ଲୁଧିୟାନା: ମନୋରଞ୍ଜନର ମାଧ୍ୟମ ସାଜିଥିବା ସାମାଜିକ ଗଣମାଧ୍ୟମ ଏବେ କଳା କାରବାରର ପ୍ରମୁଖ କେନ୍ଦ୍ର ହୋଇଯାଇଛି। ମିଥ୍ୟା ଖବର ପ୍ରସାର ପରେ ନିନ୍ଦିତ ସାମାଜିକ ଗଣମାଧ୍ୟମକୁ ଦେହ ବେପାର ପାଇଁ ବ୍ୟବହାର କରାଯାଉଛି। ପଞ୍ଜାବ ଲୁଧିୟାନାରୁ ଏଭଳି ଚାଞ୍ଚଲ୍ୟକର ମାମଲା ସାମ୍‌ନାକୁ ଆସିଛି। ଇନ୍‌ଷ୍ଟାଗ୍ରାମରେ ପେଜ୍‌ କ୍ରିଏଟ କରି ମହିଳା ଏବଂ ଯୁବତୀଙ୍କୁ ଏଥିରେ ସାମିଲ କରାଯାଉଛି। ଅଶ୍ଳୀଳ ରିଲ୍‌ ପୋଷ୍ଟ କରିବା ପାଇଁ ଏମାନଙ୍କୁ ମୋଟା ଅଙ୍କର ଅର୍ଥ ଦିଆଯାଉଛି। ଏହି ଲୋଭରେ ପଡ଼ି ଯୁବତୀ ନିଜର ଅଶ୍ଳୀଳ ଭିଡିଓ ଏବଂ ଫଟୋ ପୋଷ୍ଟ କରୁଛନ୍ତି। ଏଥିପାଇଁ ତାଙ୍କୁ ଗୋଟିଏ ପୋଷ୍ଟ ପିଛା ୨ ହଜାରରୁ ୫ ହଜାର ଟଙ୍କା ପର୍ଯ୍ୟନ୍ତ ମିଳୁଛି। ଏ ସବୁକୁ ଦେଖି ଅଧିକ ସଂଖ୍ୟକ ଲୋକ ପେଜ୍‌ରେ ସାମିଲ ହେଉଛନ୍ତି। ଏହି ପୃଷ୍ଠାର ପ୍ରୋଫାଇଲରେ ଠିକଣା ମଧ୍ୟ ରହୁଛି। ପରେ ବ୍ୟକ୍ତିଙ୍କୁ ମେସେଜ କରି ଦେହ ବ୍ୟବସାୟକୁ ଠେଲା ଯାଉଛି। କେବଳ ଲୁଧିୟାନାର ୧୦ ହଜାର ଯୁବତୀ ଏଭଳି ପେଜ୍‌ ସହ ଜଡ଼ିତ ଅଛନ୍ତି ବୋଲି ସୂଚନା ମିଳିଛି। ଏଥିରେ ଦେହ ବ୍ୟବସାୟ ହେଉଥିବା ଠିକଣାରେ ଭିଡିଓ ମଧ୍ୟ ଅପଲୋଡ କରାଯାଇଛି। ଏହି ଭିଡିଓରେ ସ୍ଥାନର ଠିକଣା ଦେଖାଯାଉଛି। ତେଣୁ ଗ୍ରାହକ ସହଜରେ ଏଠାରେ ପହଞ୍ଚି ପାରୁଛନ୍ତି। ଭିଡିଓରେ ଶୟନ କକ୍ଷ ମଧ୍ୟ ଦେଖାଯାଉଛି। ୨୦୨୬ ମାର୍ଚ୍ଚରୁ ଏହି ପେଜ୍‌ ଚାଲିଥିବାବେଳେ ଲୁଧିୟାନା ପୁଲିସ ଏସଂପର୍କରେ ସୂଚନା ନପାଇବା ସମସ୍ତଙ୍କୁ ବିସ୍ମିତ କରିଛି ।

ସୂଚନା ଅନୁଯାୟୀ, ଇନଷ୍ଟାରେ ସିମରନ ଲୁବାନିଙ୍କ ନାମରେ ଏକ ପେଜ ରହିଛି। ଏଠାରେ ପଞ୍ଜାବର ଦୁଗରି ଚୌକ କୋଠାର ଠିକଣା ରହିଛି। ଏଥିରେ ସବୁ ଭିଡିଓ ପୋଷ୍ଟ କରାଯାଉଛି। ଏହି ପେଜ୍‌ରେ ଅନେକ ଯୁବତୀ ନିଜର ଅଶ୍ଳୀଳ ଭିଡିଓ କରି ଅପଲୋଡ କରିଛନ୍ତି। ଗ୍ରାହକଙ୍କୁ ଟାଣିବା ପାଇଁ ଏନଆରଆଇ ଭାବି ନାମରେ ମଧ୍ୟ ରିଲ୍‌ ରହିଛି। ଆଉ କିଛି ପୋଷ୍ଟରେ ଆପତ୍ତିଜନକ ଭାଷା ବ୍ୟବହାର କରାଯାଇଛି। ରିଲ୍‌ ମାଧ୍ୟମରେ ଦର ମଧ୍ୟ ଜଣାଇ ଦିଆଯାଉଛି। ୫ ହଜାର ଟଙ୍କା ପର୍ଯ୍ୟନ୍ତ ଆଣି କୋଠାକୁ ଆସିବାକୁ କୁହାଯାଉଛି। ଆଗ୍ରହୀ ବ୍ୟକ୍ତିଙ୍କୁ ମେସେଜ କରି କେଉଁ ଅଞ୍ଚଳରେ ଯୁବତୀ ଦରକାର ବୋଲି ପଚରା ଯାଉଛି। ପରେ ଏକ ଲିଙ୍କ ଦିଆଯାଉଛି। ଏଥିରେ ୩୦ ହଜାର ଭିଡିଓ ଏବଂ ୨୨ ହଜାର ଫଟୋ ଥିବା ଦାବି କରାଯାଇଛି।

