ଭୁବନେଶ୍ବର: ପୂର୍ବତଟ ରେଳବାଇରୁ ୱାଲଟିୟର ଡିଭିଜନକୁ ଅଲଗା କରିବାକୁ ନେଇ କେନ୍ଦ୍ର ଓ ରାଜ୍ୟର ବିଜେପି ସରକାରକୁ ଓଡ଼ିଆ ଅସ୍ମିତା ପରିଷଦ କଡା ସମାଲୋଚନା କରିଛି। ଖଣିଜ ପରିବହନରେ ଭାରତୀୟ ରେଳକୁ ସବୁଠୁ ଅଧିକ ରାଜସ୍ୱ ଦେଉଛି ପୂର୍ବତଟ ରେଳପଥ। ସମ୍ବଲପୁର, ଖୋର୍ଦ୍ଧା ଓ ୱାଲଟିୟର ଡିଭିଜନକୁ ନେଇ ଗଠିତ ପୂର୍ବତଟ ରେଳପଥ। କିନ୍ତୁ କେନ୍ଦ୍ର ସରକାରଙ୍କ ଆନ୍ଧ୍ର ପ୍ରୀତି ଯୋଗୁଁ ଏହା ବିଖଣ୍ଡିତ ହେବାକୁ ବସିଛି।

ଆସନ୍ତା ୨୯ ତାରିଖରେ ପ୍ରଧାନମନ୍ତ୍ରୀ ଦକ୍ଷିଣତଟ ରେଳବାଇର ବିଶାଖାପାଟଣାରେ ମୁଖ୍ୟାଳୟକୁ ଉଦଘାଟନ କରିବାର କାର୍ଯ୍ୟକ୍ରମ ରହିଛି। ଯେଉଁଠିକୁ ୱାଲଟିୟାର ଡିଭିଜନକୁ ନିଆଯିବ। ଓଡ଼ିଶାର ୨୫୪ କିଲୋମିଟର ରେଳପଥ ଦକ୍ଷିଣତଟକୁ ଚାଲିଯିବ। ଖଡ଼ଗପୁର ଜୋନରେ ଓଡ଼ିଶାର ବାଲେଶ୍ୱର ମୟୁରଭଞ୍ଜର ବହୁ ଖଣିଜ ବହୁଳ ଅଞ୍ଚଳ ପୂର୍ବରୁ ଚାଲିଯାଇଛି। ଚକ୍ରଧରପୁର ଡିଭିଜନରେ ଝାରସୁଗୁଡା, କେନ୍ଦୁଝର, ବଣାଇ ଅଞ୍ଚଳ ରହିଯାଇଛି। ତେଣୁ ଏବେ ପୂର୍ବତଟ ରେଳପଥରେ ରହିବ କ’ଣ ବୋଲି ପ୍ରଶ୍ନ କରିଛି ଅସ୍ମିତା ପରିଷଦ।

କେନ୍ଦ୍ର ସରକାର ଓଡିଶାକୁ ରେଳବାଇ କ୍ଷେତ୍ରରେ ଯେଉଁ ତିନି ଗୁଣ ଅନୁଦାନ ଦେଉଛନ୍ତି ବୋଲି ଦାବି କରୁଛନ୍ତି ତାର ମାନେ କଣ ବୋଲି ପ୍ରଶ୍ନ କଲା ଓଡିଆ ଅସ୍ମିତା ପରିଷଦ। ରେଳବାଇକୁ କେନ୍ଦ୍ର ଖଣ୍ଡବିଖଣ୍ଡିତ କରି ଓଡ଼ିଶାର ହକକୁ ଛଡାଇ ନେଉଛନ୍ତି। ମହାନଦୀ ପୋଲାଭରମ କ୍ଷତ ଲିଭିନାହିଁ। ରେଳବାଇର ଓଡିଶାକୁ ଖଣ୍ଡବିଖଣ୍ଡିତ କରିବାର ଷଡ଼ଯନ୍ତ୍ରର ଆଜି ମୁଣ୍ଡି ମରିବାକୁ ଯାଉଛି। ଓଡ଼ିଶାର ସ୍ୱାଭିମାନ ଓ ଆର୍ଥିକ ସ୍ଵଛଳତାକୁ ଆଖି ଆଗରେ ରଖି ଓଡ଼ିଶାର ସାଂସଦ ମାନେ ସଂସଦରେ କଥା ଉଠାଇବାକୁ ଦାବି କରିଛି ଓଡ଼ିଆ ଅସ୍ମିତା ପରିଷଦ।

ଓଡିଶାରୁ ପ୍ରତିନିଧିତ୍ୱ କରୁଥିବା ରେଳମନ୍ତ୍ରୀ ଏ ଦିଗରେ ଧ୍ୟାନ ଦେବାକୁ ଦାବି କରିଛି ପରିଷଦ। ବିଧାନସଭାରେ ଏ ସମ୍ପର୍କରେ ସର୍ବସମ୍ମତ ନିନ୍ଦା ପ୍ରସ୍ତାବ ଗୃହୀତ ହେଉ। ପରିବହନ କ୍ଷେତ୍ରରେ ପୂର୍ବତଟ ରେଳପଥ ୨୫ ହଜାର କୋଟିରୁ ଅଧିକ ଅର୍ଥ ଦେଉଥିଲା। ୱାଲଟିୟାର ଡିଭିଜନ ଦେଉଥିଲା ୮ ରୁ ୧୦ ହଜାର କୋଟି। ଏହି ରାଜସ୍ୱ ଓଡିଶା ହରାଇବ। କେବଳ ସମ୍ବଲପୁର ଓ ଖୋର୍ଦ୍ଧା ଡିଭିଜନକୁ ନେଇ ପୂର୍ବତଟ ରେଳପଥ ଚାଲିବ ଯାହାକି ସମ୍ପୂର୍ଣ୍ଣ ମୂଲ୍ୟହୀନ ହୋଇପଡିବ।

