ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ନିଜର ଦମଦାର ଅଭିନୟ ଏବଂ ସୌନ୍ଦର୍ଯ୍ୟ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି। ତେବେ ଗତ କିଛି ବର୍ଷ ଧରି ସେ 'ମାୟୋସାଇଟିସ୍' ନାମକ ଏକ ଅଟୋଇମ୍ୟୁନ ରୋଗ ସହ ଲଢୁଛନ୍ତି। ନିକଟରେ ନିଜର ଆଗାମୀ ଚଳଚ୍ଚିତ୍ର 'ମା ଇଣ୍ଟି ବଙ୍ଗାରମ୍' ର ପ୍ରମୋସନ ସମୟରେ ସାମନ୍ଥା ନିଜ ସ୍ୱାସ୍ଥ୍ୟାବସ୍ଥା, ଓଜନ ହ୍ରାସ ଏବଂ ଏହି କଠିନ ସମୟର ସଂଘର୍ଷ ବିଷୟରେ ଖୋଲାଖୋଲି ଭାବେ ଆଲୋଚନା କରିଛନ୍ତି।

ଓଜନ କମିବା ନେଇ ସାମନ୍ଥାଙ୍କ ପ୍ରତିକ୍ରିୟା

ସାମନ୍ଥାଙ୍କ ହଠାତ୍ ଓଜନ କମିବା ଦେଖି ଅନେକ ପ୍ରଶଂସକ ଏବଂ ଗଣମାଧ୍ୟମ ପ୍ରତିନିଧି ତାଙ୍କୁ କ୍ରମାଗତ ଭାବେ ଏନେଇ ପ୍ରଶ୍ନ ପଚାରୁଥିଲେ। ଏହାର ଉତ୍ତର ଦେଇ ଅଭିନେତ୍ରୀ କହିଛନ୍ତି, "ମୁଁ କିଛି ଖାଇପାରୁନି।" ଗତ ଦୁଇ ବର୍ଷ ଧରି ଫିଲ୍ମରୁ ବିରତି ନେଇଥିବା ସାମନ୍ଥା କହିଛନ୍ତି ଯେ, ମାୟୋସାଇଟିସ୍ କାରଣରୁ ତାଙ୍କୁ କଡ଼ା ଖାଦ୍ୟପେୟର ନିୟମ ପାଳନ କରିବାକୁ ପଡୁଛି। ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ସେ ନିଜ ଇଚ୍ଛା ମୁତାବକ ଖାଦ୍ୟ ଖାଇବାରୁ ବଞ୍ଚିତ ଅଛନ୍ତି, ଯାହା ତାଙ୍କ ଅତ୍ୟଧିକ ଓଜନ ହ୍ରାସର ମୁଖ୍ୟ କାରଣ ପାଲଟିଛି।

ବିଲେଇର ନାମ କାହିଁକି ରଖିଲେ 'ଜେଲାଟୋ'?

ସାକ୍ଷାତକାର ସମୟରେ ସାମନ୍ଥା ନିଜ ପୋଷା ବିଲେଇର ନାମ ଜେଲାଟୋ (Gelato) ରଖିବା ପଛର ରୋଚକ କାହାଣୀ ମଧ୍ୟ ସେୟାର କରିଛନ୍ତି। କଠୋର ଖାଦ୍ୟ କଟକଣା ଯୋଗୁଁ ସେ ଆଉ ମିଠା ଏବଂ ଆଇସକ୍ରିମ ପରି ନିଜର ପ୍ରିୟ ଖାଦ୍ୟ ଖାଇପାରୁନାହାଁନ୍ତି। ତେଣୁ ନିଜର ପ୍ରିୟ ଡେଜର୍ଟ 'ଜେଲାଟୋ' କୁ ମନେ ପକାଇ ସେ ନିଜ ବିଲେଇର ନାମ ଏଭଳି ରଖିଛନ୍ତି ବୋଲି ପ୍ରକାଶ କରିଛନ୍ତି।

ଆସୁଛି ନୂଆ ଫିଲ୍ମ 'ମା ଇଣ୍ଟି ବଙ୍ଗାରମ୍'

