ପାର୍ବଣରେ ସାଧାରଣ ଜନତାଙ୍କୁ ଆଶ୍ବସ୍ତି । ରଣ ସହିତ ଜଡିତ ଅନେକ ବଡ଼ ପରିବର୍ତ୍ତନ ଘୋଷଣା କରିଛି ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) । ଏଣିକି ଋଣ ନେବା ଗ୍ରାହକଙ୍କ ପାଇଁ ସହଜ ହେବା ସହ ବଡ଼ ଋଣ ସହିତ ଜଡିତ ନିୟମ କୋହଳ କରିବାକୁ ଆର୍‌ବିଆଇ ଅନେକ ନୂଆ ପରିବର୍ତ୍ତନ କରିଛି। ଏହି ପରିବର୍ତ୍ତନଗୁଡିକ ମଧ୍ୟରୁ ତିନୋଟି ଅକ୍ଟୋବର ପହିଲାରୁ କାର୍ଯ୍ୟକାରୀ ହେବ। ବାକି ଚାରୋଟି ଉପରେ ବର୍ତ୍ତମାନ ବିଚାର ବିମର୍ଶ ଚାଲିଛି ।

ବର୍ତ୍ତମାନ ଯଦି ଯଦି ଆପଣଙ୍କର ଫ୍ଲୋଟିଂ ଋଣ ଅଛି, ତେବେ ଲକ୍-ଇନ୍ ଅବଧୂ ପୂର୍ବରୁ ମଧ୍ୟ ଆପଣଙ୍କର ଇଏମ୍‌ଆଇ ହ୍ରାସ କରିପାରିବେ। ଏହା ଆପଣଙ୍କୁ ସିଧାସଳଖ ଲାଭ ଦେବ ଏବଂ ଆପଣଙ୍କର ଇଏମ୍‌ଆଇ ହ୍ରାସ କରିପାରେ I ଏହାସହିତ, ସ୍ଥିର ହାର ଋଣ ନେଉଥିବା ଲୋକଙ୍କୁ ଏବେ ଫ୍ଲୋଟିଂ ରେଟ୍‌କୁ ପରିବର୍ତ୍ତନ କରିବାର ବିକଳ୍ପ ଦିଆଯାଇପାରେ | ଯଦିଓ ଏହା ବାଧ୍ୟତାମୂଳକ ହେବ ନାହିଁ, ବ୍ୟାଙ୍କଗୁଡ଼ିକ ଚାହିଁଲେ ଏହି ବିକଳ୍ପ ପ୍ରଦାନ କରିପାରିବେ । ଏହା ଋଣଗ୍ରହୀତାଙ୍କୁ ନମନୀୟତା ପ୍ରଦାନ କରିବ ଓ ସମୟସୀମା ଆଧାରରେ ସଠିକ୍ ସୁଧ ହାର ବାଛିବା ସହଜ କରିବ ।

ଏଣିକି କେବଳ ଅଳଙ୍କାର ବ୍ୟବସାୟୀ ନୁହେଁ ବରଂ ସୁନାକୁ କଞ୍ଚାମାଲ ଭାବରେ ବ୍ୟବହାର କରୁଥିବା ଯେକୌଣସି ବ୍ୟକ୍ତି, ଯେପରିକି ଛୋଟ ବ୍ୟବସାୟ ଓ କାରିଗରମାନେ ମଧ୍ୟ ସୁନା ରଣ ପାଇପାରିବେ। ଏହା ସେମାନଙ୍କୁ ଛୋଟ ବ୍ୟବସାୟ ପାଇଁ କାର୍ଯ୍ୟକ୍ଷମ ପୁଞ୍ଜି ସଂଗ୍ରହ କରିବା ସହଜ କରିବ I

