ବ୍ରହ୍ମପୁର: କିରୋସିନ ଢାଳି ନିଜକୁ ଜାଳିଦେଲେ ଯୁବତୀ । ବ୍ରହ୍ମପୁର ବଡ଼ବଜାର ଥାନା ଶାନ୍ତିନଗର ଲେନ୍-୫ରେ ଯୁବତୀଙ୍କ ଆତ୍ମାହୁତି । ଗୁରୁତର ଅବସ୍ଥାରେ କଟକ ବଡ ମେଡିକାଲ ସ୍ଥାନାନ୍ତର ବେଳେ ଯୁବତୀଙ୍କ ମୃତ୍ୟୁ । ତେବେ ଯୁବତୀ ଜଣକ କାହିଁକି ନିଜକୁ ଜାଳିଲେ ତା'ର କାରଣ ଅସ୍ପଷ୍ଟ ରହିଛି । ପୋଲିସ ଘଟଣାର ତଦନ୍ତ ଜାରି ରଖିଛି ।

ପ୍ରାଥମିକ ରିପୋର୍ଟ ଅନୁଯାୟୀ, ନିଆଁ ଲାଗିବା କାରଣରୁ ଯୁବତୀ ଜଣକ ଗୁରୁତର ଭାବେ ପୋଡ଼ି ଯାଇଥିଲେ। ସଙ୍କଟାପନ୍ନ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ପ୍ରଥମେ ସ୍ଥାନୀୟ ଏକ ମେଡିକାଲରେ ଭର୍ତ୍ତି କରାଯାଇଥିଲା। ତେବେ ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ବିଗିଡ଼ିବାରୁ ଡାକ୍ତର ତାଙ୍କୁ ଉନ୍ନତ ଚିକିତ୍ସା ପାଇଁ କଟକ ଏସସିବି ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରିଥିଲେ। ଦୁର୍ଭାଗ୍ୟବଶତଃ, କଟକ ନେବା ବାଟରେ ହିଁ ଯୁବତୀଙ୍କର ପ୍ରାଣବାୟୁ ଉଡ଼ିଯାଇଥିଲା।

ତେବେ ଯୁବତୀ ଜଣକ କେଉଁ କାରଣରୁ ଏଭଳି ଚରମ ପଦକ୍ଷେପ ଗ୍ରହଣ କଲେ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଖବର ପାଇ ବଡ଼ବଜାର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୋଲିସ ଏହି ଘଟଣାର ସମସ୍ତ ଦିଗକୁ ନେଇ ଅନୁସନ୍ଧାନ ଜାରି ରଖିଛି ଏବଂ ଆତ୍ମଦାହର ପ୍ରକୃତ କାରଣ ଖୋଜିବାକୁ ପ୍ରୟାସ କରୁଛି।

କନ୍ଧମାଳ: ପାରିବାରିକ କଳହରୁ ଉପୁଜିଥିବା ମାନସିକ ଚାପ ସହି ନପାରି ଜଣେ ସିଆରପିଏଫ୍ (CRPF) ଯବାନ ବିଷ ପିଇ ଆତ୍ମହତ୍ୟା କରିଛନ୍ତି। କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ନୂଆସାହିରେ ଘଟିଛି ଏପରି ଅଭାବନୀୟ ଘଟଣା । ମୃତ ଯବାନଙ୍କ ନାମ ଅଶୋକ ବେହେରା ବୋଲି ଜଣାପଡିଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। 

ମିଳିଥିବା ସୂଚନା ଅନୁଯାୟୀ, ମୃତ ଅଶୋକ ବେହେରା କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅଧୀନସ୍ଥ ଗାୟତ୍ରୀ କଲୋନୀର ବାସିନ୍ଦା ଅଟନ୍ତି। ସୋମବାର ଦିନ ସେ କୌଣସି କାରଣରୁ ନିଜ କୋଠରୀକୁ ଭିତରୁ ବନ୍ଦ କରି ବିଷ ପିଇ ଦେଇଥିଲେ । ତାଙ୍କର ସହକର୍ମୀମାନେ ବାରମ୍ବାର ଫୋନ୍ କରିବା ସତ୍ତ୍ୱେ ସେ କୌଣସି ଉତ୍ତର ଦେଇନଥିଲେ। ଦୀର୍ଘ ସମୟ ଧରି କବାଟ ନ ଖୋଲିବାରୁ ପଡ଼ୋଶୀମାନଙ୍କର ସନ୍ଦେହ ବଢ଼ିଥିଲା। ଏହା ପରେ ସେମାନେ ତୁରନ୍ତ ସ୍ଥାନୀୟ ପୋଲିସକୁ ଖବର ଦେଇଥିଲେ। 

ଖବର ପାଇ ବାଲିଗୁଡ଼ା ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଜଣେ ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ କବାଟ ଭାଙ୍ଗି ଘର ଭିତରେ ପ୍ରବେଶ କରିଥିଲା। ସେଠାରେ ଅଶୋକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଚିକିତ୍ସା ନିମନ୍ତେ ବାଲିଗୁଡ଼ା ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ପରିବାର ଲୋକଙ୍କ ଅଭିଯୋଗ ଭିତ୍ତିରେ ପୋଲିସ ଏକ ମାମଲା ରୁଜୁ କରିବା ସହ ଶବକୁ ବ୍ୟବଚ୍ଛେଦ ପାଇଁ ପଠାଇଛି। ଘଟଣାର ଅଧିକ ତଦନ୍ତ ଜାରି ରହିଛି । 

କେନ୍ଦ୍ରାପଡା: କେନ୍ଦ୍ରାପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଅଭାବନୀୟ ଘଟଣା । ଜିଲ୍ଲାପାଳଙ୍କ ଅଫିସ୍‌ରୁ ଅଜଣା ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । ଶୁକ୍ରବାର ଅପରାହ୍ଣରେ ଜଣେ ଅଜଣା ଯୁବକ କାର୍ଯ୍ୟାଳୟ ଭିତରେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ବେକରେ ଗାମୁଛା ବାନ୍ଧି ଝୁଲି ପଡ଼ିଛନ୍ତି ଯୁବକ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଯୁବକ ଜଣକ କିଏ ଏବଂ କେଉଁ ପରିସ୍ଥିତିରେ ସେ ଏଭଳି ଚରମ ପଦକ୍ଷେପ ନେଲେ, ସେ ନେଇ ପୋଲିସ ତଦନ୍ତ ଆରମ୍ଭ କରିଛି। ମୃତଦେହକୁ ବ୍ୟବଚ୍ଛେଦ (ପୋଷ୍ଟମର୍ଟମ) ପାଇଁ ପଠାଯାଇଛି ଏବଂ ଅଧିକ ତଥ୍ୟକୁ ଅପେକ୍ଷା କରାଯାଇଛି।

ପ୍ରାଥମିକ ସୂଚନା ଅନୁଯାୟୀ, ଯୁବକ ଜଣକ ଜିଲ୍ଲାପାଳଙ୍କ କାର୍ଯ୍ୟାଳୟର ପ୍ରଥମ ମହଲାକୁ ଯାଇଥିବା ସିଡ଼ିର ଏକ ଷ୍ଟିଲ୍ ରେଲିଂରେ ଗାମୁଛା ଲଗାଇ ଝୁଲି ପଡ଼ିଛନ୍ତି । ପରବର୍ତ୍ତୀ ସମୟରେ କାର୍ଯ୍ୟାଳୟର କର୍ମଚାରୀ ଏବଂ ସେଠାକୁ ଆସିଥିବା ଲୋକମାନେ ଝୁଲନ୍ତା ମୃତଦେହକୁ ଦେଖିଥିଲେ। ଏହି ଘଟଣା ପରେ ସମ୍ପୂର୍ଣ୍ଣ କାର୍ଯ୍ୟାଳୟ ପରିସରରେ ଆତଙ୍କ ଖେଳିଯାଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା। ସରକାରୀ କାର୍ଯ୍ୟାଳୟ ଭଳି ଏକ ଗୁରୁତ୍ୱପୂର୍ଣ୍ଣ ସ୍ଥାନରେ ଏଭଳି ଘଟଣା ଘଟିବା ପରେ ଏବେ ସୁରକ୍ଷା ବ୍ୟବସ୍ଥା ଉପରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। 

ମଧ୍ୟପ୍ରଦେଶର ମଉଗଞ୍ଜ ଜିଲ୍ଲାରେ ଏକ ଅତ୍ୟନ୍ତ ଦୁଃଖଦ ଘଟଣା ସାମ୍ନାକୁ ଆସିଛି। ଏଠାରେ ଜଣେ ନିଟ୍ (NEET) ଆଶାୟୀ ଛାତ୍ରୀ ଆତ୍ମହତ୍ୟା କରିଛନ୍ତି। ଆକାଂକ୍ଷା ଚତୁର୍ବେଦୀ ନାମକ ଏହି ଛାତ୍ରୀ ନିଟ୍ ପରୀକ୍ଷା ଦେଇଥିଲେ ଏବଂ ତାଙ୍କୁ ୬୫୦ ନମ୍ବର ମିଳିବ ବୋଲି ସେ ଆଶା କରିଥିଲେ। ତେବେ ପେପର ଲିକ୍ ଏବଂ ପରୀକ୍ଷା ବାତିଲ ହେବା ଆଶଙ୍କାକୁ ନେଇ ସେ ଗଭୀର ମାନସିକ ଚାପରେ ଥିଲେ। ଶେଷରେ ଘରର ଛାତ ପଙ୍ଖାରେ ଫାଶୀ ଲଗାଇ ସେ ନିଜ ଜୀବନ ହାରିଛନ୍ତି।

ସୁଇସାଇଡ୍ ନୋଟ୍‌ରେ ଲେଖାଥିଲା ଭାବପ୍ରବଣ କଥା

ଘଟଣାସ୍ଥଳରୁ ପୋଲିସକୁ ଏକ ସୁଇସାଇଡ୍ ନୋଟ୍ ମିଳିଛି, ଯାହା ସମସ୍ତଙ୍କ ଆଖିରେ ଲୁହ ଆଣିଦେବ। ଆକାଂକ୍ଷା ଏଥିରେ ଲେଖିଛନ୍ତି ଯେ, "ସରି ମମ୍ମି ପାପା, ଆପଣଙ୍କର ଭରସା ଥିଲା ଯେ ମୋ ଝିଅ ପାଠ ପଢ଼ି ଡାକ୍ତର ହେବ। କିନ୍ତୁ ଆଉ ଥରେ ନିଟ୍ ପେପର ଦେବାକୁ ମୋର ସାହସ ନାହିଁ। ମୁଁ ଆପଣ ଦୁହିଁଙ୍କୁ ବର୍ବାଦ କରିଦେଲି। ଆଗାମୀ ପରୀକ୍ଷା ଭଲ ହେବ, ଏହାର କୌଣସି ଗ୍ୟାରେଣ୍ଟି ନାହିଁ।" ଏହି ନୋଟ୍‌ରୁ ସ୍ପଷ୍ଟ ଜଣାପଡ଼ୁଛି ଯେ ପରୀକ୍ଷାର ଅନିଶ୍ଚିତତା ତାଙ୍କ ମନରେ କେତେ ଭୟ ସୃଷ୍ଟି କରିଥିଲା।