ଓଡିଶାକୁ ଖଣ୍ଡବିଖଣ୍ଡିତ କରିବାର ଚକ୍ରାନ୍ତ ଆରମ୍ଭ ହୋଇଥିବା ଅଭିଯୋଗ ଆଣିଛି ଓଡ଼ିଆ ଅସ୍ମିତା ପରିଷଦର ଆବାହକ ରବି ବେହେରା। ଓଡ଼ିଶାର ସମ୍ପଦ ଉପରେ ବହୁ ପୁଞ୍ଜିପତି ଓ ପଡୋଶୀ ରାଜ୍ୟର ଲୋଲୁପ ଦୃଷ୍ଟି ପଡିଛି। ଗୃହମନ୍ତ୍ରୀ ଓଡିଶା ଆସୁଛନ୍ତି ତେଣୁ ଓଡ଼ିଶାର ସୀମା ଓ ଖଣି ପାଣିକୁ ନେଇ ଯୋଉ ବିବାଦ ଲାଗିଛି ତାକୁ ସମାଧନ କରିବାକୁ ଦାବି ଉଠିଛି। ଓଡ଼ିଆ ଅସ୍ମିତାର କଥା ଯେଉଁମାନେ କହିଥିଲେ ଏହାକୁ କେତେଦୂର ଜଗିଛନ୍ତି ତାହା ଜଣା ପଡିଯାଉଛି ବୋଲି କହିଲା ପରିଷଦ। ତୁରନ୍ତ ଏସବୁ ପ୍ରସଙ୍ଗରେ ପ୍ରଧାନମନ୍ତ୍ରୀ ଓ କେନ୍ଦ୍ର ଗୃହମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବାକୁ ଦାବି କରାଯିବା ସହ ଏହା କରା ନ ଗଲେ ଓଡିଶା ବନ୍ଦର ଡାକରା ଦିଆଯିବ ବୋଲି ଚେତାବନୀ ଦେଇଛି ଓଡ଼ିଆ ଅସ୍ମିତା ପରିଷଦ।

ଭୁବନେଶ୍ୱର: ସମ୍ଭାବ୍ୟ ବାତ୍ୟାକୁ ନେଇ ୫୪ଟି ଟ୍ରେନ୍‌କୁ ବାତିଲ କଲା ପୂର୍ବତଟ ରେଳବାଇ । ବାତ୍ୟା ‘ମିଚାଉଁ’କୁ ଆଖି ଆଗରେ ରଖି ଭୁବନେଶ୍ବରରୁ ଛାଡୁଥିବା ୧୨ଟି ଟ୍ରେନ୍ ବାତିଲ୍ କଲା ରେଳବାଇ । ବାତିଲ ଟ୍ରେନ୍‌ଗୁଡ଼ିକ ମଧ୍ୟରେ ରହିଛି ପୁରୀ-ଚେନ୍ନାଇ, ଭୁବନେଶ୍ୱର-ତିରୁପତି, ଭୁବନେଶ୍ୱର-ବେଙ୍ଗାଲୁରୁ ଆଦି ଟ୍ରେନ୍। ଏଥିସହ ବିଶାଖାପାଟଣାରୁ ଚେନ୍ନାଇ ଓ ତିରୁପତିକୁ ଯାଉଥିବା ଟ୍ରେନ୍ ବି ବାତିଲ ହୋଇଥିବା ସୂଚନା ମିଳିଛି। ସମ୍ଭାବ୍ୟ ବାତ୍ୟା ଓ ଯାତ୍ରୀଙ୍କ ସୁରକ୍ଷାକୁ ଗୁରୁତ୍ୱ ଦେଇ ୫୪ଟି ଟ୍ରେନ୍‌କୁ ବାତିଲ କରାଯାଇଛି।

ବଙ୍ଗୋପସାଗରରେ ସୃଷ୍ଟି ହୋଇଥିବା ଗଭୀର ଅବପାତ ଘନୀଭୂତ ହୋଇ ଉତ୍ତର-ପଶ୍ଚିମ ଦିଗକୁ ମାଡ଼ି ଆସୁଛି। ୨୪ ଘଣ୍ଟାରେ ଏହା ନେବ ବାତ୍ୟାର ରୂପ। ଏହା ୪ ତାରିଖରେ ଦକ୍ଷିଣ ଆନ୍ଧ୍ର ଓ ଉତ୍ତର ତାମିଲନାଡୁ ଉପକୂଳର ନିକଟତର ହେବ ୫ରେ ନେଲୋର-ମଛଲିପଟ୍ଟନମ୍ ଉପକୂଳ ଦେଇ ସ୍ଥଳଭାଗ ଅତିକ୍ରମ କରିବ। ବାତ୍ୟା ସ୍ଥଳଭାଗ ଛୁଇଁଲା ବେଳେ ପବନର ବେଗ ସର୍ବାଧିକ ୧୦୦ କିମି ରହିପାରେ।

