ଭୁବନେଶ୍ୱର: ବାଲେଶ୍ୱର ଜିଲ୍ଲାର ଜାଳେଶ୍ୱର ଅଞ୍ଚଳର ଜଣେ ୩ ବର୍ଷର ଶିଶୁର ଜଟିଳ ଜନ୍ମଜାତ ମେରୁଦଣ୍ଡ ରୋଗର ସଫଳ ଚିକିତ୍ସା କରିଛି ମଣିପାଲ ହସ୍ପିଟାଲ ଭୁବନେଶ୍ୱର ଠାରେ ହୋଇଛି। ଏହି ସଫଳ ଚିକିତ୍ସା ଦ୍ୱାରା ଶିଶୁଟି ନୂଆ ଜୀବନ ପାଇଛି ଏବଂ ସାରା ଜୀବନ ସ୍ନାୟୁ ଗତ ଅସୁବିଧା (ନର୍ଭ ଡାମେଜ୍) ହେବାର ଭୟ ଦୂର ହୋଇଛି।

ମଣିପାଲ ହସ୍ପିଟାଲର ଅଭିଜ୍ଞ ନ୍ୟୁରୋସର୍ଜନ ଡାକ୍ତର ରିତେଶ ଭୁତଙ୍କ ମତରେ ଶିଶୁଟି ‘ସ୍ପାଇନାଲ୍ ଲିପୋମାଇଲୋମେନିଙ୍ଗୋସିଲ୍’ ନାମକ ଏକ ଜଟିଳ ଜନ୍ମଜାତ ମେରୁଦଣ୍ଡ ରୋଗରେ ପୀଡ଼ିତ ଥିଲା। ଏହି ରୋଗରେ ମେରୁଦଣ୍ଡରେ ଚର୍ବି (ଫ୍ୟାଟ୍) ଜମି ସ୍ନାୟୁ ସହିତ ଲଗି ରହିଥାଏ, ଯାହା ଧୀରେ ଧୀରେ ସ୍ନାୟୁକୁ କ୍ଷତି କରେ। ଡାକ୍ତରଙ୍କ ମତରେ ଯଦି ସଠିକ୍ ସମୟରେ ଚିକିତ୍ସା ନହୁଏ, ତେବେ ପାଦ ଦୁର୍ବଳ ହେବା ସହିତ, ଅନୁଭୂତି କମିଯିବା, ଝାଡ଼ା ଓ ପରିସ୍ରାରେ ସମସ୍ୟା, ଏପରିକି ସାରା ଜୀବନ ପାଇଁ ପକ୍ଷାଘାତ (ପାରାଲିସିସ୍) ହେବାର ଆଶଙ୍କା ରହିଥାଏ।

ଜନ୍ମରୁ ଶିଶୁଟି ଝାଡ଼ା ଓ ପରିସ୍ରା କରିବାରେ ସମସ୍ୟା ଭୋଗୁଥିଲା। ଧୀରେ ଧୀରେ ତାଙ୍କ ବାମ ପାଦ ପତଳା ଓ ଜଟିଳ ହେବାକୁ ଲାଗିଲା। ଏହା ସ୍ନାୟୁ ଖରାପ ହେବାର ସ୍ପଷ୍ଟ ଲକ୍ଷଣ ଥିଲା। ଏଥିପାଇଁ ପିଲାଟିର ବାପା-ମାଆ ଅନେକ ଡାକ୍ତରଙ୍କ ପରାମର୍ଶ ନେଇଥିଲେ ମଧ୍ୟ ଡାକ୍ତରଙ୍କ ତାଙ୍କୁ ୩ ବର୍ଷ ପରେ ଅପରେସନ୍ କରିବାକୁ ପରାମର୍ଶ ଦେଇଥିଲେ, ଯାହା ଫଳରେ ସେମାନେ ଚିକିତ୍ସାରେ ବିଳମ୍ବ କରିଥିଲେ। କିନ୍ତୁ ମଣିପାଲ ହସ୍ପିଟାଲ ଭୁବନେଶ୍ୱରର ଡାକ୍ତରଙ୍କ ମତରେ ଏଭଳି ରୋଗରେ ୩ ମାସ ମଧ୍ୟରେ ଅପରେସନ୍ କରିବା ଉଚିତ୍। ଏହି ବିଳମ୍ବ ଯୋଗୁଁ ଅପରେସନ୍ ଅଧିକ ଜଟିଳ ହୋଇଯାଇଥିଲା ଓ ସାରା ଜୀବନ ପାଇଁ ପକ୍ଷାଘାତ (ପାରାଲିସିସ୍) ହେବାର ଆଶଙ୍କା ବଢ଼ିଯାଇଥିଲା।

