ଭୁବନେଶ୍ବର: ଚନ୍ଦକା ଜଙ୍ଗଳରୁ ମିଳିଲା ନର କଙ୍କାଳ I କଙ୍କାଳ ଦେଖି ସ୍ଥାନୀୟ ଲୋକେ ଆତଙ୍କିତ I ମୁଣ୍ଡ, ଖପୁରି, ମାଢି, ଜଙ୍ଘହାଡ଼ ଆଦି ଏଣେ ତେଣେ  ଛିଟକି ପଡ଼ିଥିବା ଦେଖିବାକୁ ମିଳିଛିI ଖବର ପାଇଁ ସ୍ଥାନୀୟ ପୁଲିସ ଓ ଫରେଷ୍ଟ ଡିପାର୍ଟମେଣ୍ଟ ପହଞ୍ଚି ତଦନ୍ତ ଚଳାଇଛନ୍ତି I  ଅଧାଦେହ ମାଟି ତଳେ ପୋତା ଯାଇଥିବା ବେଳେ, ଅଧା ମାଟି ଉପରେ ରହିଛିI
କୁହା ଯାଉଛି ଯେ, ସେ ଅଞ୍ଚଳରୁ ମାସେ ତଳୁ ଜଣେ ବ୍ୟକ୍ତି  ନିଖୋଜ ଥିଲେ I କିନ୍ତୁ ପ୍ରଶ୍ନ ଉଠୁଛି, ସେ ବ୍ୟକ୍ତିଙ୍କୁ କିଏ ଓ କାହିଁକି ମାଟିରେ ପୋତିଲା ? ହତ୍ୟାକାଣ୍ଡ ସନ୍ଦେହ କରିବା ସହ ସାଇଣ୍ଟିଫିକ ଟିମକୁ ଅପେକ୍ଷା କରି ତଦନ୍ତ ଚଳାଇଛି ପୁଲିସ।

ଜଳେଶ୍ଵର: ବାଲେଶ୍ବର ଜିଲ୍ଲା ଦେଉଳା ପଞ୍ଚାୟତ ବିନ୍ଧାଣୀ ସାହି ଗ୍ରାମରେ ଦେଖିବାକୁ ମିଳିଥିଲା ହୃଦୟ ବିଦାରକ ଦୃଶ୍ୟ। ଅର୍ଥ ଅଭାବରୁ ବାପା ଝିଅର ମୃତେଦହକୁ ଟଲିରେ ବୋହି ଆଣିଥିଲା। ଏହି ଖବର ପ୍ରସାରଣ ପରେ ବାଲେଶ୍ବର ଜିଲ୍ଲା ପ୍ରଶାସନ ପକ୍ଷରୁ ତ୍ବରିତ ପଦକ୍ଷେପ ନିଆଯାଇଛି। ଜିଲ୍ଲାପଳ କାର୍ଯ୍ୟାଳୟ ପକ୍ଷରୁ ତହସିଲଦାର , ବିଡିଓ ବାଲିଆପାଳ, ଦେଉଳାର ସରପଞ୍ଚ ଏବଂ ପିଇଓଙ୍କ ସହିତ ସମନ୍ୱୟ କରି ମୃତଦେହକୁ ଶବଦାହ ପାଇଁ ନେବା ନିମନ୍ତେ ଗାଡ଼ିର ବ୍ୟବସ୍ଥା କରିଥିଲେ। ହରିଶ୍ଚନ୍ଦ୍ର ଯୋଜନା ଅଧୀନରେ ରେଡ୍ କ୍ରସ୍ ତରଫରୁ ୧୦,୦୦୦ ଟଙ୍କାର ଆର୍ଥିକ ସହାୟତା ମଧ୍ୟ ପ୍ରଦାନ କରାଯାଇଛି। ଏ ନେଇ ବାଲେଶ୍ବର ଜିଲ୍ଲା ପ୍ରଶାସନ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି।

On receipt of the information, Tahasildar and BDO Baliapal coordinated with sarpanch and PEO of Deula and vehicle was arranged for carrying the deceased for cremation.
Financial assistance of Rs 10,000/ has also been provided from Red Cross under Harishchandra Yojana. pic.twitter.com/2BuAeIERda

— Collector & DM Balasore (@DBalasore) July 18, 2025

ସୂଚନା ଅନୁଯାୟୀ, ଦେଉଳା ପଞ୍ଚାୟତ ବିନ୍ଧାଣୀ ସାହି ଗ୍ରାମର ମଧୁବିନ୍ଧାଣୀ ଝିଅ ନନ୍ଦିନୀ ଘରୁ ରାଗିଯାଇ ନିକଟସ୍ଥ ଗ୍ରାମରେ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ। ପରେ ଖବର ପାଇ ବାଲିଆପାଳ ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପରିବାର ଲୋକଙ୍କୁ ଦାୟିତ୍ୱ ଦେଇ ପଳାଇ ଆସିଥିଲେ । ତେବେ ବାପା ମଧୁ ଅତ୍ୟନ୍ତ ଗରିବ ଦିନ ମଜୁରିଆ ହୋଇଥିବାରୁ ଆମ୍ବୁଲାନସରେ ଶବକୁ ନେବାକୁ ୧୨ଶହ ଟଙ୍କା ବ୍ୟବସ୍ଥା କରିପାରି ନ ଥିଲେ। ଗ୍ରାମର ଜୈନିକ ବ୍ୟକ୍ତିଙ୍କ ଠାରୁ ଟଲି ମାଗି ଝିଅର ଶବକୁ ଡାକ୍ତରଖାନାକୁ ନେବାର ବ୍ୟବସ୍ଥା କରିଥିଲେ। ତେବେ ଡାକ୍ତରଖାନକୁ ଶବଟି ଟଲିର ଯାଉଥିବା ସମୟର ଫଟୋ ଏବେ ସୋସିଆଲ ମିଡିଆରେ ଘୁରି ବୁଲିଥିଲା। ଗରିବ ଅସହାୟ ଆଦିବାସୀଙ୍କ ପ୍ରତି ପୁଲିସ ପ୍ରଶାସନର ମାନବିକତା ନ ଦେଖାଇବା ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା।