ମୁମ୍ବାଇ: କରୋନା କବଳରେ ବଲିଉଡ୍। କରୋନା ପଜିଟିଭ୍ ହେଲେ ବଲିଉଡ୍ ଅଭିନେତା ରଣଧୀର କପୁର। ସେ କରୋନା ପଜିଟିଭ୍ ହେବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଡାକ୍ତରଖାନା ପକ୍ଷରୁ କୁହାଯାଇଛି।

୧୯୭୧ରେ ମୁକ୍ତିଲାଭ କରିଥିବା “କଲ୍ ଆଜ କଲ୍” ଫିଲ୍ମରୁ କ୍ୟାରିୟର ଆରମ୍ଭ କରିଥିଲେ ରଣଧୀର କପୁର। ଏହି ଫିଲ୍ମରେ ସେ ବାପା ରାଜ କପୁର ଓ ଯେଯେ ପୃଥ୍ୱବୀ ରାଜ କପୁରଙ୍କ ସହିତ ମିଶି କାମ କରିଥିଲେ। ଏହା ଛଡ଼ା ଜବାନୀ ଦିୱାନୀ, ରାମପୁର କା ଲକ୍ଷ୍ମଣ  ଓ ଚାଚା ଭତିଜା ଭଳି ଫିଲ୍ମରେ ଅଭିନୟ କରିଥିଲେ। ୧୦୧୪ରେ ମୁକ୍ତିଲାଭ କରିଥିବା ହାଉସ୍‌ଫୁଲ୍‌ ଫିଲ୍ମ ଏପର୍ଯ୍ୟନ୍ତ ତାଙ୍କ ଶେଷ ଫିଲ୍ମ ହୋଇ ରହିଛି।