ହିନ୍ଦୁ ଧର୍ମରେ ଭଗବାନ ଶ୍ରୀକୃଷ୍ଣଙ୍କର ଅନେକ ରୂପକୁ ପୂଜା କରାଯାଏ, ସେଥିମଧ୍ୟରୁ ବାଙ୍କେ ବିହାରୀ ହେଉଛନ୍ତି ସବୁଠାରୁ ପ୍ରିୟ ତଥା ମନମୋହକ ବାଲ୍ୟ ରୂପ। ଭକ୍ତମାନଙ୍କର ବିଶ୍ୱାସ ରହିଛି ଯେ ବାଙ୍କେ ବିହାରୀ କେବଳ ଏକ ମୂର୍ତ୍ତି ନୁହଁନ୍ତି, ବରଂ ଜୀବନ୍ତ ରୂପରେ ବୃନ୍ଦାବନରେ ବିରାଜମାନ। ତେବେ ଭଗବାନ ଯେତେବେଳେ ନିଜ ଭକ୍ତଙ୍କୁ ବୃନ୍ଦାବନ ଡାକନ୍ତି, ସେତେବେଳେ କିଛି ଖାସ୍ ସଙ୍କେତ ମିଳିଥାଏ ବୋଲି ବିଶ୍ୱାସ ରହିଛି। ଆସନ୍ତୁ ଜାଣିବା ପ୍ରସିଦ୍ଧ କଥାବାଚକ ଇନ୍ଦ୍ରେଶ ଉପାଧ୍ୟାୟଙ୍କ ମତରେ ସେହି ସଙ୍କେତଗୁଡ଼ିକ କ'ଣ।

ସ୍ୱପ୍ନରେ ବୃନ୍ଦାବନ କିମ୍ବା ଠାକୁର ଜୀଙ୍କ ଦର୍ଶନ

କଥାବାଚକ ଇନ୍ଦ୍ରେଶ ଉପାଧ୍ୟାୟଙ୍କ ମୁତାବକ, ଯଦି କୌଣସି ବ୍ୟକ୍ତିଙ୍କୁ ରାତିରେ ସ୍ୱପ୍ନରେ ବାରମ୍ବାର ବୃନ୍ଦାବନ, ଯମୁନା ନଦୀ, ଗୋବର୍ଦ୍ଧନ ପର୍ବତ କିମ୍ବା ରାଧା ରମଣ, ରାଧା ବଲ୍ଲଭ ଏବଂ ବାଙ୍କେ ବିହାରୀଙ୍କ ମନ୍ଦିର ଦେଖାଯାଏ, ତେବେ ଏହାକୁ ଏକ ସ୍ପଷ୍ଟ ଡାକରା ବା ସଙ୍କେତ ବୋଲି ଧରିବାକୁ ହେବ। ଭଗବାନ ତାଙ୍କୁ ଦର୍ଶନ ପାଇଁ ଡାକୁଛନ୍ତି ବୋଲି ଏହା ସୂଚାଇଥାଏ।

ଅଚାନକ ବୃଜବାସୀଙ୍କ ସହ ଭେଟ

ଦ୍ୱିତୀୟ ସଙ୍କେତ ହେଉଛି ଆପଣଙ୍କ ଆଖପାଖରେ ହଠାତ୍ ଏପରି କୌଣସି ବ୍ୟକ୍ତି ଆସିପାରନ୍ତି ଯିଏ ବ୍ରଜ କିମ୍ବା ବୃନ୍ଦାବନ ସହିତ ଜଡ଼ିତ ଥିବେ। ତାଙ୍କ ସହ କଥାବାର୍ତ୍ତା ବେଳେ ବାରମ୍ବାର ଠାକୁର ଜୀ ଏବଂ ବୃନ୍ଦାବନର ପ୍ରସଙ୍ଗ ଉଠିବା ଆରମ୍ଭ ହୁଏ। ଭକ୍ତମାନେ ଏହାକୁ ମଧ୍ୟ ଭଗବାନଙ୍କ ଇସାରା ବୋଲି ମାନିଥାନ୍ତି।

ଘରେ ଅଚାନକ ପ୍ରସାଦ ପହଞ୍ଚିବା

ଅନେକ ସମୟରେ ଦେଖାଯାଇଛି ଯେ ବିନା କୌଣସି ଯୋଜନାରେ କାହା ଜରିଆରେ ଅଚାନକ ବାଙ୍କେ ବିହାରୀଙ୍କ ପ୍ରସାଦ ମିଳିଯାଏ କିମ୍ବା ଘରେ ଆସି ପହଞ୍ଚିଯାଏ। ଲୋକେ ଏହାକୁ ଭଗବାନଙ୍କ କୃପାର ସଙ୍କେତ ବୋଲି ମାନନ୍ତି। ଏହାର ଅର୍ଥ ହେଉଛି ଭଗବାନ ଆପଣଙ୍କୁ ଆଶୀର୍ବାଦ ଦେଉଛନ୍ତି ଏବଂ ଦର୍ଶନ ପାଇଁ ନିଜ ପାଖକୁ ଡାକୁଛନ୍ତି।

ବୃନ୍ଦାବନ ଯିବା ପାଇଁ ମନ ବ୍ୟାକୁଳ ହେବା

ବେଳେବେଳେ ବିନା କୌଣସି କାରଣରେ ମନ ଆପେ ଆପେ ବ୍ୟାକୁଳ ହେବାକୁ ଲାଗେ ଏବଂ ବାରମ୍ବାର ବୃନ୍ଦାବନ ଯିବାର ବିଚାର ମନକୁ ଆସେ। ଏପରି ଅନୁଭବ ହୁଏ ଯେ ସେଠାକୁ ଯିବା ଏବେ ଅତ୍ୟନ୍ତ ଜରୁରୀ। ଏହି ଆଭ୍ୟନ୍ତରୀଣ ଭାବନା ମଧ୍ୟ ଏକ ବିଶେଷ ସଙ୍କେତ। ବୃନ୍ଦାବନ ଯାଇ ବାଙ୍କେ ବିହାରୀଙ୍କ ଦର୍ଶନ କଲେ ମନକୁ ଶାନ୍ତି ମିଳିବା ସହ ଜୀବନରେ ସକାରାତ୍ମକତା ଭରିଯାଏ।

ମଥୁରା: ଉତ୍ତରପ୍ରଦେଶର ପ୍ରସିଦ୍ଧ ବାଙ୍କେ ବିହାରୀ ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼କୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ପକ୍ଷରୁ ଏକ ଜରୁରୀ ସୂଚନା ଜାରି କରାଯାଇଛି। ନୂତନ ବର୍ଷ ଅବସରରେ ମନ୍ଦିରରେ ଅସମ୍ଭାଳ ଭିଡ଼ ହେବାର ସମ୍ଭାବନା ଥିବାରୁ, ପ୍ରଶାସନ ଭକ୍ତମାନଙ୍କୁ ଡିସେମ୍ବର ୨୯ ରୁ ଜାନୁଆରୀ ୫ ପର୍ଯ୍ୟନ୍ତ ବୃନ୍ଦାବନ ନ ଆସିବାକୁ ଅନୁରୋଧ କରିଛି। ଯଦି କୌଣସି ଭକ୍ତ ଏହି ସମୟରେ ଦର୍ଶନ ପାଇଁ ଆସିବାକୁ ଚାହୁଁଛନ୍ତି, ତେବେ ସେମାନଙ୍କୁ ଭିଡ଼ର ସ୍ଥିତି ଦେଖି ଯାତ୍ରା କରିବାକୁ ପରାମର୍ଶ ଦିଆଯାଇଛି।

ମନ୍ଦିର ଠାକୁର ଶ୍ରୀ ବାଙ୍କେ ବିହାରୀ ଜୀ ମହାରାଜ ବୃନ୍ଦାବନର ପ୍ରବନ୍ଧକ ଅବଗତ କରାଇଛନ୍ତି କି, ମନ୍ଦିରରେ ନବବର୍ଷ ଅବସରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ରହିବ । ତେଣୁ ଆରାଧ୍ୟ ଠାକୁର ଶ୍ରୀ ବାଙ୍କେ ବିହାରୀ ଜୀ ମହାରାଜଙ୍କ ଦର୍ଶନ ପାଇଁ ଭିଡ଼ ଜମିବ । ଏମିତିରେ ଅତି ଆବଶ୍ୟକ ଥିଲେ ହିଁ ବୃନ୍ଦାବନ ଯାତ୍ରା କରନ୍ତୁ ।

ମନ୍ଦିରର ମ୍ୟାନେଜର ମୁନୀଶ ଶର୍ମା ଏହି ଗାଇଡଲାଇନ୍ ଜାରି କରିଛନ୍ତି। ଅତ୍ୟଧିକ ଭିଡ଼ ସମୟରେ ବୃଦ୍ଧ, ଅସୁସ୍ଥ ବ୍ୟକ୍ତି, ଦିବ୍ୟାଙ୍ଗ, ଗର୍ଭବତୀ ମହିଳା ଏବଂ ଛୋଟ ପିଲାମାନଙ୍କୁ ମନ୍ଦିରକୁ ନ ଆଣିବାକୁ ସେ ପରାମର୍ଶ ଦେଇଛନ୍ତି। ଏହା ସହିତ ଭକ୍ତମାନଙ୍କୁ ଦାମୀ ଅଳଙ୍କାର ପିନ୍ଧି ନ ଆସିବାକୁ ଏବଂ ସାଙ୍ଗରେ ବ୍ୟାଗ୍ କିମ୍ବା ଅନ୍ୟ ମୂଲ୍ୟବାନ ସାମଗ୍ରୀ ନ ଆଣିବାକୁ କୁହାଯାଇଛି।

ଭିଡ଼ ଭିତରେ ଯଦି କେହି ପରିବାର ସଦସ୍ୟ ହଜିଯାଆନ୍ତି, ତେବେ ସେମାନଙ୍କୁ ଖୋଜିବାରେ ସୁବିଧା ହେବା ପାଇଁ ଏକ ଗୁରୁତ୍ୱପୂର୍ଣ୍ଣ ପରାମର୍ଶ ଦିଆଯାଇଛି। ବିଶେଷକରି ଶିଶୁ ଓ ବୟସ୍କଙ୍କ ପକେଟରେ ନାମ, ଠିକଣା ଏବଂ ମୋବାଇଲ୍ ନମ୍ବର ଲେଖାଥିବା ଏକ ଚିରୁକୁଟି ରଖିବାକୁ ମନ୍ଦିର ପ୍ରଶାସନ ଅନୁରୋଧ କରିଛି। ନୂଆ ବର୍ଷ ପୂର୍ବରୁ ବର୍ତ୍ତମାନ ବୃନ୍ଦାବନରେ ଲକ୍ଷାଧିକ ଭକ୍ତଙ୍କ ସମାଗମ ହେଉଥିବାରୁ ଏଭଳି ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି।