ଭୁବନେଶ୍ୱର: ଖରା ତାତି ଭଳି ଦିନକୁ ଦିନ ବଢ଼଼ିଚାଲିଛି ପିଆଜର ପାରଦ। ଏବେ ପିଆଜ କାଟିଲେ ନୁହେଁ; କିଣିଲେ ଲୁହ ଗଡ଼଼ୁଛି। କାରଣ ଦୀର୍ଘ ଦିନ ଧରି ବେଲଗାମ୍‌‌ ଥିବା ପିଆଜ ଦର କିଲୋ ପିଛା ୨୦ ଟଙ୍କାରୁ ବଢ଼଼ି ବଢ଼଼ି ୭୫ ଟଙ୍କା ପର୍ଯ୍ୟନ୍ତ ପହଁଚିଲାଣି। ସହରରେ ଥିବା ଖୁଚୁରା ଦୋକାନୀ ପିଆଜ କିଲୋ ପିଛା ୬୫ରୁ ୭୫ଟଙ୍କା ମଧ୍ୟରେ ବିକ୍ରି କରୁଥିଲା ବେଳେ ଗାଁ ଗହଳିରେ ୭୫ ଟଙ୍କାରୁ ଟଙ୍କାଟିଏ ବି କମ୍‌‌ କରୁ ନାହାନ୍ତି। ଆଳୁ ଭଳି ପିଆଳ ଏକ ଅତ୍ୟାବଶ୍ୟକ ସାମଗ୍ରୀ ହୋଇଥିବାରୁ ସାଧାରଣଲୋକ ବର୍ଦ୍ଧିତ ଦରରେ କିଣିବାକୁ ବାଧ୍ୟ ହେଉଛନ୍ତି। ବେଲଗାମ୍‌‌ ପିଆଜ ଦରକୁ ନେଇ ଗ୍ରାହକଙ୍କ ମଧ୍ୟରେ ଦିନକୁ ଦିନ ଅସନ୍ତୋଷ ବଢ଼଼ିବାରେ ଲାଗିଛି। ଏପରିସ୍ଥଳେ ରାଜ୍ୟ ଯୋଗାଣ ବିଭାଗ କେବଳ ଭୁବନେଶ୍ୱର ଓ କଟକ ଭଳି କିଛି ସହରରେ ଲୋକଙ୍କୁ ନାଫେଡ୍‌‌ ଜରିଆରେ କିଲୋ ପିଛା ୩୫ଟଙ୍କା ଦରରେ ୨ କିଲୋ ପିଆଜ ଧରାଇଦେଇ ନିଜ ମୁଣ୍ଡରୁ ଦାୟିତ୍ୱ ଖସାଇ ବସିଯାଇଛି।

ଆଳୁ ବେଳେ ମଧ୍ୟ ରାଜ୍ୟ ସରକାର ହାତକୁ ହାତ ବାନ୍ଧି ବସି ରହିଥିଲା ବେଳେ ଗଣାମାଧ୍ୟମ ସାମ୍ନାରେ ବୟାନବାଜି କରୁଥିଲେ। ପଶ୍ଚିମବଙ୍ଗ ଆଳୁ ନ ଦେବାରୁ ଆଳୁ ଦର ଆକାଶ ଛୁଅାଁ ହୋଇଗଲା। ସରକାର ରାଜ୍ୟକୁ ଆଳୁ ଆମଦାନି ବୃଦ୍ଧି ଓ ଦରଦାମ୍‌‌ ନିୟନ୍ତ୍ରଣ ପାଇଁ ଉତ୍ତର ପ୍ରଦେଶରୁ ଆରମ୍ଭ କରି ହିମାଞ୍ଚଳ ପ୍ରଦେଶ, ପଞ୍ଜାବରୁ ପର୍ଯ୍ୟନ୍ତ ବୁଲି ଆସିଲେ। ସବୁଦିନେ ନୂଆ ନୂଆ ବାହାନା ବନାଇଲେ। କ୍ୟାମେରା ସାମ୍ନାରେ ମାର୍କେଟ ବୁଲିବା ସହ ନାଫେଡ୍‌‌ କମ୍‌‌ ଟଙ୍କାରେ ଆଳୁ ଯୋଗାଇବ ବୋଲି ପ୍ରଚାର କରାଗଲା। ଶେଷକୁ ଟ୍ରେନ୍‌‌ରେ ୱାଗନ୍‌‌ ୱାଗନ୍‌‌ ଆଳୁ ଅଣାଯାଇ ଓଡ଼ିଶାକୁ ଆଳୁ ବଳକା ରାଜ୍ୟ କରାଯିବ। ଆମ ଲୋକଙ୍କ କେଜି ୨୦ ଟଙ୍କାରେ ଆଳୁ ଯୋଗାଇ ଦିଆଯିବ ଏବଂ ପଡ଼ୋଶୀ ରାଜ୍ୟକୁ ବି ଆଳୁ ବିକ୍ରି କରାଯିବ ବୋଲି ବିଭାଗୀୟ ମନ୍ତ୍ରୀ ଗଣମାଧ୍ୟମ ଆଗରେ ମନ୍ତବ୍ୟ ଦେଲେ। ହେଲେ ସରକାରଙ୍କ ସବୁ ପଦକ୍ଷେପ ଫେଲ୍‌‌ ମାରିବାରୁ ଦୀର୍ଘ ଦିନ ଧରି ଲୋକେ ଚଢ଼ା ଦରରେ ଆଳୁ କିଣିଲେ। କେଜି ୨୦ ଟଙ୍କାରେ ମିଳୁଥିବା ଆଳୁ ଶେଷକୁ ଯାଇ ୩୫ ଟଙ୍କାରେ ଅଟକିଗଲା। ଲୋକେ ଆଳୁ କଷ୍ଟ ଭୁଲି ନ ଥିଲା ବେଳେ ଏବେ ପିଆଜର ମହଙ୍ଗାମାଡ଼ ଗ୍ରାହକଙ୍କୁ ଆକ୍ତାମାତା କରି ଦେଲାଣି। ରାଜ୍ୟର ଦୈନିକ ପିଆଜ ଆବଶ୍ୟକତା ୧୫ଶହରୁ ୧୬ଶହ ଟନ୍‌‌ ମଧ୍ୟରେ ରହିଥାଏ। ଘରୋଇ ଉତ୍ପାଦନ ସହ ପିଆଜ ମୁଖ୍ୟତଃ ବେଙ୍ଗାଲୁରୁ, ନାସିକ ଏବଂ କର୍ଣ୍ଣୁଲରୁ ଆସିଥାଏ।

ସେପଟେ ଆକାଶଛୁଆଁ ପିଆଜ ଦରକୁ ଲଗାମ୍‌‌ କଷିବା ପାଇଁ ସାମ୍ନାକୁ ଆସିଥିବା ସରକାରଙ୍କ ସଂକଟମୋଚକ ସଂସ୍ଥା ନାଫେଡ୍‌‌ ସହରଗୁଡ଼ିକରୁ ଏକ ପ୍ରକାର ଉଭାନ୍‌‌ ହୋଇଯାଇଛି। ଗୋଟିଏ କିମ୍ବା ଦୁଇଟି ସ୍ଥାନରେ ଲୋକ ଦେଖାଣିଆ ଭ୍ୟାନ୍‌‌ ଛିଡ଼ା କରି ୩୫ ଟଙ୍କାରେ ପିଆଜ ବିକ୍ରି କରୁଛି। ପିଆଜ ଦର ତଳକୁ ଖସାଇବାକୁ ନାଫେଡ୍‌‌ର ଏହି ପଦକ୍ଷେପ କାମ କରୁନି। ପିଆଜ ଦର ତଳକୁ ଯିବା ବଦଳରେ ଦିନକୁ ଦିନ ଉପରମୁହାଁ ହେଉଛି। ରାଜ୍ୟ ସରକାର ଏବଂ ନାଫେଡ୍‌‌ର ଏଭଳି କାମକୁ ନେଇ ପ୍ରଶ୍ନ ଉଠାଇଛନ୍ତି ବ୍ୟବସାୟ ମହାସଂଘ। ବ୍ୟବସାୟୀ ମହାସଂଘର ସମ୍ପାଦକ ସୁଧାକର ପଣ୍ଡା ତାଙ୍କ ପ୍ରତିକ୍ରିୟାରେ କହିଛନ୍ତି, ବର୍ଷା ଯୋଗୁଁଁ ଅମଳ କମିଛି। ହେଲେ ଦର ନିୟନ୍ତ୍ରଣ ପାଇଁ ସରକାର କିଛି ପଦକ୍ଷେପ ନେଉନାହାନ୍ତି। ସରକାର ବାକ୍ୟବୀର ନ ହୋଇ କର୍ମବୀର ହୁଅନ୍ତୁ। ପିଆଜ ଦର ନିୟନ୍ତ୍ରଣ ବାହାରକୁ ଚାଲିଯାଇଥିଲା ବେଳେ ନାଫେଡ କୁଆଡେ ଗଲା ବୋଲି ପ୍ରଶ୍ନ କରିଛନ୍ତି। ଅମଳ କମିଲେ, ଦର ବଢ଼଼ିଲେ, ନାଫେଡ୍‌‌ କମ୍‌‌ ଦରରେ ପିଆଜ ଯୋଗାଇବା କଥା; ହେଲେ ସେମିତି କିଛି ହେଉନାହିଁ। ଆମେ ବାରମ୍ୱାର ମନ୍ତ୍ରୀଙ୍କୁ ଭେଟି ସମସ୍ୟା କଥା କହିଲୁଣି; ହେଲେ ସରକାର ଆମ ପ୍ରତି ଧ୍ୟାନ ଦେବା ଭଳି ଲାଗୁନାହିଁ।