1. 03357 Barauni-Coimbatore Spl Express on 02.12.2023.
2. 03358 Coimbatore-Barauni Spl Express on 06.12.2023.
3. 12245 Howrah-SMVB Express on 03.12.2023.
4. 12246 SMVB-Howrah Express on 05.12.2023.
5. 12510 Guwahti-SMVB Express on 03.12.2023 & 04.12.2023.
6. 12509 SMVB-Guwahati Express on 05.12.2023 & 06.12.2023.
7. 12659 Nagercoil-Shalimar Express on 03.12.2023.
8. 12660 Shalimar-Nagercoil Express on 06.12.2023.
9. 12835 Hatia-SMVB Express on 03.12.2023.
10. 12836 SMVB-Hatia Express on 05.12.2023.
11. 12839 Howrah-Chennai Express on 02.12.2023, 03.12.2023 & 04.12.2023.
12. 12840 Chennai-Howrah Express on 04.12.2023, 05.12.2023 & 06.12.2023.
13. 12841 Shalimar- Chennai Coromandal Express on 03.12.2023, 04.12.2023 & 05.12.2023.
14. 12842 Chennai-Shalimar Coromandal Express on 04.12.2023, 05.12.2023 & 06.12.2023.
15. 12845 Bhubaneswar-SMVB Express on 03.12.2023.
16. 12846 SMVB-Bhubaneswar Express on 04.12.2023.
17. 12863 Howrah-SMVB Express on 02.12.2023, 03.12.2023 & 04.12.2023.
18. 12864 SMVB-Howrah Express on 04.12.2023, 05.12.2023 & 06.12.2023.
19. 12867 Howrah-Puducherry Express on 03.12.2023.
20. 12868 Puducherry-Howrah Express on 06.12.2023.
21. 13351 Dhanbad-Allepy Express on 03.12.2023 & 04.12.2023.
22. 13352 Allepy-Dhanbad Express on 06.12.2023 & 07.12.2023.
23. 15228 Muzaffarpur-SMVB Express on 04.12.2023.
24. 15227 SMVB-Muzaffarpur Express on 07.12.2023.
25. 15629 Tambaram-Silghat Town Express on 04.12.2023.
26. 15630 Silghat Town-Tambaram Express on 08.12.2023.
27. 17488 Visakhapatnam-Kadapa Tirumala Express on 03.12.2023, 04.12.2023 & 05.12.2023.
28. 17487 Kadapa-Visakhapatnam Tirumala Express on 04.12.2023, 05.12.2023 & 06.12.2023.
29. 18189 Tatanagar-Ernakulam Express on 03.12.2023.
30. 18190 Ernakulam-Tatanagar Express on 05.12.2023.
31. 18637 Hatia-SMVB Express on 02.12.2023.
32. 18638 SMVB-Hatia Express on 05.12.2023.
33. 22504 Dibrugarh-Kanyakumari Vivek Express on 02.12.2023 & 03.12.2023.
34. 22503 Kanyakumari-Dibrugarh Vivek Express on 06.12.2023 & 07.12.2023.
35. 22604 Villupuram-Kharagpur Express on 05.12.2023.
36. 22603 Kharagpur-Villupuram Express on 07.12.2023.
37. 22643 Ernakulam-Patna Express on 04.12.2023.
38. 22644 Patna-Ernakulam Express on 07.12.2023.
39. 22708 Tirupati-Visakhapatnam Express on 03.12.2023.
40. 22707 Visakhapatnam-Tirupati Express on 04.12.2023.
41. 22837 Hatia-Ernakulam Express on 04.12.2023.
42. 22838 Ernakulam-Hatial Express on 06.12.2023.
43. 22841 Santragachi-Tambram Express on 04.12.2023.
44. 22842 Tambram-Santragachi Express on 06.12.2023.
45. 22855 Santragachi-Tirupati Express on 03.12.2023.
46. 22856 Tirupati-Santragachi Express on 04.12.2023.
47. 22859 Puri-Chennai Express on 03.12.2023.
48. 22860 Chennai-Puri Express on 04.12.2023.
49. 22863 Howrah-SMVB Express on 04.12.2023.
50. 22864 SMVB-Howrah Express on 06.12.2023.
51. 22869 Visakhapatnam-Chennai Express on 04.12.2023.
52. 22870 Chennai-Visakhapatnam Express on 05.12.2023.
53. 22871 Bhubaneswar-Tirupati Express on 03.12.2023.
54. 22872 Tirupati-Bhubaneswar Express on 04.12.2023.

ଭୁବନେଶ୍ୱର: ପୂର୍ବତଟ ରେଳପଥ ଅଧୀନରେ ଥିବା ରେଳ ଲାଇନରେ ହାତୀ ମୃତ୍ୟୁ ହ୍ରାସ ଉପରେ ଗୁରୁତ୍ୱ ଦିଆଯାଇଛି। ବିଶେଷ କରି ଖୋର୍ଦ୍ଧା ରୋଡ୍‌‌ ଏବଂ ସମ୍ୱଲପୁର ରେଳ ମଣ୍ଡଳ ପରିସୀମା ମଧ୍ୟରେ ହାତୀ ଗତିବିଧିର ସମ୍ୱେଦନଶୀଳ ସ୍ଥାନଗୁଡିକରେ କିପରି ହାତୀଙ୍କ ସୁରକ୍ଷା ସୁନିଶ୍ଚିତ କରାଯାଇପାରିବ ସେନେଇ ପୂର୍ବତଟ ରେଳପଥ କର୍ତ୍ତୃପକ୍ଷ ଏକ ଦୀର୍ଘ ମିଆଦି ଯୋଜନା ପ୍ରସ୍ତୁତି ପାଇଁ ଅଣ୍ଟା ଭିଡ଼ିଛନ୍ତି। ପ୍ରାଥମିକ ପଦକ୍ଷେପ ସ୍ୱରୂପ ଟ୍ରେନ୍‌‌ ଧକ୍କା ହେତୁ ହାତୀଙ୍କ ମୃତ୍ୟୁ ରୋକିବା ପାଇଁ ପୂର୍ବତଟ ରେଳପଥ ହାତୀ ଗତିବିଧି ଅଞ୍ଚଳରେ ଇଣ୍ଟ୍ର୍ୟୁଜନ୍‌‌ ଡିଟେକସନ୍‌‌ ସିଷ୍ଟମ୍‌‌ (ଆଇଡିଏସ୍‌‌) ବା ଅନୁପ୍ରବେଶ ଚିହ୍ନଟ ପ୍ରଣାଳୀ ସ୍ଥାପନ କରିବାକୁ ନିଷ୍ପତ୍ତି ନେଇଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ନିର୍ଦ୍ଦେଶ ଆଧାରରେ ପୂର୍ବ ତଟ ରେଳପଥ ହାତୀମାନଙ୍କ ଜୀବନ ରକ୍ଷା ପାଇଁ ଅନୁପ୍ରବେଶ ଚିହ୍ନଟ ପ୍ରଣାଳୀ ଗ୍ରହଣ କରିଛି। ବର୍ତ୍ତମାନ, ହାତୀ ଚଳପ୍ରଚଳ ଓ ଯାତାୟାତ ଅଞ୍ଚଳ ଏବଂ ହାତୀ କରିଡରର ଭଳି ସମ୍ୱେଦନଶୀଳ ସ୍ଥାନରେ ଅନୁପ୍ରବେଶ ଚିହ୍ନଟ ପ୍ରଣାଳୀ ସ୍ଥାପନ ପାଇଁ ପୂର୍ବତଟ ରେଳପଥ ୭୯.୧୨ କୋଟି ଟଙ୍କା ମଞ୍ଜୁର କରିଛି। ପ୍ରଥମ ପର୍ଯ୍ୟାୟରେ ସମ୍ୱଲପୁର ଏବଂ ଖୋର୍ଦ୍ଧା ରୋଡ୍‌‌ ରେଳମଣ୍ଡଳ ଅଧୀନରେ ୬ଟି ରେଳ ସେକ୍ସନ ପ୍ରାୟ ୨୦୦ କିଲୋମିଟର ରେଳଧାରଣା କଡରେ ଏହି ପ୍ରଣାଳୀ କାର୍ଯ୍ୟକାରୀ କରାଇବାପାଇଁ ପଦକ୍ଷେପ ନିଆଯାଉଛି। ମାନେଶ୍ୱର-ବାମୁର, ତୁରେଇକେଲା-ଲଖନା, ଅରାଣ୍ଡ-ଅରଙ୍ଗ ମହାନାଦୀ ଓ ନର୍ଲା-ଥେରୁବାଲି ସମ୍ୱଲପୁର ରେଳମଣ୍ଡଳରେ ଏବଂ ଖୋର୍ଦ୍ଧା ରୋଡ ରେଳ ମଣ୍ଡଳ ଅନ୍ତର୍ଗତ କପିଳାସ ରୋଡ୍‌‌-ରାଜ ଆଠଗଡ଼-ଅନୁଗୁଳ, ରମ୍ଭା-ଗଞ୍ଜାମ ଏବଂ ନୟାଗଡ଼-ପର୍ଜନପୁର ରେଳ ସେକ୍ସନ ଅନ୍ତର୍ଭୁକ୍ତ ରହିଛି।

