ନେପାଳ: ନେପାଳରେ ବର୍ଷାର ତାଣ୍ଡବ । ପ୍ରବଳ ବର୍ଷା ସାଙ୍ଗକୁ ଭୂସ୍ଖଳନ ଏବଂ ବଜ୍ରାଘାତ ଯୋଗୁଁ ୧୪ ଜଣଙ୍କର ମୃତ୍ୟୁ ହୋଇଛି । ଅନେକ ଲୋକ ବାସହରା ହୋଇଛନ୍ତି । ଭୂସ୍ଖଳନରେ ୮ ଜଣ ମୃତ୍ୟୁବରଣ କରିଥିବା ବେଳେ ୫ ଜଣଙ୍କର ବଜ୍ରାଘାତରେ ଏବଂ ଜଣଙ୍କର ବନ୍ୟା ଯୋଗୁଁ ମୃତ୍ୟୁ ହୋଇଛି ।

ଏନଡିଆରଆରଏମଏ ମୁତାବକ, ଏପର୍ଯ୍ୟନ୍ତ ୪୪ଟି ଘଟଣା ସାମ୍ନାକୁ ଆସିଛି । ଭୂସ୍ଖଳନ ଯୋଗୁଁ ୨ ଜଣ ନିଖୋଜ ରହିଛନ୍ତି । ୧୦ ଜଣ ଗୁରୁତର ଆହତ ହୋଇଛନ୍ତି । ନେପାଳ ଗୃହ ମନ୍ତ୍ରଣାଳୟ ମୁତାବକ, ମୌସୁମୀ ସକ୍ରିୟ ହେବା ଯୋଗୁଁ ଏପର୍ଯ୍ୟନ୍ତ ୧୭ ଦିନରେ ୨୮ ଲୋକ ମରିସାରିଛନ୍ତି । ବର୍ଷା ଯୋଗୁଁ ୩୩ ଜିଲ୍ଲା ପ୍ରଭାବିତ ହୋଇଛି ।

ଜୁନ୍‌ ୨୬ ତାରିଖରେ ୧୪ ଜଣଙ୍କର ଜୀବନ ଚାଲିଯାଇଛି । ୮ ଜଣ ଭୂସ୍ଖଳନରେ ମୃତ୍ୟୁବରଣ କରିଥିବାବେଳେ ୫ ଜଣ ବଜ୍ରାଘାତରେ ଏବଂ ଜଣଙ୍କର ବନ୍ୟାରେ ମୃତ୍ୟୁ ହୋଇଛି । ତେବେ ନେପାଳ ଗୃହ ମନ୍ତ୍ରଣାଳୟ ମୁତାବକ, ନେପାଳର ଗତ ୧୭ ଦିନ ମଧ୍ୟରେ ୨୮ ଜଣଙ୍କର ଜୀବନ ଚାଲିଯାଇଛି । ଏହାସହିତ ମୌସୁମୀଜନିତ ବର୍ଷା ଯୋଗୁଁ ୩୩ ଜିଲ୍ଲା ପ୍ରଭାବିତ ହୋଇଛି ।