ଉତ୍ତର ଇସ୍ରାଏଲରେ ଲାଗି ବି ଓମର ଉତ୍ସବରେ ଦଳାଚକଟା ହୋଇଛି । ଏଥିରେ ୪୪ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୩ରୁ ଅଧିକ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ଅନେକଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି ।

ଇସ୍ରାଏଲର ସବୁଠୁ ବଡ଼ ପର୍ବ ଲାଗି ବି ଓମର ଉତ୍ସବ ପାଳନ ହୁଏ । ଏହି କାର୍ଯ୍ୟକ୍ରମରେ ଶୁକ୍ରବାର ହଜାର ହଜାର ଲୋକ ସାମିଲ୍ ହୋଇଥିଲେ । ଉତ୍ସବ ବେଳେ ଦଳାଚକଟା ହୋଇ ୪୪ ଜଣଙ୍କ ମୃତ୍ୟୁ ହୋଇଛି । ଉଦ୍ଧାର କାର୍ଯ୍ୟରେ ୬ଟି ହେଲିକପ୍ଟର ସହ ଏକାଧିକ ଆମ୍ବୁଲାନ୍ସ ନିୟୋଜିତ ଅଛନ୍ତି ।

ଆହତଙ୍କୁ ସ୍ଥାନୀୟ ଜିଭ୍ ହସ୍ପିଟାଲରେ ଭର୍ତ୍ତି କରାଯାଇଛି । ଅଧିକ ଗହଳି ଯୋଗୁଁ ଷ୍ଟେଜ୍ ଭାଙ୍ଗିଯିବା ଫଳରେ ଦଳାଚକଟା ହୋଇଥିବା ଜଣାପଡ଼ିଛି । କରୋନା ସଂକ୍ରମଣ ପାଇଁ ସରକାର ଗତବର୍ଷ କାର୍ଯ୍ୟକ୍ରମକୁ ବାତିଲ୍ କରି ଦେଇଥିଲେ । ଚଳିତବର୍ଷ ମଧ୍ୟ ଉତ୍ସବରେ ଲୋକଙ୍କୁ ଭାଗ ନେବାକୁ ମନା କରିଥିଲେ ସରକାର ।