ଅନ୍ୟପକ୍ଷରେ ବେଲଗାମ୍‌‌ ପିଆଜ ଦରକୁ ନେଇ ପ୍ରତିକ୍ରିୟା ରଖି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି, ଅନବରତ ବର୍ଷା କାରଣରୁ ଫସଲ ହାନି ହୋଇଛି। ତେଣୁ ମାର୍କେଟକୁ କମ୍‌‌ ପିଆଜ ଆସୁଛି। ଖୁବ୍‌‌କମ୍‌‌ ଦିନ ଏଭଳି ସ୍ଥିତି ରହିବ

ଭୁବନେଶ୍ୱର: ଆଳୁକୁ ଟପିଲା ପିଆଜ। ରବିବାର ଆଇଁଷ ବାରରେ ରାଜଧାନୀର ଖୁଚୁରା ବଜାରରେ ପିଆଜ କିଲୋ ୬୦ ଟଙ୍କା ଛୁଇଁଛି। ଆବଶ୍ୟକତା ତୁଳନାରେ ଆନ୍ଧ୍ର ଓ ମହାରାଷ୍ଟ୍ରରୁ କମ୍‌ ପିଆଜ ଆସୁଥିବାରୁ ଦର ଉଚ୍ଚା ହୋଇଛି । ସରକାରୀ ନିୟନ୍ତ୍ରଣ ନ ଥିବାରୁ କିଛି ବ୍ୟବସାୟୀ ମନଇଚ୍ଛା ଦର ହାଙ୍କୁଛନ୍ତି। ସେପଟେ ପିଆଜ ଅମଳ ବିଳମ୍ବିତ ହେଉଥିବାରୁ ଏପରି ଅବସ୍ଥା ଅକ୍ଟୋବର ପର୍ଯ୍ୟନ୍ତ ଲାଗି ରହିପାରେ ବୋଲି ଆକଳନ କରାଯାଉଛି।

ମହାରାଷ୍ଟ୍ରରେ ଲଗାଣ ବର୍ଷା କାରଣରୁ ନୂଆ ପିଆଜ ଅମଳ ହୋଇପାରୁନି। ନାସିକ୍‌ରୁ ଆସୁଥିବା ପୁରୁଣା ପିଆଜର ମୂଲ୍ୟ ଚଢ଼ା ରହୁଛି। ଆନ୍ଧ୍ରପ୍ରଦେଶରୁ ନୂଆ ଅମଳ ହେବାକୁ ଆହୁରି କିଛି ସପ୍ତାହ ଡେ଼ରି ହେଉଛି। ତେଣୁ ଉଭୟ ରାଜ୍ୟରେ ଲାଗି ରହିଥିବା ଏହି ଅସୁବିଧା ହିଁ ଓଡ଼ିଶା ବଜାରକୁ ପ୍ରଭାବିତ କରୁଛି। ଫଳରେ ଗତ ସପ୍ତାହେ ଧରି ଓଡ଼ିଶା ବଜାରରେ ପିଆଜ ଦର ବଢ଼ିଚାଲିଛି। ବର୍ଷା କମିଲେ, ପିଆଜ ଦର କମିବା ସମ୍ଭାବନା ରହିଛି। ମାତ୍ର ସେହି ସମୟ ପର୍ଯ୍ୟନ୍ତ ପିଆଜ ଦର ଆହୁରି ବଢ଼ିପାରେ ବ୍ୟବସାୟୀମାନେ ଆଶଙ୍କା ପ୍ରକାଶ କରିଛନ୍ତି। ଏବେ ପରିବା ବଜାରର ଆକାଶଛୁଅାଁ ଦର ସାଙ୍ଗକୁ ଆଳୁ ଓ ପିଆଜ ଦର ବୃଦ୍ଧି ସାଧାରଣ ଗରିବ ପରିବାର ଉପରେ ଚଡ଼କ ପଡ଼ିବା ସଦୃଶ ହୋଇଛି।

ଗତ ସପ୍ତାହ ପୂର୍ବରୁ ପିଆଜର ପାଇକାରୀ ଦର ୩୦ରୁ ୩୫ ଟଙ୍କା ମଧ୍ୟରେ ଥିଲା। ସପ୍ତାହ ଭିତରେ ଦର ୧୫ରୁ ୨୦ ଟଙ୍କା ବଢ଼ିଗଲାଣି। କୁବେରପୁରୀରୁ ମିଳିଥିବା ସୂଚନାନୁସାରେ ଆଜି ରାଜଧାନୀରେ ନୂଆ ପିଆଜର ପାଇକାରୀ ମୂଲ୍ୟ ୩୯ରୁ ୪୧ ଟଙ୍କାକୁ ଓ ନାସିକ୍‌ରୁ ଆମଦାନୀ ହେଉଥିବା ପୁରୁଣା ବଡ଼ ପିଆଜର ପାଇକାରୀ ମୂଲ୍ୟ ୪୦ରୁ ୪୪ ଟଙ୍କାକୁ ବୃଦ୍ଧି ପାଇଛି। ଆନ୍ଧ୍ରପ୍ରଦେଶରେ ଲଗାଣ ବର୍ଷା ପାଇଁ ହଠାତ୍‌ ଦର ବୃଦ୍ଧି ଘଟିଛି ବୋଲି କୁହାଯାଉଛି। କୁବେରପୁରୀରେ ପାଇକାରୀ ଦର ୪୫ ଟଙ୍କା ଟପି ନଥ ôବାବେଳେ ଖୁଚୁରା ବଜାରରେ ପିଆଜ ୬୦ ଛୁଇଁଛି। ଆଜି ରାଜଧାନୀର ବିଭିନ୍ନ ଛୋଟ ବଡ଼ ହାଟରେ ପିଆଜ ଏହି ଦରରେ ବିକ୍ରି ହେଉଥିବା ଦେଖିବାକୁ ମିଳିଛି। ତେଣୁ କିଲୋ ପିଛା ଖୁଚୁରା ବେପାରୀମାନେ ୧୫ ଟଙ୍କାରୁ ଅଧିକ ମୁନାଫା ରଖି ବିକ୍ରି କରୁଛନ୍ତି।

ରାଜ୍ୟ ବ୍ୟବସାୟୀ ସଂଘର ମହାସଚିବ ସୁଧାକର ପଣ୍ଡା କହିଛନ୍ତି ଯେ ଏବେ କମ୍‌ ପରିମାଣର ପିଆଜ ଆସୁଛି; ତେଣୁ ଦର ଅଧିକ ରହୁଛି। ଆଗକୁ ପିଆଜ ଆମଦାନୀ ସ୍ୱାଭାବିକ ହେଲେ ଦର କମିବ। ଏବେ ବର୍ଷା କାରଣରୁ ଅମଳ ଓ ରପ୍ତାନୀ ବାଧାପ୍ରାପ୍ତ ହେଉଥିବା ସେ କହିଛନ୍ତି। ଏବେ କିଛି କିଛି ନୂଆ ପିଆଜ ଅମଳ ହେବା ଆରମ୍ଭ ହୋଇଥିଲେ ବି ବର୍ଷା ପାଇଁ ତାହା ବଜାରକୁ ଆସି ପାରୁନାହିଁ। ନୂଆ ଅମଳ ହୋଇଥିବା ପିଆଜର ବର୍ଷା ସହନଶୀଳତା କମ୍‌ ଥିବାରୁ ଖୁବ୍‌ ଶୀଘ୍ର ନଷ୍ଟ ହୋଇଯିବ। ତେଣୁ ଚାଷୀମାନେ ଅମଳ କରୁନାହାନ୍ତି ଓ ଯେଉଁ କିଛି ପିଆଜ ଅମଳ ହେଉଛି, ତାହାକୁ ଚାଷୀମାନେ ସାଇତି ରଖୁଛନ୍ତି। ଫଳରେ ଏବେ ବଜାରକୁ ପିଆଜ ଆମଦାନୀ ସ୍ୱତଃ କମ୍‌ ରହିଛି ଓ ଦର ଉଚ୍ଚା ରହିଛି। ଏଠାରେ ଉଲ୍ଲେଖଯୋଗ୍ୟ ଯେ ଭୁବନେଶ୍ୱର ବଜାରରେ ଦୈନିକ ୨୭୦ ଟନ୍‌ ପିଆଜର ଆବଶ୍ୟକତା ରହିଛି । ମାତ୍ର ଦର ବୃଦ୍ଧି ଯୋଗୁଁ ଏବେ ୨୨୦ ଟନ୍‌ ପିଆଜ ବିକ୍ରି ହେଉଛି ।