଣ ସୁରକ୍ଷାକର୍ମୀ ନିହତ ହୋଇଥିବା ବେଳେ ତେହେରାନ ବାହାରେ ଜଣେ ପୋଲିସ୍ ଅଧିକାରୀଙ୍କୁ ହତ୍ୟା କରାଯାଇଥିବା ଖବର ମିଳିଛି। ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନି ଏବଂ ସରକାରଙ୍କ ଉପରେ ଚାପ ବଢୁଥିବା ବେଳେ ସୁରକ୍ଷା ବଳ ଡ୍ରୋନ୍ ବ୍ୟବହାର କରି ପ୍ରଦର୍ଶନକାରୀଙ୍କୁ ଚିହ୍ନଟ କରୁଛନ୍ତି। ପାହଲଭି ଆମେରିକା ଏବଂ ୟୁରୋପୀୟ ନେତାମାନଙ୍କୁ ଇରାନର ଜନସାଧାରଣଙ୍କ ଯୋଗାଯୋଗ ବ୍ୟବସ୍ଥା ପୁନଃସ୍ଥାପନ କରିବାକୁ ଅନୁରୋଧ କରିଛନ୍ତି।

ନୂଆଦିଲ୍ଲୀ: ଇରାନରେ ପୁଣି ଥରେ ଅଶାନ୍ତିର ବାତାବରଣ ସୃଷ୍ଟି ହୋଇଛି। ଦେଶର ବିଗୁଡୁଥିବା ଆର୍ଥିକ ସ୍ଥିତି ଏବଂ ମୁଦ୍ରାର ମୂଲ୍ୟ ହ୍ରାସକୁ ନେଇ ଲୋକମାନେ ରାଜରାସ୍ତାକୁ ଓହ୍ଲାଇଛନ୍ତି। ବିଭିନ୍ନ ପ୍ରାନ୍ତରେ ଆରମ୍ଭ ହୋଇଥିବା ଏହି ବିରୋଧ ପ୍ରଦର୍ଶନ ବର୍ତ୍ତମାନ ହିଂସାତ୍ମକ ରୂପ ନେଇଛି, ଯେଉଁଥିରେ ପୋଲିସ୍ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ସଂଘର୍ଷ ଘଟି ଅନେକ ଲୋକ ମୃତାହତ ହୋଇଥିବା ଖବର ମିଳିଛି।

ଦକ୍ଷିଣ-ପଶ୍ଚିମ ଇରାନର ଲର୍ଡେଗାନ୍ ଅଞ୍ଚଳରେ ଗୁରୁବାର (ଜାନୁଆରୀ ୧) ସକାଳେ ପରିସ୍ଥିତି ଅଣାୟତ୍ତ ହୋଇପଡିଥିଲା। ସରକାରୀ ଗଣମାଧ୍ୟମ 'ଫାର୍ସ ନ୍ୟୁଜ୍ ଏଜେନ୍ସି' ଅନୁଯାୟୀ, ସେଠାରେ ସୁରକ୍ଷାକର୍ମୀ ଏବଂ ବିକ୍ଷୋଭକାରୀଙ୍କ ମଧ୍ୟରେ ହୋଇଥିବା ସଂଘର୍ଷରେ ଅତିକମରେ ଦୁଇ ଜଣଙ୍କର ମୃତ୍ୟୁ ଘଟିଛି। ମୃତକମାନେ ସାଧାରଣ ନାଗରିକ କିମ୍ବା ସୁରକ୍ଷାକର୍ମୀ, ସେ ନେଇ ସ୍ପଷ୍ଟ ସୂଚନା ମିଳିନାହିଁ। ତେବେ କିଛି ରିପୋର୍ଟ ଅନୁଯାୟୀ, ଆନ୍ଦୋଳନକାରୀମାନେ ସରକାରୀ କାର୍ଯ୍ୟାଳୟ ଏବଂ ବ୍ୟାଙ୍କ ଉପରେ ପଥରମାଡ଼ କରିବା ସହ ନିଆଁ ଲଗାଇ ଦେଇଥିଲେ।

ଅନ୍ୟପକ୍ଷରେ, ଲୋରେସ୍ତାନ ପ୍ରଦେଶର କୁହଦାଷ୍ଟ ସହରରେ ବୁଧବାର ରାତିରେ ହିଂସା ଚରମ ସୀମାରେ ପହଞ୍ଚିଥିଲା। ଏଠାରେ ବାସିଜ୍ ପାରାମିଲିଟାରୀ ଫୋର୍ସର ଜଣେ ସଦସ୍ୟ ନିହତ ହୋଇଥିବା ବେଳେ ୧୩ ଜଣ ଆହତ ହୋଇଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଜଣେ ପୋଲିସ ଅଧିକାରୀଙ୍କ ଶରୀରରେ ନିଆଁ ଲାଗିଥିବା ଦେଖିବାକୁ ମିଳିଛି। ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ପ୍ରାୟ ୨୦ ଜଣଙ୍କୁ ଗିରଫ କରାଯାଇଛି।

ବ୍ୟବସାୟୀ, ଦୋକାନୀ ଏବଂ ଛାତ୍ରଛାତ୍ରୀମାନେ ଏହି ଆନ୍ଦୋଳନରେ ସାମିଲ ହୋଇ ସରକାର ବିରୋଧୀ ସ୍ଲୋଗାନ ଦେଉଛନ୍ତି। ୨୦୨୨ ମସିହାରେ ମହସା ଅମିନିଙ୍କ ମୃତ୍ୟୁ ପରେ ଇରାନରେ ହୋଇଥିବା ଗଣବିକ୍ଷୋଭ ପରେ ଏହା ହେଉଛି ସବୁଠାରୁ ବଡ଼ ଜନ ଅସନ୍ତୋଷ। ଦେଶର ମୁଦ୍ରା ମୂଲ୍ୟ ରେକର୍ଡ ସ୍ତରକୁ ଖସିବା ଏବଂ ଦରଦାମ୍ ବୃଦ୍ଧି ଯୋଗୁଁ ସାଧାରଣ ଜନତା ଅତିଷ୍ଠ ହୋଇପଡିଛନ୍ତି।