ଇନ୍‌ଷ୍ଟାଗ୍ରାମ୍‌ ବ୍ୟବହାରକାରୀଙ୍କୁ ଏବେ କେବଳ କୌଣସି ପୋଷ୍ଟ ଉପରେ ଲାଇକ୍‌ କରିବାର ଅନୁମତି ଥିବା ବେଳେ ଡିସ୍‌ଲାଇକ୍‌ କରିବାର ସୁଯୋଗ ନାହିଁ। ତେବେ ଖୁବ୍‌ଶୀଘ୍ର ବ୍ୟବହାରକାରୀଙ୍କ ଲାଗି ଏହାକୁ ନେଇ ଏକ ନୂଆ ବିକଳ୍ପ ଆସିବାକୁ ଯାଉଛି। ଏହି ଫିଚର୍‌ ମାଧ୍ୟମରେ ପସନ୍ଦ ଆସୁ ନ ଥିବା କୌଣସି କମେଣ୍ଟକୁ ‘ଡିସ୍‌ଲାଇକ୍‌’ କରିବାର ସୁବିଧା ପ୍ରଦାନ କରିବ। ଏହା ୟୁଟ୍ୟୁବ୍‌ର ଡିସ୍‌ଲାଇକ୍‌ ଫିଚର୍‌ ଭଳି ହିଁ କାମ କରିବ। ଅବଶ୍ୟ ଏବେ ସୀମିତ ବ୍ୟବହାରକାରୀଙ୍କ ଉପରେ ଏହାର ପରୀକ୍ଷଣ କରାଯାଉଛି।

ତେବେ ଏହି ଡିସ୍‌ଲାଇକ୍‌ ବଟନ୍‌ ଫିଡ୍‌ ପୋଷ୍ଟ ଏବଂ ରିଲ୍‌ସରେ ଉପଲବ୍ଧ ହେବ। ଏହି ବିକଳ୍ପ ମାଧ୍ୟମରେ ବ୍ୟବହାରକାରୀ ଇନ୍‌ଷ୍ଟାଗ୍ରାମ୍‌ ପୋଷ୍ଟ ଏବଂ ରିଲ୍ସରେ ଆସୁଥିବା କମେଣ୍ଟ, ଯାହା ସେମାନଙ୍କୁ ଅପ୍ରାସଙ୍ଗିକ ମନେ ହେବ, ତାହାକୁ ଡିସ୍‌ଲାଇକ୍‌ କରିପାରିବେ। ଅନ୍ୟପଟେ କମ୍ପାନି ଡିସ୍‌ଲାଇକ୍‌ ତଥ୍ୟକୁ ଗୋପନୀୟ ରଖିବ। ଏଥିରେ ଯେଉଁ ବ୍ୟକ୍ତିଙ୍କ କମେଣ୍ଟକୁ ଡିସ୍‌ଲାଇକ୍‌ କରାଯିବ, ସମ୍ପୃକ୍ତ ବ୍ୟକ୍ତି ସେକଥା ଜାଣିପାରିବେ ନାହିଁ। ସେହିପରି କମେଣ୍ଟ ସେକ୍‌ସନ୍‌ର ଗୁଣବତ୍ତା ସୁଧାରିବା ପାଇଁ ଏହି ପରୀକ୍ଷଣ କରାଯାଉଥିବା ଇନ୍‌ଷ୍ଟାଗ୍ରାମ୍‌ ପକ୍ଷରୁ କୁହାଯାଇଛି।

ନୂଆଦିଲ୍ଲୀ: ଶେଷ ହେବାକୁ ଯାଉଛି ୨୦୨୩ ମସିହା । ଏହି ସମୟରେ ଅନେକ ଆକଳନ ମଧ୍ୟ ବାହାରକୁ ଆସିଛି। ସୋସିଆଲ ମିଡିଆ ବ୍ୟବହାରକାରୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ସାରା ବିଶ୍ୱରେ ସୋସିଆଲ ମିଡିଆ ବ୍ୟବହାରକାରୀଙ୍କ ସଂଖ୍ୟା ୪.୮ ବିଲିୟନ ଅତିକ୍ରମ କରିଛି। ଦୁନିଆର ଅଧିକାଂଶ ସୋସିଆଲ ମିଡିଆ ବ୍ୟବହାରକାରୀ ପ୍ରତିଦିନ ସୋସିଆଲ ମିଡିଆରେ ୨ ଘଣ୍ଟା ୨୪ ମିନିଟ୍ ବିତାଉଛନ୍ତି ବୋଲି ରିପୋର୍ଟରୁ ପ୍ରକାଶା ପାଇଛି। ଚଳିତ ବର୍ଷ ସବୁଠୁ ଡିଲିଟ ହୋଇଥିବା ସୋସିଆଲ ମିଡିଆ ଆପର ନାଁ ମଧ୍ୟ ପ୍ରକାଶ ପାଇଛି।

