ଭୁବନେଶ୍ବର: ରାଷ୍ଟ୍ରପତିଙ୍କ ଓଡ଼ିଶା ବିଧାନସଭାକୁ ଆଗମନ ଥିବା ବେଳେ କଂଗ୍ରେସ ବିଧାୟିକା ସୋଫିଆ ଫିରଦୋଷଙ୍କ ବଡ ବୟାନ। ବାପାଇ ନେଇ ଥିବା ନିଷ୍ପତ୍ତି ଠିକ୍ ଥିଲ । ପ୍ରଥମେ ମାଟି ଅର୍ଥାତ୍ ଓଡ଼ିଆ ଅସ୍ମିତାକୁ ବାଛିଥିଲେ। ମହାମହିମ ରାଷ୍ଟ୍ରପତିଙ୍କୁ ଭୋଟ ଦେଇଥିଲେ। ଆଜି ଯାହା ଓଡ଼ିଶା ପାଇଁ ଗର୍ବର ବିଷୟ ହୋଇଛି। ଆଜିର ଦିନ ପାଇଁ ବେଶ ଉତ୍ସାହ ଅଛି । 

ଖବର ଅନୁଯାୟୀ, ରାଷ୍ଟ୍ରପତି ନିର୍ବାଚନ ସମୟରେ ମୋକିମ ଏନଡିଏ ପ୍ରାଥୀଙ୍କୁ ଭୋଟ ଦେବା ନେଇ ସୃଷ୍ଟି ହୋଇଥିଲା ବିବାଦ। ଯାହା ପାଇଁ ତାଙ୍କ ଉପରେ ଆକ୍ସନ ନେଇଥିଲା ସେତେବେଳେ ରାଜ୍ୟ କଂଗ୍ରେସ। ଏହାପରେ ଆଜି ବାପାଙ୍କ ପାଇଁ ବାହାରିଛନ୍ତି ଝିଅ ସୋଫିଆ ଫିରଦୋଷ। ରାଷ୍ଟ୍ରପତିଙ୍କ ଗସ୍ତ ବେଳେ ବାପା ଭୋଟ୍ କଥା ମନେ ପକାଇଲେ ସୋଫିଆ। କିଛି ହୁଇପ ଜାରି ହୋଇନଥିଲା। ଇଚ୍ଛା ଅନୁସାରେ ଭୋଟ୍ ଦେବାକୁ କୁହାଯାଇଥିଲା। ବାପା ମାଟିକୁ ଗୁରୁତ୍ଵ ଦେଇ ଓଡ଼ିଆ ଅସ୍ମିତାକୁ ବାଛିଥିଲେ ବୋଲି କହିଛନ୍ତି ସୋଫିଆ।

ନୂଆଦିଲ୍ଲୀ: ବାଲେଶ୍ୱର ଏଫଏମ୍ କଲେଜ ଘଟଣାକୁ ନେଇ ଦିଲ୍ଲୀରେ କଂଗ୍ରେସ ପ୍ରେସମିଟ୍ କରିଛି। ABVP ର ସଦସ୍ୟ ଅଛନ୍ତି ପୀଡ଼ିତା ଛାତ୍ରୀ । କିନ୍ତୁ ସେ ଯେତେବେଳେ ନ୍ୟାୟ ମାଗୁଛି ତାକୁ ନ୍ୟାୟ ଦେବା ବଦଳରେ ତାହା ଉପରେ ଚାପ ପକାଗଲା। ସେଥିରେ ବି ସେ ମୁଣ୍ଡ ନୁଆଇଁଲା ନାହିଁ । ଯାହା ପାଇଁ ନିଜକୁ ନିଜେ ପେଟ୍ରୋଲ ଢାଳି ପୋଡ଼ିଦେଲା। ଆଉ ଆମ ମାନଙ୍କ ପାଇଁ ବାର୍ତ୍ତା ଦେଲା କି ଆମେ ସରକାରଙ୍କ ଠାରୁ ନ୍ୟାୟ ନୁହେଁ, ନିଜେ ନିଜକୁ ନ୍ୟାୟ ଦେବାର ଅଛି। ମୁଖ୍ୟମନ୍ତ୍ରୀ ନୈତିକତା ଦୃଷ୍ଟିରୁ ଇସ୍ତଫା ଦିଅନ୍ତୁ। ବିଚାର ବିଭାଗୀୟ ତଦନ୍ତ କରନ୍ତୁ ସରକାର । ପ୍ରଧାନମନ୍ତ୍ରୀ ଏହି ଘଟଣାରେ ହସ୍ତକ୍ଷେପ କରନ୍ତୁ ବୋଲି କଂଗ୍ରେସ ବିଧାୟିକା ସୋଫିଆ ଫିରଦୋଷ ଦାବି କରିଛନ୍ତି । ସେହି ପୀଡ଼ିତା ଛାତ୍ରୀଙ୍କୁ ନ୍ୟାୟ ଦିଅନ୍ତୁ। ଓଡ଼ିଶାରେ ମହିଳା ସୁରକ୍ଷିତ ନାହାନ୍ତି । ବେଟି ବଚାଆ କଥା କହୁଥିଲା କିନ୍ତୁ ବିଜେପି ସରକାର ଅଭିଯୁକ୍ତ ବଞ୍ଚାଅରେ ପରିଣତ ହୋଇଛି ବୋଲି ସେ କହିଛନ୍ତି।