ସଠିକ୍ ଓ ଭଲ ଚିକିତ୍ସା ପାଇଁ ପିଲାଟିର ମା–ବାପା ମଣିପାଲ ହସ୍ପିଟାଲ ଭୁବନେଶ୍ୱରକୁ ଆସିଥିଲେ। ସେଠାରେ ଶିଶୁଟିଙ୍କ ଚିକିତ୍ସା ଦାୟିତ୍ୱ ନେଲେ ଅଭିଜ୍ଞ ନ୍ୟୁରୋସର୍ଜନ୍ ଡାକ୍ତର ରିତେଶ ଭୂତ। ଏମ୍.ଆର.ଇ ଓ ଏକ୍ସ-ରେ ମାଧ୍ୟମରେ ସମ୍ପୂର୍ଣ୍ଣ ପରୀକ୍ଷା ପରେ ଏକ ଅତ୍ୟନ୍ତ ସୂକ୍ଷ୍ମ ଓ ଜଟିଳ ଅପରେସନ୍ ପାଇଁ ପରାମର୍ଶ ଦେଇଥିଲେ।

ଅପରେସନ୍ ସମୟରେ ଶିଶୁର ପିଠିର ସମସ୍ୟା ଥିବା ସ୍ଥାନରେ ସାବଧାନତାର ସହିତ ଅତ୍ୟାଧୁନିକ ମେସିନ୍ ସାହାର୍ଯ୍ୟରେ କାଟି ଜମିଥିବା ଚର୍ବି ଭାଗକୁ ନର୍ଭରୁ ଅଲଗା କରାଯାଇଲା। ନର୍ଭ ସହିତ ଲଗିଥିବା ଚର୍ବିକୁ କାଟି ବାହାର କରି ମେରୁଦଣ୍ଡକୁ ମୁକ୍ତ କରାଗଲା। ଏହି ଅପରେସନ୍ ପାଇଁ ଅତ୍ୟଧିକ ମେସିନ୍, ଆଧୁନିକ ସୁବିଧା ଓ ଅଭିଜ୍ଞ ଡାକ୍ତରୀ ଟିମ୍ ର ସମନ୍ୱୟ ଆବଶ୍ୟକ ଥିଲା। ଅପରେସନ୍ ପରେ ବର୍ତ୍ତମାନ ଶିଶୁଟି ସୁସ୍ଥ ହେଉଛି ଏବଂ ପୁନର୍ବାସ ବା ରିହାବିଲିଟେସନ୍ ରେ ତାର ଚିକିତ୍ସା ଚାଲିଛି।

ଏହି ଜଟିଳ ଅପରେସନ୍ କୁ ସଫଳ ଭାବରେ କରିଥିବା ମଣିପାଲ ହସ୍ପିଟାଲର ଅଭିଜ୍ଞ ନ୍ୟୁରୋସର୍ଜନ ଡାକ୍ତର ରିତେଶ ଭୁତଙ୍କ ମତରେ, “ସ୍ପାଇନାଲ୍ ଲିପୋମାଇଲୋମେନିଙ୍ଗୋସିଲ୍ ଏକ ଦୁର୍ଲଭ କିନ୍ତୁ ଗୁରୁତର ରୋଗ। ଶୀଘ୍ର ଏହି ରୋଗକୁ ଚିହ୍ନଟ କରି ଅପରେସନ୍ କଲେ ମେରୁଦଣ୍ଡରେ ଥିବା ସ୍ନାୟୁର କ୍ଷତିକୁ ରୋକିହେବ। ଏହି ଶିଶୁଟିର ବାପାମାଆ ଚିକିତ୍ସା କରିବାରେ ବିଳମ୍ବ କରିଥିବା ଯୋଗୁଁ ଅପରେସନ୍ ଜଟିଳ ଥିଲା, କିନ୍ତୁ ମଣିପାଲ ହସ୍ପିଟାଲରେ ଅତ୍ୟାଧୁନିକ ମେସିନ୍ ଓ ଅଭିଜ୍ଞ ଡାକ୍ତର ଓ ନର୍ସଙ୍କ ଟିମ୍ କାରଣରୁ ଆମେ ସଫଳ ହେଲୁ। ଏଭଳି ମାମଲା ଆମକୁ ଶିଖାଏ ଯେ ଶିଶୁମାନଙ୍କ ପାଇଁ ନ୍ୟୁରୋସର୍ଜରୀ ଚିକିତ୍ସା ଓ ଶୀଘ୍ର ଡାକ୍ତରୀ ସହାୟତା କେତେ ଜରୁରୀ। ଆମ ଲକ୍ଷ୍ୟ କେବଳ ଚିକିତ୍ସା ନୁହେଁ, ଶିଶୁମାନଙ୍କୁ ସାଧାରଣ ଓ ଜୀବନ ଦେବା।”