୨୦୨୩ରେ ଅଧିକ ଡିଲିଟ୍ ହୋଇଥିବା ଆପ୍ :
ଆମେରିକୀୟ ଟେକ୍ ଫାର୍ମ ଟିଆରଜି (TRG ) ଡାଟାସେଣ୍ଟର୍ ଏକ ରିପୋର୍ଟ ପ୍ରକାଶ କରିଛି ।  ଯେଉଁଥିରେ ଚଳିତ ବର୍ଷର ସର୍ବାଧିକ ଡିଲିଟ୍ ହୋଇଥିବା ଆପ୍ ବିଷୟରେ ସୂଚନା ଦିଆଯାଇଛି। ଲଞ୍ଚ ହେବାର ୨୪ ଘଣ୍ଟା ମଧ୍ୟରେ ଥ୍ରେଡ୍ ଆପରେ ୧୦୦ ମିଲିୟନ୍ ଉପଭୋକ୍ତା ଯୋଡି ହୋଇଥିଲେ। ହେଲେ ଆସନ୍ତା ୫ ଦିନ ମଧ୍ୟରେ ଥ୍ରେଡ୍ ଆପ  ୮୦ ପ୍ରତିଶତ ଉପଭୋକ୍ତାଙ୍କୁ ହରାଇଛି।

ଇନଷ୍ଟାଗ୍ରାମ ହେଉଛି ସବୁଠାରୁ ଡିଲିଟ୍ ହୋଇଥିବା ଆପ୍ :
ରିପୋର୍ଟ ଅନୁଯାୟୀ, ବିଶ୍ ୧୦ ଲକ୍ଷ ଲୋକ ଇଣ୍ଟରନେଟରେ ଇନଷ୍ଟାଗ୍ରାମ ଆକାଉଣ୍ଟ ଡିଲିଟ କରିବାର ଉପାୟ ଖୋଜିଛନ୍ତି। ୧୦, ୨୦,୦୦୦ ରୁ ଅଧିକ ଉପଭୋକ୍ତା ଇନଷ୍ଟାଗ୍ରାମ ଆପ୍ ଡିଲିଟ୍ କରିଥିବା ଜଣାପଡ଼ିଛି।

ଅଧିକାଂଶ ଡିଲିଟ୍ ହୋଇଥିବା ଆପ୍ ତାଲିକାରେ ଦ୍ୱିତୀୟରେ ସ୍ନାପଚାଟ  ରହିଛି। ଏହି ଆପକୁ ୧ ଲକ୍ଷ ୨୮ ହଜାର ୫୦ ଲୋକଙ୍କ ଦ୍ୱାରା ଡିଲିଟ୍ ହୋଇଛି। ଏହା ପରେ X (ଟ୍ୱିଟର), ଟେଲିଗ୍ରାମ, ଫେସବୁକ୍, ଟିକଟକ୍, ୟୁଟ୍ୟୁବ୍, ହ୍ବାଟସଆପ୍  ଏବଂ ୱିଚାଟ୍ ର ନାମ ଅଛି। ୪୯ ହଜାର ଲୋକ ଫେସବୁକ୍ ଆପ୍ ଡିଲିଟ୍ କରିଥିବା ବେଳେ ହ୍ବାଟସଆପ୍  ଡିଲିଟ୍ କରିଥିବା ଉପଭୋକ୍ତାଙ୍କ ସଂଖ୍ୟା ହେଉଛି ୪,୯୫୦ ରହିଛି।

ନୂଆଦିଲ୍ଲୀ: ଇନ୍‌ଷ୍ଟାଗ୍ରାମର ରିଲ୍‌ ମାଧ୍ୟମରେ ଅନେକ ନିଜର ପ୍ରତିଭା ଦେଖାଉଛନ୍ତି। ଏହାରି ଜରିଆରେ ଇନ୍‌ଷ୍ଟାଗ୍ରାମ ଆକାଉଣ୍ଟ ଧାରୀଙ୍କ ଫଲୋର୍ସ ସଂଖ୍ୟା ବଢ଼ିଥାଏ। ତେବେ ଇନ୍‌ଷ୍ଟାଗ୍ରାମ ରିଲ୍‌ କରିବା ବା ଏହାକୁ ଦେଖିବାରେ ଲୋକ ଘଣ୍ଟା ଘଣ୍ଟା ସମୟ ବିତାଇଥାନ୍ତି। ଏହାଦ୍ବାରା ଜଣେ ବ୍ୟକ୍ତିଙ୍କ ସମୟ ନଷ୍ଟ ହୁଏ। ଜରୁରି କାମକାର୍ଯ୍ୟ ଅଧା ରହିଯାଏ। କେବଳ ସେତିକି ନୁହେଁ, ଅଧିକ ସମୟ ଧରି ନେଟ୍‌ ବ୍ୟବହାର ଯୋଗୁଁ ଫୋନ୍‌ରୁ ଡାଟା ମଧ୍ୟ ସରିଥାଏ। ଉପରୋକ୍ତ ସମସ୍ୟାରୁ ବର୍ତ୍ତିବା ପାଇଁ ଇନ୍‌ଷ୍ଟାଗ୍ରାମରେ ଡେଲି ଟାଇମ୍‌ ଲିମିଟ୍‌ ସେଟିଂ କରିବାର ଜରୁରି ରହିଛି। ଇନ୍‌ଷ୍ଟାଗ୍ରାମ ତରଫରୁ ଏହି ସୁବିଧା ଥିବାବେଳେ ଏହାରି ସାହାଯ୍ୟରେ ଏହି ଟାଇମ୍‌ ଲିମିଟ୍‌କୁ ବଢ଼ାଇ ବା କମାଇ ପାରିବେ। ଏହାଦ୍ବାରା ଘଣ୍ଟା ଘଣ୍ଟା ଇନ୍‌ଷ୍ଟାଗ୍ରାମ୍‌ ଦେଖା ଅଭ୍ୟାସକୁ ନିୟନ୍ତ୍ରଣ କରାଯାଇପାରେ। ଇନ୍‌ଷ୍ଟାଗ୍ରାମରେ ଡେଲି ଲିମିଟ ସେଟିଂ କରିବାକୁ ପ୍ରଥମେ ପ୍ରୋଫାଇଲ୍‌କୁ ଯାଆନ୍ତୁ, ଡାହାଣ ପାର୍ଶ୍ବରେ ଥିବା ତିନିଟି ବିନ୍ଦୁ ବା ଡଟ୍‌ ଉପରେ କ୍ଲିକ୍‌ କରି ଆକ୍ଟିଭିଟି ବିକଳ୍ପକୁ ଚୟନ କରନ୍ତୁ। ପରେ ଟାଇମ୍‌ ସ୍ପେଣ୍ଟ ଉପରେ କ୍ଲିକ୍‌ କରି ଡେଲି ଟାଇମ୍‌କୁ ସେଟିଂ କରିବାକୁ ଯେକୌଣସି ବିକଳ୍ପ – ସେଟ୍‌ ରିମାଇଣ୍ଡର କିମ୍ବା ଟେକ୍‌ ବ୍ରେକ୍ସ ଆଣ୍ଡ ସେଟ୍‌ ଡେଲି ଟାଇମ୍‌ ଲିମିଟ ସେଟ୍‌ କରି ବିକଳ୍ପ ଚୟନ କରି ପାରିବେ। ଏହି ଲିମିଟ୍‌ କେବଳ ଆଣ୍ଡ୍ରଏଡ୍‌ କିମ୍ବା ଆଇଓଏସ୍‌ ଡିଭାଇସ୍‌ରେ ସେଟ୍‌ କରିବାର ସୁବିଧା ରହିଛି।

