ଦେବଗଡ଼: ମଧ୍ୟାହ୍ନ ଭୋଜନ ଖାଇ ୪ ଛାତ୍ରୀ ଗୁରୁତର । ଦେବଗଡ଼ ଜିଲ୍ଲାର ବାରକୋଟ ବ୍ଲକ ଅନ୍ତର୍ଗତ ନାଇକୁଳା ଆଦିବାସୀ ଉଚ୍ଚ ବିଦ୍ୟାଳୟରେ ମଧ୍ୟାହ୍ନ ଭୋଜନ ଖାଇବା ପରେ ୪ ଜଣ ଛାତ୍ରୀ ଗୁରୁତର ଅସୁସ୍ଥ ହୋଇପଡ଼ିଛନ୍ତି। ଅସୁସ୍ଥ ଛାତ୍ରୀମାନଙ୍କୁ ତୁରନ୍ତ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ମିଳିଥିବା ସୂଚନା ଅନୁଯାୟୀ, ବିଦ୍ୟାଳୟରେ ଖାଦ୍ୟ ଖାଇବାର କିଛି ସମୟ ପରେ ଛାତ୍ରୀମାନେ ଅସୁସ୍ଥ ଅନୁଭବ କରିଥିଲେ। ପ୍ରଥମେ ଜଣେ ଛାତ୍ରୀଙ୍କୁ ସ୍ଥାନୀୟ ବାରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ପରବର୍ତ୍ତୀ ସମୟରେ ଅନ୍ୟ ୩ ଜଣ ଛାତ୍ରୀଙ୍କ ଠାରେ ସମାନ ଲକ୍ଷଣ ଦେଖାଯିବାରୁ ସମସ୍ତ ୪ ଜଣଙ୍କୁ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ବର୍ତ୍ତମାନ ସେମାନଙ୍କୁ ଡାକ୍ତରଖାନାରେ ଅମ୍ଳଜାନ ସହାୟତା ଦିଆଯାଉଛି ଏବଂ ଡାକ୍ତରମାନେ ସେମାନଙ୍କ ସ୍ୱାସ୍ଥ୍ୟବସ୍ଥା ଉପରେ କଡ଼ା ନଜର ରଖିଛନ୍ତି।

ଡାକ୍ତରଖାନା ସୂତ୍ରରୁ ଜଣାପଡ଼ିଛି ଯେ, ବର୍ତ୍ତମାନ ଛାତ୍ରୀମାନଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସୁଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉଦ୍‌ବେଗ ପ୍ରକାଶ ପାଇଥିବା ବେଳେ, ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀମାନେ ଘଟଣାର ଅନୁଧ୍ୟାନ କରିବା ସହ ଖୁବଶୀଘ୍ର ଆବଶ୍ୟକୀୟ ଦୃଢ଼ ପଦକ୍ଷେପ ଗ୍ରହଣ କରିବେ ବୋଲି ଆଶା କରାଯାଉଛି।

ଭୁବନେଶ୍ବର: ସ୍କୁଲ ପିଲାଙ୍କଠାରେ ମୋଟାପଣ ବଢିବାରେ ଲାଗିଛି। ବିଶେଷକରି ୫ରୁ ୧୯ବର୍ଷ ପିଲାଙ୍କ ଓଜନ ଆବଶ୍ୟକଠାରୁ ବହୁ ଅଧିକ ରହୁଛି। ଯାହାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର ମାସିକ ରେଡିଓ କାର୍ଯ୍ୟକ୍ରମ ‘ମନ କି ବାତ’ ଏବଂ ‘ପରୀକ୍ଷା ପେ ଚର୍ଚ୍ଚା’ରେ ଆଲୋଚନା କରିବା ପରେ ଏବେ କେନ୍ଦ୍ର ଶିକ୍ଷା ମନ୍ତ୍ରଣାଳୟ ଏହାକୁ ନେଇ ପଦକ୍ଷେପ ନେଇଛି।

