ସ୍ୱପ୍ନ ଶାସ୍ତ୍ର (Swapna Shastra) ଅନୁସାରେ ନିଦ୍ରା ସମୟରେ ଆସୁଥିବା ପ୍ରତ୍ୟେକ ସ୍ୱପ୍ନର କିଛି ନା କିଛି ଅର୍ଥ ରହିଥାଏ। ଏହି ସ୍ୱପ୍ନଗୁଡ଼ିକ ଆମର ଭବିଷ୍ୟତ, ମନର ଅବସ୍ଥା ଏବଂ ଜୀବନରେ ଘଟିବାକୁ ଥିବା ଘଟଣାଗୁଡ଼ିକର ସଙ୍କେତ ଦେଇଥାଏ। କିଛି ସ୍ୱପ୍ନ ଆମକୁ ଖୁସି ଦେଉଥିବା ବେଳେ ଆଉ କିଛି ଆମକୁ ଭୟଭୀତ କରିଦିଏ। ସାଧାରଣତଃ ଲୋକମାନେ ନିଜର ସ୍ୱପ୍ନ ବିଷୟରେ ଅନ୍ୟମାନଙ୍କୁ କହିଥାନ୍ତି। କିନ୍ତୁ ଶାସ୍ତ୍ରରେ ଏମିତି ୪ଟି ସ୍ୱପ୍ନ ବିଷୟରେ ଉଲ୍ଲେଖ କରାଯାଇଛି, ଯାହାକୁ ଅନ୍ୟ କାହା ସହିତ ସେୟାର୍ କରିବା ଅନୁଚିତ୍। ଯଦି ଆପଣ ଏହି ସ୍ୱପ୍ନଗୁଡ଼ିକୁ କାହାକୁ କହନ୍ତି, ତେବେ ଏହାର ଶୁଭ ପ୍ରଭାବ କମିଯିବା ସହ ଜୀବନରେ ଦୁର୍ଭାଗ୍ୟ ଏବଂ ଅଯଥା ସମସ୍ୟା ଦେଖାଦେଇପାରେ ବୋଲି ସତର୍କ କରାଯାଇଛି।

ଏହି ୪ଟି ସ୍ୱପ୍ନକୁ ସବୁବେଳେ ଗୁପ୍ତ ରଖନ୍ତୁ

୧. ଆଧ୍ୟାତ୍ମିକ ଅନୁଭୂତିର ସ୍ୱପ୍ନ (Spiritual Dreams):

ଯଦି ଆପଣ ସ୍ୱପ୍ନରେ କୌଣସି ତୀର୍ଥସ୍ଥାନକୁ ଯାଉଥିବାର, ପୂଜାର୍ଚ୍ଚନା କରୁଥିବାର ବା ଦେବଦେବୀଙ୍କ ଦର୍ଶନ କରୁଥିବାର ଦେଖନ୍ତି, ତେବେ ଏହାକୁ ଅତ୍ୟନ୍ତ ଶୁଭ ସଙ୍କେତ ମାନାଯାଏ। ଏହି ସ୍ୱପ୍ନ ଆପଣଙ୍କ ଜୀବନରେ ଆସିବାକୁ ଥିବା ଆଧ୍ୟାତ୍ମିକ ଉନ୍ନତି ଓ ସକାରାତ୍ମକ ପରିବର୍ତ୍ତନ ଆଡ଼କୁ ଇଶାରା କରିଥାଏ। ଏହି ଅନୁଭୂତିକୁ ଅନ୍ୟମାନଙ୍କ ସହ ସେୟାର କଲେ ଏହାର ପ୍ରଭାବ କମିଯାଏ ଏବଂ ଆପଣଙ୍କ ଉନ୍ନତିରେ ବାଧା ଉପୁଜିପାରେ।

୨. ପ୍ରକୃତି ସହ ଜଡ଼ିତ ସ୍ୱପ୍ନ (Nature-related Dreams):