ନୂଆଦିଲ୍ଲୀ: ଫଟୋ ସେୟାରିଂ ପ୍ଲାଟ୍‌ଫର୍ମ ଇନ୍‌ଷ୍ଟାଗ୍ରାମ୍‌ରେ ବ୍ୟବହାରକାରୀଙ୍କୁ ଷ୍ଟୋରି ସେୟାରିଂ ପାଇଁ ନୂଆ ବିକଳ୍ପ ମିଳିବ। ଏବେ କମ୍ପାନି ଏ ଦିଗରେ କାମ ଜାରି ରଖିଛି। ଏହି ନୂଆ ଫିଚର୍‌ ଦ୍ବାରା ବ୍ୟବହାରକାରୀଙ୍କୁ ଷ୍ଟୋରି ସେୟାର୍‌ ସମୟରେ ଗୋପନୀୟତା ଉପରେ ଗୁରୁତ୍ବ ଦେବ। ଏଥିପାଇଁ ‘ଫ୍ରେଣ୍ଡସ ଷ୍ଟୋରି’ ନାମକ ବିକଳ୍ପ ସେମାନଙ୍କୁ ମିଳିବ। ଏହି ବିକଳ୍ପ ଦ୍ବାରା ବ୍ୟବହାରକାରୀ ନିଜ ଷ୍ଟୋରି କେବଳ ନିଜ ପସନ୍ଦର ସାଙ୍ଗଙ୍କ ସହିତ ସେୟାର୍ କରିପାରିବେ। ଅର୍ଥାତ୍ ଯାହାଙ୍କ ସହ ବ୍ୟବହାରକାରୀ ଷ୍ଟୋରି ସେୟାର୍‌ କରିବାକୁ ଇଚ୍ଛା କରିବେ, ସେହି ସାଙ୍ଗଙ୍କ ସହ ସେୟାର୍‌ କରିବେ। ଏହି ଫିଚର୍ କ୍ଲୋଜ୍ ଫ୍ରେଣ୍ଡ ବା ଅନ୍ତରଙ୍ଗ ବନ୍ଧୁ ଫିଚର ଭାବେ କାମ କରିବ। ତେବେ ଏହାର ବିଶେଷତ୍ବ ହେଉଛି, ଏଥିରେ ବ୍ୟବହାରକାରୀ ଅଧିକ ସଂଖ୍ୟକ ଲୋକଙ୍କୁ ବାଛିପାରିବେ। ଅନ୍ୟପଟେ ଏବେ ଯେଭଳି ଷ୍ଟୋରି ସେୟାର୍‌ କରାଯାଉଛି, ଠିକ୍‌ ସେହି ପ୍ରକ୍ରିୟାରେ ‘ଫ୍ରେଣ୍ଡସ ଷ୍ଟୋରି’ ଫିଚର୍‌କୁ ଉପଯୋଗ କରାଯିବ। ଖୁବ୍‌ଶୀଘ୍ର ଏହା ଇନ୍‌ଷ୍ଟାଗ୍ରାମ୍‌ ବ୍ୟବହାକାରୀଙ୍କ ପାଇଁ ଉପଲବ୍ଧ ହେବ।

ନୂଆଦିଲ୍ଲୀ : ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉଭୟ ଫେସବୁକ ଓ ଇନଷ୍ଟାଗ୍ରାମ୍‌ ଆକାଉଣ୍ଟକୁ ରିଷ୍ଟୋର୍‌ କରିଛି ମେଟା । ବ୍ୟାନ୍‌ ହେବାର ପ୍ରାୟ ୨ ବର୍ଷ ପରେ ଟ୍ରମ୍ପଙ୍କ ଫେସବୁକ୍‌ ଓ ଇନଷ୍ଟାଗ୍ରାମ୍‌ ଆକାଉଣ୍ଟ୍‌ ରିଷ୍ଟୋର୍‌ ହୋଇଛି ବୋଲି ମେଟା ପକ୍ଷରୁ ଘୋଷଣା ହୋଇଛି।

