ଆଇପିଏଲ୍ ୨୦୨୬ ରେ ଖେଳୁଥିବା ଚେନ୍ନାଇ ସୁପର କିଙ୍ଗ୍ସ (CSK) ର ପ୍ରଶଂସକଙ୍କ ପାଇଁ ଏକ ନିରାଶାଜନକ ଖବର। ଦଳର ପୂର୍ବତନ ଅଧିନାୟକ ତଥା ଷ୍ଟାର୍ ୱିକେଟ୍ କିପର ବ୍ୟାଟର ଏମ୍.ଏସ୍. ଧୋନି କାଫ୍ ମାଂସପେଶୀ ଆହତ କାରଣରୁ ଏପର୍ଯ୍ୟନ୍ତ ଗୋଟିଏ ବି ମ୍ୟାଚ୍ ଖେଳିପାରି ନାହାନ୍ତି। ତାଙ୍କର ପଡ଼ିଆକୁ ଫେରିବାର ତାରିଖ ଏବେ ବି ଅନିଶ୍ଚିତତାରେ ରହିଛି, ଯାହା ସିଏସକେ ପାଇଁ ଏକ ବଡ଼ ଚିନ୍ତାର କାରଣ ପାଲଟିଛି।

ଅଧା ସିଜିନ୍ ବାଦ୍ ପଡ଼ିପାରନ୍ତି ଧୋନି

ପ୍ରାରମ୍ଭରେ ଏହା ଆଶା କରାଯାଉଥିଲା ଯେ ଧୋନି ମାତ୍ର ୨ ସପ୍ତାହ ପାଇଁ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିବେ। କିନ୍ତୁ ଏବେ ଏହି ଅବଧି ୨୫ ଦିନ ଅତିକ୍ରମ କରିସାରିଲାଣି। ଆହତ କାରଣରୁ ସେ ମୁମ୍ବାଇ ଇଣ୍ଡିଆନ୍ସ (MI) ବିପକ୍ଷ ଗୁରୁତ୍ୱପୂର୍ଣ୍ଣ ମ୍ୟାଚ୍‌ରୁ ମଧ୍ୟ ବାଦ୍ ପଡ଼ିଛନ୍ତି। ଯଦିଓ ସେ ନେଟ୍ସରେ ଅଭ୍ୟାସ କରୁଥିବାର ନଜର ଆସିଛନ୍ତି, ତଥାପି ସେ ସମ୍ପୂର୍ଣ୍ଣ ଫିଟ୍ ହୋଇନଥିବାରୁ ପ୍ରଥମ ୬ଟି ମ୍ୟାଚ ରୁ ବଞ୍ଚିତ ହୋଇଛନ୍ତି।

କେବେ ଫେରିବେ ପଡ଼ିଆକୁ?

ଚେନ୍ନାଇ ଦଳର ବ୍ୟାଟିଂ କୋଚ୍ ମାଇକେଲ୍ ହସି ଏବଂ ବୋଲିଂ କୋଚ୍ ଏରିକ୍ ସାଇମନ୍ସ ଧୋନିଙ୍କ ସ୍ୱାସ୍ଥ୍ୟବସ୍ଥା ଉପରେ ଏକ ବଡ଼ ଅପଡେଟ୍ ଦେଇଛନ୍ତି। କୋଚ୍‌ଙ୍କ କହିବା ଅନୁଯାୟୀ, ଧୋନି ନେଟ୍ସରେ ବହୁତ ଭଲ ବ୍ୟାଟିଂ କରୁଛନ୍ତି ଏବଂ ୱିକେଟ୍ କିପିଂ ଅଭ୍ୟାସ ମଧ୍ୟ ଜାରି ରଖିଛନ୍ତି। କିନ୍ତୁ, ମ୍ୟାଚ୍ ଶେଷ ଆଡ଼କୁ ଦ୍ରୁତ ରନ୍ ନେବା ପାଇଁ କାଫ୍ ମାଂସପେଶୀର ସୁସ୍ଥତା ଅତ୍ୟନ୍ତ ଜରୁରୀ। ସେ ଯେପର୍ଯ୍ୟନ୍ତ ସମ୍ପୂର୍ଣ୍ଣ ଭାବରେ ଦୌଡ଼ିବାକୁ ସକ୍ଷମ ହୋଇନାହାନ୍ତି ଏବଂ ମେଡିକାଲ୍ ଟିମ୍ ତାଙ୍କୁ ସବୁଜ ସଙ୍କେତ ଦେଇନାହିଁ, ସେ ପଡ଼ିଆକୁ ଓହ୍ଲାଇବେ ନାହିଁ।

ସିଏସକେ ପାଇଁ ଅନ୍ୟ ଆହତ ସମସ୍ୟା

କେବଳ ଏମ୍.ଏସ୍. ଧୋନି ନୁହଁନ୍ତି, ଚେନ୍ନାଇ ସୁପର କିଙ୍ଗ୍ସ ପାଇଁ ଅନ୍ୟ ଖେଳାଳିଙ୍କ ଆହତ ସମସ୍ୟା ମଧ୍ୟ ଚିନ୍ତା ବଢ଼ାଇଛି। ଦଳର ଦ୍ରୁତ ବୋଲର ଖଲିଲ୍ ଅହମ୍ମଦ ଏବଂ ଟପ୍-ଅର୍ଡର ବ୍ୟାଟର ଆୟୁଷ ମ୍ହାତ୍ରେ ଆହତ କାରଣରୁ ପୂରା ସିଜିନରୁ ବାଦ୍ ପଡ଼ିଛନ୍ତି। ଆଗାମୀ ମ୍ୟାଚ୍ ଗୁଡ଼ିକରେ ଧୋନିଙ୍କ ବିନା ସିଏସକେ କିପରି ପ୍ରଦର୍ଶନ କରୁଛି ତାହା ଦେଖିବାକୁ ବାକି ରହିଲା।

ଇଣ୍ଡିଆନ ପ୍ରିମିୟର ଲିଗ୍ (IPL) ୨୦୨୬ ର ଏକ ରୋମାଞ୍ଚକର ମୁକାବିଲାରେ ଚେନ୍ନାଇ ସୁପର କିଙ୍ଗସ୍ (CSK) ପକ୍ଷରୁ ଖେଳି ସଞ୍ଜୁ ସାମସନ ନିଜର ପ୍ରଥମ ଶତକ ହାସଲ କରିଛନ୍ତି। ଆରମ୍ଭରୁ ଖରାପ ଫର୍ମ ଦେଇ ଗତି କରୁଥିବା ଏହି ତାରକା ବ୍ୟାଟ୍ସମ୍ୟାନ୍ ଦିଲ୍ଲୀ କ୍ୟାପିଟାଲ୍ସ (DC) ବିପକ୍ଷ ମ୍ୟାଚରେ ଏକ ବିସ୍ଫୋରକ ଇନିଂସ ଖେଳି ସମାଲୋଚକମାନଙ୍କୁ କଡ଼ା ଜବାବ ଦେଇଛନ୍ତି। ବିଶ୍ୱକପରେ ଭାରତୀୟ ଦଳ ପାଇଁ ଯେପରି ସେ ସଫଳତା ଆଣିଦେଇଥିଲେ, ଏବେ ପ୍ରଶ୍ନ ଉଠୁଛି କି ସେ ସିଏସକେକୁ ମଧ୍ୟ ସେହିଭଳି ଚାମ୍ପିଅନ୍ କରାଇପାରିବେ କି?