କେନ୍ଦ୍ର ଶିକ୍ଷା ମନ୍ତ୍ରଣାଳୟ ମଧ୍ୟାହ୍ନଭୋଜନକୁ ସୁଷମ କରିବାକୁ ପଦକ୍ଷେପ ନେଇଛି। ପୂର୍ବାପେକ୍ଷା ୧୦ପ୍ରତିଶତ କମ୍ ତେଲ ବ୍ୟବହାର କରିବାକୁ ମାର୍ଗଦର୍ଶିକା ଜାରି କରାଯାଇଛି। ମନ୍ତ୍ରଣାଳୟ ପକ୍ଷରୁ ସମସ୍ତ ରାଜ୍ୟର ମୁଖ୍ୟ ଶାସନ ସଚିବ, ଶିକ୍ଷା ବିଭାଗର ପ୍ରମୁଖ ଶାସନ ସଚିବ, ସମଗ୍ର ଶିକ୍ଷାର ସ୍ୱତନ୍ତ୍ର ପ୍ରକଳ୍ପ ନିର୍ଦ୍ଦେଶକ, ଏନ୍‌ସିଇଆରଟି ନିର୍ଦ୍ଦେଶକ, ସିବିଏସ୍‌ଇ ଅଧ୍ୟକ୍ଷ, କେନ୍ଦ୍ରୀୟ ବିଦ୍ୟାଳୟ ଓ ନବୋଦୟ ବିଦ୍ୟାଳୟ ସଂଗଠନର କମିଶନରଙ୍କୁ ହୋଇଥିବା ଚିଠିରେ ଦର୍ଶାଯାଇଛି ଯେ ମଧ୍ୟାହ୍ନଭୋଜନରେ କମ୍ ତେଲ ବ୍ୟବହାର ହେବ। ଆଗରୁ ଯେତିକି ତେଲ ବ୍ୟବହାର କରାଯାଉଥିଲା, ସେଥିରୁ ୧୦ ପ୍ରତିଶତ କମ୍ ବ୍ୟବହାର କରାଯିବ। ଫର୍ଟିଫାଏଡ୍ ଭିଟାମିନ୍ ଏ ଓ ଡି ଯୁକ୍ତ ଖାଇବା ତେଲ ବ୍ୟବହାର ହେବ। ଏହାସହ କମ୍ ଓ ଡବଲ ଫର୍ଟିଫାଏଡ୍ ଲୁଣ ବ୍ୟବହାର କରିବାକୁ ମଧ୍ୟ କୁହାଯାଇଛି। ପୋଷଣ ବିଶେଷଜ୍ଞ ସୁଷମ ଖାଦ୍ୟ ପ୍ରସ୍ତୁତି ପାଇଁ ପରାମର୍ଶ ଦେବେ। ଜଣେ ପିଲାଙ୍କୁ ସ୍ୱାସ୍ଥ୍ୟ ଆମ୍ବାସାଡର୍‌ ଭାବେ ନିଯୁକ୍ତ କରିବାକୁ ମନ୍ତ୍ରଣାଳୟ ନିଷ୍ପତ୍ତି ନେଇଛି।

Hon’ble Prime Minister Shri @narendramodi highlighted the growing concern of childhood obesity in Pariksha Pe Charcha 2025 and Mann Ki Baat. Taking this forward, Shri @sanjayjavin, Secretary, Department of School Education & Literacy, Ministry of Education, has written to all… pic.twitter.com/Wh1F8QOfdQ

— Ministry of Education (@EduMinOfIndia) March 15, 2025

ଏଥି ସହିତ ପ୍ରଧାନମନ୍ତ୍ରୀ ପୋଷଣ ଅଧୀନରେ ରୋଷେୟା-ସହାୟକମାନଙ୍କୁ ସୁସ୍ଥ ରୋଷେଇ ପଦ୍ଧତି ଗ୍ରହଣ କରିବା ପାଇଁ ତାଲିମ ଦେବା ପାଇଁ ବ୍ୟବସ୍ଥା କରାଯାଉଛି। ସ୍କୁଲ ମାନଙ୍କରେ ପ୍ରତିଯୋଗିତା ଏବଂ ଆଲୋଚନା ମାଧ୍ୟମରେ ଛାତ୍ର, ଅଭିଭାବକ ଏବଂ ଶିକ୍ଷକଙ୍କ ମଧ୍ୟରେ ଏଥି ନେଇ ସଚେତନତା ବୃଦ୍ଧି କରିବା ସହ ବ୍ୟାୟାମ ଏବଂ ଯୋଗ ଭଳି ଫିଟନେସ୍ କାର୍ଯ୍ୟକଳାପକୁ ଉତ୍ସାହିତ କରିବା ପାଇଁ ମଧ୍ୟ କେନ୍ଦ୍ର ଶିକ୍ଷା ମନ୍ତ୍ରଣାଳୟକୁ ରାଜ୍ୟମାନଙ୍କୁ କରାଯାଇଥିବା ଚିଠିରେ ଉଲ୍ଳେଖ କରାଯାଇଛି।