ମହାକାଶରୁ ଆମ ଦେଶ ଭାରତ କିପରି ଦେଖାଯାଏ, ତାହାର ଏକ ଚମତ୍କାର ଚିତ୍ର ସାମ୍ନାକୁ ଆସିଛି। ଆନ୍ତର୍ଜାତୀୟ ସ୍ପେସ୍ ଷ୍ଟେସନ୍ (ISS) ଦ୍ୱାରା ଏକ ସୁନ୍ଦର ରାତ୍ରିକାଳୀନ ଫଟୋ ସୋସିଆଲ ମିଡିଆରେ ସେୟାର କରାଯାଇଛି, ଯାହା ବର୍ତ୍ତମାନ ଇଣ୍ଟରନେଟରେ ବେଶ୍ ଭାଇରାଲ୍ ହେବାରେ ଲାଗିଛି।

ମହାକାଶରୁ ଦେଖାଗଲା ଭାରତର ଚମକ

ଆରବ ସାଗର ଏବଂ ହିମାଳୟ ଅଞ୍ଚଳ ଉପର ଦେଇ ଗତି କରିବା ସମୟରେ ଆଇଏସଏସ ଭାରତର ଏହି ଫଟୋ ଉଠାଇଛି। ଫଟୋରେ ହଜାର ହଜାର ସହରର ଆଲୋକରେ ଝଲସୁଥିବା ଭାରତୀୟ ଉପମହାଦେଶ ବେଶ୍ ଆକର୍ଷଣୀୟ ଦେଖାଯାଉଛି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (X) ରେ ଏହି ଫଟୋକୁ ପୋଷ୍ଟ କରି ଆଇଏସଏସ ଲେଖିଛି ଯେ, "ଆରବ ସାଗର ଓ ହିମାଳୟ ଉପର ଦେଇ ଉଡ଼ାଣ ଭରିବା ସମୟରେ ଆନ୍ତର୍ଜାତୀୟ ସ୍ପେସ୍ ଷ୍ଟେସନରୁ ଉଠାଯାଇଥିବା ଭାରତର ଆଲୋକିତ ରାତ୍ରି ଦୃଶ୍ୟ।"

The well-lit nighttime cityscape of India pictured from the International Space Station as it soared over the Arabian Sea and across the Himalayas. pic.twitter.com/h7Gnlev539

— International Space Station (@Space_Station) March 11, 2026

ମହାକାଶଚାରୀଙ୍କ ଦୈନନ୍ଦିନ ଫଟୋଗ୍ରାଫି

ପୃଥିବୀ ପୃଷ୍ଠରୁ ପ୍ରାୟ ୪୦୦ କିଲୋମିଟର ଉପରେ ରହି ଆଇଏସଏସ ଦିନକୁ ୧୬ ଥର ପୃଥିବୀକୁ ପ୍ରଦକ୍ଷିଣ କରିଥାଏ। ଏହି ସମୟରେ ଏଥିରେ ଥିବା ମହାକାଶଚାରୀମାନେ ନିୟମିତ ଭାବେ ବିଭିନ୍ନ ସହର, ଉପକୂଳ ଏବଂ ପାଣିପାଗର ଫଟୋ କ୍ୟାପଚର କରିଥାନ୍ତି। ବିଶେଷ କରି ରାତି ସମୟରେ ଘନ ଜନବସତି ଓ ସହରାଞ୍ଚଳର ଆଲୋକରେ ଝଲସୁଥିବା ଭାରତର ଚିତ୍ର ସବୁବେଳେ ମହାକାଶଚାରୀ ଏବଂ ସାଧାରଣ ଲୋକଙ୍କ ଦୃଷ୍ଟି ଆକର୍ଷଣ କରିଥାଏ।

ପୂର୍ବରୁ ମଧ୍ୟ ସାମ୍ନାକୁ ଆସିଛି ଏଭଳି ଦୃଶ୍ୟ

ଏହା ପ୍ରଥମ ଥର ନୁହେଁ, ପୂର୍ବରୁ ୨୦୨୫ ମସିହାରେ ମଧ୍ୟ ନାସା (NASA) ପକ୍ଷରୁ ଆଇଏସଏସରୁ ଉଠାଯାଇଥିବା ଭାରତର ଏକ ରାତ୍ରିକାଳୀନ ଫଟୋ ଜାରି କରାଯାଇଥିଲା, ଯେଉଁଥିରେ ତାରାଭରା ଆକାଶ ତଳେ ଭାରତ ଉଜ୍ଜ୍ୱଳମୟ ଦିଶୁଥିଲା। ଏକାଧିକ ମିଶନରେ ଆଇଏସଏସରେ ୩୦୦ ରୁ ଅଧିକ ଦିନ ବିତାଇଥିବା ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସ ମଧ୍ୟ ପୂର୍ବରୁ ମହାକାଶରୁ ଭାରତର ରାତ୍ରିକାଳୀନ ଦୃଶ୍ୟ ଦେଖିବାର ଅନୁଭୂତି ବର୍ଣ୍ଣନା କରିସାରିଛନ୍ତି। ସେହିପରି ନିକଟରେ ଆଇଏସଏସ ଯାଇଥିବା ମହାକାଶଚାରୀ ଶୁଭାଂଶୁ ଶୁକ୍ଳା ମଧ୍ୟ ରାତିରେ ଆଲୋକିତ ଭାରତର ଏକ ଆକର୍ଷଣୀୟ ଟାଇମଲାପ୍ସ ଭିଡିଓ ସେୟାର କରିଥିଲେ, ଯାହା ମହାକାଶରୁ ଦେଖାଯାଉଥିବା ଭାରତର ଅନ୍ୟ ଏକ ରୂପକୁ ଦର୍ଶାଇଥିଲା।

ମୁମ୍ବାଇ: ସୃଷ୍ଟି ହେଲା ଭୀଷଣବାତ୍ୟା ‘ଶକ୍ତି’। ଘନୀଭୂତ ହୋଇ ଭୀଷଣ ବାତ୍ୟାରେ ପରିଣତ ହେଲା ବାତ୍ୟା ‘ଶକ୍ତି’। ଆରବ ସାଗରରେ ସୃଷ୍ଟି ହେଲା ଭୀଷଣବାତ୍ୟା ‘ଶକ୍ତି’ I ଚଳିତ ବାତ୍ୟା ଋତୁରେ ଏହା ହେଉଛି ପ୍ରଥମ ବାତ୍ୟା ।

ପାଣିପାଗ ବିଭାଗ ବାତ୍ୟା ‘ଶକ୍ତି’ ନେଇ ସତର୍କ ସୂଚନା ଜାରି କରିଛି।  ଅକ୍ଟୋବର ୪ ରୁ ୭ ତାରିଖ ପର୍ୟ୍ୟନ୍ତ ମହାରାଷ୍ଟ୍ରର କିଛି ଜିଲ୍ଲାରେ ଏହାର ପ୍ରଭାବ ଅନୁଭୂତ ହେବ ବୋଲି ପାଣିପାଗ ବିଭାଗ ସୂଚନା ଜାରି କରିଛି। ମୁମ୍ବାଇ, ରାୟଗଡ଼, ରତ୍ନଗିରି, ପାଲଘର ଏବଂ ସିନ୍ଧୁଦୁର୍ଗ ଭଳି ଉପକୂଳ ଜିଲ୍ଲା ପାଇଁ ସତର୍କ ସୂଚନା ଜାରି କରାଯାଇଛି। ମତ୍ସ୍ୟଜୀବୀଙ୍କୁ ସମୁଦ୍ରକୁ ନଯିବାକୁ ପରାମର୍ଶ ଦିଆଯାଇଛି।

ଆଇଏମଡି ଅନୁଯାୟୀ, ପବନର ବେଗ ଆହୁରି ବଢ଼ିପାରେ। ଏହା ଯୋଗୁ ସମୁଦ୍ରରେ ଉଚ୍ଚ ଜୁଆର ଉଠିବାର ସମ୍ଭାବନା ରହିଛି।ପାଣିପାଗ ବିଭାଗ ପୂର୍ବ ବିଦର୍ଭ ଏବଂ ମରଠୱାଡା ଅଞ୍ଚଳ ସମେତ ମହାରାଷ୍ଟ୍ରରେ ପ୍ରବଳରୁ ଅତି ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରିଛି।