ଏହାବ୍ୟତୀତ, ଆର୍‌ବିଆଇ ସୁନା ଧାତୁ ଋଣ ପାଇଁ ପରିଶୋଧ ଅବଧୂକୁ ୧୮୦ ରୁ ୨୭୦ ଦିନ‌କୁ ବୃଦ୍ଧି କରିବାକୁ ପ୍ରସ୍ତାବ ଦେଇଛି I ଏହାବ୍ୟତୀତ, ଅଣ-ନିର୍ମାଣକାରୀ ଅଳଙ୍କାର ଖୁଚୁରା ବ୍ୟବସାୟୀମାନେ ଏବେ ଆଉଟସୋସିଂ ପାଇଁ ଜିଏମ୍ ଏଲ୍ ବ୍ୟବହାର କରିପାରିବେ | ଏହି ସମସ୍ତ ପରିବର୍ତ୍ତନ ଏମ୍ସ୍ଏସ୍ଏମ୍ଇ ଏବଂ ଅଳଙ୍କାର କ୍ଷେତ୍ର ପାଇଁ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହୋଇପାରେ | ଆର୍‌ବିଆଇ ବ୍ୟାଙ୍କଗୁଡ଼ିକୁ ଅଫସୋର ବଜାର ମାଧ୍ୟମରେ ପାଣ୍ଠି ସଂଗ୍ରହ କରିବାର ପଥକୁ ସରଳ କରିଛି। ଫଳରେ ବ୍ୟାଙ୍କଗୁଡ଼ିକ ବିଦେଶୀ ମୁଦ୍ରା କିମ୍ବା ଟଙ୍କାରେ ବଣ୍ଡ ଜାରି କରି ଅଧୂକ ପାଣ୍ଠି ସଂଗ୍ରହ କରିପାରିବେ । ଏହା ସେମାନଙ୍କର ଆର୍ଥିକ ସ୍ଥିତିକୁ ମଜବୁତ କରିବ ଏବଂ ସେମାନଙ୍କୁ ଅଧିକ ଋଣ ଦେବାକୁ ସକ୍ଷମ କରିବ I କେନ୍ଦ୍ରୀୟ ବ୍ୟାଙ୍କ ମଧ୍ୟ ସୁପାରିଶ କରିଛି ଯେ ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନଗୁଡ଼ିକ ଏଣିକି ପ୍ରତି ଦୁଇ ସପ୍ତାହରେ ଥରେ କ୍ରେଡିଟ୍ ବ୍ୟୁରୋକୁ ତଥ୍ୟ ଦାଖଲ କରିବେ | ଏହା ଲୋକଙ୍କ କ୍ରେଡିଟ୍ରି ପୋର୍ଟରେ ତ୍ରୁଟି ହ୍ରାସ କରିବ ଏବଂ ସେଗୁଡ଼ିକୁ ସମୟ ମଧ୍ୟରେ ସଂଶୋଧନ କରାଯାଇପାରିବ।

ଭୁବନେଶ୍ୱର: ରାଜଧାନୀ ସମେତ ଓଡ଼ିଶାରେ ଅନେକ ସ୍ଥାନରେ ନୂଆ ତରିକାରେ ଠକେଇ ବଢ଼ୁଛି। ନକଲି ସୁନା ରଖି ଅସଲି ସୁନାକୁ ବିକ୍ରି କରି ଦେଉଛନ୍ତି ସୁନାଋଣ ପ୍ରଦାନକାରୀ ସଂସ୍ଥା। ଗତ ୩ ବର୍ଷରେ ଏଭଳି ଠକେଇ ମାମଲାରେ ରାଜଧାନୀରେ ୮୦ରୁ ଅଧିକ ଅଭିଯୁକ୍ତ ଗିରଫ ହେଲେଣି। ଯାହାକୁ ନେଇ ସନ୍ଦେହ ଘେରରେ ଏକାଧିକ ସୁନାଋଣ ପ୍ରଦାନକାରୀ ସଂସ୍ଥା। ଅଧିକାଂଶ ମାମଲାରେ ଏହି ଠକେଇ ପଛରେ ଉକ୍ତ ସଂସ୍ଥାର କର୍ମଚାରୀ ସମ୍ପୃକ୍ତ ରହୁଛନ୍ତି। ସେମାନେ ଗରିବ ଶ୍ରେଣୀର ଲୋକଙ୍କୁ ଟାର୍ଗେଟ କରି ଠକେଇ କରୁଛନ୍ତି। ଲୋକେ ବନ୍ଧକ ରଖୁଥିବା ଅସଲି ସୁନା ବଦଳରେ ଋଣ ପ୍ରଦାନ କରୁଛନ୍ତି। କିନ୍ତୁ କିଛି ଦିନ ପରେ ଉକ୍ତ ସଂସ୍ଥାର କର୍ମଚାରୀ ଅସଲି ସୁନାକୁ ନେଇ ନକଲି ସୁନା ରଖି ଦେଉଛନ୍ତି। ଅସଲି ସୁନା ନେଇ ସେମାନେ ବାହାରେ ବିକ୍ରି କରି ଲକ୍ଷାଧିକ ଟଙ୍କା ରୋଜଗାର କରୁଛନ୍ତି। ଉକ୍ତ ସଂସ୍ଥାର ତଳଠୁ ଉପର ପର୍ଯ୍ୟନ୍ତ ସମସ୍ତେ ସାମିଲ ରହୁଛନ୍ତି।