ଉତ୍ତର-ପୂର୍ବ ସୀମାନ୍ତ ରେଳପଥ ପ୍ରଥମେ ଅଲିପୁରଦୁଆର ରେଳମଣ୍ଡଳ ଅନ୍ତର୍ଗତ ଦୁୟାର୍ସ ଅଞ୍ଚଳର ଚଲସା-ହାସିମାରା ରେଳ ସେକ୍ସନ ଏବଂ ଲୁମଡିଙ୍ଗ ରେଳମଣ୍ଡଳ ଅନ୍ତର୍ଗତ ଲଙ୍କା-ହାୱାଇପୁର ରେଳ ସେକ୍ସନ ମଧ୍ୟରେ ପରୀକ୍ଷାମୂଳକ ଭିତ୍ତିରେ ଏହି ପ୍ରକଳ୍ପ ହାତକୁ ନେଇଥିଲା। ଏହି ପାଇଲଟ୍‌‌ ପ୍ରକଳ୍ପର ସଫଳତା ପରେ, ଉତ୍ତର ସୀମାନ୍ତ ରେଳପଥ ବର୍ତ୍ତମାନ ଆସାମ ଏବଂ ଉତ୍ତର ବଙ୍ଗଳାର ସମସ୍ତ ହାତୀ କରିଡରରେ ଏହି ଆଇଡିଏସ୍‌‌ ପ୍ରଣାଳୀ ସ୍ଥାପନ କରିଛି। ଏହି ପ୍ରକ୍ରିୟା ଦ୍ୱାରା ରେଳ ଟ୍ରାକ୍‌‌ ଆଡକୁ ଆସୁଥିବା ବଣୁଆ ହାତୀକୁ ଚିହ୍ନଟ କରିବାରେ ଏବଂ ହାତୀ ମୃତ୍ୟୁକୁ ଏଡ଼ାଇବାରେ ରେଳ ଅଧିକାରୀଙ୍କୁ ସତର୍କ କରାଇବାକୁ ସାହାଯ୍ୟ କରିବାର ବ୍ୟବସ୍ଥା ରହିଛି। ଅପ୍ଟିକାଲ୍‌‌ ଫାଇବରଗୁଡିକ ସେନ୍ସର ଭାବରେ ବ୍ୟବହୃତ ହେବ ଏବଂ ସମ୍ୱେଦନଶୀଳ ସ୍ଥାନଗୁଡିକରେ ବନ୍ୟ ପ୍ରାଣୀମାନଙ୍କର ଗତିବିଧିକୁ ଚିହ୍ନଟ କରିବ ଏବଂ କଣ୍ଟ୍ରୋଲ୍‌‌ ଅଫିସ୍‌‌, ଷ୍ଟେସନ୍‌‌ ମାଷ୍ଟର୍ସ, ଗେଟମ୍ୟାନ୍‌‌ ଏବଂ ଲୋକୋ ପାଇଲଟ୍‌‌ ମାନଙ୍କୁ ସଚେତନ କରାଇବ।

ଏହି ପ୍ରକ୍ରିୟା ଦ୍ୱାରା ରେଳ ଭାଙ୍ଗିଯିବା, ରେଳ ଟ୍ରାକ୍‌‌ ଉପରେ ଅବରୋଧ ବା ବେଆଇନ ଚଳପ୍ରଚଳ ଏବଂ ରେଳ ଟ୍ରାକ୍‌‌ ନିକଟରେ ଅନଧିକୃତ ଖନନ, ଟ୍ରାକ ନିକଟରେ ଭୂସ୍ଖଳନ ଇତ୍ୟାଦି ଚିହ୍ନଟ କରିବାରେ ଅନୁପ୍ରବେଶ ଚିହ୍ନଟ ପ୍ରଣାଳୀ ମଧ୍ୟ ସାହାଯ୍ୟ କରିବ ବୋଲି ପୂର୍ବତଟ ରେଳ ପଥ ପକ୍ଷରୁ କୁହାଯାଇଛି।