ଋଣ କରି ଝିଅକୁ ପଢ଼ାଉଥିଲେ ପରିବାର

ଆକାଂକ୍ଷାଙ୍କ ପରିବାରର ଆର୍ଥିକ ସ୍ଥିତି ସ୍ୱଚ୍ଛଳ ନଥିଲା। ତାଙ୍କ ବାପା କୃଷ୍ଣ କୁମାର ଚତୁର୍ବେଦୀ ଜଣେ ଚାଷୀ। ତେବେ ଝିଅର ଡାକ୍ତର ହେବାର ସ୍ୱପ୍ନ ପୂରଣ କରିବା ପାଇଁ ସେ କିଷାନ କ୍ରେଡିଟ୍ କାର୍ଡ (KCC) ମାଧ୍ୟମରେ ୩ ଲକ୍ଷ ଟଙ୍କାର ଋଣ ନେଇଥିଲେ। ଏତିକି ନୁହେଁ, ଝିଅର କୋଚିଂ ଖର୍ଚ୍ଚ ଉଠାଇବା ପାଇଁ ସେ ନାଗପୁର ଯାଇ ସେଠାରେ ରୋଷେୟା ଭାବରେ ମଧ୍ୟ କାମ କରୁଥିଲେ। ପରିବାର ଆଶା କରିଥିଲେ ଯେ ଏଥର ଆକାଂକ୍ଷା ନିଶ୍ଚିତ ସଫଳ ହେବେ, କିନ୍ତୁ ପେପର ଲିକ୍ ବିବାଦ ସେମାନଙ୍କର ସବୁ ଆଶା ଭାଙ୍ଗିଦେଲା।

ରାହୁଲ ଗାନ୍ଧୀଙ୍କ ସରକାରଙ୍କ ଉପରେ ବର୍ଷଣ

ଏହି ଛାତ୍ରୀଙ୍କ ଆତ୍ମହତ୍ୟା ଘଟଣା ଏବେ ରାଜନୈତିକ ରୂପ ନେଇଛି। ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ ଏହି ପ୍ରସଙ୍ଗରେ ସୋସିଆଲ ମିଡିଆ ମାଧ୍ୟମରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ସେ ସରକାରଙ୍କ ପରୀକ୍ଷା ପରିଚାଳନା ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇବା ସହ ଶିକ୍ଷାର୍ଥୀଙ୍କ ସୁରକ୍ଷା ଓ ଭବିଷ୍ୟତକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି। ନିକଟରେ ଅନୁଷ୍ଠିତ ହୋଇଥିବା ନିଟ୍ (NEET UG) ପରୀକ୍ଷାରେ ଅନିୟମିତତା ନେଇ ଅଭିଯୋଗ ଆସିବା ପରେ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧକାର ମଧ୍ୟକୁ ଠେଲି ହୋଇଯାଇଛି ବୋଲି ସେ ଦର୍ଶାଇଛନ୍ତି।

ଭୁବନେଶ୍ୱର: ଫେସବୁକ ଲାଇଭ କରି ପ୍ରାଣ ହାରିଲେ ଯୁବତୀ। ଖାରବେଳ ନଗର ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା। ହଷ୍ଟେଲରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ମୃତକ ଜଣଙ୍କ ହେଉଛନ୍ତି ଟିକିଲି ରାଉତ, ବୟସ ୨୨ ବର୍ଷ । ଘର ନୟାଗଡ଼ ଅନ୍ତର୍ଗତ ସିଧାମୂଳା ଅଂଚଳରେ । ଖାରବେଳ ନଗର ୟୁନିଟ ୩ ଅଞ୍ଚଳରେ ଘରଭଡା ନେଇ ଏକ ହଷ୍ଟେଲରେ ରହୁଥିଲେ ଯୁବତୀ ଜଣଙ୍କ । ଏକ ଫାର୍ମା କମ୍ପାନୀରେ ଚାକିରୀ କରୁଥିଲେ ଯୁବତୀ ।  ତେବେ ହଠାତ କାହିଁକି ସେ ଆତ୍ମହତ୍ୟା କଲେ, ସେ ନେଇ କୌଣସି ସୂଚନା ମିଳିପାରିନାହିଁ। ଖାରବେଳନଗର ଥାନା ପୋଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରିଛି। ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ ଚଳାଇଛି । ପରିବାର ଲୋକଙ୍କୁ ପଚରାଉଚରା କରୁଛି ପୋଲିସ । 

ମଧ୍ୟପ୍ରଦେଶର ଗ୍ୱାଲିୟରରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ପ୍ରେମ ବିବାହ କରିଥିବା ଜଣେ ଯୁବତୀ ନିଜ ସ୍ୱାମୀଙ୍କର ପ୍ରକୃତ ସତ୍ୟ ଜାଣିବା ପରେ ଆତ୍ମହତ୍ୟା କରିଛନ୍ତି। ଯୁବତୀଜଣକ ଯାହାଙ୍କୁ ଭଲ ପାଇ ବିବାହ କରିଥିଲେ, ସେ ପୂର୍ବରୁ ବିବାହିତ ଥିଲେ ଏବଂ ତାଙ୍କର ପିଲାଛୁଆ ମଧ୍ୟ ଅଛନ୍ତି ବୋଲି ଜଣାପଡିଥିଲା। ଏହି ଧୋକାକୁ ସହ୍ୟ ନକରିପାରି ସେ ଜୀବନ ହାରିଛନ୍ତି।

ମୃତ୍ୟୁ ପୂର୍ବରୁ ପ୍ରସ୍ତୁତ କଲେ ଭିଡିଓ

ଆତ୍ମହତ୍ୟା କରିବା ପୂର୍ବରୁ ଯୁବତୀଜଣକ ଏକ ୧୧ ସେକେଣ୍ଡର ଭିଡିଓ ରେକର୍ଡ କରିଥିଲେ। ଏହି ଭିଡିଓରେ ସେ ନିଜ ମୃତ୍ୟୁ ପାଇଁ ସ୍ୱାମୀ ଏବଂ ତାଙ୍କ ପରିବାର ଲୋକଙ୍କୁ ଦାୟୀ କରିଛନ୍ତି। ବିବାହ ନାଁରେ ତାଙ୍କ ସହ ଏକ ବଡ଼ ଧରଣର ପ୍ରତାରଣା କରାଯାଇଥିବା ସେ ଅଭିଯୋଗ କରିଥିଲେ। ସ୍ୱାମୀଙ୍କର ପ୍ରଥମ ପତ୍ନୀ ଏବଂ ସନ୍ତାନ ଥିବା କଥା ତାଙ୍କଠାରୁ ଲୁଚାଯାଇଥିଲା ବୋଲି ସେ ଭିଡିଓରେ ପ୍ରକାଶ କରିଥିଲେ।

ପୋଲିସର ତଦନ୍ତ ଆରମ୍ଭ

ଘଟଣା ସମ୍ପର୍କରେ ଖବର ପାଇବା ପରେ ଗ୍ୱାଲିୟର ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। ପୋଲିସ ଏହି ଭାଇରାଲ୍ ଭିଡିଓକୁ ପ୍ରମାଣ ଭାବରେ ଗ୍ରହଣ କରି ମାମଲାର ତଦନ୍ତ ଆରମ୍ଭ କରିଛି। ଅଭିଯୁକ୍ତ ସ୍ୱାମୀ ଏବଂ ତାଙ୍କ ପରିବାର ସଦସ୍ୟଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି। ସ୍ଥାନୀୟ ଅଞ୍ଚଳରେ ଏହି ଘଟଣାକୁ ନେଇ ଶୋକର ଛାୟା ଖେଳିଯାଇଥିବା ବେଳେ ଦୋଷୀମାନଙ୍କୁ ଦୃଷ୍ଟାନ୍ତମୂଳକ ଦଣ୍ଡ ଦେବାକୁ ଦାବି ହେଉଛି।

ରାଜସ୍ଥାନର ଜାଲୋର ଜିଲ୍ଲାରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏଠାରେ ଥିବା ନର୍ମଦା ମୁଖ୍ୟ କେନାଲରୁ ଜଣେ ମହିଳା, ତାଙ୍କର ଛୋଟ ଝିଅ ଏବଂ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ପୋଲିସର ପ୍ରାଥମିକ ତଦନ୍ତରୁ ଏହା ଏକ ପ୍ରେମ ବ୍ୟାପାର ଜନିତ ଆତ୍ମହତ୍ୟା ବୋଲି ସନ୍ଦେହ କରାଯାଉଛି।

ଲାୱାରିସ୍ ବାଇକ୍ ଖୋଲିଲା ରହସ୍ୟ

ଚିତଲୱାନା ଥାନା ଅଞ୍ଚଳର ଧନେରିଆ ସୀମା ନିକଟରେ ଥିବା କେନାଲ କୂଳରେ ଗୋଟିଏ ସନ୍ଦିଗ୍ଧ ବାଇକ୍ ବହୁ ସମୟ ଧରି ଛିଡ଼ା ହୋଇଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। କୌଣସି ଅଘଟଣ ଆଶଙ୍କା କରି ସେମାନେ ତୁରନ୍ତ ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଓ ଏସଡିଆରଏଫ (SDRF) ଟିମ୍ ଘଟଣାସ୍ଥଳରେ ପହଞ୍ଚି ତଲାସି ଅଭିଯାନ ଆରମ୍ଭ କରିଥିଲେ। ଦୀର୍ଘ ସମୟର ପରିଶ୍ରମ ପରେ କେନାଲରୁ ଗୋଟିଏ ପରେ ଗୋଟିଏ ତିନୋଟି ମୃତଦେହ ଉଦ୍ଧାର କରାଯାଇଥିଲା।

ମୃତକଙ୍କ ପରିଚୟ

ପୋଲିସର ସୂଚନା ଅନୁଯାୟୀ, ମୃତକମାନେ ହେଲେ ମାଲୱାଡ଼ା ନିବାସୀ ପାରସ ଦେବୀ (୩୦), ତାଙ୍କର ୭ ବର୍ଷର ଝିଅ ଖୁସି ଏବଂ ଖିରୋଡ଼ି ଗ୍ରାମର ଅମୃତଲାଲ ଭୀଲ (୨୭)। ଉଦ୍ଧାର ପରେ ତିନୋଟି ଯାକ ଶବକୁ ବ୍ୟବଚ୍ଛେଦ ନିମନ୍ତେ ପଠାଯାଇଛି ଏବଂ ପରିବାର ଲୋକଙ୍କୁ ଏ ସମ୍ପର୍କରେ ସୂଚନା ଦିଆଯାଇଛି। ମୃତଦେହଗୁଡ଼ିକୁ ପରସ୍ପର ସହିତ ଏକ କପଡ଼ାରେ ବନ୍ଧା ହୋଇଥିବା ଅବସ୍ଥାରେ ଠାବ କରାଯାଇଥିଲା।

ପ୍ରେମ ସମ୍ପର୍କରୁ ଚରମ ନିଷ୍ପତ୍ତି

ପୋଲିସ ଅନୁସନ୍ଧାନରୁ ଜଣାପଡ଼ିଛି ଯେ, ପାରସ ଦେବୀ ଏବଂ ଅମୃତଲାଲଙ୍କ ମଧ୍ୟରେ ଗତ ଏକ ବର୍ଷ ଧରି ପ୍ରେମ ସମ୍ପର୍କ ଗଢ଼ି ଉଠିଥିଲା। ଅମୃତଲାଲ ଜଣେ ଟ୍ରାକ୍ଟର ଚାଳକ ଭାବରେ କାମ କରୁଥିଲେ ଏବଂ ପାରସ ଦେବୀଙ୍କ କ୍ଷେତକୁ ଯିବା ଆସିବା କରୁଥିଲେ। ଉଭୟ ବିବାହିତ ଥିବା ବେଳେ ଏହି ପ୍ରେମ ସମ୍ପର୍କ କାରଣରୁ ସେମାନେ ନିଜ ଜୀବନ ହାରିବାକୁ ନିଷ୍ପତ୍ତି ନେଇଥିବା ପୋଲିସ ଅନୁମାନ କରୁଛି। ତେବେ ଏହି ଘଟଣା ସମଗ୍ର ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ଏବଂ ପୋଲିସ ମାମଲାର ଅଧିକ ତଦନ୍ତ ଜାରି ରଖିଛିା

ରାଜସ୍ଥାନର ଜାଲୋର ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ପ୍ରେମ ସମ୍ପର୍କର କରୁଣ ପରିଣତି ସ୍ୱରୂପ ନର୍ମଦା କେନାଲରୁ ଏକାସାଙ୍ଗରେ ତିନୋଟି ମୃତଦେହ ଉଦ୍ଧାର କରାଯାଇଛି। ମୃତକଙ୍କ ମଧ୍ୟରେ ଜଣେ ବିବାହିତ ମହିଳା, ତାଙ୍କର ୭ ବର୍ଷର ଝିଅ ଏବଂ ମହିଳାଙ୍କ ପ୍ରେମିକ ଥିବା ପୋଲିସ ସୂତ୍ରରୁ ଜଣାପଡ଼ିଛି।

ପ୍ରେମ ସମ୍ପର୍କ ପାଇଁ ଆତ୍ମହତ୍ୟା ସନ୍ଦେହ

ପୋଲିସର ପ୍ରାଥମିକ ତଦନ୍ତ ଅନୁଯାୟୀ, ବିବାହିତ ମହିଳା ଏବଂ ଯୁବକଙ୍କ ମଧ୍ୟରେ ଥିବା ଅବୈଧ ପ୍ରେମ ସମ୍ପର୍କ କାରଣରୁ ଏହି ଆତ୍ମହତ୍ୟା ହୋଇଥିବା ସନ୍ଦେହ କରାଯାଉଛି। ମୃତକମାନେ ହେଲେ ପରାସ ଦେବୀ (୩୦), ତାଙ୍କ ଝିଅ ଖୁସି (୭) ଏବଂ ପଡ଼ୋଶୀ ଗାଁର ଯୁବକ ଅମୃତ ଭୀଲ୍ (୨୭)। ସୂଚନା ମୁତାବକ, ପରାସ ଦେବୀଙ୍କର ବିବାହ ରୁଦାରାମ ମେଘୱାଲଙ୍କ ସହ ହୋଇଥିଲା, କିନ୍ତୁ ଅମୃତଙ୍କ ସହ ତାଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା।

ବୁଧବାର ରାତିରୁ ଥିଲେ ନିଖୋଜ

ଚିତଲୱାନା ଥାନା ଅଧିକାରୀ ଭୁରାରାମଙ୍କ ସୂଚନା ଅନୁଯାୟୀ, ତିନିଜଣ ଯାକ ବୁଧବାର ରାତିରୁ ନିଜ ନିଜ ଘରୁ ନିଖୋଜ ଥିଲେ। ସେମାନେ ଏକ ବାଇକ୍‌ରେ ଆସି ଚିତଲୱାନା ଅଞ୍ଚଳ ଦେଇ ଯାଇଥିବା ନର୍ମଦା କେନାଲ ନିକଟରେ ପହଞ୍ଚିଥିଲେ। କେନାଲକୁ ଡେଇଁବା ପୂର୍ବରୁ ସେମାନେ ପରସ୍ପରକୁ ଏକ କପଡ଼ାରେ ବାନ୍ଧି ଦେଇଥିଲେ ଏବଂ ପରେ ପାଣିକୁ ଡେଇଁ ପଡ଼ିଥିଲେ। ଗୁରୁବାର ସକାଳେ କେନାଲ କୂଳରୁ ସେମାନଙ୍କର ବାଇକ୍, ଆଧାର କାର୍ଡ ଏବଂ ମୋବାଇଲ୍ ଫୋନ୍ ମିଳିଥିଲା।

ଏସଡିଆରଏଫ୍ (SDRF) ଦ୍ୱାରା ମୃତଦେହ ଉଦ୍ଧାର

ଘଟଣାସ୍ଥଳରେ ବାଇକ୍ ଏବଂ ଅନ୍ୟାନ୍ୟ ଜିନିଷ ମିଳିବା ପରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଏହାପରେ ରାଜ୍ୟ ବିପର୍ଯ୍ୟୟ ପ୍ରଶମନ ବାହିନୀ (SDRF) ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ବହୁ ଖୋଜାଖୋଜି ପରେ ଗୁରୁବାର ସନ୍ଧ୍ୟାରେ କେନାଲ ଭିତରୁ ତିନୋଟି ଯାକ ମୃତଦେହ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି। ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରଖିଛି।

ମହାରାଷ୍ଟ୍ରର ବୀଡ୍ (Beed) ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଲଗାତାର ୩ଟି ଝିଅ ଜନ୍ମ ଦେଇଥିବାରୁ ଜଣେ ମହିଳାଙ୍କୁ ତାଙ୍କ ଶାଶୁଘର ଲୋକେ ଶାରୀରିକ ଓ ମାନସିକ ସ୍ତରରେ ନିର୍ଯାତନା ଦେଉଥିଲେ। ସ୍ୱାମୀଙ୍କୁ ଦ୍ୱିତୀୟ ବିବାହ ପାଇଁ ଅନୁମତି ଦେବାକୁ ତାଙ୍କ ଉପରେ ଚାପ ପକାଯାଉଥିଲା। ଶେଷରେ ଏହି ନିର୍ଯାତନା ସହି ନପାରି ମହିଳା ଜଣକ ବିଷ ପିଇ ଆତ୍ମହତ୍ୟା କରିଛନ୍ତି।

ଘଟଣାର ବିବରଣୀ

ମୃତ ମହିଳାଙ୍କ ନାମ ହେଉଛି ଭକ୍ତି ଅମୋଲ କୋରଡେ (୨୪ ବର୍ଷ)। ସେ ବୀଡ୍ ତାଲୁକା ଅନ୍ତର୍ଗତ ମ୍ହାଳସାପୁର ଗାଁର ବୋହୂ ଥିଲେ। ପୋଲିସରେ ଦିଆଯାଇଥିବା ଅଭିଯୋଗ ଅନୁଯାୟୀ, ଭକ୍ତିଙ୍କର ୩ଟି ଝିଅ ଥିଲେ। ଏହି କାରଣରୁ ବିଗତ ଅଢ଼େଇ ବର୍ଷ ହେବ ଶାଶୁଘର ଲୋକେ ତାଙ୍କୁ ଲଗାତାର ହଇରାଣ ହରକତ କରିଆସୁଥିଲେ। ସ୍ୱାମୀଙ୍କର ଦ୍ୱିତୀୟ ବିବାହ କରାଇବା ପାଇଁ ସେମାନେ ଭକ୍ତିଙ୍କୁ ବାଧ୍ୟ କରୁଥିଲେ। ଏପରିକି ଏକ ବଣ୍ଡ ପେପର ଉପରେ ଲିଖିତ ସମ୍ମତି ଦେବାକୁ ମଧ୍ୟ ତାଙ୍କ ଉପରେ ଚାପ ପକାଯାଉଥିଲା ଏବଂ ତାଙ୍କୁ ନିସ୍ତୁକ ମାଡ଼ ମରାଯାଉଥିଲା।

ଚିକିତ୍ସାଧୀନ ଅବସ୍ଥାରେ ମୃତ୍ୟୁ

ଏହି ଦୈନନ୍ଦିନ ଅତ୍ୟାଚାରରେ ଅତିଷ୍ଠ ହୋଇ ଭକ୍ତି ଗତ ଫେବୃଆରୀ ୨, ୨୦୨୬ ସକାଳେ ନିଜ ଘରେ କୌଣସି ବିଷାକ୍ତ ପଦାର୍ଥ ପିଇ ଦେଇଥିଲେ। ତାଙ୍କୁ ତୁରନ୍ତ ବୀଡ୍ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ତାଙ୍କୁ ଏକ ଘରୋଇ ଡାକ୍ତରଖାନାକୁ ନିଆଯାଇଥିଲେ ମଧ୍ୟ ଆର୍ଥିକ ଅନାଟନ କାରଣରୁ ପୁଣିଥରେ ସରକାରୀ ମେଡିକାଲକୁ ସ୍ଥାନାନ୍ତର କରାଯାଇଥିଲା। ସେଠାରେ ଦୀର୍ଘ ଦିନ ଧରି ମୃତ୍ୟୁ ସହ ସଂଗ୍ରାମ କରିବା ପରେ ଗତ ମାର୍ଚ୍ଚ ୬, ୨୦୨୬ରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।

ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ

ଭକ୍ତିଙ୍କ ମା' ଗଙ୍ଗୁବାଈ ପ୍ରଭୁ ଠୋକଳଙ୍କ ଏତଲା ଆଧାରରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ପିମ୍ପଳନେର ପୋଲିସ ଷ୍ଟେସନରେ ମୃତ ମହିଳାଙ୍କ ସ୍ୱାମୀ ଅମୋଲ ଅର୍ଜୁନ କୋରଡେ, ଶ୍ୱଶୁର ଅର୍ଜୁନ ସାଧୁ କୋରଡେ ଏବଂ ଶାଶୁ ଆଶାବାଈ ଅର୍ଜୁନ କୋରଡେଙ୍କ ବିରୋଧରେ ମାମଲା ରୁଜୁ କରାଯାଇଛି। ଭାରତୀୟ ନ୍ୟାୟ ସଂହିତା (BNS)ର ଧାରା ୧୦୮, ୧୧୫(୨), ୩(୫) ଏବଂ ୮୫ ଅନୁଯାୟୀ ଏକ ମାମଲା ପଞ୍ଜିକୃତ ହୋଇଛି। ପୋଲିସ ସବ୍-ଇନ୍ସପେକ୍ଟର ଅର୍ଜୁନ ଘୋଲୱାଲ ଏହି ଘଟଣାର ଅଧିକ ତଦନ୍ତ ଚଳାଇଛନ୍ତି।

ଉତ୍ତରପ୍ରଦେଶର ବଲିଆ ଜିଲ୍ଲାରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ବିବାହର ମାତ୍ର ବର୍ଷକ ପରେ ଯୌତୁକ ନିର୍ଯାତନା ସହି ନପାରି ଜଣେ ମହିଳା ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଏହି ଘଟଣାରେ ପୋଲିସ ମୃତ ମହିଳାଙ୍କ ଶାଶୁ ଏବଂ ଶ୍ୱଶୁରଙ୍କୁ ଗିରଫ କରିଥିବା ବେଳେ ତାଙ୍କ ସ୍ୱାମୀ ଏବେ ମଧ୍ୟ ଫେରାର୍ ଅଛନ୍ତି।

ଯୌତୁକ ଦାବି ନେଇ ମାନସିକ ଓ ଶାରୀରିକ ନିର୍ଯାତନା

ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗତ ଏକ ବର୍ଷ ପୂର୍ବେ ଉକ୍ତ ମହିଳାଙ୍କର ବିବାହ ହୋଇଥିଲା। ତେବେ ବିବାହର କିଛି ଦିନ ପରେ ଶାଶୁଘର ଲୋକେ ଅଧିକ ଯୌତୁକ ଦାବି କରି ତାଙ୍କୁ ମାନସିକ ତଥା ଶାରୀରିକ ସ୍ତରରେ ନିର୍ଯାତିତ କରି ଆସୁଥିଲେ। ଶେଷରେ ଏହି ଅକଥନୀୟ ଅତ୍ୟାଚାର ସହି ନପାରି ମହିଳା ଜଣକ ଫାଶୀ ଲଗାଇ ନିଜ ଜୀବନ ହାରିଥିବା ତାଙ୍କ ବାପା ଅଭିଯୋଗ କରିଛନ୍ତି।

ପୋଲିସର କାର୍ଯ୍ୟାନୁଷ୍ଠାନ ଏବଂ ତଦନ୍ତ ଜାରି

ଝିଅର ମୃତ୍ୟୁ ଖବର ପାଇବା ପରେ ପରିବାର ଲୋକେ ଥାନାରେ ଲିଖିତ ଅଭିଯୋଗ କରିଥିଲେ। ଏହି ଘଟଣା ସମ୍ପର୍କରେ ରାସଡ଼ା ଅଞ୍ଚଳର କ୍ଷେତ୍ରାଧିକାରୀ ଆଲୋକ ଗୁପ୍ତା ସୂଚନା ଦେଇ କହିଛନ୍ତି ଯେ, ପୀଡ଼ିତାଙ୍କ ପିତାଙ୍କ ଅଭିଯୋଗ ଆଧାରରେ ଏକ ମାମଲା ରୁଜୁ କରାଯାଇଛି। ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ମୃତକଙ୍କ ଶାଶୁ ଓ ଶ୍ୱଶୁରଙ୍କୁ ଗିରଫ କରିଛି। ଅନ୍ୟପଟେ ଫେରାର୍ ଥିବା ସ୍ୱାମୀଙ୍କୁ ଧରିବା ପାଇଁ ପୋଲିସର ସ୍ୱତନ୍ତ୍ର ଟିମ୍ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି। ସମସ୍ତ ଦିଗରୁ ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରାଯାଉଥିବା ପୋଲିସ ପକ୍ଷରୁ ସ୍ପଷ୍ଟ କରାଯାଇଛି।

ଉତ୍ତରପ୍ରଦେଶର ଝାନ୍ସିରେ ଏକ ହୃଦୟବିଦାରକ ଘଟଣା ସାମନାକୁ ଆସିଛି, ଯେଉଁଠାରେ ଅବୈଧ ପ୍ରେମ ସମ୍ପର୍କ ଏବଂ ପ୍ରତାରଣା ଗୋଟିଏ ହସଖୁସିର ପରିବାରକୁ ଛାରଖାର କରିଦେଇଛି। ଜଣେ ଯୁବକ ନିଜ ସମ୍ପର୍କୀୟ ଭାଉଜଙ୍କୁ ନିର୍ମମ ଭାବେ ହତ୍ୟା କରିବା ପରେ ନିଜେ ମଧ୍ୟ ଆତ୍ମହତ୍ୟା କରିଛି। ମୃତକ ମହିଳାଙ୍କ ନାମ ମାୟା ବୋଲି ଜଣାପଡିଥିବା ବେଳେ ଅଭିଯୁକ୍ତ ଦିଅରର ନାମ ମହେନ୍ଦ୍ର ବୋଲି ଚିହ୍ନଟ କରାଯାଇଛି। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମଙ୍ଗଳବାର ସକାଳେ ମାୟାଙ୍କର ମୃତ୍ୟୁ ଘଟିଛି।

ଅହମଦାବାଦରୁ ଝାନ୍ସି ପର୍ଯ୍ୟନ୍ତ ଚାଲିଥିଲା ‘ଲଭ୍ ଟ୍ରାଙ୍ଗେଲ’

ରିପୋର୍ଟ ଅନୁଯାୟୀ, ମୃତ ମାୟାଙ୍କ ସ୍ୱାମୀ କାମ ପାଇଁ ଅହମଦାବାଦରେ ରହୁଥିଲେ ଏବଂ ସେ ନିଜ ମାଉସୀ ପୁଅ ଭାଇ ମହେନ୍ଦ୍ରକୁ ମଧ୍ୟ ସେଠାକୁ ନେଇଯାଇଥିଲେ। ସେଠାରେ ମହେନ୍ଦ୍ର ଏବଂ ମାୟାଙ୍କ ମଧ୍ୟରେ ଅବୈଧ ପ୍ରେମ ସମ୍ପର୍କ ଗଢି ଉଠିଥିଲା। ଏବିଷୟରେ ଜାଣିବା ପରେ ମାୟାଙ୍କ ସ୍ୱାମୀ ସେମାନଙ୍କୁ ନେଇ ଝାନ୍ସି ଫେରିଆସିଥିଲେ। ତେବେ ପ୍ରେମ ନିଶାରେ ଅନ୍ଧ ମହେନ୍ଦ୍ର ଅହମଦାବାଦରୁ ଝାନ୍ସି ପର୍ଯ୍ୟନ୍ତ ଭାଉଜଙ୍କ ପିଛା କରି ଆସିଥିଲା।

ଘରେ ପଶି ଛୁରୀରେ କଲା ଆକ୍ରମଣ

ଘଟଣାଟି ଫେବୃଆରୀ ୨୮ ତାରିଖ ଦିନ ଘଟିଥିଲା। ସେଦିନ ମାୟା ଘରେ ପାମ୍ପଡ ଛାଣୁଥିବା ବେଳେ ହଠାତ୍ ମହେନ୍ଦ୍ର ସେଠାରେ ପହଞ୍ଚିଥିଲା। ସେ ମାୟାଙ୍କ ପେଟ, ଛାତି, ବେକ ଏବଂ ମୁହଁକୁ ଛୁରୀରେ ଆକ୍ରମଣ କରି ଗୁରୁତର ଆହତ କରିଥିଲା। ଏହି ସମୟରେ ମାୟା ନିଜ ଝିଅକୁ ସେଠାରୁ ପଳାଇଯିବାକୁ ଇସାରା ଦେଇଥିଲେ, ଯାହା ଫଳରେ ଝିଅଟିର ଜୀବନ ବଞ୍ଚିଯାଇଥିଲା।

ଅଭିଯୁକ୍ତର ଆତ୍ମହତ୍ୟା ଓ ପୋଲିସର ତଦନ୍ତ

ହତ୍ୟାକାଣ୍ଡ ଭିଆଇବା ପରେ ଅଭିଯୁକ୍ତ ମହେନ୍ଦ୍ର ରକ୍ତଭିଜା କପଡ଼ା ଛାଡି ଉଲଗ୍ନ ଅବସ୍ଥାରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଏବଂ ଥାନାଠାରୁ ମାତ୍ର ୩୦୦ ମିଟର ଦୂରରେ ଏକ ଗଛରେ ରଶି ଲଗାଇ ଆତ୍ମହତ୍ୟା କରିଥିଲା। ପୋଲିସ ଉଭୟ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ଏବଂ ଘଟଣାର ଅଧିକ ତଦନ୍ତ ଜାରି ରଖିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

ଉତ୍ତର ପ୍ରଦେଶର ଇଟାୱା ଜିଲ୍ଲାରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଜଣେ ୫୦ ବର୍ଷୀୟ ବ୍ୟକ୍ତି ନିଜ ଶଳାର ପତ୍ନୀ (ଭାଉଜ)ଙ୍କ ସହ ଦୀର୍ଘ ଦିନ ଧରି ଲିଭ୍-ଇନ୍‌ରେ ରହୁଥିଲେ। ତେବେ ଉଭୟଙ୍କ ମଧ୍ୟରେ ବିବାଦ ହେବା ପରେ ମହିଳା ଜଣକ ନିଜ ଶାଶୂଘରକୁ ପଳାଇ ଯାଇଥିଲେ। ବ୍ୟକ୍ତି ଜଣକ ତାଙ୍କୁ ମନାଇବା ପାଇଁ ସେଠାରେ ପହଞ୍ଚିଥିଲେ ମଧ୍ୟ ନିରାଶ ହୋଇ ଶେଷରେ ନିଜକୁ ଗୁଳିମାରି ଆତ୍ମହତ୍ୟା କରିଛନ୍ତି। ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି।

୧୦ ବର୍ଷ ଧରି ଚାଲିଥିଲା ପ୍ରେମ ସମ୍ପର୍କ

ରିପୋର୍ଟ ଅନୁଯାୟୀ, ମୃତକଙ୍କ ନାମ ଅନିଲ (୫୦) ଏବଂ ଘଟଣାଟି ବକେୱର ଥାନା ଅନ୍ତର୍ଗତ ହାଲୁପୁରା ଗ୍ରାମର। ଅନିଲଙ୍କର ତାଙ୍କ ଶଳାଙ୍କ ପତ୍ନୀଙ୍କ ସହ ଗତ ୧୦ ବର୍ଷ ହେବ ଅବୈଧ ସମ୍ପର୍କ ରହିଥିଲା। ଏହି ସମ୍ପର୍କ ବିଷୟରେ ଜଣାପଡିବା ପରେ ମହିଳାଙ୍କ ସ୍ୱାମୀ (ଅନିଲଙ୍କ ଶଳା) ତାଙ୍କୁ ଘରୁ ବାହାର କରି ଦେଇଥିଲେ। ଏହା ପରେ ମହିଳା ଜଣକ ନିଜ ବାପଘର ଔରୟାରେ ରହୁଥିଲେ ଏବଂ ଅନିଲ ମଧ୍ୟ ସେଠାରେ ତାଙ୍କ ସହ ରହୁଥିଲେ।

ପ୍ରେମିକାଙ୍କୁ ମନାଇବାକୁ ଯାଇଥିଲେ ଅନିଲ

ଦୁଇ ମାସ ପୂର୍ବେ କୌଣସି କଥାକୁ ନେଇ ଅନିଲ ଏବଂ ଉକ୍ତ ମହିଳାଙ୍କ ମଧ୍ୟରେ ଝଗଡ଼ା ହୋଇଥିଲା। ଏଥିରେ ରାଗିଯାଇ ମହିଳା ଜଣକ ନିଜ ଶାଶୂଘରକୁ ଫେରି ଆସିଥିଲେ। ଅନିଲ ତାଙ୍କୁ ମନାଇବା ପାଇଁ ବୁଧବାର ସନ୍ଧ୍ୟାରେ ମହିଳାଙ୍କ ଶାଶୂଘରେ ପହଞ୍ଚିଥିଲେ। କିନ୍ତୁ ମହିଳା ଜଣକ ତାଙ୍କ କଥା ଶୁଣି ନଥିଲେ କିମ୍ବା ତାଙ୍କ ସହ ଯିବାକୁ ରାଜି ହୋଇନଥିଲେ। ଏଥିରେ ମର୍ମାହତ ହୋଇ ଅନିଲ ନିଜ ପାଖରେ ଥିବା ଦେଶୀ ବନ୍ଧୁକରେ ନିଜକୁ ଗୁଳିମାରି ଆତ୍ମହତ୍ୟା କରିଥିଲେ।

ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଅନ୍ୟପକ୍ଷରେ, ମୃତ ଅନିଲଙ୍କ ପରିବାର ଲୋକେ ଏହାକୁ ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ଅଭିଯୋଗ କରିଛନ୍ତି। ସୂଚନାଯୋଗ୍ୟ ଯେ, ଅନିଲଙ୍କ ନିଜ ପତ୍ନୀଙ୍କର ଦୁଇ ବର୍ଷ ପୂର୍ବେ ମୃତ୍ୟୁ ଘଟିସାରିଛି। ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ସତ୍ୟାସତ୍ୟ ଜାଣିବା ପାଇଁ ତଦନ୍ତ ଜାରି ରଖିଛି।