ନିକଟରେ ମଞ୍ଚେଶ୍ୱର ଥାନା ପୁଲିସ ଗିରଫ କରିଥିବା ଆଇସିଏଲ୍‌‌ ଫିନକର୍ପ ଲିମିଟେଡର ଶାଖା ପ୍ରବନ୍ଧକ ଗିରଫ ହେବା ପରେ ଏଭଳି କାରନାମା ଜଣାପଡ଼ିଥିଲା। ଏହି ସଂସ୍ଥା ଗ୍ରାହକଙ୍କୁ ୧୬ ପ୍ରତିଶତ ସୁଧ ହାତରେ ସୁନା ଅଳଙ୍କାର ବନ୍ଧକ ରଖି ଋଣ ଯୋଗାଇଥାଏ। ସଂସ୍ଥାର ଶାଖା ପ୍ରବନ୍ଧକ ଗୋପାଳ ଗ୍ରାହକଙ୍କ ନାମରେ ଜାଲ ଦସ୍ତଖତ କରି ଋଣ ଉଠାଇ ନେଇଥିଲେ। କିନ୍ତୁ କାଗଜ କଲମରେ ଗ୍ରାହକଙ୍କ ନାମରେ ଋଣର ବୋଝ ଗଡ଼ୁଥିଲା। ଏପରିକି ଗ୍ରାହକ ବନ୍ଧକ ରଖିଥିବା ସୁନା ଗହଣାକୁ ନେଇ ସେଥିରେ ନକଲି ଗହଣା ରଖି ଦେଇଥିଲେ ଗେପାଳ। ସଂସ୍ଥାର ଅଡିଟ୍‌‌ ହେବା ପରେ ୪ଜଣ ଗ୍ରାହକ ଦୁଇଥର ଋଣ ନେଇଥିବା ସ୍ପଷ୍ଟ ହେବା ପରେ ସନ୍ଦେହ ବଢ଼ିଥିଲା। ଯାଞ୍ଚ ପରେ ଏଭଳି ନକଲି ସୁନା ରଖି ଅସଲି ଲୁଟ ହୋଇଥିବା ସ୍ପଷ୍ଟ ହୋଇଥିଲା। ସେହିପରି ଖୋର୍ଦ୍ଧାରେ ମଧ୍ୟ ଏଭଳି ଭାବେ ଠକେଇ ହୋଇଥିଲା। ଗରୀବ ଶ୍ରେଣୀର ଲୋକେ ସୁନା ବନ୍ଧକ ରଖି ଟଙ୍କା ନେଇଥିଲେ। କିନ୍ତୁ ଏହି ସୁନାଋଣ ପ୍ରଦାନକାରୀ ସଂସ୍ଥା ନକଲି ସୁନା ରଖି ଅସଲି ସୁନାକୁ ଲୁଟି ନେଇଥିଲେ। ଅନେକ ଗ୍ରାହକ ସେମାନଙ୍କ ସୁନା ନେବାକୁ ଆସିବା ପରେ ତାହା ନକଲି ଥିବା ଜଣାପଡ଼ିବା ପରେ ଥାନାର ଦ୍ୱାରସ୍ଥ ହୋଇଥିଲେ। ସେହିପରି ୨୦୨୦ ମସିହାରେ କଟକର ଏଭଳି ଗୋଲ୍ଡଲୋନ୍‌‌ ସ୍କାମ୍‌‌ ପଦାକୁ ଆସିଥିଲା। ସଂସ୍ଥାର ନିଜ କର୍ମଚାରୀ ବନ୍ଧକ ଥିବା ଅସଲି ସୁନାକୁ ଲୁଟିନେଇ ନକଲି ସୁନା ରଖିଦେଉଥିଲେ। ଶେଷରେ ଏଭଳି ଲୁଟ ଜଣାପଡ଼ିବା ପରେ ୮ଜଣ ଗିରଫ କରାଯାଇଥଲା।