ଭୁବନେଶ୍ୱର : ପୂର୍ବତଟ ରେଳପଥ ଅଧୀନରେ ଥିବା ୧୫ଟି ରେଳ ଷ୍ଟେସନ୍‍ରେ ସିସିଟିଭି ସର୍ଭିଲାନ୍ସ ବ୍ୟବସ୍ଥା କାର୍ଯ୍ୟକାରୀ ହେବ। ଦେଶର ସମୁଦାୟ ୭୫୬ ରେଳ ଷ୍ଟେସନକୁ ଭିଡିଓ ସର୍ଭିଲାନ୍ସ ପ୍ରକଳ୍ପରେ ସାମିଲ କରାଯାଇ ଥିବା ବେଳେ ଏଥିରେ ଓଡ଼ିଶାର ୧୫ଟି ପ୍ରମୁଖ ରେଳ ଷ୍ଟେସନ୍‍ ସ୍ଥାନ ପାଇଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ସୂଚନା ଦେଇଛନ୍ତି। ହସ୍ତଗତ ସୂଚନା ଅନୁସାରେ ଅନୁଗୁଳ, ଭଦ୍ରକ, ବ୍ରହ୍ମପୁର, ଢ଼େଙ୍କାନାଳ, ଯାଜପୁର କେନ୍ଦୁଝର ରୋଡ଼, ଖୋର୍ଦ୍ଧା ରୋଡ଼, ବଲାଙ୍ଗିର, ସମ୍ବଲପୁର, ଟିଟିଲାଗଡ଼, କୋରାପୁଟ, ରାୟଗଡ଼ା, ପଲାସା, ଜଗଦଲପୁର, ଶ୍ରୀକାକୁଲମ୍‍ ରୋଡ଼ ଏବଂ ବିଜୟନଗରମ୍‍ ଷ୍ଟେସନ୍‍ରେ ଭିଡିଓ ସର୍ଭିଲାନ୍ସ ବ୍ୟବସ୍ଥା କାର୍ଯ୍ୟକାରୀ ହେବ। ପୂର୍ବରୁ ଭୁବନେଶ୍ୱର, କଟକ, ପୁରୀ, ଝାରସୁଗୁଡ଼ା ଓ ରାଉରକେଲା ରେଳ ଷ୍ଟେସନ୍‍ରେ ସିସିଟିଭି ସର୍ଭିଲାନ୍ସ ବ୍ୟବସ୍ଥା କାର୍ଯ୍ୟକାରୀ ହୋଇଛି।

ଭାରତ ସରକାରଙ୍କ ନିର୍ଭୟା ପାଣ୍ଠିରୁ ଏହି ପ୍ରକଳ୍ପ ପାଇଁ ବ୍ୟୟବରାଦ କରାଯାଇଛି। ପ୍ରକଳ୍ପରେ ଏ-୧, ଏ, ବି, ସି ବର୍ଗର ରେଳ ଷ୍ଟେସନକୁ ସାମିଲ କରାଯାଇ ଥିବା ବେଳେ ୨୦୨୩ ସୁଦ୍ଧା କାମ ଶେଷ କରିବା ପାଇଁ ଲକ୍ଷ୍ୟ ରହିଛି। ଦ୍ୱିତୀୟ ପର୍ଯ୍ୟାୟରେ ଅନ୍ୟ ରେଳ ଷ୍ଟେସନ୍‍ରେ ଏହି ବ୍ୟବସ୍ଥା କରାଯିବ। ଇଣ୍ଟରନେଟ୍‍ ପ୍ରୋଟୋକଲ (ଆଇପି) ଆଧାରିତ ଏହି ପ୍ରକଳ୍ପ ଜରିଆରେ ରେଳ ଷ୍ଟେସନ୍‍ର ପ୍ରତ୍ୟେକ ଗହଳି ସ୍ଥାନ ଉପରେ ଉଚ୍ଚକ୍ଷମତା ସମ୍ପନ୍ନ ସିସିଟିଭି ନଜର ରଖିବ। ପ୍ରବେଶ ଓ ପ୍ରସ୍ଥାନ ଦ୍ୱାର ସମେତ ୱେଟିଂ ହଲ୍‍, ପ୍ଲାଟଫର୍ମ, ଟିକଟ କାଉଣ୍ଟର, ଫୁଟ୍‍ ଓଭର ବ୍ରିଜ୍‍, ପାର୍ସଲ କାର୍ଯ୍ୟାଳୟ ଆଦି ସ୍ଥାନରେ ସିସିଟିଭି ଲଗାଯିବ। ସିସିଟିଭି ପରିଚାଳନା ପାଇଁ ଆରପିଏଫ୍‍ କାର୍ଯ୍ୟାଳୟରେ କଣ୍ଟ୍ରୋଲ ରୁମ୍‍ ରହିବ ଏବଂ କ୍ୟାମେରାରେ ଉତ୍ତୋଳିତ ଭିଡିଓ ବିଭାଗୀୟ ଏବଂ ଜୋନ୍‍ କାର୍ଯ୍ୟାଳୟରେ ଉପଲବ୍ଧ ହେବ।