୨୦୨୧ ମସିହା ଜାନୁଆରୀ ମାସରେ ଆମେରିକାରେ ହୋଇଥିବା କ୍ୟାପିଟଲ୍‌ ହିଲ୍‌ ଦଙ୍ଗା ପରେ ଟ୍ରମ୍ପଙ୍କ ସୋସିଆଲ୍‌ ମିଡିଆ ଆକାଉଣ୍ଟକୁ ୨ ବର୍ଷ ପାଇଁ ସ୍ଥଗିତ ରଖାଯାଇଥିଲା। ରିଷ୍ଟୋର କରିବା ସହ ସର୍ତ୍ତ ରଖିଛି ମେଟା । ଟ୍ରମ୍ପ୍‌ ପୁଣି ଥରେ ସୋସିଆଲ୍‌ ମିଡିଆ ନୀତି ବିରୋଧୀ କାର୍ଯ୍ଯ କଲେ ତାଙ୍କ ବିରୋଧରେ ଜରିମାନା ଲାଗୁ କରାଯିବ ବୋଲି ମେଟା ସୂଚାଇ ଦେଇଛି । ଟ୍ରମ୍ପଙ୍କ ଇନଷ୍ଟାଗ୍ରାମରେ ୨୩ ମିଲିୟନ୍‌ ଫଲୋର୍ସ ଥିଲେ ।

ନୂଆଦିଲ୍ଲୀ: ଇନଷ୍ଟାଗ୍ରାମରେ ହଠାତ୍‌ ସମସ୍ୟା ଦେଖାଦେଇଛି। କିଛି ଉପଭୋକ୍ତାଙ୍କର ଇନଷ୍ଟାଗ୍ରାମ ଆଉକାଉଣ୍ଟ ଅଚଳ ହୋଇଯାଇଥିବା ଅଭିଯୋଗ ହୋଇଛି। ଅନେକ ଲୋକ ସୋଶିଆଲ ମିଡିଆରେ ସେମାନଙ୍କ ଆକାଉଣ୍ଟ ୩୧ ଅକ୍ଟୋବରରେ ରହସ୍ୟଜନକ ଭାବେ ସସପେଣ୍ଡ ହୋଇଯାଇଥିବା ପୋଷ୍ଟ କରିଛନ୍ତି। ବନା କୌଣସି ୱାର୍ଣ୍ଣିଂରେ ତାଙ୍କର ଆକାଉଣ୍ଟ ସସପେଣ୍ଡ ହୋଇଯାଇଥିବା କହିଛନ୍ତି।

ସୂଚନା ଅନୁଯାୟୀ,  ଆକାଉଣ୍ଟ ଖୋଲିବା ମାତ୍ର ଏହା ସସପେଣ୍ଡ ହୋଇଥିବା ଲେଖୁଛି। ଏହାର ତଳେ ଗୋଟିଏ ଅପସନ ଡିସ୍‌ଆଗ୍ରୀ ୱିଥ ଡିସିନ ବା ସସପେଣ୍ଡ ନିଷ୍ପତ୍ତିରେ ସହମତି ନାହିଁ ରହିଛି। ତେବେ ଏହାକୁ କ୍ଲିକ କଲେ ମଧ୍ୟ ଆକାଉଣ୍ଟ ସଚଳ ହେଉ ନ ଥିବା ଲୋକମାନେ କହିଛନ୍ତି।

ଡାଉନଡିକ୍ଟେରର ତଥ୍ୟ ଅନୁସାରେ, ଭାରତ ସମେତ ଏକାଧିକ ଦେଶରେ ଲୋମାନେ ଲଗଇନ୍ ଜନିତ ସମସ୍ୟାରେ ପଡ଼ିଛନ୍ତି। କିଛି ଲୋକଙ୍କର ଆକାଉଣ୍ଟ ଲଗଇନ ହେଉ ନଥିବା ବେଳେ ଆଉ କିଛି ସର୍ଭର ସଂଯୋଗ ଜନିତ ସମସ୍ୟାରେ ପଡ଼ିଛନ୍ତି। ଅନ୍ୟପକ୍ଷରେ ଇନଷ୍ଟାଗ୍ରାମକୁ ପରିଚାଳନା କରୁଥିବା ମେଟା ଲୋକମାନେ ଭୋଗୁଥିବା ସମସ୍ୟା ସମ୍ପର୍କରେ ଅବଗତ ଥିବା କହିଛି। ଏଥିସହ ସମସ୍ୟାର ସମାଧାନ ପାଇଁ କମ୍ପାନୀ ଉଦ୍ୟମ କରୁଛି। ମେଟା ପକ୍ଷରୁ ଟ୍ୱିଟ କରାଯାଇଛି ଯେ “ଆମେ ଇନଷ୍ଟାଗ୍ରାମ ଆକାଉଣ୍ଟକୁ ନେଇ ରହିଥିବା ସମସ୍ୟା ସମ୍ପର୍କରେ ଅବଗତ ରହିଛୁ। ଆମେ ଏହାକୁ ସମାଧାନ କରିବାକୁ କାମ କରୁଛୁ ଓ ଅସୁବିଧା ପାଇଁ କ୍ଷମା ମାଗୁଛୁ।”

We’re aware that some of you are having issues accessing your Instagram account. We’re looking into it and apologize for the inconvenience. #instagramdown