ସ୍ୱପ୍ନରେ ଯଦି ଆପଣ ସବୁଜ ଜଙ୍ଗଲ, ପାହାଡ଼, ବହୁଥିବା ନଦୀ, ଝରଣା କିମ୍ବା ସୁନ୍ଦର ବଗିଚା ଦେଖନ୍ତି, ତେବେ ଭବିଷ୍ୟତରେ ସୁଖ, ଶାନ୍ତି ଓ ଖୁସି ଖବର ମିଳିବାର ସମ୍ଭାବନା ଥାଏ। ଏପରି ସ୍ୱପ୍ନ ଜୀବନରେ ଭଲ ସୁଯୋଗର ସଙ୍କେତ ଦିଏ। ତେବେ ଅନ୍ୟମାନଙ୍କୁ ଏହା ଜଣାଇବା ଦ୍ୱାରା ଏହାର ଶୁଭ ଫଳ ଧୀରେ ଧୀରେ ହ୍ରାସ ପାଇଥାଏ।

୩. ମୃତ୍ୟୁ ସମ୍ବନ୍ଧୀୟ ସ୍ୱପ୍ନ (Dreams about Death):

ନିଜର କିମ୍ବା ଅନ୍ୟ କାହାର ମୃତ୍ୟୁ ସ୍ୱପ୍ନ ଦେଖିଲେ ଲୋକେ ପ୍ରାୟତଃ ଭୟଭୀତ ହୋଇଯାଆନ୍ତି। ମାତ୍ର ସ୍ୱପ୍ନ ଶାସ୍ତ୍ର ଅନୁଯାୟୀ ଏହା ଏକ ନକାରାତ୍ମକ ନୁହେଁ, ବରଂ ଏକ ସକାରାତ୍ମକ ସଙ୍କେତ। ଏହା ଦର୍ଶାଏ ଯେ ଆପଣଙ୍କ ଜୀବନରେ ଚାଲିଥିବା ସମସ୍ୟା ଶେଷ ହେବାକୁ ଯାଉଛି ଏବଂ ଏକ ନୂଆ ଆରମ୍ଭ ହେବ। କିନ୍ତୁ ଏହି ସ୍ୱପ୍ନ କାହାକୁ କହିଲେ ଏହାର ସକାରାତ୍ମକ ପ୍ରଭାବ କମିଯାଏ ଏବଂ ପରିବାରରେ ଅଯଥା ଅଶାନ୍ତି ବଢ଼ିଥାଏ।

୪. ଧନ-ସମ୍ପତ୍ତି ପ୍ରାପ୍ତିର ସ୍ୱପ୍ନ (Dreams of Wealth):

ସ୍ୱପ୍ନରେ ଯଦି ଆପଣ କୌଣସି ଗୁପ୍ତ ଧନ କିମ୍ବା ଅର୍ଥ ପ୍ରାପ୍ତ କରୁଥିବାର ଦେଖନ୍ତି, ତେବେ ଏହା ମାତା ଲକ୍ଷ୍ମୀଙ୍କ ଆଶୀର୍ବାଦ ଏବଂ ଆର୍ଥିକ ସମୃଦ୍ଧିର ପ୍ରତୀକ ଅଟେ। ଶାସ୍ତ୍ର ଅନୁସାରେ ଏହି ବିଷୟରେ ଅନ୍ୟ କାହାକୁ କହିଲେ ଧନ ହାନି ହେବାର ଆଶଙ୍କା ଥାଏ ଏବଂ ଆର୍ଥିକ ଉନ୍ନତିରେ ବାଧା ସୃଷ୍ଟି ହୋଇଥାଏ।

ସ୍ୱପ୍ନ ଶାସ୍ତ୍ର ମୁତାବକ, ଉପରୋକ୍ତ ସ୍ୱପ୍ନଗୁଡ଼ିକ ଅତ୍ୟନ୍ତ ବ୍ୟକ୍ତିଗତ ଏବଂ ଶୁଭ ଫଳଦାୟକ ହୋଇଥାଏ। ଏଣୁ ଯଦି ଆପଣ କେବେ ଏହିପରି ସ୍ୱପ୍ନ ଦେଖନ୍ତି, ତେବେ ନିଜର ଓ ପରିବାରର ମଙ୍ଗଳ ପାଇଁ ଏହାକୁ ସମ୍ପୂର୍ଣ୍ଣ ଗୋପନୀୟ ରଖିବା ବୁଦ୍ଧିମାନର କାମ ହେବ।

ସ୍ବପ୍ନ ଶାସ୍ତ୍ର ଅନୁସାରେ, ଭୋର ସମୟରେ ଦେଖାଯାଉଥିବା ସ୍ବପ୍ନ କାଳେ ସତ ହୁଏ। ସେହିପରି ଏବେ ଶ୍ରାବଣ ମାସ ଚାଲିଛି। ଶିବଭକ୍ତ ଶିବଲିଙ୍ଗରେ ଜଳାଭିଷେକ କରିବା ସହ ଶିବଙ୍କ ପୂଜାର୍ଚ୍ଚନା କରୁଛନ୍ତି। ତେବେ ଏହି ମାସରେ ସର୍ପ ସ୍ବପ୍ନ ଦେଖିବାର ଅର୍ଥ କ’ଣ, ସେ ସମ୍ପର୍କରେ ଜାଣିବା।

-ଶ୍ରାବଣ ମାସରେ ସର୍ପ ସ୍ବପ୍ନ ଦେଖିଲେ ଭଗବାନ ଶିବଙ୍କ କୃପା ପ୍ରାପ୍ତି ହୁଏ। ଏହା ଦ୍ବାରା କୌଣସି ମନୋକାମନା ପୂରଣ ହୋଇଥାଏ।

-ସାପ ଫଣା ଉଠାଇବା ସ୍ବପ୍ନ ସମ୍ପତ୍ତି ଲାଭକୁ ଇଙ୍ଗିତ କରେ।

-ନାଗ ଚୋଟରେ ମୃତ୍ୟୁ ସ୍ବପ୍ନରେ ଆୟୁ ଦୀର୍ଘ ହୁଏ।

-ଗାତ ଖୋଳିବା ସମୟରେ ସାପ ଦେଖିବା ସ୍ବପ୍ନର ଅର୍ଥ ଧନପ୍ରାପ୍ତି।

-ସ୍ବପ୍ନରେ ସାପ ରାସ୍ତା ଅତିକ୍ରମ କରି ଯାଉଥିବା ଦେଖିଲେ ବିଜୟ ସୂଚନା ଦିଏ।

-ସ୍ବପ୍ନରେ ସାପ ମୁଣ୍ଡରେ ଚଢ଼ି ବସିବା ଦେଖିଲେ ମାନସମ୍ମାନ ବୃଦ୍ଧି ପାଏ।

-ସାପ ବିଲରେ ଯିବା ଦେଖିଲେ ଅଚାନକ ଧନପ୍ରାପ୍ତି ହୁଏ।

ରାତିରେ ଶୋଇବା ପରେ ସ୍ୱପ୍ନ ଦେଖିବା ମଣିଷର ସ୍ୱଭାବ। ମନୋବୈଜ୍ଞାନିକଙ୍କ ମତାନୁସାରେ ଜଣେ ମଣିଷ ମନରେ ଯାହା ଭାବୁଥାଏ, ସେସବୁକୁ ସ୍ବପ୍ନରେ ଦେଖିଥାଏ। ସେଥି ମଧ୍ୟରୁ କିଛି ସ୍ବପ୍ନ ଭଲ ଓ କିଛି ଖରାପ ହୋଇଥାଏ। ତେବେ ସ୍ବପ୍ନ ଶାସ୍ତ୍ର ଅନୁସାରେ, ପ୍ରତ୍ୟେକ ସ୍ବପ୍ନର କିଛି ନା କିଛି ଅର୍ଥ ଥାଏ। ଯାହା ଆମେ ସ୍ବପ୍ନରେ ଦେଖିଥାଉ ତାହା ଭବିଷ୍ୟତର ବାର୍ତ୍ତା ଦେଇଥାଏ। ତେବେ ମଣିଷ ଦେଖୁଥିବା କିଛି ସ୍ବପ୍ନ ଶୁଭଦାୟକ ହୋଇଥିବା ବେଳେ ଆଉ କିଛି ଅଶୁଭ ସୂଚନା ପ୍ରଦାନ କରିଥାଏ ବୋଲି ସ୍ବପ୍ନଶାସ୍ତ୍ର କହିଥାଏ। ତେବେ କେଉଁ ସ୍ବପ୍ନଗୁଡ଼ିକ ଅଶୁଭ ହୋଇଥାଏ ଆସନ୍ତୁ ଜାଣିବା…

ବିଲେଇ
ଯଦି ଜଣେ ସ୍ବପ୍ନରେ ବିଲେଇ ଦେଖୁଛନ୍ତି, ତେବେ ଏହା ଅଶୁଭ ହୋଇଥାଏ। ନିକଟ ଭବିଷ୍ୟତରେ କାହାଠାରୁ ଧୋକା ଖାଇ ପାରନ୍ତି ବୋଲି ଏହା ସୂଚାଇଥାଏ। ଏହାବାଦ୍‌ ଏହା ଦୁର୍ଭାଗ୍ୟ ଆଣିଥାଏ ବୋଲି କୁହାଯାଏ।
ସାପ
କୌଣସି ଗାତ ମଧ୍ୟରେ ଏକାଧିକ ସାପ ଥିବା ସ୍ବପ୍ନ ଦେଖି ଜଣେ ଡରିଯିବା ସ୍ବାଭାବିକ। ତେବେ ଏହି ସ୍ବପ୍ନ ଦେଖୁଥିବା ବ୍ୟକ୍ତି ଜଣକ ଭବିଷ୍ୟତରେ ବ୍ୟକ୍ତିଗତ କିମ୍ବା ବୃତ୍ତିଗତ ଜୀବନରେ କୌଣସି ସମସ୍ୟାର ସମ୍ମୁଖୀନ ହୋଇପାରନ୍ତି ବୋଲି ଏହା ସୂଚାଇଥାଏ।
କାନ୍ଦିବା
ଯଦି ଜଣେ ସ୍ବପ୍ନରେ ନିଜକୁ କାନ୍ଦୁଥିବାର ଦେଖୁଛନ୍ତି ତେବେ ତାଙ୍କ ଜୀବନରେ ବହୁତ ଜଲ୍‌ଦି କିଛି ସମସ୍ୟା ଆସିପାରେ ବୋଲି ଏହା ସୂଚାଇଥାଏ।

ତଳକୁ ପଡ଼ୁଥିବାର ଦେଖିବା

ଜଣେ ନିଜକୁ ସ୍ବପ୍ନରେ ତଳକୁ ପଡ଼ୁଥିବାର ଦେଖିଲେ ଭବିଷ୍ୟତରେ କିଛି ଅସୁବିଧାକୁ ସାମ୍ନା କରିବାକୁ ଯାଉଛନ୍ତି ବୋଲି ଏହା କହିଥାଏ।

ମୂଷା
ଯଦି ଜଣେ ସ୍ବପ୍ନରେ ମୂଷା ତାଙ୍କ ଉପରେ ଖେଳୁଥିବାର ଦେଖୁଛନ୍ତି ତେବେ ଜଣେ ସତର୍କ ହେବା ଆବଶ୍ୟକ। ଏହି ସ୍ବପ୍ନ ଦେଖୁଥିବା ବ୍ୟକ୍ତି ଜଣକ କୌଣସି ଦୁର୍ନୀତି ଜାଲରେ ଛନ୍ଦି ହୋଇପାରନ୍ତି କିମ୍ବା ଦୁର୍ଭାଗ୍ୟକୁ ସାମ୍ନା କରିପାରନ୍ତି ବୋଲି ସ୍ବପ୍ନଶାସ୍ତ୍ର କହିଥାଏ।

ମୃତ ବ୍ୟକ୍ତି
ସ୍ବପ୍ନରେ ମୃତ ବ୍ୟକ୍ତିଙ୍କୁ ଦେଖିବା ଅଶୁଭ ବୋଲି କୁହାଯାଏ। କେବଳ ସେତିକି ନୁହେଁ ରୋଗଗ୍ରସ୍ତ ବ୍ୟକ୍ତିଙ୍କୁ ମଧ୍ୟ ସ୍ବପ୍ନରେ ଦେଖିବା ଅଶୁଭ କୁହାଯାଏ।