ଆର୍ଟିଫିସିଆଲ ଇଣ୍ଟେଲିଜେନ୍ସ କୌଶଳ ଯୁକ୍ତ ଏହି ବ୍ୟବସ୍ଥାରେ ପେସାଦାର ଅପରାଧୀଙ୍କୁ ପୁଲିସ ଚିହ୍ନଟ କରିପାରିବ। ଏଫ୍‍ଆରଏସ୍‍ (ମୁହଁ ଚିହ୍ନଟ ବ୍ୟବସ୍ଥା) ଜରିଆରେ ପୂର୍ବରୁ ସଂରକ୍ଷିତ ଥିବା ଅପରାଧୀଙ୍କ ଫଟୋ ସହିତ ଷ୍ଟେସନ୍‍ ପରିସରରେ ଥିବା ଅପରାଧୀଙ୍କ ମୁହଁଙ୍କୁ ସ୍ୱୟଞ୍ଚାଳିତ ବ୍ୟବସ୍ଥାରେ ମେଳ କରାଯାଇ ପାରିବ। ଡୋମ୍‍, ବୁଲେଟ୍‍, ପ୍ୟାନ୍‍ ଟିଲ୍ଟ ଜୁମ୍‍ ଏବଂ ଅଲ୍ଟ୍ରା ଏଚ୍‍ଡି-୪କେ ଭଳି ଚାରି ପ୍ରକାର ସିସିଟିଭି ଲଗାଯିବ। ସିସିଟିଭି ଦ୍ୱାରା ଉତ୍ତୋଳିତ ଭିଡ଼ିଓ ୩୦ ଦିନ ପର୍ଯ୍ୟନ୍ତ ସର୍ଭରରେ ସଂରକ୍ଷିତ ରହିବ। ସେହିପରି ଯାତ୍ରୀଙ୍କ ନିମନ୍ତେ ପ୍ରତ୍ୟେକ ପ୍ଲାଟଫର୍ମରେ ଦୁଇଟି ଲେଖାଏଁ ପ୍ୟାନିକ୍‍ ବଟନ୍‍ ରହିବ। ଅସୁବିଧାରେ ପଡ଼ିଥିବା ବ୍ୟକ୍ତି ଏହି ବଟନ୍‍ ଟିପିଲେ ସେଠାରେ ଲାଗିଥିବା କ୍ୟାମେରା ସେହି ଆଡ଼କୁ ବୁଲିଯିବା ସହିତ ନିୟନ୍ତ୍ରଣ କକ୍ଷରେ ବସିଥିବା କର୍ମଚାରୀଙ୍କୁ ସଜାଗ କରିବ। ଫଳରେ ବିପଦରେ ଥିବା ଯାତ୍ରୀଙ୍କ ନିକଟରେ ତୁରନ୍ତ ପୁଲିସ ପହଞ୍ଚି ପାରିବ।

ଭୁବନେଶ୍ବର: ୨୦୨୨-୨୩ କେନ୍ଦ୍ର ରେଳ ବଜେଟରେ ଓଡ଼ିଶାକୁ  ୫୮୦୨.୬୫ କୋଟି ଟଙ୍କାର ଅନୁଦାନ ମିଳିଛି। ୯ଟି ନୂଆ ରେଳ ଲାଇନ ପାଇଁ ୬୫୫ କୋଟି ଟଙ୍କା ମଞ୍ଜୁରୀ ମିଳିଛି। ରେଳ ବଜେଟରେ ଖୋର୍ଦ୍ଧା-ବଲାଙ୍ଗୀର ପ୍ରକଳ୍ପ ପାଇଁ ସର୍ବାଧିକ ୮୯୧ କୋଟି ଟଙ୍କା ମିଳିଥିବା ଜଣାପଡ଼ିଛି।

– ଅନୁଗୁଳ-ସୁକିନ୍ଦା ରୁଟ୍‌ ପାଇଁ ୪୭୫ କୋଟି

-ହରିଦାସପୁର-ପାରାଦୀପ ପାଇଁ ୮୫ କୋଟି

-ତାଳଚେର-ବିମଳାଗଡ଼ ପାଇଁ ୨୫୦ କୋଟି

-ଖୋର୍ଦ୍ଧାରୋଡ-ବଲାଙ୍ଗୀର ପ୍ରକଳ୍ପ – ୮୯୧ କୋଟି

-ଅନୁଗୁଳ-ସୁକିନ୍ଦାରୋଡ – ୪୭୫ କୋଟି

-ଜୟପୁର-ମାଲକାନଗିରି ‌ ପାଇଁ ୧୩.୮ କୋଟି

-ଜୟପୁର-ନବରଙ୍ଗପୁର ରୁଟ୍‌ ପାଇଁ ୮୧ କୋଟି

-ନୂଆପଡ଼ା-ଗୁଣପୁର-ଥେରୁବାଲି ରୁଟ୍‌ ପାଇଁ ୧୦ କୋଟି

-ତାଳଚେର-ଅନୁଗୁଳ ରୁଟ୍‌ ପାଇଁ ୧୮ କୋଟି

ସମ୍ବଲପୁର-ଫୁଲବାଣୀ-ଗୋପାଳପୁର ରେଳ ଲାଇନ ପାଇଁ ୧ କୋଟି

-ଖୋର୍ଦ୍ଧା-ବାରଙ୍ଗ ରେଳ ଲାଇନ ପାଇଁ ୧୬୪ କୋଟି ମଞ୍ଜୁରୀ

ରଜତଗଡ଼- ବାରଙ୍ଗ ରେଳ ଲାଇନ ପାଇଁ ୧ କୋଟି

୨୧ଟି ରେଳ ପ୍ରକଳ୍ପର ଦୋହରୀକରଣ ପାଇଁ ୨୧୪୮ କୋଟି ଟଙ୍କା ମଞ୍ଜୁରୀ ମିଳିଛି।

ସୂଚନା ଅନୁଯାୟୀ,କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆର୍ଥିକ ବର୍ଷ ୨୦୨୨-୨୩ ପାଇଁ ଫେବ୍ରୁଆରି ୧ ତାରିଖରେ ସଂସଦରେ ବଜେଟ୍‌ ଉପସ୍ଥାପନ କରିଥିଲେ। ନୂଆ ବଜେଟରେ ରେଳ ବିଭାଗ ପାଇଁ ୧ ଲକ୍ଷ ୪୦ ହଜାର ୩୬୭ କୋଟି ଟଙ୍କାର ବ୍ୟୟବରାଦ କରାଯାଇଛି । ଏହା ଗତ ଥରର ସଂଶୋଧିତ ବ୍ୟୟବରାଦଠାରୁ ପ୍ରାୟ ୨୦,୩୧୧ କୋଟି ଅଧିକ ରହିଛି ।

ଭୁବନେଶ୍ୱର: ଆସୁଛି ଦୀପାବଳି । ଏହାକୁ ନଜରରେ ରଖି ପୂର୍ବତଟ ରେଳପଥ ପକ୍ଷରୁ ଟ୍ରେନ୍‌ରେ ବାଣ ପରିବହନ ଉପରେ କଟକଣା ଲଗାଯାଇଛି । ଟ୍ରେନ୍ ଯାତ୍ରା ସମୟରେ ଦହନଶୀଳ ପଦାର୍ଥ ଯଥା ଫଟକା, ଗ୍ୟାସ୍ ସିଲିଣ୍ଡର, ଏସିଡ୍, ପେଟ୍ରୋଲ୍, କିରାସିନି ଆଦି ଜ୍ୱଳନ୍ତ ତଥା ବିସ୍ଫୋରକ ସାମଗ୍ରୀ ପରିବହନ କରିବାକୁ ବାରଣ କରାଯାଇଛି ।

