ବଲିଉଡର ଲୋକପ୍ରିୟ ହାସ୍ୟ ଅଭିନେତା ରାଜପାଲ ଯାଦବ ପୁଣି ଥରେ ନିଜର ପ୍ରଶଂସକଙ୍କ ପାଇଁ ଖୁସି ଖବର ନେଇ ଆସିଛନ୍ତି। ନିକଟରେ ଚେକ୍ ବାଉନ୍ସ ମାମଲାରେ ଆଇନଗତ ଲଢେଇ ପରେ, ସେ ଏବେ ଏକ ନୂଆ ଯାତ୍ରା ଆରମ୍ଭ କରିଛନ୍ତି। ରାଜପାଲ ଯାଦବ ନିଜର ଏକ ୟୁଟ୍ୟୁବ୍ ଚ୍ୟାନେଲ୍ ଲଞ୍ଚ କରିଛନ୍ତି ଏବଂ ଏହାକୁ ନିଜ ଜୀବନର 'ଦ୍ୱିତୀୟ ଇନିଂସ' ବୋଲି ଅଭିହିତ କରିଛନ୍ତି।

'ରାଜପାଲ ନୌରଙ୍ଗ ଯାଦବ' ନାମରେ ଚ୍ୟାନେଲ୍ ଲଞ୍ଚ

ରାଜପାଲ ଯାଦବ ସୋସିଆଲ ମିଡିଆରେ ଏକ ଭିଡିଓ ସେୟାର କରି ଏହି ସୂଚନା ଦେଇଛନ୍ତି। ସେ ନିଜର ନୂଆ ୟୁଟ୍ୟୁବ୍ ଚ୍ୟାନେଲର ନାମ 'ରାଜପାଲ ନୌରଙ୍ଗ ଯାଦବ' ରଖିଛନ୍ତି। ଏହି ଚ୍ୟାନେଲ ମାଧ୍ୟମରେ ସେ ଦର୍ଶକଙ୍କୁ ମନୋରଞ୍ଜନର ଫୁଲ୍ ଡୋଜ୍ ଦେବାକୁ ପ୍ରତିଶ୍ରୁତି ଦେଇଛନ୍ତି। ସେ କହିଛନ୍ତି ଯେ, "ମୁଁ ବହୁତ ଖୁସି ଯେ ଏକ ନୂଆ ପାଳି (ଇନିଂସ) ଆରମ୍ଭ କରିବାକୁ ଯାଉଛି। ଏହି ଚ୍ୟାନେଲ୍ ପିଲାଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ମନୋରଞ୍ଜନ ଯୋଗାଇବ।"

ବିବାଦ ପରେ କାମକୁ ଫେରିଲେ ଅଭିନେତା

ସୂଚନାଯୋଗ୍ୟ ଯେ, ୨୦୧୦ ମସିହାରେ ଫିଲ୍ମ 'ଅତା ପତା ଲାପତା' ନିର୍ମାଣ ସମୟରେ ନେଇଥିବା ଋଣ ସମ୍ବନ୍ଧୀୟ ଏକ ଚେକ୍ ବାଉନ୍ସ ମାମଲାରେ ରାଜପାଲ ଯାଦବଙ୍କୁ ନିକଟରେ ଜେଲ ଯିବାକୁ ପଡିଥିଲା। ସେ ପ୍ରାୟ ୧୨ ଦିନ ତିହାର ଜେଲରେ ବିତାଇବା ପରେ ଜାମିନରେ ଆସିଛନ୍ତି। ଜେଲରୁ ମୁକୁଳିବା ପରେ ସେ ତୁରନ୍ତ ନିଜର ଶୁଟିଂ କାମ ଆରମ୍ଭ କରିଦେଇଛନ୍ତି ଏବଂ ଏବେ ଡିଜିଟାଲ୍ ଦୁନିଆରେ ମଧ୍ୟ ନିଜର ଉପସ୍ଥିତି ଜାହିର କରିଛନ୍ତି। ତାଙ୍କର ଏହି ନୂଆ ଆରମ୍ଭକୁ ନେଇ ପ୍ରଶଂସକମାନେ ବେଶ୍ ଉତ୍ସାହିତ ଅଛନ୍ତି।

ନୂଆଦିଲ୍ଲୀ: ପହଲଗାମ ଆକ୍ରମଣ ଘଟଣା । ଭାରତରେ ପାକିସ୍ତାନ ୟୁଟୁବ୍‌ ଚ୍ୟାନେଲ ବ୍ୟାନ୍। ୧୬ଟି ୟୁଟ୍ୟୁବ ଚ୍ୟାନେଲକୁ ବ୍ୟାନ କଲେ ଭାରତ ସରକାର। ଶୋଏବ ଅଖତର, ଆର୍‌ଜୁ କାଜ୍‌ମୀ, ସୟଦ ମୁଜାମ୍ମିଲ ଶାହ ଭଳି ଚ୍ୟାନେଲ ବ୍ୟାନ କରାଯାଇଛି। ସମା ଟିଭି, ଏରି ନ୍ୟୁଜ୍‌, ଜିଇଓ ନ୍ୟୁଜ୍‌, ଡନ୍‌ ନ୍ୟୁଜ୍‌ ଚାନେଲ ବ୍ୟାନ୍‌ କରାଯାଇଛି। ମିଥ୍ୟା ଖବର ପ୍ରସାରଣ କରିବା ନେଇ ଏଭଳି ପଦକ୍ଷେପ ନିଆଯାଇଥିବା ଜଣାପଡ଼ିଛି।