— Instagram Comms (@InstagramComms) October 31, 2022

ବର୍ତ୍ତମାନ ସମୟରେ ଇନ୍‌ଷ୍ଟାଗ୍ରାମ ଆପ୍‌ର ବ୍ୟବହାର ବହୁଳମାତ୍ରାରେ କରାଯାଉଛି। ଏଥିରେ ଅନେକ ନିଜର ଲୁକ୍କାୟିତ ପ୍ରତିଭା ପ୍ରଦର୍ଶନ କରିବାକୁ ସୁଯୋଗ ପାଉଛନ୍ତି। ଗ୍ରାହକଙ୍କ ନିମନ୍ତେ ଇନ୍‌ଷ୍ଟାଗ୍ରାମ୍‌ ଅନେକ ସୁବିଧା ଯୋଗାଉଥିବାବେଳେ ବର୍ତ୍ତମାନ ଆଣିଛି ନୂତନ ଫିଚର୍‌ ‘ପ୍ୟାରେଣ୍ଟାଲ ସୁପରଭିଜନ ଟୁଲ୍‌ସ’। ଅଭିଭାବକଙ୍କ ପାଇଁ ଏହା ବେଶ୍‌ ଉପଯୋଗୀ। ଏହାଦ୍ବାରା ଯଦି ପିଲାମାନେ କୌଣସି ସମସ୍ୟାରେ ପଡ଼ିଥାଆନ୍ତି, ଏହାର ନୋଟିଫିକେସନ୍‌ ଏହା ଜରିଆରେ ମଧ୍ୟ ଆସିଥାଏ। ଏହାସହିତ ଫ୍ୟାମିଲି କଣ୍ଟ୍ରୋଲ ଫିଚର୍ସ ମଧ୍ୟ ଜାରି କରାଯାଇଛି।

ଅଭିଭାବକ ବିଶେଷଜ୍ଞଙ୍କ ସାହାଯ୍ୟ ମଧ୍ୟ ନେଇପାରିବେ। ଫଳରେ ୧୬ବର୍ଷରୁ କମ୍‌ ବୟସର ପିଲାମାନେ କୌଣସି ସମ୍ବେଦନଶୀଳ କଣ୍ଟେଣ୍ଟ ଦେଖିପାରିବେ ନାହିଁ। ଏହାଦ୍ବାରା ଘରର ମୁରବୀଙ୍କୁ ପିଲାଙ୍କ କାର୍ଯ୍ୟକଳାପ ପ୍ରତି ଧ୍ୟାନ ରଖିବାକୁ ସହଜ ହେବ। ଏପରିକି ଏହି ଫିଚର୍ସ ଯୋଗୁଁ ପିଲାଙ୍କ ଇନ୍‌ଷ୍ଟ୍ରାଗ୍ରାମ୍‌ ସ୍କ୍ରିନ୍‌ ଟାଇମ୍‌ ମଧ୍ୟ ଦେଖାଯାଇପାରିବ। ତେଣୁ ପିଲା କେବଳ ଷ୍ଟାଣ୍ଡାର୍ଡ ଏବଂ ଲେସ୍‌ ବିକଳ୍ପକୁ ବାଛିପାରିବେ। ପ୍ରାଇଭେସି ଫିଚର୍ସରେ ପିଲା ସେନ୍‌ସିଟିଭ୍‌ କଣ୍ଟେଣ୍ଟ କିମ୍ବା ଏହା ସହିତ ଜଡ଼ିତ ଥିବା କିବୋର୍ଡ, ସର୍ଚ୍ଚ ରେଜଲ୍ଟ, ହ୍ୟାସ୍‌ଟ୍ୟାଗ୍‌, ପେଜ୍‌, ରିଲ୍ସ, ନ୍ୟୁଜ୍‌ ଫିଡ୍‌କୁ ମଧ୍ୟ ଖୋଜିପାରିବେନି। ପିଲା ଯଦି କାହାକୁ ବ୍ଲକ୍‌ ଲିଷ୍ଟରେ ପକାଉଛନ୍ତି, ଏହାର ସୂଚନା ସିଧା ଅଭିଭାବକଙ୍କ ପାଖକୁ ଯାଇଥାଏ।

ଟିକ୍‌ଟକ୍‌ ବ୍ୟାନ୍‌ ହେବା ପରଠାରୁ ଇନ୍‌ଷ୍ଟାଗ୍ରାମ୍‌ ଏବେ ଯୁବପିଢ଼ିଙ୍କ ପ୍ରଥମ ପସନ୍ଦ ପାଲଟିଛି। ଲୋକପ୍ରିୟତାକୁ ଦୃଷ୍ଟିରେ ରଖି ଇନ୍‌ଷ୍ଟାଗ୍ରାମ୍‌ ପକ୍ଷରୁ କିଛି ନୂଆ ଫିଚର୍‌ ଏଥିରେ ଯୋଡ଼ା ଯାଇଛି। ଖୁବ୍ ଶୀଘ୍ର ଯୁବପିଢ଼ି ଏହିସବୁ ଫିଚର୍‌ର ଲାଭ ନେଇପାରିବେ। ‘ଫଲୋଇଙ୍ଗ୍‌’ ସହିତ ‘ଫେବରାଇଟ୍‌’ ଅପସନ୍ ମଧ୍ୟ ରହିବ। ଏମିତି ଆଉ କିଛି ନୂଆ ଅପ୍‌ସନ୍‌ ହେଉଛି –

-ଇନ୍‌ଷ୍ଟାଗ୍ରାମ୍‌ ଭିଡିଓ କଲ୍‌ରେ ସ୍କ୍ରିନ୍‌ ସେୟାରିଂ ଅପସନ୍‌ ମଧ୍ୟ ଆସିବ।

-ଫ୍ରୋଫାଇଲ୍‌ ରାନର୍‌ ନାମକ ଏକ ନୂଆ ଅପସନ୍‌ ରହିଛି, ଯାହା ଦ୍ବାରା ୟୁଜର୍ସ ନିଜର ସେଡ୍ୟୁଲ୍‌ ଲାଇଭ୍‌ ଇଭେଣ୍ଟ୍‌କୁ ନିଜ ପ୍ରୋଫାଇଲ୍‌ରେ ସେୟାର୍‌ କରିପାରିବେ। ଏହା ବ୍ୟତୀତ ଇନ୍‌ଷ୍ଟା ଷ୍ଟୋରିଜ୍‌ରେ ଅପ୍‌କମିଙ୍ଗ୍‌ ଲାଇଭ୍‌ ଇଭେଣ୍ଟ୍‌କୁ ସେୟାର୍‌ କରିହେବ।

