ବଲିଉଡର ବିଉଟି କୁଇନ୍ ଉର୍ବଶୀ ରୌତେଲା କ୍ରମାଗତ ପଞ୍ଚମ ଥର ପାଇଁ କାନ୍ସ ଫିଲ୍ମ ଫେଷ୍ଟିଭାଲ୍ ୨୦୨୬ ର ରେଡ୍ କାର୍ପେଟ୍‌ରେ ପାଦ ଥାପିଛନ୍ତି। ଏହି ଓପନିଂ ସେରିମନିରେ ସେ ଏକ ସିଲଭର ସିମରୀ ଗାଉନ୍ ପିନ୍ଧି ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ। ତାଙ୍କର ଏହି ଲୁକ୍ ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହେଉଛି।

'ମୁଁ ଆଉ ଉର୍ବଶୀ ନୁହେଁ, ମୁଁ ଇଣ୍ଡିଆ'

ବିଦେଶୀ ମିଡିଆ ସହ କଥାବାର୍ତ୍ତା ବେଳେ ଉର୍ବଶୀ କହିଥିଲେ ଯେ ସେ ଭାରତକୁ ପ୍ରତିନିଧିତ୍ୱ କରୁଛନ୍ତି। ସେ ଭାବପ୍ରବଣ ହୋଇ କହିଥିଲେ, "ମୁଁ କାନ୍ସରେ ପଞ୍ଚମ ଥର ପାଇଁ ଭାରତକୁ ରିପ୍ରେଜେଣ୍ଟ କରୁଛି। ଏବେ ମୁଁ ଆଉ ଉର୍ବଶୀ ହୋଇ ରହିନାହିଁ, ମୁଁ ଇଣ୍ଡିଆ।" ନିଜ ଦେଶକୁ ନେଇ ଗର୍ବ ଅନୁଭବ କରୁଥିବା କଥା ସେ ଗଣମାଧ୍ୟମ ଆଗରେ ପ୍ରକାଶ କରିଥିଲେ।

ଡ୍ରେସ୍ ପାଇଁ ଟ୍ରୋଲ୍ ହେଲେ ଅଭିନେତ୍ରୀ

ନିଜ ଡ୍ରେସ୍ ସମ୍ପର୍କରେ ସୂଚନା ଦେଇ ଉର୍ବଶୀ କହିଥିଲେ ଯେ ସେ ଭିଏତନାମ ର ପ୍ରସିଦ୍ଧ ଡିଜାଇନର୍ ଲେବଲ୍ ଜଲିପୋଲି କାଉଚର୍ (JoliPoli Couture) ଦ୍ୱାରା ପ୍ରସ୍ତୁତ କରାଯାଇଥିବା ଏକ ସୁନ୍ଦର ଗାଉନ୍ ପିନ୍ଧିଛନ୍ତି। ଏହି କଥା ସାମ୍ନାକୁ ଆସିବା ପରେ ସୋସିଆଲ୍ ମିଡିଆ ୟୁଜର୍ସ ତାଙ୍କୁ ଟ୍ରୋଲ୍ କରିବା ଆରମ୍ଭ କରିଦେଇଥିଲେ।