ଭୁବନେଶ୍ୱର: ମଣିପାଲ୍ ହସ୍ପିଟାଲ୍ ଭୁବନେଶ୍ୱର, ଭାରତର ଅଗ୍ରଣୀ ହସ୍ପିଟାଲ୍ ନେଟୱର୍କ ମଣିପାଲ୍ ହସ୍ପିଟାଲ୍ସ ଗ୍ରୁପ୍ ଅଧୀନରେ, ‘‘MAHI (Manipal Hospitals Healthy India)’ ନାମରେ ଏକ ନୂଆ ପ୍ରତିରୋଧାତ୍ମକ ସ୍ୱାସ୍ଥ୍ୟ ଓ ୱେଲନେସ୍ ପ୍ଲାଟଫର୍ମ ଆରମ୍ଭ କରିଛି । ଏକାମ୍ର ଭୁବନେଶ୍ୱର ବିଧାୟକ ଶ୍ରୀଯୁକ୍ତ ବାବୁ ସିଂହ ମୁଖ୍ୟ ଅତିଥି ଭାବରେ ଯୋଗ ଦେଇ ଏହାକୁ ଉଦଘାଟନ କରିଥିଲେ । ‘MAHI’ ସମ୍ପର୍କରେ ସେ କହିଥିଲେ ମଣିପାଲ ହସ୍ପିଟାଲ ସଦା ସର୍ବଦା ରୋଗୀଙ୍କ ଉତ୍ତମ ସ୍ୱାସ୍ଥ୍ୟ ବିଷୟରେ ଚିନ୍ତା କରେ, ତାଙ୍କର ଏହି ପଦକ୍ଷେପ ନିଶ୍ଚିତ ଭାବରେ ଲୋକପ୍ରିୟ ହେବ ଏବଂ ନିଶ୍ଚିତ ଭାବରେ ଓଡ଼ିଶାବାସୀଙ୍କ ପ୍ରତେକ ଘରେ ପହଞ୍ଚିବ ଏହି ଅବସରରେ ଡାକ୍ତର ଶକ୍ତିମୟ ମହାପାତ୍ର (କଲଷ୍ଟର ଡାଇରେକ୍ଟ ର ସାଉଥ ଇଷ୍ଟ୍, ମଣିପାଲ୍ ହସ୍ପିଟାଲ୍ ) ଙ୍କ ସମେତ ଅନେକ ଅଭିଜ୍ଞ ଡାକ୍ତର, ସ୍ୱାସ୍ଥ୍ୟ ବିଶେଷଜ୍ଞ, ନର୍ସ ଓ ଅନ୍ୟାନ୍ୟ ବୁଦ୍ଧିଯିବୀ ମାନେ ଉପସ୍ଥିତ ଥିଲେ ।

ଆଜିକାଲି ଲୋକମାନେ ରୋଗ ହେଲା ପରେ ଚିକିତ୍ସା କରିବା ଠାରୁ, ଆଗରୁ ସ୍ୱାସ୍ଥ୍ୟ ଯତ୍ନ ନେବା ଉପରେ ଅଧିକ ଗୁରୁତ୍ୱ ଦେଉଛନ୍ତି । ବିଶେଷଜ୍ଞ ମାନଙ୍କ ଅନୁମାନ ଅନୁଯାୟୀ, ୨୦୨୬ ସୁଦ୍ଧା ପ୍ରତିରୋଧାତ୍ମକ ସ୍ୱାସ୍ଥ୍ୟ ବଜାର ୧୬ ହଜାର କୋଟି ଟଙ୍କାରୁ ଅଧିକ ହେବ । କୋଭିଡ୍ ପରେ ପ୍ରାୟ ୪୦ ପ୍ରତିଶତ ଲୋକ ସ୍ୱାସ୍ଥ୍ୟ ପରୀକ୍ଷା ଓ ପ୍ରତିରୋଧାତ୍ମକ ଚିକିତ୍ସା ପ୍ରତି ସଚେତନ ହୋଇଛନ୍ତି । ଏହି ସମୟରେ ଦେଶରେ ଲକ୍ଷାଧିକ ଲୋକ ଡାଏବେଟିସ୍‌, ବ୍ଲଡ୍ ପ୍ରେସର, ହୃଦ୍‌୍‌ରୋଗ ଭଳି ଦୀର୍ଘକାଳୀନ ରୋଗରେ ପୀଡ଼ିତ କିମ୍ବା ରୋଗ ହେବାର ରିସ୍କ ରହିଛି । ଏହି କାରଣରୁ ସମୟରେ ସ୍ୱାସ୍ଥ୍ୟ ପରୀକ୍ଷା ଓ ରୋଗ ଆଗୁଆ ଚିହ୍ନଟ ଅତ୍ୟନ୍ତ ଜରୁରୀ ।