ଆଇଏମଡି କହିଛି ଯେ, ପ୍ରବଳ ବର୍ଷା ଯୋଗୁ ଉପକୂଳବର୍ତ୍ତୀ ଅଞ୍ଚଳରେ ବନ୍ୟା ହୋଇପାରେ। ବିଶେଷକରି କୋଙ୍କଣ ଉପକୂଳରେ ଝଡ଼ ଏବଂ ବଜ୍ରପାତ ସହିତ ପ୍ରବଳ ବର୍ଷା ହେବାର ସମ୍ଭାବନା ରହିଛି। ମହାରାଷ୍ଟ୍ର ସରକାର ମଧ୍ୟ ଘୂର୍ଣ୍ଣିଝଡ଼ ଶକ୍ତି ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି। ମହାରାଷ୍ଟ୍ର ସରକାର ସମସ୍ତ ଜିଲ୍ଲାର ରିଲିଫ୍ ଦଳକୁ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି। ଲୋକମାନଙ୍କୁ ଉପକୂଳରୁ ଦୂରେଇ ରହିବାକୁ କୁହାଯାଇଛି। ଉପକୂଳ ନିକଟରେ ରହୁଥିବା ଲୋକମାନଙ୍କୁ ସ୍ଥାନାନ୍ତର କରିବା ପାଇଁ ପ୍ରୟାସ ଆରମ୍ଭ ହୋଇଛି

ନୂଆଦିଲ୍ଲୀ: ଆରବସାଗରରେ ବଳ ଗୋଟାଉଛି ବାତ୍ୟା ଆସନା । ଗୁଜରାଟର କଚ୍ଛ ତଟ, ପାର୍ଶ୍ବବର୍ତ୍ତୀ ପାକିସ୍ତାନ ଓ ଉତ୍ତର ପୂର୍ବ ଆରବସାଗରରେ ଗଭୀର ଅବପାତ ଶକ୍ତିଶାଳୀ ହୋଇ ବାତ୍ୟାରେ ପରିଣତ ହୋଇଛି । ଘଣ୍ଟା ପ୍ରତି ୫୫ ରୁ ୬୫ କିଲୋମିଟର ବେଗରେ ବହୁଛି ପବନ। ଝଟକା ପବନର ବେଗ ୭୫ କିଲୋମିଟର ରହୁଛି। ଗତ ୬ ଘଣ୍ଟା ଧରି ଏହା ଘଣ୍ଟା ପ୍ରତି ୧୩ କିଲୋମିଟର ବେଗରେ ଆଗକୁ ବଢ଼ୁଛି । ବାତ୍ୟା ଆସନା ଏବେ ପାକିସ୍ତାନ କରାଚି ଠାରୁ ୧୭୫ କିଲୋମିଟର ଏବଂ ଗୁଜରାଟ ନାଲିଆ ଠାରୁ ୨୭୦ କିଲୋମିଟର ଦୂରରେ ରହିଛି।

ଆସନ୍ତା ୨୪ ଘଣ୍ଟା ମଧ୍ୟରେ ଭାରତୀୟ ଉପକୂଳରୁ ଧୀରେ ଧୀରେ ଦୂରେଇ ଯିବ । ଆଜି ରାତି ଠାରୁ ପବନର ହ୍ରାସ ପାଇବ । ତେବେ ବାତ୍ୟାର ସର୍ବାଧିକ ପବନର ବେଗ ୮୫ କିଲୋମିଟର ରହିବ । ଆସନ୍ତାକାଲି ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି । ବାତ୍ୟାକୁ ଦୃଷ୍ଟିରେ ରଖି ଗୁଜରାଟ ସରକାର ସମସ୍ତ ପ୍ରସ୍ତୁତି କରିଛନ୍ତି । ଧନଜୀବନ ହାନି ରୋକିବା ଉପରେ ରହିଛି ଫୋକସ। ସୌରାଷ୍ଟ୍ର ଓ କଛ ଉପକୂଳ ପାଇଁ ବାତ୍ୟା ସତର୍କତା ରହିଛି। ଆଜି ପ୍ରବଳ ବର୍ଷା ବପନ ହେବ। ରେସକ୍ୟୁ କାର୍ଯ୍ୟରେ ସେନା, ଏନଡିଆରଏଫ ଓ ଏସଡିଆରଏଫକୁ ସଜାଗ ରଖାଯାଇଛି। ଲଗାଣ ବର୍ଷାରେ କଚ୍ଛ ଓ ସୌରାଷ୍ଟ୍ର ଅଞ୍ଚଳରେ ବନ୍ୟା ବିତ୍ପାତ ରଚିଛି ।  ବାତ୍ୟା ସମୟରେ ପ୍ରବଳରେ ବର୍ଷା ନେଇ ଜାମନଗର, ପୋରବନ୍ଦର ଓ ଦ୍ବାରକା ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରିଛି ଭାରତୀୟ ପାଣିପାଗ ବିଭାଗ ।