-ଇନ୍‌ଷ୍ଟା ଷ୍ଟୋରୀ ପାଇଁ ୩ଡି ଇମେଜ୍‌ ରହିବ। ଏହି ଅପ୍‌ସନ୍‌ ଦ୍ବାରା ୟୁଜର୍ସ ନିଜର ୩ଡି ଇମେଜ୍‌ ପ୍ରସ୍ତୁତ କରି ଷ୍ଟୋରୀ ଜିଆଇଏଫ୍‌ (ଜିଫ୍) ମାଧ୍ୟମରେ ସେୟାର୍‌ କରିପାରିବେ।

-ପ୍ରୋଫାଇଲ୍‌ ଏମ୍ବେଡ୍‌ ନାମକ ଏକ ନୂଆ ଫିଚର୍‌ରେ ସମ୍ପୂର୍ଣ୍ଣ ଇନ୍‌ଷ୍ଟାଗ୍ରାମ୍‌ ପ୍ରୋଫାଇଲ୍‌କୁ ଏମ୍ବେଡ୍‌ ବା ଅନ୍ତର୍ନିହିତ କରିହେବ।

-ଇନ୍‌ଷ୍ଟାଗ୍ରାମ୍‌ ରିଲ୍‌ ପାଇଁ ମୋଟ ୯୦ ସେକେଣ୍ଡ୍‌ର ଟାଇମ୍‌ ଲିମିଟ୍‌ ଆସିବ।

-ଏକ୍ସକ୍ଲୁସିଭ୍‌ କମେଣ୍ଟ୍‌ ଓ ଷ୍ଟୋରୀ ପାଇଁ ନିଜ ପସନ୍ଦର କ୍ରିଏଟର୍ସଙ୍କୁ ସବ୍‌ସ୍କ୍ରାଇବ୍ କରିପାରିବେ।

ମସ୍କୋ: ରୁଷ ଯୁକ୍ରେନ ଯୁଦ୍ଧ ୧୭ ଦିନରେ ପହଞ୍ଚିଛି । ରୁଷ୍ ସେନା କିଭର ଅତି ନିକଟତର ହୋଇଛନ୍ତି । ଏହି ଯୁଦ୍ଧ ସମୟରେ ରୁଷ ସରକାର ମାର୍କ ଜୁକରବର୍ଗଙ୍କ କମ୍ପାନୀ ମେଟାକୁ ଚରମପନ୍ଥୀ କହିଛନ୍ତି ଏବଂ ଇନଷ୍ଟାଗ୍ରାମ ଏବଂ ହ୍ବାଟସ୍‌ଆପ୍‌ ଉପରେ କଟକଣା ଲଗାଇ ଦେଇଛନ୍ତି । ଏହା ପୂର୍ବରୁ ଫେସବୁକ ଏବଂ ଟ୍ଵିଟରକୁ ସରକାର ବନ୍ଦ କରିଦେଇଥିଲେ। ଫେସବୁକ୍ ଭେଦଭାବ କରୁଛି ବୋଲି ରୁଷ ମିଡିଆ ଅଭିଯୋଗ କରିଥିଲା। ଏହା ମଧ୍ୟରେ ଖାର୍କିଭ ଗଭର୍ଣ୍ଣର ଓଲେ ସିନେହୁବୋଭ ଅଭିଯୋଗ କରିଥିଲେ ଯେ ରୁଷ ସେନା ଏକ ଆଶ୍ରୟ ସ୍ଥଳୀ ଉପରେ ଆକ୍ରମଣ କରିଛି। ଏହି ଆଶ୍ରୟ ଗୃହରୁ ୭୩ ଜଣଙ୍କୁ ବାହାର କରାଯାଇଥିବାବେଳେ ଆହୁରି ୩୩୦ ଲୋକ ଫସି ରହିଥିଲେ । ଏମାନଙ୍କ ମଧ୍ୟରେ ଦିବ୍ୟାଙ୍କ ଶିଶୁ ମଧ୍ୟ ସାମିଲ ଅଛନ୍ତି ।

ନୂଆଦିଲ୍ଲୀ: ମାଗଣାରେ ଇନ୍‌ଷ୍ଟାଗ୍ରାମ୍ ବ୍ୟବହାରର ଯୁଗ ସରିବାକୁ ଯାଉଛି। ଇନଷ୍ଟାଗ୍ରାମ ବ୍ୟବହାରକାରୀଙ୍କୁ ଏଣିକି ଏହି ସୋସିଆଲ ମିଡିଆ ଆକାଉଣ୍ଟ ପାଇଁ ଦେୟ ଦେବାକୁ ପଡିବ । କାରଣ ଇନଷ୍ଟାଗ୍ରାମ ଏକ ନୂତନ ସବସ୍କ୍ରିପସନ୍ ବୈଶିଷ୍ଟ୍ୟ ଉପରେ କାମ କରୁଛି। ଏହା ଅଧୀନରେ ଉପଭୋକ୍ତାମାନଙ୍କୁ କଣ୍ଟେଣ୍ଟ ଆକ୍‌ସେସ୍ କରିବା ପାଇଁ ବ୍ୟବହାରକାରୀଙ୍କୁ ପ୍ରତିମାସରେ ୮୯ ଟଙ୍କା ଦେବାକୁ ପଡିବ। କମ୍ପାନୀ କହିଛି ଯେ, ଏହାଦ୍ବାରା ଇନଷ୍ଟାଗ୍ରାମ ନିର୍ମାତା ଏବଂ ପ୍ରଭାବଶାଳୀମାନଙ୍କୁ ଲାଭ ମିଳିବ। ବର୍ତ୍ତମାନ କମ୍ପାନୀ ଏହି ଦେୟଯୁକ୍ତ ବୈଶିଷ୍ଟ୍ୟ ସମ୍ବନ୍ଧରେ କାର୍ଯ୍ୟାଳୟ ଆଡୁ କୌଣସି ନୀତି ଜାରି କରିନାହିଁ ।

ଟେକ୍ କୁଞ୍ଚର ଏକ ରିପୋର୍ଟ ଅନୁଯାୟୀ, ଇନଷ୍ଟାଗ୍ରାମ ସବସ୍କ୍ରିପସନ୍ ଆପଲ୍ ଆପ୍ ଷ୍ଟୋର୍‌ରେ ଏକ ଇନ୍-ଆପ୍ କ୍ରୟ ଭାବରେ ତାଲିକାଭୁକ୍ତ ହୋଇଛି। ଏଥିପାଇଁ ଏକ ଇନଷ୍ଟାଗ୍ରାମ ସବସ୍କ୍ରିପସନ୍ ବର୍ଗ ମଧ୍ଯ ସୃଷ୍ଟି କରାଯାଇଛି। ବର୍ତ୍ତମାନ, ଏଥିପାଇଁ ମାସିକ ଚାର୍ଜ ୮୯ ଟଙ୍କା ଦିଆଯାଉଛି। ଯେତେବେଳେ ଏହା ଉପଭୋକ୍ତାମାନଙ୍କ ନିକଟକୁ ଅଣାଯିବ, ସେତେବେଳେ ଏଥିରେ ପରିବର୍ତ୍ତନ ମଧ୍ୟ କରାଯାଇପାରେ।

ଦିନକୁ ଦିନ ଇନ୍‌ଷ୍ଟାଗ୍ରାମର ଚାହିଦା ବଢ଼ିବାରେ ଲାଗିଛି । ଏହାକୁ ଦୃଷ୍ଟିରେ ରଖି କମ୍ପାନୀ ପକ୍ଷରୁ ନୂତନ ବୈଶିଷ୍ଟ୍ୟମାନ ଉପଭୋକ୍ତାଙ୍କୁ ଯୋଗାଇ ଦିଆଯାଉଛି। ବର୍ତ୍ତମାନ ପର୍ଯ୍ୟନ୍ତ ଏହି ପ୍ଲାଟଫର୍ମରେ କେବଳ ଅନ୍‌ଲାଇନ୍‌ରେ ଫଟୋ ଓ ଭିଡିଓ ଉପଭୋକ୍ତା ଦେଖିପାରୁଥିଲେ। କିନ୍ତୁ ବର୍ତ୍ତମାନ ଇନ୍‌ଷ୍ଟାଗ୍ରାମରୁ ଭିଡିଓ ଡାଉନଲୋଡ୍ କରିହେବ । ଏହି ଡାଉନ୍‌ଲୋଡ୍ ଭିଡିଓକୁ ମୋବାଇଲ୍‌ରେ ସବୁଦିନ ପାଇଁ ସେଭ୍ କରି ରଖାଯାଇପାରିବ ଏବଂ ଏହାକୁ ଅନ୍ୟମାନଙ୍କୁ ମଧ୍ୟ ପଠେଇ ହେବ…

କେମିତି କରିବେ ଡାଉନ୍‌ଲୋଡ୍

– ପ୍ରଥମେ ନିଜର ଇନ୍‌ଷ୍ଟାଗ୍ରାମ୍ ଆକାଉଣ୍ଟ ଖୋଲନ୍ତୁ। ସେହି ଭିଡିଓକୁଚୟନ କରନ୍ତୁ,  ଯାହାକୁ ଆପଣ ଡାଉନ୍‌ଲୋଡ୍ କରିବାକୁ ଚାହୁଁଛନ୍ତି।

-ଭିଡିଓକୁ ଚୟନ କରି ସାରିବା ପରେ ଡାହାଣ ପାର୍ଶ୍ବର ତଳେ ତିନୋଟି ଡଟସ୍ ଦେଖିପାରିବେ । ଏବେ ଏହି ଡଟସ୍ ଉପରେ କ୍ଲିକ୍ କରି କପି
ଲିଙ୍କ୍ ଉପରେ କ୍ଲିକ୍ କରନ୍ତୁ ।

– ଏହାପରେ ଭିଡିଓ ଡାଉନ୍‌ଲୋଡ୍ କରିବା ପାଇଁ ସ୍ଵାପ୍‌ଟ୍ୟୁବ, ଇଷ୍ଟାଫିଷ୍ଟା, ଇନ୍‌ଗ୍ରାମର୍ ଭଳି ଥାର୍ଡପାର୍ଟି ଆପ୍ ଡାଉନ୍‌ଲୋଡ୍ କରନ୍ତୁ ।

-ଥାର୍ଡପାର୍ଟି ଆପ୍ ଡାଉନ୍‌ଲୋଡ୍ କରି ସାରିବା ପରେ ଏହି ଆପ୍‌ରେ ନିଜର ଇନଷ୍ଟା ଆଇଡି ଖୋଲନ୍ତୁ ଏବଂ ଭିଡିଓ ଲିଙ୍କକୁ ପୋଷ୍ଟ କରନ୍ତୁ।

-ବର୍ତ୍ତମାନ ଆପଣଙ୍କୁ ଭିଡିଓର ତଳ ପାର୍ଶ୍ବରେ ଡାଉନ୍‌ଲୋଡ୍ ବିକଳ୍ପ ଦେଖାଦେବ । ଏବେ ଏହି ବିକଳ୍ପ ଉପରେ କ୍ଲିକ୍ କଲେ ଭିଡିଓଟି ଡାଉନ୍‌ଲୋଡ୍ ହେବା ସହ ମୋବାଇଲ୍‌ରେ ସେଭ୍ ହୋଇଯିବ।