ୟୁଜର୍ସଙ୍କ ତୀକ୍ଷ୍ଣ ପ୍ରତିକ୍ରିୟା

ନେଟିଜେନ୍ସ ପ୍ରଶ୍ନ କରିଛନ୍ତି ଯେ, ଯଦି ଉର୍ବଶୀ ନିଜକୁ ଭାରତ ବୋଲି ଦାବି କରୁଛନ୍ତି ଏବଂ ଦେଶକୁ ପ୍ରତିନିଧିତ୍ୱ କରୁଛନ୍ତି, ତେବେ ସେ କୌଣସି ଭାରତୀୟ ଡିଜାଇନର୍‌ଙ୍କ ଡ୍ରେସ୍ ପିନ୍ଧିବା ପରିବର୍ତ୍ତେ ଭିଏତନାମ ଡିଜାଇନର୍‌ଙ୍କ ଡ୍ରେସ୍ କାହିଁକି ବାଛିଲେ? ଜଣେ ୟୁଜର୍ ଲେଖିଛନ୍ତି, "ତୁମେ ଭାରତକୁ ପ୍ରତିନିଧିତ୍ୱ କରୁଛ ଏବଂ ଭିଏତନାମର ଡ୍ରେସ୍ ପିନ୍ଧିଛ?" ସେହିପରି ଆଉ କିଛି ଲୋକ ତାଙ୍କ ଡ୍ରେସ୍‌କୁ ମେଟ୍ ଗାଲା (Met Gala) ଇଭେଣ୍ଟର ବୋଲି କହି ପରିହାସ କରିଛନ୍ତି। ଯଦିଓ ତାଙ୍କ ପ୍ରଶଂସକମାନେ ଏହାକୁ ଏକ ବୋଲ୍ଡ ଫ୍ୟାଶନ୍ ଷ୍ଟେଟମେଣ୍ଟ ବୋଲି କହି ସମର୍ଥନ କରିଛନ୍ତି, ତଥାପି ଉର୍ବଶୀଙ୍କ ଏହି ମନ୍ତବ୍ୟ ବର୍ତ୍ତମାନ ଇଣ୍ଟରନେଟ୍‌ରେ ଚର୍ଚ୍ଚାର ବିଷୟ ପାଲଟିଛି।

ବଲିଉଡ୍ ସୁନ୍ଦରୀ ଉର୍ବଶୀ ରୌତେଲା ତାଙ୍କର ଷ୍ଟାଇଲିସ୍ ଅନ୍ଦାଜ ପାଇଁ ବେଶ୍ ଜଣାଶୁଣା। ସବୁବେଳେ ନିଆରା ପୋଷାକ ପିନ୍ଧି ଚର୍ଚ୍ଚାରେ ରହିଥିବା ଉର୍ବଶୀ ଅନେକବାର ମାଲ୍ଫଙ୍କସନ୍ର ମଧ୍ୟ ଶିକାର ହୋଇଛନ୍ତି। ନିକଟରେ ଉର୍ବଶୀଙ୍କୁ ତାଙ୍କ ପୋଷାକ ପାଇଁ ବିମାନବନ୍ଦରରେ ଅପଦସ୍ତ ହେବାକୁ ପଡିଛି। ଉର୍ବଶୀଙ୍କୁ ମୁମ୍ବଇ ବିମାନ ବନ୍ଦରରେ ଏକ ସିମେଣ୍ଟ ରଙ୍ଗର ପୋଷାକରେ ଦେଖାଯାଇଥିଲା।

ଏହି ପୋଷାକକୁ ମ୍ୟାଚ୍ କରି ସେ ଏକ ହିଲ୍ ମଧ୍ୟ ପିନ୍ଧିଥିଲେ। ବିମାନବନ୍ଦରରୁ ଓହ୍ଲାଇ ଉର୍ବଶୀ କାର୍ ମଧ୍ୟକୁ ଯେତେବେଳେ ବସିବାକୁ ଗଲେ ସେତେବେଳେ ଉର୍ବଶୀଙ୍କ ପୋଷାକ ଉଡି ଯାଇଥିଲା। ଗଣମାଧ୍ୟମ ପ୍ରତିନିଧିଙ୍କ ସମ୍ମୁଖରେ ଉର୍ବଶୀ ଆଦୌ ଏଥିରେ ବିଚଳିତ ନ ହୋଇ ବେଶ୍ ଆରାମରେ ନିଜ ପୋଷାକକୁ ସଜାଡ଼ି ନେଇଥିଲେ।

ଉର୍ବଶୀ ଏବେ ଅନେକ ଅନ୍ତର୍ଜାତୀୟ ପତ୍ରିକାର ପ୍ରଚ୍ଛଦ୍ଧ ପୃଷ୍ଠା ପାଇଁ ଫଟୋ ସୁଟ୍ କରାଇ ବେଶ୍ ଚର୍ଚ୍ଚାରେ ରହିଛନ୍ତି। ବହୁତ ଜଲଦି ସେ ରଣଦୀପ ହୁଡ୍ଡାଙ୍କ ସହ ଏକ ଫିଲ୍ମରେ ଲିଡ୍ ରୋଲ୍ରେ ନଜର ଆସିବେ।