ରାଜଧାନୀରେ ଥିବା ଏକାଧିକ ସୁନାଋଣ ପ୍ରଦାନକାରୀ ସଂସ୍ଥାରେ କାମ କରୁଥିବା ବଣିଆମାନଙ୍କ ଭୂମିକା ସନ୍ଦେହ ଘେରରେ। କାରଣ ରାଷ୍ଟ୍ରାୟତ ବ୍ୟାଙ୍କ୍‌‌ରେ କାମ କରୁଥିବା ବଣିଆମାନଙ୍କ ଚାକିରି ସ୍ଥାୟୀତ୍ୱ ରହିଛି। କିନ୍ତୁ ଏହି ଗୋଲ୍ଡଋଣ ପ୍ରଦାନ କାରୀ ସଂସ୍ଥାରେ କାମ କରୁଥିବା ବଣିଆମାନଙ୍କ ଚାକିରି ସ୍ଥାୟିତ୍ୱ ନାହିଁ। ଏପରିକି ସେମାନଙ୍କ ଦରମା ମଧ୍ୟ ଖୁବ୍‌‌ କମ୍‌‌। ତେଣୁ ସେମାନେ ବନ୍ଧକ ରଖାଯାଉଥିବା ସୁନାଗହଣା ମାନ ଯାଞ୍ଚ ବେଳେ ହେରଫେର କରୁଛନ୍ତି। ୨୨ କ୍ୟାରେଟର ସୁନାକୁ କମାଇ ଦେଉଥିବା ବେଳେ ଅନେକ ସୁନାର ମାପକୁ ମଧ୍ୟ ହ୍ରାସ କରି ଦେଉଛନ୍ତି। ଯାହାଫଳରେ ଅନେକ ଗ୍ରାହକ ଜାଣିପାରୁନାହାନ୍ତି। ଯେଉଁଥି ପାଇଁ ଠକାମିର ଶିକାର ହେଉଛନ୍ତି।

ବିଶେଷ କରି ଏହି ସୁନାଋଣ ଠକେଇ ଗରିବ ଏବଂ ଅପାଠୁଆଙ୍କ କ୍ଷେତ୍ରରେ ଅଧିକ ମାତ୍ରାରେ ହେଉଛି। କାରଣ ସେମାନଙ୍କ ଅର୍ଥ ଆବଶ୍ୟକ ହେଉଥିବାରୁ ଏହି ସଂସ୍ଥାର ଦ୍ୱାରସ୍ଥ ହେଉଛନ୍ତି। ଯାହାର ଫାଇଦା ନେଉଛନ୍ତି ଏହି ସୁନାଋଣ ପ୍ରଦାନକାରୀ ସଂସ୍ଥା। ସେମାନେ ବିଭିନ୍ନ ଉପାୟରେ ସୁନା ଠକି ନେଉଛନ୍ତି। ଅପାଠୁଆଙ୍କ ଏକାଧିକ ଦସ୍ତଖତ ନେଇଯାଉଛନ୍ତି। ପରବର୍ତ୍ତୀ ସମୟରେ ସୁନା ମୁକୁଳାଇବାକୁ ଗଲେ ସେମାନେ ଏହି ଦସ୍ତଖତକୁ ଦେଖାଇ ଭୁଅାଁ ବୁଲାଉଛନ୍ତି। ଅନେକ ସମୟରେ ମଧ୍ୟ ସୁନାର ପରିମାଣକୁ ହ୍ରାସ କରି ଲୁଟୁଛନ୍ତି।

ରାଜଧାନୀରେ କେତେକ ଗୋଲ୍ଡଲୋନ୍‌‌ ପ୍ରଦାନକାରୀ ସଂସ୍ଥା ରହିଛି, ସେନେଇ ପୁଲିସ ନିକଟରେ କିଛି ତଥ୍ୟ ନାହିଁ। ସେମାନେ ବିନା ରେଜିଷ୍ଟେସନ୍‌‌ରେ ମଧ୍ୟ ଏଭଳି ସଂସ୍ଥା ଚଲାଉଛନ୍ତି। ରାତିଆରାତି ଛତୁଫୁଟିଲା ପରି ଗଢି ଉଠୁଛି ସୁନଋଣ ପ୍ରଦାନକାରୀ ସଂସ୍ଥା। ଏପରିକି ଗ୍ରାହକଙ୍କ ଠାରୁ ସୁନା ରଖି ମଧ୍ୟ ରାତିରାତି ସଂସ୍ଥା ଉଭାନ ହୋଇଯାଉଛି। ଅନେକ କ୍ଷେତ୍ରରେ ଅପରାଧି ମଧ୍ୟ ସୁନା ଲୁଟପାଟ କରି ଏହି ସଂସ୍ଥା ଗୁଡିକରେ ବନ୍ଧକ ରଖୁଛନ୍ତି। କିନ୍ତୁ ସୁନା ରସିଦ୍‌‌ ଅନ୍ୟାନ କାଗଜପତ୍ର ଯାଞ୍ଚ କରାଯାଉନାହିଁ।