ରେଳବାଇ ଅଧିନିୟମ-୧୯୮୯ ଅନୁଯାୟୀ ଏହା ଦଣ୍ଡନୀୟ ଅପରାଧ ଅଟେ। ଅପରାଧୀଙ୍କୁ ୩ବର୍ଷ ପର୍ୟ୍ୟନ୍ତ ଜେଲ୍‌ ଦଣ୍ଡ ହୋଇପାରେ। ଟ୍ରେନ୍ ଯାତ୍ରାକୁ ଅଧିକ ନିରାପଦ କରିବା ପାଇଁ ପୂର୍ବତଟ ରେଳପଥ ପକ୍ଷରୁ ଯାତ୍ରୀଙ୍କୁ ସତର୍କ ରହିବାକୁ ଅନୁରୋଧ କରାଯାଇଛି। ନିଜେ ଏଭଳି ସାମଗ୍ରୀ ପରିବହନ ନ କରିବା ସହ ସହଯାତ୍ରୀଙ୍କୁ ମଧ୍ୟ ବାରଣ କରିବାକୁ କୁହାଯାଇଛି । ବିସ୍ଫୋରକ ପଦାର୍ଥ ପରିବହନକୁ ବାରଣ ପାଇଁ ପୂର୍ବତଟ ରେଳପଥ ପକ୍ଷରୁ ଏହାର ସମସ୍ତ ୩ଟି ରେଳବାଇ ମଣ୍ଡଳ ଯଥା ଖୋର୍ଦ୍ଧାରୋଡ୍, ସମ୍ବଲପୁର ଓ ୱାଲ୍ଟେୟାର୍‌କୁ କଡ଼ା ପଦକ୍ଷେପ ଗ୍ରହଣ କରିବା ପାଇଁ ପରାମର୍ଶ ଦେଇଛି । ଯାତ୍ରୀମାନେ ଟ୍ରେନ୍ ଚଳାଚଳ ସମ୍ବନ୍ଧୀୟ କୌଣସି ଘଟଣା ବିଷୟରେ ଜଣାଇବାକୁ ହେଲ୍ପଲାଇନ୍ ନମ୍ବର ୧୩୯ ଜାରି ହୋଇଛି।

ଭୁବନେଶ୍ୱର: ସାମୁଦ୍ରିକ ଝଡ଼ ‘ଗୁଲାବ’  ପରିପ୍ରେକ୍ଷୀରେ ପୂର୍ବତଟ ରେଳପଥ ୨୮ଟି ଟ୍ରେନ୍ ବାତିଲ କରିଥିବା ବେଳେ ଆଉ ୫ଟି ଟ୍ରେନ୍‌ର ଗତିପଥ ପରିବର୍ତ୍ତନ କରାଯାଇଛି। ଆସନ୍ତା ୨୬ ଓ ୨୭ ତାରିଖ ଦିନ ଟ୍ରେନ୍ ବାତିଲ ରହିବ ।

ହସ୍ତଗତ ସୂଚନା ଅନୁସାରେ; ଭୁବନେଶ୍ବର-ବିଶାଖାପାଟଣା-ଭୁବନେଶ୍ବର, ଭୁବନେଶ୍ବର-ସିକନ୍ଦରାବାଦ, ଭୁବନେଶ୍ବର-ତିରୁପତୀ, ଭୁବନେଶ୍ବର-ଗୁଣୁପୁର-ଭୁବନେଶ୍ୱର, ପୁରୀ – ଚେନ୍ନାଇ-ପୁରୀ,ଗୁଣୁପୁର- ବିଶାଖାପାଟଣା-ଗୁଣୁପୁର, ଭୁବନେଶ୍ବର -ପଲାସା – ଭୁବନେଶ୍ବର, ବିଶାଖାପାଟଣା-ଟାଟା- ବିଶାଖାପାଟଣା, ବିଶାଖାପାଟଣା-କୋର୍ବା-ବିଶାଖାପାଟଣା, ସମ୍ବଲପୁର – ନାଭେଦ – ସମ୍ବଲପୁର, ବିଶାଖାପାଟଣା-ରାୟଗଡ଼ା-ବିଶାଖାପାଟଣା, ରାୟଗଡ଼ା-ଗୁଣ୍ଡୁର, ବେଙ୍ଗାଲୁରୁ-ଭୁବନେଶ୍ଵର ପ୍ରଶାନ୍ତି ଏକ୍ସପ୍ରେସ୍, ଯଶୋବନ୍ତପୁର ଭୁବନେଶ୍ବର ଆଦି ଟ୍ରେନ୍ ବାତିଲ କରାଯାଇଛି।

ସେହିପରି ପୁରୀ-ଓଖା, ହାୱଡ଼ା-ଯଶୋବନ୍ତପୁର, ହାୱଡ଼ା-ଭାସ୍କୋଡ଼ାଗାମା, ପୁରୀ-ତିରୁପତି, ହାୱଡ଼ା-ଚେନ୍ନାଇ, ନ୍ୟୁ ତିନସୁକିଆ-ବେଙ୍ଗାଲୁରୁ ଆଦି ଟ୍ରେନ୍‌ର ସମୟ ଏବଂ ଗତିପଥ ପରିବର୍ତ୍ତନ କରାଯାଇଛି।

ଭୁବନେଶ୍ୱର: ମହାମାରୀ କୋଭିଡ୍ ପାଇଁ ଚାଲୁଥିବା ୫ଯୋଡ଼ା ବିଶେଷ ଟ୍ରେନକୁ ବାତିଲ୍ କରାଯାଇଛି । ଯାତ୍ରୀ ନହେବା ଏବଂ ସଂକ୍ରମଣକୁ ଦୃଷ୍ଟିରେ ରଖି ଜାରି କଟକଣା ପାଇଁ ପୂର୍ବତଟ ରେଳପଥ ୫ଟି ଟ୍ରେନକୁ ବାତିଲ୍ କରିଛି ।

ଟ୍ରେନ୍ ନମ୍ବର 08417/08418 ପୁରୀ-ଗୁଣୁପୁର-ପୁରୀ ବିଶେଷ ଟ୍ରେନ୍ ପୁରୀରୁ ମେ’ ୫ ତାରିଖ ଠାରୁ ଏବଂ ଗୁଣୁପୁରରୁ ମେ ୬ ତାରିଖ ଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ବାତିଲ୍ ରହିବ ।

ଟ୍ରେନ୍ ନମ୍ବର 08303/08304 ସମ୍ବଲପୁର-ପୁରୀ-ସମ୍ବଲପୁର ବିଶେଷ ଟ୍ରେନ୍ ଉଭୟ ପାର୍ଶ୍ୱରୁ ମେ ୫ ତାରିଖ ଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ବାତିଲ୍ ରହିବ ।

ଟ୍ରେନ୍ ନମ୍ବର 08425/08426 ପୁରୀ-ଦୁର୍ଗ-ପୁରୀ ସ୍ପେଶାଲ୍ ପୁରୀରୁ ମେ ୫ ଠାରୁ ଏବଂ ଦୁର୍ଗରୁ ମେ ୬ ଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ବାତିଲ୍ କରାଯାଇଛି ।

ଟ୍ରେନ୍ ନମ୍ବର 09371/09372 ଇନ୍ଦୋର-ପୁରୀ-ଇନ୍ଦୋର ସ୍ପେଶାଲ୍ ଇନ୍ଦୋରରୁ ମେ ୪ ଠାରୁ ଏବଂ ପୁରୀରୁ ମେ ୬ ଠାରୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ବାତିଲ୍ ହୋଇଛି ।

ଟ୍ରେନ୍ ନମ୍ବର 02204/02203 ସିକନ୍ଦରାବାଦ-ଭିଶାଖାପାଟ୍ଟଣମ-ସିକନ୍ଦରାବାଦ ସ୍ପେଶାଲ୍ ସିକନ୍ଦରାବାଦ ଠାରୁ ମେ ୩ ତାରିଖରୁ ଏବଂ ଭିଶାଖାପାଟ୍ଟଣମ ଠାରୁ ମେ ୪ରୁ ଜୁନ୍ ୧ ତାରିଖ ଯାଏ ବାତିଲ୍ କରାଯାଇଛି ।

ଏଥିସହ ସିକନ୍ଦରାବାଦ ଓ ଗୌହାଟୀ ମଧ୍ୟରେ ଏକ ସ୍ୱତନ୍ତ୍ର ଟ୍ରେନ୍ ଚଳାଇବାକୁ ରେଳବାଇ ନିଷ୍ପତ୍ତି ନେଇଛି । ଟ୍ରେନ ନମ୍ବର 07030/07029 ସିକନ୍ଦରାବାଦ-ଗୌହାଟୀ-ସିକନ୍ଦରାବାଦ ବିଶେଷ ଟ୍ରେନ ସିକନ୍ଦରାବାଦରୁ ମେ ୯ ତାରିଖରୁ ୩୦ ତାରିଖ ମଧ୍ୟରେ ପ୍ରତ୍ୟେକ ରବିବାର ଦିନ ସକାଳ ୯ଟା ୩୦ରେ ଛାଡ଼ିବ । ଫେରିବା ମାର୍ଗରେ ଏହା ଗୌହାଟୀ ଠାରୁ ମେ ୧୨ରୁ ଜୁନ୍ ୨ ପର୍ଯ୍ୟନ୍ତ ପ୍ରତ୍ୟେକ ବୁଧବାର ଦିନ ସକାଳ ୦୬ଟା ୪୫ମିରେ ଛାଡ଼ିବ । ଏହି ଟ୍ରେନ୍ ସିକନ୍ଦରାବାଦ ଓ ଗୌହାଟୀ ମଧ୍ୟରେ ଗୁରୁତ୍ୱପୂର୍ଣ ଷ୍ଟେସନ ମାନଙ୍କ ସହିତ ପୂର୍ବତଟ ପରିସୀମା ମଧ୍ୟରେ ଉଭୟ ପାର୍ଶ୍ୱରୁ ବିଶାଖାପାଟ୍ଟଣମ୍, ବିଜୟନଗରମ୍, ଶ୍ରୀକାକୁଲମ୍ ରୋଡ୍, ପଲାସା, ବ୍ରହ୍ମପୁର, ଖୋର୍ଦ୍ଧାରୋଡ୍, ଭୁବନେଶ୍ୱର, କଟକ, ଏବଂ ଭଦ୍ରକ ଷ୍ଟେସନ ଠାରେ ରହଣି କରିବ ।

ଏହା ବ୍ୟତୀତ, ରେଳବାଇ ପକ୍ଷରୁ ମହୀଶୂର ଓ ଭାସ୍କୋ-ଡା-ଗାମା ଠାରୁ ଦାନାପୁରକୁ ଦୁଇଟି ସ୍ୱତନ୍ତ୍ର ଟ୍ରେନ୍ ଚାଲିବ । ଟ୍ରେନ୍ ନମ୍ବର 07313 ଭାସ୍କୋ-ଡା-ଗାମା-ଦାନପୁର ସ୍ପେଶାଲ୍ ମେ ୬ରୁ ଭାସ୍କୋ-ଦା-ଗାମା ଠାରୁ ପୂର୍ବାହ୍ନ ୧୧ ଘଟିକାରେ ଛାଡ଼ିବାକୁ ଥିବାବେଳେ 06216 ମହୀଶୂର-ଦାନପୁର ସ୍ପେସିଆଲ ମହୀଶୂର ଠାରୁ ମେ ୬ରୁ ଦିନ ପୂର୍ବାହ୍ନ ୧୧ ଘଟିକାରେ ଦାନପୁରକୁ ଯାତ୍ରା କରିବ ।