ମଣିପାଲ୍ ହସ୍ପିଟାଲ୍ ପକ୍ଷରୁ ଆରମ୍ଭ ହୋଇଥିବା ‘MAHI’ କୁ ଏକ ସହଜ ଓ ବିଶ୍ୱସନୀୟ ସ୍ୱାସ୍ଥ୍ୟ ସାଥୀ ଭାବେ ଗଢ଼ାଯାଇଛି । ଏହି ପ୍ଲାଟଫର୍ମ ମାଧ୍ୟମରେ ସାଧାରଣ ଲୋକ ସହଜରେ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା, ନିୟମିତ ହେଲେଥ୍ ଚେକଅପ୍‌, ଡାକ୍ତରଙ୍କ ପରାମର୍ଶ ଓ ଟୀକାକରଣ ସେବା ପାଇପାରିବେ ।

‘MAHI’ ରେ କଣ କଣ ସୁବିଧା ମିଳିବ

• ‘MAHI’ ରେ ପ୍ରତ୍ୟେକ ବୟସ୍ ଓ ପରିସ୍ଥିତି ଅନୁଯାୟୀ ହେଲ୍ଥ୍ ଚେକଅପ୍ ପ୍ୟାକେଜ୍ ରହିଛି ।
• କିଶୋର, ପୁରୁଷ, ମହିଳା ଓ ବୟସ୍କ ଲୋକଙ୍କ ପାଇଁ ଭିନ୍ନ ଭିନ୍ନ ପ୍ୟାକେଜ୍‌
• ଡାଏବେଟିସ୍‌, ଥାଇରଏଡ୍‌, PCOS, ହୃଦ୍‌‌ରୋଗ ଓ କ୍ୟାନସର ସମ୍ଭାବନା ଯାଞ୍ଚ ପାଇଁ ବିଶେଷ ପ୍ୟାକେଜ୍‌
• ହୃଦୟ, କିଡନି, ଯକୃତ, ଫୁସଫୁସ, ଆଖି ଓ ହାଡ଼ ସ୍ୱାସ୍ଥ୍ୟ ଯାଞ୍ଚ ପାଇଁ ଅଲଗା ପ୍ୟାକେଜ୍ । ଏହି ସେବାଗୁଡ଼ିକୁ ଧୀରେ ଧୀରେ ସମସ୍ତଙ୍କ ପାଇଁ ଉପଲବ୍ଧ କରାଯିବ ।
• ‘MAHI’ ମାଧ୍ୟମରେ MAHI Check ଦ୍ୱାରା ହେଲ୍ଥ୍ ଚେକଅପ୍‌, ‘MAHI’ ଡାକ୍ତରୀ ଦ୍ୱାରା ୨୪ ଘଣ୍ଟା ଡାକ୍ତରୀ ପରାମର୍ଶ ଓ MAHI Shots ଦ୍ୱାରା ବୟସ୍କଙ୍କ ପାଇଁ ଟୀକାକରଣ ସୁବିଧା ମିଳିବ ।

ଏହି ପ୍ଲାଟଫର୍ମ ୱେବସାଇଟ୍ ଓ ମୋବାଇଲ୍ ଆପ୍ ସହିତ ହସ୍ପିଟାଲ୍ ମଧ୍ୟରେ ମଧ୍ୟ ଉପଲବ୍ଧ ରହିବ । ଏହା ଦ୍ୱାରା ସାଧାରଣ ଲୋକ ସହଜରେ ନିଜ ଓ ପରିବାରର ସ୍ୱାସ୍ଥ୍ୟ ଯତ୍ନ ନେଇପାରିବେ ।

ଏହି ଅବସରରେ ମଣିପାଲ୍ ହସ୍ପିଟାଲ୍ ଭୁବନେଶ୍ୱରର (କଲଷ୍ଟର ଡାଇରେକ୍ଟ ର ସାଉଥ ଇଷ୍ଟ୍, ମଣିପାଲ୍ ହସ୍ପିଟାଲ୍ ଡାକ୍ତର ଶକ୍ତିମୟ ମହାପାତ୍ର କହିଛନ୍ତି, “ରୋଗ ହେବା ପୂର୍ବରୁ ସ୍ୱାସ୍ଥ୍ୟ ଯତ୍ନ ନେବା ଅତ୍ୟନ୍ତ ଜରୁରୀ । ସମୟରେ ପରୀକ୍ଷା କଲେ ଗୁରୁତର ରୋଗକୁ ରୋକିହେବ । MAHI ମାଧ୍ୟମରେ ଆମେ ସାଧାରଣ ଲୋକଙ୍କୁ ନିଜ ସ୍ୱାସ୍ଥ୍ୟ ପ୍ରତି ଅଧିକ ସଚେତନ କରିବାକୁ ଚେଷ୍ଟା କରୁଛୁ ।”