ଦୁଇ ବର୍ଷର ଲମ୍ବା ବ୍ୟବଧାନ ପରେ ସାମନ୍ଥା ପୁଣିଥରେ ବଡ଼ ପରଦାକୁ ଫେରୁଛନ୍ତି। ତାଙ୍କର ବହୁ ପ୍ରତୀକ୍ଷିତ ତେଲୁଗୁ ଚଳଚ୍ଚିତ୍ର 'ମା ଇଣ୍ଟି ବଙ୍ଗାରମ୍' ଆସନ୍ତା ଜୁନ୍ ୧୯ ତାରିଖରେ ପ୍ରେକ୍ଷାଳୟକୁ ଆସିବାକୁ ଯାଉଛି। ରୋଗ ସହ ଲଢ଼େଇ ଏବଂ ବ୍ୟକ୍ତିଗତ ଜୀବନର ସମସ୍ୟାକୁ ପଛରେ ପକାଇ ସାମନ୍ଥାଙ୍କ ଏହି ଧମାକାଦାର ପ୍ରତ୍ୟାବର୍ତ୍ତନକୁ ଦର୍ଶକମାନେ ଉତ୍ସାହର ସହ ଅପେକ୍ଷା କରିଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Samantha (@samantharuthprabhuoffl)

ସାଉଥ୍ ଇଣ୍ଡଷ୍ଟ୍ରୀର ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ଏବେ ତାଙ୍କ ପ୍ରେମ ସମ୍ପର୍କକୁ ନେଇ ଚର୍ଚ୍ଚାରେ I ନିର୍ଦ୍ଦେଶକ ରାଜ୍ ନିଦିମୋରୁଙ୍କୁ ସେ ଡେଟ୍ କରୁଥିବା ଚର୍ଚ୍ଚା ହେଉଛି | ଇତିମଧ୍ଯରେ ସାମନ୍ଥା ଓ ରାଜଙ୍କର ଏକ ଭିଡିଓ ଭାଇରାଲ ହୋଇଛି। ଯେଉଁଥିରେ ଉଭୟ ବାନ୍ଦ୍ରାସ୍ଥିତ ଏକ ଜିମ୍‌ରୁ ବାହାରୁଥିବାର ଦେଖାଯାଉଛି | ଅବଶ୍ୟ ଦୁହେଁ ଏକାଠି କାଠି ବାହାରି ନ ଥିଲେ | ପ୍ରଥମେ ଜିମରୁ ସାମନ୍ଥା ବାହାରିଥିଲେ, ଏହାର କିଛି ସମୟ ପରେ ରାଜ୍ ଆସିଥିଲେ | ଉଭୟ ଗଣମାଧ୍ଯମକୁ କୌଣସି ପ୍ରତିକ୍ରିୟା ନ ଦେଇ ସିଧା କାରରେ ପଳାଇ ଯାଇଥିଲେ | ତେବେ ପ୍ରଥମ ଥର ପାଇଁ । ରାଜ୍ ଓ ସାମନ୍ଥାଙ୍କୁ ଏକାଠି ଦଖାଯାଇ ନାହିଁ । ଏହାପୂର୍ବରୁ ମଧ୍ୟ ଅନେକ ଥର ର ସେମାନଙ୍କୁ ଏକାଠି ଦେଖାଯାଇଛି ।

ନିକଟରେ ସାମନ୍ଥା ଇନ୍‌ଷ୍ଟାଗ୍ରାମ୍‌ରେ ଏକ ଫଟୋ ସେୟାର୍‌ କରିଥିଲେ I ଏଥିରେ ସେ ଜଣକର ହା ହାତ ଧରିଥିଲେ | ଉକ୍ତ ବ୍ୟକ୍ତିଙ୍କର ମୁହଁ ଦେଖାଯାଉ ନ ଥିଲା | ଦର୍ଶକେ ସେ ରାଜଙ୍କ ହାତ ଧରିଥିବା ଅନୁମାନ କରିଥିଲେ | ଅବଶ୍ୟ ସେମନଙ୍କ ପ୍ରେମ ସମ୍ପର୍କକୁ ନେଇ ଦୁହେଁ ବିଧିବଦ୍ଧ ଭାବେ କିଛି କହି ନାହାନ୍ତି I ସାମନ୍ଥା, ରାଜ୍‌ଙ୍କ ସହ 'ଦ ଫ୍ୟାମିଲି ମ୍ୟାନ୍ ସିଜିନ୍ ୨' ଓ 'ସିଟା ସିଟାଡେଲ: ହନିବନି'ରେ କାମ କାମ କରିଛନ୍ତି I