ସିଏସକେ ଉପରେ ବିଶ୍ୱାସ ଏବଂ ସଞ୍ଜୁଙ୍କ ପ୍ରତ୍ୟାବର୍ତ୍ତନ

ଏହି ସିଜିନରେ ରାଜସ୍ଥାନ ରୟାଲ୍ସ (RR) ରୁ ବ୍ଲକବଷ୍ଟର ଟ୍ରେଡ୍ ହୋଇ ଚେନ୍ନାଇ ସୁପର କିଙ୍ଗସ୍ ରେ ଯୋଗ ଦେଇଥିବା ସଞ୍ଜୁ ସାମସନ ପ୍ରଥମ ୩ଟି ମ୍ୟାଚରେ ସମ୍ପୂର୍ଣ୍ଣ ଫ୍ଲପ୍ ସାବ୍ୟସ୍ତ ହୋଇଥିଲେ ଏବଂ ଏକକ ଅଙ୍କରେ ଆଉଟ୍ ହୋଇଥିଲେ। ତେବେ ଖରାପ ସମୟରେ ମଧ୍ୟ ଫ୍ରାଞ୍ଚାଇଜି ତାଙ୍କ ଉପରେ ଭରସା ଦେଖାଇଥିଲା। ସାମସନ କହିଛନ୍ତି ଯେ ତିନୋଟି ମ୍ୟାଚ୍ ହାରିବା ପରେ ମଧ୍ୟ ସିଏସକେର ବୈଠକ ମାତ୍ର ୫୦ ସେକେଣ୍ଡ ଧରି ଚାଲିଥିଲା। ଏହି ଶାନ୍ତ ଏବଂ ସକାରାତ୍ମକ ପରିବେଶ ତାଙ୍କୁ ବିଶ୍ୱାସ ଯୋଗାଇଥିଲା। ଏକ ବିସ୍ଫୋରକ ଶତକ ସହ ସେ କେବଳ ଦଳକୁ ବିଜୟ ଦେଇନାହାଁନ୍ତି ବରଂ ଇତିହାସ ମଧ୍ୟ ରଚିଛନ୍ତି। ଏହି ଶତକ ସହ ସଞ୍ଜୁ ଆଇପିଏଲରେ ୩ଟି ଭିନ୍ନ ଭିନ୍ନ ଫ୍ରାଞ୍ଚାଇଜି ପାଇଁ ଶତକ ହାସଲ କରିଥିବା ପ୍ରଥମ ଖେଳାଳି ହୋଇପାରିଛନ୍ତି।

କୋଚ୍ ଷ୍ଟିଫେନ୍ ଫ୍ଲେମିଙ୍ଗଙ୍କୁ ସ୍ୱତନ୍ତ୍ର ସଲାମ୍

ଶତକ ହାସଲ କରିବା ପରେ ସଞ୍ଜୁ ସାମସନ ଖୁବ୍ ଭାବୁକ ହୋଇପଡିଥିଲେ ଏବଂ ଏକ ସ୍ୱତନ୍ତ୍ର ଶୈଳୀରେ ସାଲ୍ୟୁଟ୍ କରି ନିଜର ଖୁସି ବ୍ୟକ୍ତ କରିଥିଲେ। ପରେ ଏହି ସେଲିବ୍ରେସନର ରହସ୍ୟ ଖୋଲି ସେ କହିଛନ୍ତି ଯେ, ଏହି ସାଲ୍ୟୁଟ୍ ଏମଏସ ଧୋନି କିମ୍ବା ଅନ୍ୟ କାହା ପାଇଁ ନୁହେଁ ବରଂ ସିଏସକେର ମୁଖ୍ୟ କୋଚ୍ ଷ୍ଟିଫେନ୍ ଫ୍ଲେମିଙ୍ଗ ଙ୍କ ପାଇଁ ଥିଲା। ଫ୍ଲେମିଙ୍ଗ୍ ଦୀର୍ଘ ବର୍ଷ ଧରି ସିଏସକେର ସଫଳତା ପଛରେ ଏକ ପ୍ରମୁଖ ଭୂମିକା ଗ୍ରହଣ କରିଆସିଛନ୍ତି। ସଞ୍ଜୁଙ୍କ ଏହି ବଡ଼ପଣ ଏବଂ କୋଚଙ୍କ ପ୍ରତି ଥିବା ସମ୍ମାନକୁ କ୍ରିକେଟ୍ ପ୍ରଶଂସକମାନେ ଖୁବ୍ ପ୍ରଶଂସା କରୁଛନ୍ତି।

ଚାମ୍ପିଅନ୍ କରାଇବାର ଆଶା

ଗତ ଟି-୨୦ ବିଶ୍ୱକପରେ 'ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ' ବିବେଚିତ ହୋଇଥିବା ସଞ୍ଜୁ ଏବେ ଆଇପିଏଲରେ ନିଜର ପୁରୁଣା ରୂପକୁ ଫେରିଛନ୍ତି। ଚେନ୍ନାଇ ସୁପର କିଙ୍ଗସ୍ (CSK) ର ଆଇକୋନିକ୍ ହଳଦିଆ ଜର୍ସି ପିନ୍ଧି ସେ ନିଜକୁ ଏକ ଚାମ୍ପିଅନ୍ ଭଳି ଅନୁଭବ କରୁଥିବା ବେଳେ ଏହି ପ୍ରତ୍ୟାବର୍ତ୍ତନ ଇନିଂସ ଦଳ ପାଇଁ ନୂଆ ଆଶା ସୃଷ୍ଟି କରିଛି। କ୍ରିକେଟ୍ ବିଶେଷଜ୍ଞ ଏବଂ ପ୍ରଶଂସକମାନେ ଏବେ ଆଶା ବାନ୍ଧିଛନ୍ତି ଯେ, ଟିମ୍ ଇଣ୍ଡିଆକୁ ବିଶ୍ୱକପ୍ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିବା ସଞ୍ଜୁ ସାମସନ, ଏହି ସିଜିନରେ ନିଜର ଚମତ୍କାର ବ୍ୟାଟିଂ ଜରିଆରେ ସିଏସକେକୁ ମଧ୍ୟ ଆଇପିଏଲ୍ ଚାମ୍ପିଅନ୍ କରାଇବାରେ ସକ୍ଷମ ହେବେ।

ଇଣ୍ଡିଆନ୍ ପ୍ରିମିୟର୍ ଲିଗ୍ (ଆଇପିଏଲ୍) ୨୦୨୬ ସିଜିନରେ ଚେନ୍ନାଇ ସୁପର କିଙ୍ଗସ୍ (ସିଏସକେ) ର ଆରମ୍ଭ ନୈରାଶ୍ୟଜନକ ରହିଛି। ଦଳ କ୍ରମାଗତ ତିନୋଟି ମ୍ୟାଚରେ ପରାଜୟର ସମ୍ମୁଖୀନ ହୋଇଛି। ତେବେ ଏହି ହ୍ୟାଟ୍ରିକ୍ ପରାଜୟ ପରେ ପ୍ରଶଂସକ ଏବଂ ଦଳ ପାଇଁ ଏକ ବଡ଼ ଖୁସି ଖବର ଆସିଛି। ଆହତ ସମସ୍ୟା କାରଣରୁ ଦଳରୁ ବାଦ୍ ପଡିଥିବା ଦଳର ପ୍ରମୁଖ ଖେଳାଳି ତଥା ପୂର୍ବତନ ଅଧିନାୟକ ଏମଏସ୍ ଧୋନି ଏବଂ ଯୁବ ତାରକା ଡେୱାଲ୍ଡ ବ୍ରେଭିସ୍ ପୁଣି ଥରେ ପଡ଼ିଆକୁ ଫେରିବାକୁ ପ୍ରସ୍ତୁତ ହେଉଛନ୍ତି।

ଧୋନିଙ୍କ ଫିଟନେସ୍ ଉପରେ ନଜର

ନିଜର 'କାଫ୍ ଷ୍ଟ୍ରେନ୍' ବା ମାଂସପେଶୀ ଜନିତ ଆହତ ସମସ୍ୟା କାରଣରୁ ଆଇପିଏଲ୍‌ର ପ୍ରାରମ୍ଭିକ ମ୍ୟାଚ୍‌ଗୁଡ଼ିକରୁ ବାଦ୍ ପଡିଥିଲେ ମାହି। ତେବେ ବର୍ତ୍ତମାନ ଏମଏସ୍ ଧୋନି ଦ୍ରୁତ ଗତିରେ ସୁସ୍ଥ ହେଉଛନ୍ତି। ସେ ସିଏସକେର ଅଭ୍ୟାସ ଶିବିରରେ ଯୋଗ ଦେଇଥିବା ବେଳେ ବ୍ୟାଟିଂ ଅଭ୍ୟାସ ମଧ୍ୟ ଜୋରଦାର କରିଛନ୍ତି। ଖୁବ୍ ଶୀଘ୍ର ତାଙ୍କର ଏକ ଫିଟନେସ୍ ଟେଷ୍ଟ ହେବାକୁ ଯାଉଛି ଏବଂ ଯଦି ସେ ଏଥିରେ ଉତ୍ତୀର୍ଣ୍ଣ ହୁଅନ୍ତି, ତେବେ ସେ ପରବର୍ତ୍ତୀ ମ୍ୟାଚ୍ ଖେଳିବା ନିଶ୍ଚିତ ହେବ। ଦଳର ମ୍ୟାନେଜମେଣ୍ଟ ଧୋନିଙ୍କୁ ସମ୍ପୂର୍ଣ୍ଣ ସୁସ୍ଥ ହେବାକୁ ପର୍ଯ୍ୟାପ୍ତ ସମୟ ଦେଉଛି ଯାହାଫଳରେ ସେ ବିନା କୌଣସି ଅସୁବିଧାରେ ମଇଦାନକୁ ଓହ୍ଲାଇପାରିବେ।

ଦଳକୁ ଫେରିବେ ଡେୱାଲ୍ଡ ବ୍ରେଭିସ୍

ଧୋନିଙ୍କ ବ୍ୟତୀତ ସିଏସକେର ମଧ୍ୟକ୍ରମ ବ୍ୟାଟର ଡେୱାଲ୍ଡ ବ୍ରେଭିସ୍ ମଧ୍ୟ ଦଳକୁ ଫେରିବାକୁ ପ୍ରସ୍ତୁତ। ପ୍ରି-ସିଜିନ୍ କ୍ୟାମ୍ପରେ ତାଙ୍କର 'ସାଇଡ୍ ଷ୍ଟ୍ରେନ୍' ସମସ୍ୟା ଦେଖାଦେଇଥିଲା, ଯେଉଁ କାରଣରୁ ସେ ଚଳିତ ସିଜିନରେ ପ୍ରଥମ ତିନୋଟି ମ୍ୟାଚ୍ ଖେଳିପାରିନଥିଲେ। ସିଏସକେ ମୁଖ୍ୟ କୋଚ୍ ଷ୍ଟିଫେନ୍ ଫ୍ଲେମିଙ୍ଗ ସ୍ପଷ୍ଟ କରିଛନ୍ତି ଯେ, ବ୍ରେଭିସ୍‌ଙ୍କ ସ୍ୱାସ୍ଥ୍ୟାବସ୍ଥାରେ ବେଶ୍ ସୁଧାର ଆସିଛି ଏବଂ ଆଗାମୀ ମ୍ୟାଚ୍ ପୂର୍ବରୁ ସେ ସମ୍ପୂର୍ଣ୍ଣ ମ୍ୟାଚ୍ ଫିଟ୍ ହୋଇଯିବେ ବୋଲି ଆଶା କରାଯାଉଛି। ତାଙ୍କର ଅନୁପସ୍ଥିତିରେ ଦଳର ମିଡିଲ୍ ଅର୍ଡର କିଛି ମାତ୍ରାରେ ଦୁର୍ବଳ ମନେହେଉଥିଲା, ତେଣୁ ତାଙ୍କର ପ୍ରତ୍ୟାବର୍ତ୍ତନ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ କର ବା ମର ସ୍ଥିତି

ସିଏସକେ ଆଗାମୀ ଏପ୍ରିଲ୍ ୧୧ ତାରିଖରେ ନିଜ ଘରୋଇ ମଇଦାନ ଚେପକ୍ ଷ୍ଟାଡିୟମ୍ ଠାରେ ଦିଲ୍ଲୀ କ୍ୟାପିଟାଲ୍ସ (DC) କୁ ଭେଟିବ। କ୍ରମାଗତ ତିନୋଟି ପରାଜୟର ସମ୍ମୁଖୀନ ହୋଇଥିବା ଦଳ ପାଇଁ ଏହି ମ୍ୟାଚ୍ ଅତ୍ୟନ୍ତ ନିର୍ଣ୍ଣାୟକ ଅଟେ। ଧୋନି ଏବଂ ବ୍ରେଭିସ୍ ଦଳକୁ ଫେରିଲେ ସିଏସକେର ମନୋବଳ ଦ୍ୱିଗୁଣିତ ହେବ ଏବଂ ଦଳ ପୁଣି ଥରେ ବିଜୟ ଧାରାକୁ ଫେରିବ ବୋଲି ପ୍ରଶଂସକମାନେ ଦୃଢ଼ ଆଶା ବାନ୍ଧିଛନ୍ତି।

ଆଇପିଏଲ ୨୦୨୬ (IPL 2026) ରେ ଚେନ୍ନାଇ ସୁପର କିଙ୍ଗ୍ସ (CSK) ପ୍ରଶଂସକଙ୍କ ପାଇଁ ଏକ ଅତ୍ୟନ୍ତ ନିରାଶାଜନକ ଖବର ସାମ୍ନାକୁ ଆସିଛି। ଦଳର ପ୍ରମୁଖ ଖେଳାଳି ତଥା ଷ୍ଟାର ୱିକେଟକିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂହ ଧୋନି (MS Dhoni) ଆହତ କାରଣରୁ ଆଗାମୀ ୨ ସପ୍ତାହ ପାଇଁ କ୍ରିକେଟ୍ ପଡ଼ିଆରୁ ଦୂରେଇ ରହିବେ। ଗୋଡ଼ର ମାଂସପେଶୀ (Calf injury) ଟାଣି ହୋଇଯିବା କାରଣରୁ ତାଙ୍କୁ ବିଶ୍ରାମ ନେବାକୁ ପରାମର୍ଶ ଦିଆଯାଇଛି।

ଦଳ ପାଇଁ ଏକ ବିରାଟ କ୍ଷତି

ସୂଚନା ଅନୁଯାୟୀ, ଧୋନିଙ୍କ ଗୋଡ଼ର ମାଂସପେଶୀରେ ତୀବ୍ର ଯନ୍ତ୍ରଣା ଅନୁଭବ ହୋଇଥିଲା। ଏହା ପରେ ମେଡିକାଲ୍ ଟିମ୍ ତାଙ୍କର ସ୍ୱାସ୍ଥ୍ୟ ପରୀକ୍ଷା କରି ତାଙ୍କୁ ଅତିକମରେ ୧୪ ଦିନ ବା ୨ ସପ୍ତାହ ପାଇଁ ସମ୍ପୂର୍ଣ୍ଣ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି। ଟୁର୍ଣ୍ଣାମେଣ୍ଟର ଆରମ୍ଭରୁ ହିଁ ଧୋନିଙ୍କ ଭଳି ଜଣେ ଅଭିଜ୍ଞ ଖେଳାଳିଙ୍କ ଅନୁପସ୍ଥିତି ସିଏସକେ (CSK) ପାଇଁ ଏକ ବଡ଼ ଝଟକା ବୋଲି କ୍ରୀଡ଼ା ବିଶେଷଜ୍ଞମାନେ ମତ ଦେଇଛନ୍ତି।

ଫ୍ୟାନ୍ସଙ୍କ ମଧ୍ୟରେ ଖେଳିଗଲା ନିରାଶା

ଆଇପିଏଲରେ ମହେନ୍ଦ୍ର ସିଂହ ଧୋନିଙ୍କ ବ୍ୟାଟିଂ ଏବଂ ଚମତ୍କାର ୱିକେଟ୍ କିପିଂ ଦେଖିବାକୁ ଉତ୍ସାହର ସହ ଅପେକ୍ଷା କରିଥିବା ଲକ୍ଷ ଲକ୍ଷ ପ୍ରଶଂସକ ଏହି ଖବର ଶୁଣି ସ୍ତବ୍ଧ ହୋଇଛନ୍ତି। ତେବେ ସେ ଖୁବଶୀଘ୍ର ସୁସ୍ଥ ହୋଇ ପୁଣି ଥରେ ମଇଦାନକୁ ଫେରିବେ ବୋଲି ସମସ୍ତେ ଆଶା ବାନ୍ଧିଛନ୍ତି। ତାଙ୍କ ଅନୁପସ୍ଥିତିରେ ଏବେ ଦଳର ଅନ୍ୟ ଯୁବ ଏବଂ ବରିଷ୍ଠ ଖେଳାଳିମାନଙ୍କ ଉପରେ ରଣନୀତି ପରିଚାଳନା ଏବଂ ମ୍ୟାଚ୍ ଜିତାଇବାର ଅଧିକ ଚାପ ପଡ଼ିବ।

ନୂଆଦିଲ୍ଲୀ: ଏଥର ମିନି ନିଲାମୀରେ ସବୁଠୁ ଚର୍ଚ୍ଚାରେ ରହିଥିଲା ସର୍ବାଧିକଥରର ଟାଇଟଲ୍‌ ବିଜେତା ଚେନ୍ନାଇ ସୁପର କିଙ୍ଗ୍‌ସ। ଚେନ୍ନାଇ ଦୁଇଜଣ ଅପରିଚିତ ଖେଳାଳିଙ୍କୁ କ୍ରୟ କରିବା ଲାଗି ୨୮.୪୦ କୋଟି ଟଙ୍କା ବ୍ୟୟ କରିଥିଲା। ସେହି ଦୁଇଜଣ ଖେଳାଳି ହେଲେ ଉତ୍ତର ପ୍ରଦେଶ ଅଲ୍‌ରାଉଣ୍ଡର ପ୍ରଶାନ୍ତ ବୀର ଓ ରାଜସ୍ଥାନର ୱିକେଟକିପର କାର୍ତ୍ତିକ ଶର୍ମା। ଉଭୟଙ୍କୁ ଚେନ୍ନାଇ ୧୪.୨୦ କୋଟି ଲେଖାଏରେ କିଣି ଦଳରେ ସାମିଲ କରିଛି। ଉଭୟଙ୍କ ମୂଳ ଦଳ ୩୦ ଲକ୍ଷ ଟଙ୍କା ରହିଥିଲା। ଅର୍ଥାତ୍‌ ଏମାନେ ମୂଳଦରରୁ  ୪୯ଗୁଣା ଅଧିକ ମୂଲ୍ୟରେ ନିଲାମୀରେ କ୍ରୟ ହୋଇଥିଲେ। ସେହିଭଳି ଆଇପିଏଲ୍‌ ଇତିହାସରେ ଅନକ୍ୟାପଡ୍‌ ଅର୍ଥାତ୍‌ ଅନ୍ତର୍ଜାତୀୟ କ୍ରିକେଟ୍‌ ଖେଳି ନ ଥିବା ଖେଳାଳିଙ୍କ ମଧ୍ୟରେ ଉଭୟ ସର୍ବାଧିକ ମୂଲ୍ୟରେ ବିକ୍ରି ହେବାର ନୂଆ ରେକର୍ଡ କରିଛନ୍ତି। ଏଥିପୂର୍ବରୁ ଏହି ରେକର୍ଡ ଆଭେସ ଖାନଙ୍କ ନାମରେ ରହିଥିଲା। ୨୦୨୨ ନିଲାମୀରେ ଲକ୍ଷ୍ନୌ ଆଭେସଙ୍କୁ ୧୦ କୋଟି ଟଙ୍କାରେ ଦଳରେ ସାମିଲ କରିଥିଲା।

ଆମେଥିରୁ ଚେନ୍ନାଇ ସୁପରକିଙ୍ଗସ: ବନ୍ଧୁ ଛାଡିଲେ ଖେଳ, ସାଙ୍ଗ ହେଲେ ଆଇପିଏଲ ଷ୍ଟାର; ପଢନ୍ତୁ ପ୍ରଶାନ୍ତଙ୍କ ଭାବବିହ୍ଵଳ ଯାତ୍ରା

 କେବଳ କଠିନ ପରିଶ୍ରମ ଦ୍ଵାରା ସଫଳତା ମିଳିବା ସହଜ ନୁହେଁ, ଏଥିପାଇଁ ଆବଶ୍ୟକ ନିଷ୍ଠା, ଅଧ୍ୟବସାୟ ଏବଂ କିଛି ଉତ୍ତମ ବନ୍ଧୁଙ୍କ ସହଯୋଗ। ଚେନ୍ନାଇ ସୁପରକିଙ୍ଗସ (CSK) ଦଳରେ ନୂଆ କରି ସାମିଲ ହୋଇଥିବା ଉତ୍ତରପ୍ରଦେଶ ଆମେଥିର ଯୁବ କ୍ରିକେଟର ପ୍ରଶାନ୍ତଙ୍କ କାହାଣୀ ଏହାର ଏକ ଜ୍ଵଳନ୍ତ ଉଦାହରଣ। ଏକ ଗରିବ ପରିବାରରୁ ଆସି ଆଇପିଏଲର ସବୁଠାରୁ ସଫଳ ଦଳରେ ସ୍ଥାନ ପାଇବା ପର୍ଯ୍ୟନ୍ତ ତାଙ୍କର ଏହି ଯାତ୍ରା ଅତ୍ୟନ୍ତ ଭାବପ୍ରବଣ। ଅର୍ଥାଭାବ କାରଣରୁ ଦିନେ କ୍ରିକେଟ୍ ଛାଡିବାକୁ ବସିଥିବା ପ୍ରଶାନ୍ତ ଆଜି ନିଜ କୋଚ୍ ଏବଂ ଜଣେ ଘନିଷ୍ଠ ବନ୍ଧୁଙ୍କ ତ୍ୟାଗ ପାଇଁ ସାରା ଦେଶରେ ପରିଚିତ ହୋଇପାରିଛନ୍ତି।

ପ୍ରଶାନ୍ତଙ୍କ ପରିବାରର ଆର୍ଥିକ ସ୍ଥିତି ଆଦୌ ଭଲ ନଥିଲା। ଜେଜେ ବାପାଙ୍କ ମୃତ୍ୟୁ ପରେ ଘର ଚଳାଇବା କଷ୍ଟକର ହୋଇପଡିଥିଲା। ପୂର୍ବରୁ ଜେଜେଙ୍କ ପେନସନ ଟଙ୍କାରେ ପ୍ରଶାନ୍ତ କ୍ରିକେଟ୍ ଉପକରଣ କିଣିବା ସହ ପ୍ରଶିକ୍ଷଣ ଖର୍ଚ୍ଚ ତୁଲାଉଥିଲେ। କିନ୍ତୁ ବାପା ଜଣେ ଶିକ୍ଷା ମିତ୍ର ଭାବେ କାର୍ଯ୍ୟ କରୁଥିବାରୁ ସ୍ୱଳ୍ପ ରୋଜଗାରରେ ପରିବାର ଚଳାଇବା କଷ୍ଟକର ହେଉଥିଲା। ପରିସ୍ଥିତି ଏପରି ହେଲା ଯେ, ନିଜ କ୍ୟାରିୟରରେ ପୂର୍ଣ୍ଣଛେଦ ପକାଇ ପରିବାରକୁ ସାହାଯ୍ୟ କରିବାକୁ ପ୍ରଶାନ୍ତ ମନସ୍ଥ କରିନେଇଥିଲେ। ତେବେ ତାଙ୍କ କୋଚ ରାଜାବ ଏକଥା ଜାଣିବା ପରେ ତାଙ୍କୁ ଅଟକାଇଥିଲେ ଏବଂ କ୍ରିକେଟ୍ ପ୍ରଶିକ୍ଷଣର ସମସ୍ତ ଖର୍ଚ୍ଚ ବହନ କରିବାକୁ ପ୍ରତିଶ୍ରୁତି ଦେଇଥିଲେ।

ପ୍ରଶାନ୍ତଙ୍କ ସଫଳତା ପଛରେ ବନ୍ଧୁଙ୍କ ହାତ

ପ୍ରଶାନ୍ତଙ୍କ ସଫଳତା ପଛରେ ତାଙ୍କ ବନ୍ଧୁ ରକ୍ଷିତ ଗର୍ଗଙ୍କର ମଧ୍ୟ ଏକ ବଡ଼ ଭୂମିକା ରହିଛି। ଉଭୟ ଏକଦା ଏକତ୍ର ରାଜ୍ୟ କ୍ରୀଡ଼ା ଛାତ୍ରାବାସରେ ରହି ପ୍ରଶିକ୍ଷଣ ନେଉଥିଲେ। ପରେ ଉନ୍ନତ ପ୍ରଶିକ୍ଷଣ ପାଇଁ ଉଭୟ ସହରନପୁର ଚାଲିଆସିଥିଲେ। ସେଠାରେ ପ୍ରଶାନ୍ତଙ୍କ ରହିବା ପାଇଁ ଘର ନ ଥିବାରୁ ରକ୍ଷିତ ତାଙ୍କୁ ନିଜ ଘରେ ଆଶ୍ରୟ ଦେଇଥିଲେ। ରକ୍ଷିତଙ୍କ ବାପା ଏକ ପାନ ଦୋକାନ କରି ଘର ଚଳାଉଥିଲେ ମଧ୍ୟ ସେ ବନ୍ଧୁ ପ୍ରଶାନ୍ତଙ୍କୁ ସାହାଯ୍ୟ କରିବାରେ କୁଣ୍ଠାବୋଧ କରିନଥିଲେ। ଗୋଟିଏ ସାଇକେଲରେ ଦୁଇ ବନ୍ଧୁ ଏକାଠି ଅଭ୍ୟାସ ପାଇଁ ଯାଉଥିଲେ।

ଦୁର୍ଭାଗ୍ୟବଶତଃ, ପିତାମାତାଙ୍କ ଦେହାନ୍ତ ପରେ ରକ୍ଷିତଙ୍କୁ କ୍ରିକେଟ୍ ଛାଡିବାକୁ ପଡିଥିଲା ଏବଂ ସେ ଏବେ କ୍ରୀଡ଼ା ଉପକରଣ ଦୋକାନ ଚଳାଉଛନ୍ତି। କିନ୍ତୁ ପ୍ରଶାନ୍ତ ହାର ମାନିନଥିଲେ। କଠିନ ପରିଶ୍ରମ ବଳରେ ସେ ୟୁପି ସିନିୟର ଦଳର ନିୟମିତ ସଦସ୍ୟ ହୋଇପାରିଛନ୍ତି। ଦକ୍ଷିଣ ଆଫ୍ରିକାର ଡେଭିଡ୍ ମିଲରଙ୍କ ଭଳି ଛକା ମାରିବାର ଦକ୍ଷତା ରଖିଥିବାରୁ ତାଙ୍କୁ ‘ସହରନପୁର ମିଲର’ କୁହାଯାଏ। ଗତ ୟୁପି ଟି-ଟ୍ଵେଣ୍ଟି ଲିଗରେ ସେ ୧୫୫.୩୪ ଷ୍ଟ୍ରାଇକ ରେଟରେ ୩୭୦ ରନ ସଂଗ୍ରହ କରିବା ସହ ୮ଟି ୱିକେଟ୍ ନେଇ ଚେନ୍ନାଇ ସୁପରକିଙ୍ଗସର ଦୃଷ୍ଟି ଆକର୍ଷଣ କରିଥିଲେ। ଚେନ୍ନାଇ ଦଳରେ ଚୟନ ହେବା ପରେ ପ୍ରଶାନ୍ତ ପ୍ରଥମେ ଭିଡିଓ କଲ୍ ଯୋଗେ ନିଜର ସେହି ପୁରୁଣା ବନ୍ଧୁ ରକ୍ଷିତଙ୍କୁ ହିଁ ଖୁସି ଖବର ଜଣାଇଥିଲେ।

ସହରନପୁର ମିଲର: ପ୍ରଶାନ୍ତ ନିଜ ଅଞ୍ଚଳରେ ‘ସହରନପୁର ମିଲର’ ନାମରେ ପରିଚିତ । ଦକ୍ଷିଣ ଆଫ୍ରିକା ବ୍ୟାଟର ଡେଭିଡ୍ ମିଲରଙ୍କ ଭଳି ଛକା ମାରିବାର କ୍ଷମତା ରଖିଥିବାରୁ ତାଙ୍କୁ ଏଭଳି ନାମ ମିଳିଛି । ଗତ ୟୁପି ଟି-ଟ୍ଵେଣ୍ଟି ଲିଗରେ ପ୍ରଶାନ୍ତ ୧୫୫.୩୪ ଷ୍ଟ୍ରାଇକ ରେଟରେ ୩୭୦ ରନ ସଂଗ୍ରହ କରିବା ସହ ୮ଟି ୱିକେଟ୍ ନେଇ ସୁପରକିଙ୍ଗସର ଦୃଷ୍ଟି ଆକର୍ଷଣ କରିଥିଲେ । ସୁପରକିଙ୍ଗସ ତାଙ୍କୁ ସଙ୍ଗେ ସଙ୍ଗେ ଟ୍ରାଏଲ ପାଇଁ ଡାକିଥିଲା ।

ୱିକେଟକିପର-ବ୍ୟାଟର୍ କାର୍ତ୍ତିକ ଶର୍ମା; ୧୪.୨୦ କୋଟି ଟଙ୍କାରା କିଣିଲା CSK, ବାପାଙ୍କଠୁ ଶିଖିଥିଲେ ଖେଳ, ଏବେ ଚେନ୍ନାଇ ପାଇଁ କରିବେ କମାଲ୍

ଆଇପିଏଲ୍ ମିନି ନିଲାମରେ ଆଉ ଜଣେ ଦାମୀ ଘରୋଇ ଖେଳାଳି ସାବ୍ୟସ୍ତ ହୋଇଛନ୍ତି ୧୯ ବର୍ଷୀୟ କାର୍ତ୍ତିକ ଶର୍ମା। ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏହି ଯୁବ ତାରକାଙ୍କୁ ୧୪.୨୦ କୋଟି ଟଙ୍କାର ବିପୁଳ ମୂଲ୍ୟରେ କିଣିଛି। କାର୍ତ୍ତିକ ଜଣେ ୱିକେଟ୍ କିପର ବ୍ୟାଟର ଏବଂ ତାଙ୍କ ନିକଟରେ ଏକାକୀ ମ୍ୟାଚ୍ ଜିତାଇବାର ଦକ୍ଷତା ରହିଛି। ଭାରତୀୟ କ୍ରିକେଟର ଆଗାମୀ ଭବିଷ୍ୟତ ଭାବେ ତାଙ୍କୁ ଏବେଠାରୁ ଗଣନା କରାଯାଉଛି।

କାର୍ତ୍ତିକ ରାଜସ୍ଥାନର ବାସିନ୍ଦା ଏବଂ ପିଲାଦିନରୁ କ୍ରିକେଟ୍ ପ୍ରତି ତାଙ୍କର ବିଶେଷ ଦୁର୍ବଳତା ରହିଥିଲା। ତାଙ୍କ ବାପା ମନୋଜ କୁମାର ମଧ୍ୟ ଜଣେ କ୍ରିକେଟ୍ ଖେଳାଳି ଥିଲେ, କିନ୍ତୁ ସେ ବେଶୀ ଆଗକୁ ବଢ଼ିପାରି ନଥିଲେ। ନିଜର ଅଧୁରା ସ୍ୱପ୍ନକୁ ପୁଅ ମାଧ୍ୟମରେ ପୂରଣ କରିବାକୁ ସେ ଲକ୍ଷ୍ୟ ରଖିଥିଲେ ଏବଂ ନିଜେ ପୁଅକୁ ଖେଳର କୌଶଳ ଶିଖାଇଥିଲେ। କାର୍ତ୍ତିକ ବର୍ତ୍ତମାନ କ୍ରିକେଟର ଦୀପକ ଓ ରାହୁଲ ଚହରଙ୍କ ବାପା ଲୋକେନ୍ଦ୍ର ସିଂହ ଚହରଙ୍କ ଏକାଡେମୀରେ ତାଲିମ ନେଉଛନ୍ତି।

୨୦୨୪ରେ ପ୍ରଥମ ଶ୍ରେଣୀ ଏବଂ ‘ଲିଷ୍ଟ-ଏ’ କ୍ରିକେଟରେ ପଦାର୍ପଣ କରିବା ପରଠାରୁ କାର୍ତ୍ତିକ ଆଉ ପଛକୁ ଫେରି ଚାହିଁନାହାନ୍ତି। ନିଜର ଉଭୟ ଡେବ୍ୟୁ ମ୍ୟାଚରେ ଶତକ ଅର୍ଜନ କରି ସେ ଚର୍ଚ୍ଚାକୁ ଆସିଥିଲେ। ବର୍ତ୍ତମାନ ସୁଦ୍ଧା ସେ ୮ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳି ୩ଟି ଶତକ ସହ ୪୭୯ ରନ୍ ଏବଂ ୯ଟି ‘ଲିଷ୍ଟ-ଏ’ ମ୍ୟାଚରୁ ୨ଟି ଶତକ ସହ ୪୪୫ ରନ୍ ସଂଗ୍ରହ କରିଛନ୍ତି। ଗତ ବିଜୟ ହଜାରେ ଟ୍ରଫିରେ ସେ ରାଜସ୍ଥାନ ପାଇଁ ସର୍ବାଧିକ ରନ୍ ସ୍କୋରର ଥିଲେ। ଆଇପିଏଲ୍ ଖେଳିବାର ସୁଯୋଗ ପାଇବା ପରେ କାର୍ତ୍ତିକ ବେଶ୍ ଉତ୍ସାହିତ ଅଛନ୍ତି। ସେ କହିଛନ୍ତି ଯେ, ବାପା ତାଙ୍କୁ ଛକା ମାରିବା ଏବଂ ବଡ଼ ସ୍କୋର କରିବା ପାଇଁ ସର୍ବଦା ଉତ୍ସାହିତ କରୁଥିଲେ। ଆଇପିଏଲ୍ ଚୁକ୍ତି ପୂର୍ବରୁ ସେ ମୁମ୍ବାଇ ଇଣ୍ଡିଆନ୍ସ, ହାଇଦ୍ରାବାଦ ଏବଂ ଦିଲ୍ଲୀ କ୍ୟାପିଟାଲ୍ସ ସମେତ ମୋଟ ୬ଟି ଦଳ ପାଇଁ ଟ୍ରାଏଲ୍ ଦେଇଥିଲେ। ଶେଷରେ ସିଏସକେ ତାଙ୍କୁ ଦଳରେ ସାମିଲ କରି ତାଙ୍କ ଆଇପିଏଲ୍ ସ୍ୱପ୍ନକୁ ସାକାର କରିଛି।

