ମୁମ୍ବଇ : ଦେଶରେ ହୁ ହୁ ହୋଇ ବଢ଼ିଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ମହାମାରୀ କରୋନା ପାଇଁ ସାରା ଦେଶରେ ହାହାକାର ପରିସ୍ଥିତି ସୃଷ୍ଟି ହୋଇଛି। ଡାକ୍ତରଖାନାର ଅବସ୍ଥା ବିଗିଡି ଯାଉଛି। ଶଯ୍ୟା, ଔଷଧ ଏବଂ ଅମ୍ଳଜାନର ସଙ୍କଟ ଏବେ ସବୁଠି ଦେଖାଦେଇଛି। ଅନେକ ଲୋକ ସାହାଯ୍ୟ ପାଇଁ ଆଗକୁ ଆସୁଛନ୍ତି ତଥାପି ଏହି ସଙ୍କଟ ଦୂର ହୋଇପାରୁନାହିଁ । ଏହିଭଳି ପରିସ୍ଥିତିରେ ସଲମାନ ଖାନଙ୍କ ଫିଲ୍ମ ‘ Radhe : Your Most Wanted Bhai’ ଏକ ବଡ଼ ଘୋଷଣା କରିଛି ।

କରୋନା ସହ ସଂଘର୍ଷ କରୁଥିବା ସାଧାରଣ ଲୋକମାନଙ୍କୁ ସାହାଯ୍ୟ କରିବା ପାଇଁ ଏହି ଫିଲ୍ମରେ ରୋଜଗାର ହୋଇଥିବା ଟଙ୍କାକୁ ବିନିଯୋଗ କରିବାକୁ ସଲମାନ ଖାନ ଫିଲ୍ମସ ଏବଂ ଜି ଏଣ୍ଟରଟେନମେଣ୍ଟ ଏଣ୍ଟରପ୍ରାଇଜ ନିଷ୍ପତ୍ତି ନେଇଛନ୍ତି । ରାଧେ ଚଳଚ୍ଚିତ୍ରରୁ ରିଲିଜ ହୋଇଥିବା ଆୟ ମହାମାରୀ କରୋନା ଦ୍ୱାରା ପ୍ରଭାବିତ ହୋଇଥିବା ଲୋକଙ୍କୁ ଆଶ୍ବସ୍ତି ଯୋଗାଇବାରେ ସହାୟକ ହେବ ବୋଲି ଆମେ ଆଶା କରୁଛୁ ।

ସଲମାନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ମଇ ୧୩ରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରର ରିଲିଜ୍ ଗୀତ ବର୍ତ୍ତମାନ ଦମାଲ ମଚାଉଛି। ଏହି ଫିଲ୍ମରେ ସଲମାନ ଖାନଙ୍କ ସହ ଦିଶା ପାଟନୀ, ରଣଦୀପ ହୁଡା ଏବଂ ଜ୍ୟାକି ଶ୍ରଫ ପ୍ରମୁଖ ଭୂମିକାରେ ନଜର ଆସିବେ।

ମୁମ୍ବାଇ : ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ରାଧେ: ୟୋର ମୋଷ୍ଟ ୱାଣ୍ଟେଡ୍ ଭାଇ’ର ଟ୍ରେଲର ରିଲିଜ୍ ହୋଇଛି । ସଲମାନ ଇଦ୍ ଅବସରରେ ତାଙ୍କ ଫ୍ୟାନ୍ସମାନଙ୍କୁ ଉପହାର ଦେବେ । ଚଳିତ ବର୍ଷ ଇଦ୍‌ରେ ଫିଲ୍ମ ‘ରାଧେ’ ରିଲିଜ୍ ହେବ ବୋଲି ସେ ଘୋଷଣା କରିଛନ୍ତି । ଏହି ଟ୍ରେଲର୍‌ରେ ସଲମାନ ଖାନ୍‌ ଏକଦମ୍‌ ଆକ୍ସନ ଅନ୍ଦାଜରେ ନଜର ଆସିଛନ୍ତି। ତାଙ୍କ ଫ୍ୟାନ୍‌ମାନଙ୍କୁ ଭାଇଜାନ୍‌ଙ୍କ ଏହି ଅନ୍ଦାଜ ବେଶ୍‌ ପସନ୍ଦ ଆସୁଛି। ଟ୍ରେଲରରେ ଦମ୍‌ଦାର ଆକ୍ସନ ସହ ଦମଦାର ଡାଏଲଗ୍‌ ଏବଂ ସଲମାନଙ୍କ କିଛି ରୋମାଣ୍ଟି ସିନ୍‌ ମଧ୍ୟ ରହିଛି। ଏଥିସହ ଟ୍ରେଲରରେ ସଲମାନଙ୍କ ଚିରାଚରିତ ଡାଏଲ୍‌ଗ `ଏକ୍‌ ବାର୍‌ ଜୋ ମେନେ କମିଟ୍‌ମେଣ୍ଟ କରଦି ତୋ ମେଁ ଅପନେ ଆପ୍‌ କି ଭି ନହିଁ ସୁନ୍‌ତା..’ ମଧ୍ୟ ରହିଛି।

#RadheTrailerhttps://t.co/tRc146aR8R@bindasbhidu @DishPatani @RandeepHooda @PDdancing @SKFilmsOfficial @ZeeStudios_ @SohailKhan @atulreellife @ReelLifeProdn @ZeeMusicCompany @ZeeplexOfficial @ZEE5India

— Salman Khan (@BeingSalmanKhan) April 22, 2021

ଏଥି ସହିତ ଏହି ଫିଲ୍ମରେ ବଲିଉଡର ଭାଇଜାନ୍‌ ସଲମାନ ଖାନ୍‌ ଏକ ଦମ୍‌ଦାର ଡାଏଲ୍‌ଗ  କହିଛନ୍ତି-  `ଆଇ ୱିଲ କ୍ଲିନ୍‌ ଦ ସିଟି। ପୁଲିସର ଚାକିରି, ଗିରଫ ତ କରିବାକୁ ପଡିବ ।’ ଏଥିସହ ସଲମାନ ଆହୁରି କହିଛନ୍ତି, `ସେ ଏଠୁ ଯିବାକୁ ନୁହେଁ ପଠାଇବାକୁ ଆସିଛନ୍ତି। ଆଉ ତୁମ ଭାଗର ବିରିଆନି ଖାଇ ଇଦ୍‌ ମୁକାବର କହିବା ପାଇଁ ଆସିଛନ୍ତି।’ କିଛି ଏଭଳି ହିଁ ଦମ୍‌ଦାର ଡାଏଲଗ ସହ ରିଲିଜ ହୋଇଛି ବହୁ ପ୍ରତିକ୍ଷିତ ଫିଲ୍ମ ‘ରାଧେ: ୟୋର୍ ମୋଷ୍ଟ ୱାଣ୍ଟେଡ୍ ଭାଇ’ର ଟ୍ରେଲର।

ଏହି ଫିଲ୍ମଟିକୁ ନିର୍ଦ୍ଦେଶନା ଦେଇଛନ୍ତି ପ୍ରଭୁଦେବା । ଏଥିରେ ସଲମାନ ଖାନଙ୍କ ସହ ଅଭିନେତ୍ରୀ ଦିଶା ପାଟନି,ରଣଦୀପ ହୁଡ୍ଡା ଓ ଜ୍ୟାକି ଶ୍ରଫ ପ୍ରମୁଖ ଭୂମିକାରେ ଅଭିନୟ କରିଛନ୍ତି । ଫିଲ୍ମକୁ ସଲମାନ୍ ଖାନ୍ ଫିଲ୍ମସ୍ ଜୀ ଷ୍ଟୁଡିଓ ସହ ମିଶି ପ୍ରସ୍ତୁତ କରିଛି। ସଲମା ଖାନ୍, ସୋହେଲ୍ ଖାନ୍ ଓ ରିଲ୍ ଲାଇଫ୍ ପ୍ରଡକ୍ସନ୍ ପ୍ରାଇଭେଟ୍ ଲିମିଟେଡ୍ ଦ୍ୱାରା ନିର୍ମିତ ଫିଲ୍ମ ମେ’ ୧୩ ତାରିଖରେ ରିଲିଜ୍ ହେବ।