ଦେହରାଦୁନରେ ଏକ ଅଭାବନୀୟ ତଥା ସାଂଘାତିକ ଘଟଣା ସାମ୍ନାକୁ ଆସିଛି। ଏଠାକାର ରାଜପୁର ରୋଡ୍ ଅଞ୍ଚଳରେ ମର୍ଣ୍ଣିଂ ୱାକ୍ (ପ୍ରାତଃ ଭ୍ରମଣ) କରୁଥିବା ବେଳେ ଜଣେ ଅବସରପ୍ରାପ୍ତ ଆର୍ମି ବ୍ରିଗେଡିୟରଙ୍କୁ ଗୁଳି କରି ହତ୍ୟା କରାଯାଇଛି। ମୃତକଙ୍କ ନାମ ଭି.କେ. ଯୋଶୀ (୭୦ ବର୍ଷ) ବୋଲି ଜଣାପଡ଼ିଛି। ସୋମବାର ସକାଳ ପ୍ରାୟ ୬:୪୫ ରୁ ୭:୦୦ଟା ମଧ୍ୟରେ ଏହି ହତ୍ୟାକାଣ୍ଡ ଘଟିଛି। ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।

ଦୁଇ ଗୋଷ୍ଠୀ ମଧ୍ୟରେ ଗୁଳିବିନିମୟର ଶିକାର ହେଲେ ବ୍ରିଗେଡିୟର

ମିଳିଥିବା ସୂଚନା ଅନୁଯାୟୀ, ରାସ୍ତାରେ ଦୁଇଟି କାରରେ ଯାଉଥିବା କିଛି ଲୋକଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା। ଏହି 'ରୋଡ୍ ରେଜ୍' ବା ରାସ୍ତା କଳି ଏତେ ଉଗ୍ର ରୂପ ନେଇଥିଲା ଯେ, ଉଭୟ ଗୋଷ୍ଠୀ ପରସ୍ପରକୁ ଗୋଡ଼ାଇବା ସହ ଗୁଳିମାଡ଼ ଆରମ୍ଭ କରିଦେଇଥିଲେ। ଦୁର୍ଭାଗ୍ୟବଶତଃ, ରାସ୍ତା କଡ଼ରେ ଚାଲୁଥିବା ବ୍ରିଗେଡିୟର ଭି.କେ. ଯୋଶୀ ଏହି ଘଟଣା ସହ କୌଣସି ସମ୍ପର୍କ ନଥାଇ ମଧ୍ୟ ସେମାନଙ୍କ ଗୁଳିର ଶିକାର ହୋଇଥିଲେ। ଗୋଟିଏ ଲକ୍ଷ୍ୟଭ୍ରଷ୍ଟ ଗୁଳି (ଷ୍ଟ୍ରେ ବୁଲେଟ୍) ତାଙ୍କ ଦେହରେ ବାଜିଥିଲା ଏବଂ ସେ ଘଟଣାସ୍ଥଳରେ ଟଳି ପଡ଼ିଥିଲେ।

ପୋଲିସର ତଦନ୍ତ ଜାରି

ଘଟଣା ସମ୍ପର୍କରେ ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା। ଦେହରାଦୁନର ସିଟି ଏସପି ପ୍ରମୋଦ କୁମାର କହିଛନ୍ତି ଯେ, ଏହି ଗୁଳିକାଣ୍ଡରେ ଅବସରପ୍ରାପ୍ତ ବ୍ରିଗେଡିୟରଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି। ହତ୍ୟାକାରୀମାନେ ନିଜର ଗୋଟିଏ କାରକୁ କିଛି ଦୂରରେ ଛାଡ଼ି ଫେରାର୍ ହୋଇଯାଇଛନ୍ତି। ଘଟଣାସ୍ଥଳରେ ଫୋରେନ୍ସିକ୍ ଟିମ୍ ମଧ୍ୟ ପହଞ୍ଚି ପ୍ରମାଣ ସଂଗ୍ରହ କରୁଛନ୍ତି। ବର୍ତ୍ତମାନ ପୋଲିସ ଏକ ମାମଲା (FIR) ରୁଜୁ କରିବା ସହ ଫେରାର୍ ଅଭିଯୁକ୍ତମାନଙ୍କୁ ଧରିବା ପାଇଁ ବ୍ୟାପକ ଖାନତଲାସୀ ଆରମ୍ଭ କରିଛି।

ଫିଟ୍‌ ରହିବାକୁ ଲୋକେ ନିୟମିତ ବ୍ୟାୟାମ କରନ୍ତି। ବ୍ୟାୟାମ ଯୋଗୁଁ ଲୋକେ କେବଳ ରୋଗମୁକ୍ତ ରୁହନ୍ତି ତାହା ନୁହେଁ, ଏହା ଚାପସ୍ତରକୁ ହ୍ରାସ କରିବାରେ ସାହାଯ୍ୟ କରେ। ତେଣୁ ଶୀତ ହେଉ କି ଗ୍ରୀଷ୍ମ ଅଧିକାଂଶ ସକାଳୁ ସକାଳୁ ଚାଲିବା ଅଭ୍ୟାସ ରଖନ୍ତି। ହେଲେ ଶୀତଦିନେ ସକାଳୁ ଚାଲିବା ସମୟରେ କିଛି ତ୍ରୁଟି ସ୍ବାସ୍ଥ୍ୟ ପାଇଁ ବିପଦକୁ ଟାଣିଆଣେ। ଏହାକୁ ଅଣଦେଖା କରିବା ଅନୁଚିତ। ଜାଣିବା ସେ ବିଷୟରେ….

ଅଧିକାଂଶ ଶୀତଦିନେ, ମର୍ଣ୍ଣିଂୱାକ୍‌ ଯିବା ସମୟରେ କମ୍‌ ଓ ପତଳା ଟି-ଶାର୍ଟ ପିନ୍ଧି ଯାଆନ୍ତି। ହେଲେ ପରିଶ୍ରମ କରିବା ଦ୍ବାରା ଶରୀର ଗରମ ଲାଗୁଥିଲେ ମଧ୍ୟ ଶୀତଦିନେ ଚାଲିବା ସମୟରେ ଗରମ ପୋଷାକ ପିନ୍ଧିବା ଜରୁରି। ନଚେତ୍‌ ଶୀତଦିନେ ଥଣ୍ଡା ବାୟୁ ତ୍ବଚାରୁ ନମନୀୟତା କମାଇ ଶୁଷ୍କ କରିଦିଏ। ଥଣ୍ଡା, କାଶ, ସର୍ଦ୍ଦି ହେବାର ଆଶଙ୍କା ଅଧÒକ ରହିଥାଏ।

ଶରୀରରୁ ହାଇଡ୍ରେଟ ରଖନ୍ତୁ: ସାଧାରଣତଃ ଶୀତଦିନେ ଥଣ୍ଡା ପାଗ ଯୋଗୁଁ କମ୍‌ ଶୋଷ ଲାଗିଥାଏ। ଲୋକେ କମ୍‌ ପାଣି ପିଇଥାନ୍ତି। ଏହାଦ୍ବାରା ଶରୀର ଡିହାଇଡ୍ରେଟ୍‌ ହୋଇଯାଏ। ଚର୍ମ ରୁକ୍ଷ ହୋଇଯାଏ, ଶରୀରରୁ ବିଷାକ୍ତ ବର୍ଜ୍ୟ ପଦାର୍ଥ ବାହାରିପାରେ ନାହିଁ। ତେଣୁ ଶୀତଦିନେ ମର୍ଣ୍ଣିଂୱାକ୍‌ କରିବା ପୂର୍ବରୁ ଶରୀରରୁ ହାଇଡ୍ରେଟ୍‌ ରଖିବା ଜରୁରି। ସକାଳୁ ଉଠିବା ପରେ ୧ ଗ୍ଲାସ ପାଣି ପିଇବାକୁ ଭୁଲନ୍ତୁନି। ଶୀତଦିନେ ୮ରୁ ୧୦ ଗ୍ଲାସ ପାଣି ପିଇବା ଉଚିତ। ପ୍ରତିଦିନ ୧୦ରୁ ୧୫ ମିନିଟ୍‌ ସୂର୍ଯ୍ୟକିରଣରେ ବସିବା ସ୍ବାସ୍ଥ୍ୟ ପାଇଁ ଲାଭଦାୟକ।

ମାସ୍କ ପିନ୍ଧିବାକୁ ଭୁଲନ୍ତୁନି: ଶୀତଦିନେ ଭୋରୁ ମର୍ଣ୍ଣିଂୱାକ୍‌ରେ ଯିବା ସମୟରେ ମାସ୍କ ପିନ୍ଧିବାକୁ ଭୁଲନ୍ତୁନି। ଏହାଦ୍ବାରା ସଂକ୍ରମଣ ହେବାର ଭୟ କମ୍‌ ରହିଥାଏ। ଅଧିକ କୁହୁଡ଼ି ପଡ଼ିଥିଲେ, ମର୍ଣ୍ଣିଂୱାକ୍‌ ସମୟ ବଦଳାଇପାରିବେ। ଏହାଦ୍ବାରା ଶରୀର ସୁସ୍ଥ ରହିଥାଏ।