ମୁମ୍ବଇ,: ଚଳିତ ଆଇପିଏଲ୍‌-୧୮ରେ ମୁମ୍ବାଇ ଇଣ୍ଡିଆନ୍ସ ଓପନିଂ ମ୍ୟାଚରେ ୪ ୱିକେଟ୍‌ରେ ଚେନ୍ନାଇ ସୁପର୍‌ କିଙ୍ଗ୍‌ସ ନିକଟରୁ ପରାସ୍ତ ହୋଇଛି। ମୁମ୍ବାଇ ପରାସ୍ତ ହୋଇଥିଲେ ମଧ୍ୟ ଏହି ମ୍ୟାଚ୍‌ ଜରିଆରେ ଆଇପିଏଲ୍‌ରେ ପାଦ ଥାପିଥିବା ଯୁବ ବାମହାତୀ ରିଷ୍ଟ ସ୍ପିନର ବିଘ୍ନେଶ ପୁଥୁରଙ୍କ ଲାଗି ଏହା ବେଶ୍‌ ସ୍ମରଣୀୟ ହୋଇରହିଛି। ସେ ତାଙ୍କ ୪ ଓଭର ସ୍ପେଲରେ ୮ ହାରରେ ୩୨ ରନ ବ୍ୟୟ କରି ୩ଟି ମୂଲ୍ୟବାନ ୱିକେଟ୍‌ ଅକ୍ତିଆର କରିଥିଲେ। ଚେନ୍ନାଇ ଅଧିନାୟକ ଋତୁରାଜ ଗାଏକୱାଡ (୫୩ ରନ)ଙ୍କୁ ଆଉଟ୍‌ କରି ବିଘ୍ନେଶ ତାଙ୍କ ପ୍ରଥମ ଆଇପିଏଲ୍‌ ୱିକେଟ୍‌ ସଫଳତା ପାଇଥିଲେ। ଏହାପରେ ସେ ଦୀପକ ହୁଦା (୩ ରନ) ଓ ଶିଭମ ଦୁବେ (୯ ରନ)ଙ୍କ ଭଳି ଆଉ ୨ଟି ମୂଲ୍ୟବାନ ୱିକେଟ ନେଇ ପଦାର୍ପଣକୁ ସ୍ମରଣୀୟ କରିଥିଲେ। ବିଘ୍ନେଶ ‘ଇମ୍ପାକ୍ଟ ପ୍ଲେୟାର’ ଭାବେ ରୋହିତ ଶର୍ମାଙ୍କ ସ୍ଥାନରେ ଆସି ଏହି ପ୍ରଭାବୀ ବୋଲିଂ ପ୍ରଦର୍ଶନ କରିଥିଲେ। ତେବେ ବିଶେଷ ପରିଚିତ ହାସଲ କରି ନ ଥିବା ଏହି ଖେଳାଳିଙ୍କ ସ୍ପିନ ବୋଲିଂ କ୍ରିକେଟ୍‌ପ୍ରେମୀଙ୍କୁ ବେଶ୍‌ ଆକର୍ଷିତ କରିଛି।

ଖେଳାଳି ନିଲାମୀରେ ମୁମ୍ବାଇ ଇଣ୍ଡିଆନ୍ସ ମାତ୍ର ୩୦ ଲକ୍ଷ ଟଙ୍କାରେ କେରଳର ପୁଥୁରଙ୍କୁ ଦଳରେ ସାମିଲ କରିଥିଲା। ସବୁଠୁ ଉଲ୍ଲେଖନୀୟ କଥା ହେଉଛି ୨୪ ବର୍ଷୀୟ ପୁଥୁର ଆଇପିଏଲ୍‌ ପଦାର୍ପଣ କରିବା ପର୍ଯ୍ୟନ୍ତ ଘରୋଇ କ୍ରିକେଟ୍‌ରେ ଗୋଟିଏ ହେଲେ ମ୍ୟାଚ୍‌ ଖେଳିବାର ଅଭିଜ୍ଞତା ନ ଥିଲା। ସେ ପ୍ରଥମଶ୍ରେଣୀ, ଲିଷ୍ଟ-ଏ କିମ୍ବା ଟି-୨୦ ଫର୍ମାଟ୍‌ରେ ବିସିସିଆଇର କୌଣସି ମ୍ୟାଚ୍‌ ଖେଳିନାହାନ୍ତି। ତେବେ କେରଳ ଟି-୨୦ ଲିଗ୍‌ରେ ସେ କେତୋଟି ମ୍ୟାଚ୍‌ ଖେଳିଛନ୍ତି। ଏଥିରେ ତାଙ୍କ ବାମହାତୀ ରିଷ୍ଟ ସ୍ପିନ ବୋଲିଂ ମୁମ୍ବାଇ ଇଣ୍ଡିଆନ୍ସର ଚୟନ କମିଟିକୁ ପ୍ରଭାବିତ କରିଥିଲା। ଯେଉଁଥି ପାଇଁ ସେମାନେ ପୁଥୁରଙ୍କୁ ଟ୍ରାଏଲ୍ସକୁ ଡାକି ନିଲାମୀରେ କ୍ରୟ କରିଥିଲେ।

ଖବର ଅନୁଯାୟୀ, ବିଘ୍ନେଙ୍କ ବାପା ହେଉଛନ୍ତି ଜଣେ ସାମାନ୍ୟ ଅଟୋ ଡ୍ରାଇଭର । କେରଳର ମଲପପୁରମରୁ ଆସୁଥିବା ଏହି ଖେଳାଳି, ପ୍ରଥମ ଥର ପାଇଁ ଆଇପିଏଲରେ ଡେବ୍ୟୁ କରିଛନ୍ତି । ଏହା ପୂର୍ବରୁ ସେ କେରଳ ପାଇଁ ଘରୋଇ କ୍ରିକେଟ୍ ବି ଖେଳିନାହାଁନ୍ତି, ଏମିତି କି ସିନିୟର ଟିମରେ ତାଙ୍କ ଜାଗା ମଧ୍ୟ ନାହିଁ । ହେଲେ ତାହାରି ଭିତରେ କିନ୍ତୁ, ମୁମ୍ବାଇ ଟିମର ମ୍ୟାନେଜମେଣ୍ଟ ତାଙ୍କୁ କେରଳ କ୍ରିକେଟ୍ ଲିଗରୁ ଦେଖି, ଟିମକୁ ଆଣିବା ସହିତ ଏବେ ଆଇପିଏଲରେ ଦେଇଛି ଖେଳିବାର ସୁଯୋଗ । ଏଥର ଆଇପିଏଲ ଅକ୍ସନରେ ଦଳ ବିଗ୍ନେଶ ପୁଥୁରଙ୍କୁ ବେସ୍ ପ୍ରାଇସ୍ ୩୦ ଲକ୍ଷ ଟଙ୍କା ଦେଇ କିଣିଥିଲା । ଆଉ ଏହା ପୂର୍ବରୁ ସାଉଥ୍ ଆଫ୍ରିକା ଟି-୨୦ ଲିଗରେ ସେ ଥିଲେ ମୁମ୍ବାଇର ନେଟ୍ ସ୍ପିନର । ଯେଉଁ କାରଣରୁ ଆଜି ସେ ଆଇପିଏଲ୍ ଭଳି ଟୁର୍ଣ୍ଣାମେଣ୍ଟରେ ଚମକିବା ଆରମ୍ଭ କରିଛନ୍ତି ।

ନୂଆଦିଲ୍ଲୀ: ଓଡ଼ିଶାରେ ପୁଣି ଖେଳାଯାଇପାରେ ଆଇପିଏଲ । ବାରବାଟୀ ଷ୍ଟାଡିୟମରେ ପୁଣି ଥରେ ଦର୍ଶକ ଆଇପିଏଲର ମଜା ଉଠାଇ ପାରିବେ। ଦିଲ୍ଲୀ କ୍ୟାପିଟାଲ୍ସ ବାରବାଟୀରେ ଖେଳିପାରେ ମ୍ୟାଚ୍‌। ଦିଲ୍ଲୀ ତା’ର ପ୍ରଥମ ୨ଟି ମ୍ୟାଚ୍‌ ପୁଣେ ଓ କଟକରେ ଖେଳିପାରେ ବୋଲି ଜାତୀୟ ଗଣମାଧ୍ୟମରୁ ସୂଚନା ମିଳିଛି।

IPL team Delhi Capitals is likely to play their first two IPL matches in Pune and Cuttack as Delhi’s Arun Jaitley Cricket Stadium will not be ready to host the tournament just days after hosting the Women’s Premier League final match. IPL schedule is expected later today;…

— ANI (@ANI) February 22, 2024

ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମ ପ୍ରସ୍ତୁତ ନ ଥିବାରୁ ପ୍ରଥମ ଦୁଇଟି ମ୍ୟାଚ୍‌ ଅନ୍ୟ ଷ୍ଟାଡିୟମରେ ଖେଳାଯିବାର ସମ୍ଭାବନା ରହିଛି। ମହିଳା ପ୍ରିମିୟର୍‌ ଲିଗ୍‌ର ଫାଇନାଲ ମ୍ୟାଚ୍‌ ଆୟୋଜନର ଗୋଟିଏ ଦିନ ପରେ ଆଇପିଏଲ ମ୍ୟାଚ୍‌ ଆୟୋଜନ କରିବାକୁ ଷ୍ଟାଡିୟମ ପ୍ରସ୍ତୁତ ନ ଥିବାରୁ ପ୍ରଥମ ଦୁଇଟି ମ୍ୟାଚ୍‌ ଅନ୍ୟତ୍ର ଖେଳାଯିବ। ଏନେଇ ନ୍ୟୁଜ୍‌ ଏଜେନ୍ସି ANI ସୂତ୍ରରୁ ସୂଚନା ମିଳୁଛି ।

ଏହାସହ ଆଜି ଇଣ୍ଡିଆନ ପ୍ରିମିୟର ଲିଗ ୨୦୨୪ ସଂସ୍କରଣର ପ୍ରଥମ ପର୍ଯ୍ୟାୟ କାର୍ଯ୍ୟସୂଚୀ ଘୋଷଣା କରାଯାଇଛି । ଉଦଘାଟନୀ ମ୍ୟାଚ୍ ଚେନ୍ନାଇ-ବାଙ୍ଗାଲୋର ମଧ୍ୟରେ ଖେଳାଯିବ। ମାର୍ଚ୍ଚ ୨୨ରୁ ଏପ୍ରିଲ ୭ ପର୍ଯ୍ୟନ୍ତ ଏହି କାର୍ଯ୍ୟସୂଚୀ ଘୋଷଣା କରାଯାଇଛି । ମାର୍ଚ୍ଚ ୨୨ରେ ଚେନ୍ନାଇର ଚେପକରେ ଖେଳାଯିବ ଉଦଘାଟନୀ ମ୍ୟାଚ୍‌। ଉଦଘାଟନୀ ମ୍ୟାଚରେ ମୁହାଁମୁହିଁ ହେବେ ଡିଫେଣ୍ଡିଂ ଚାମ୍ପିଅନ ଚେନ୍ନାଇ ସୁପର କିଙ୍ଗସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। ପ୍ରଥମ ୨୧ଟି ମ୍ୟାଚ୍ ପାଇଁ କ୍ରୀଡ଼ା ସୂଚୀ ଜାରି କରାଯାଇଛି। ଲୋକସଭା ନିର୍ବାଚନ ତାରିଖ ଘୋଷଣା ହେବା ପରେ ଦ୍ୱିତୀୟ ପର୍ଯ୍ୟାୟ କାର୍ୟ୍ୟସୂଚୀ ଘୋଷଣା କରାଯିବ ବୋଲି ଜଣାପଡ଼ିଛି।

🚨 𝗦𝗧𝗢𝗣 𝗧𝗛𝗘 𝗣𝗥𝗘𝗦𝗦 – TATA #IPL2024 Schedule is HERE! 🤩

Get ready for the thrill, excitement and fun to begin! Save this post so you don’t have to search for it again 🔍

It’s #CSKvRCB, @msdhoni 🆚 @imVkohli in the opener! Who’s your pick ? 👀#IPLSchedule #IPLonStar pic.twitter.com/oNLx116Uzi

— Star Sports (@StarSportsIndia) February 22, 2024

ବେଙ୍ଗାଲୁରୁ: ବିଶ୍ବର ସବୁଠାରୁ ବ୍ୟୟବହୁଳ ଟି-୨୦ ଟୁର୍ଣ୍ଣାମେଣ୍ଟ ଇଣ୍ଡିଆନ ପ୍ରିମିଅର ଲିଗ୍ (ଆଇପିଏଲ) ୧୭ତମ ସଂସ୍କରଣର ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ଆଇପିଏଲ ପାଇଁ ନିଲାମୀ ଆସନ୍ତା ଡିସେମ୍ବର ୧୯ ତାରିଖରେ ହେବ । ତେଣୁ ଏହା ପୂର୍ବରୁ ସମସ୍ତ ୧୦ ଫ୍ରାଞ୍ଚାଇଜ୍‌ ଟିମ ଖେଳାଳି ରିଟେନ ଏବଂ ରିଲିଜ କରିଛନ୍ତି। ତେବେ ଏକମାତ୍ର ଓଡ଼ିଆ ଖେଳାଳି ଭାବେ ଆଇପିଏଲରେ ସାମିଲ ଥିବା ଶୁଭ୍ରାଂଶୁ ସେନାପତିଙ୍କୁ ଛାଡିଛି ଚେନ୍ନାଇ ସୁପର କିଙ୍ଗସ୍‌। ଗତ ଦୁଇ ବର୍ଷ ହେବ ଚେନ୍ନାଇ ସୁପର କିଙ୍ଗସ୍‌ରେ ସ୍ଥାନ ପାଇଥିଲେ ଶୁଭ୍ରାଂଶୁ ସେନାପତି। କିନ୍ତୁ ଚଳିତ ଆଇପିଏଲ ସିଜିନ୍‌ ଆରମ୍ଭ ପୂର୍ବରୁ ଶୁଭ୍ରାଂଶୁ ସେନାପତିଙ୍କୁ ଦଳରୁ ରିଲିଜ୍‌ କରିଛି ସିଏସ୍‌କେ। ଶୁଭ୍ରାଂଶୁ ସେନାପତିଙ୍କ ସହ ଚେନ୍ନାଇ ସୁପର କିଙ୍ଗସ୍‌ ମୋଟ୍‌ ୮ ଜଣ ଖେଳାଳିଙ୍କୁ ଚଳିତ ସିଜିନ୍‌ ପୁର୍ବରୁ ରିଲିଜ୍‌ କରିଛି ।

ଓଡ଼ିଆ କ୍ରିକେଟର ଶୁଭ୍ରାଂଶୁ ସେନାପତି ଦୁଇ ବର୍ଷ ହେଲା ଚେନ୍ନାