ଭୁବନେଶ୍ୱର: ସୋସିଆଲ ମିଡ଼ିଆକୁ ନ ଆସି କୋର୍ଟକୁ ଯାଅ । ସୋସିଆଲ ମିଡ଼ିଆରେ ଆଉ ବଦନାମ କରନି ମୋତେ । ଭିଡିଓ ପୋଷ୍ଟ କରି ସ୍ତ୍ରୀ ବର୍ଷାଙ୍କୁ କିଛି ଏମିତି ଅପିଲ୍ କରିଛନ୍ତି କମେଡିଆନ ଗୁଲୁଆ । ସୋସିଆଲ ମିଡ଼ିଆ ପୋଷ୍ଟରେ ଗୁଲୁଆ ଆହୁରି କହିଛନ୍ତି କି, ସୋସିଆଲ୍ ମିଡିଆରେ ବଦନାମ କରି ମୋ ଭାତହାଣ୍ଡି ବନ୍ଦ କରିବାକୁ ଚାହୁଁଛ, ଯଦି ଟଙ୍କା ଦରକାର ଆଲୋଚନା ପାଇଁ ଆସ, ମିଡିଆରେ ସମାଧାନ ହେବନି । ଗୁଳୁଆ କହିଛନ୍ତି କି, କୋର୍ଟରେ ଫଇସଲା ହେବ, ଯଦି ମୁଁ ଦୋଷୀ ମୋତେ ଦଣ୍ଡ ମିଳିବ । ଯଦି ତୁମେ ମୋ ସହ ରହିବାକୁ ଚାହୁଁଛ, ମୁଁ ସ୍ବାଗତ କରିବି । ପୂର୍ବ କଥା ସବୁ ଭୁଲି ମୁଁ ତୁମକୁ ଗ୍ରହଣ କରିବି, ଆଉ ଯଦି ଡିଭୋର୍ସ ନେବାକୁ ଚାହୁଁଛ ଭଲରେ ଅଲଗା ହେବା ବୋଲି କହିଛନ୍ତି ଗୁଲୁଆ । ଘର କଳି ବାହାରକୁ ଯାଉଛି ଆମେ ଲୋକ ହସା ହେଉଛେ । ତୁମେ ଯେତେ ଦୋଷ ଦେଲଣି ଆଉ କେହି ମୋତେ ବାହା ହେବେନି ବୋଲି କହିଛନ୍ତି ଗୁଲୁଆ ।

ଭୁବନେଶ୍ୱର: କମେଡିଆନ୍ ଗୁଲୁଆଙ୍କ ଚାଞ୍ଚଲ୍ୟକର ଅଭିଯୋଗ। 'ମୋ ଜୀବନ ପ୍ରତି ବିପଦ ଅଛି' । ସୋସିଆଲ ମିଡିଆରେ ଭିଡିଓ କରି ସୁରକ୍ଷା ମାଗିଲେ କମେଡିଆନ ଆଶିଷ କୁମାର ଦାସ(ଗୁଲୁଆ) । ଓଡ଼ିଶାର ଜଣାଶୁଣା ୟୁଟ୍ୟୁବର ତଥା କମେଡିଆନ ମିଷ୍ଟର ଗୁଲୁଆ ନିଜ ଜୀବନ ପ୍ରତି ବିପଦ ଥିବା ନେଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ତାଙ୍କୁ ବ୍ଲାକମେଲିଂ କରାଯାଉଥିବାର ସେ ଅଭିଯୋଗ କରିଛନ୍ତି। ଏ ନେଇ ଗୁଲୁଆ ବାଲିଅନ୍ତା ଥାନାରେ ଅଭିଯୋଗ କରିଥିବା ସୂଚନା ଦେଇଛନ୍ତି। ତାଙ୍କୁ କେହି କୋଟିଏ ଟଙ୍କା ମାଗୁଥିବା ସଂପର୍କରେ ଏକ ଭିଡିଓ ମାଧ୍ୟମରେ ସେ କହିଛନ୍ତି । ଟଙ୍କା ନ ଦେଲେ ସୋସିଆଲ ମିଡିଆରେ ବଦନାମ କରିବା ସହ ହାତଗୋଡ ଭାଙ୍ଗିଦେବେ ବୋଲି ଧମକ ମିଳୁଥିବା ଗୁଲୁଆ କହିଛନ୍ତି ।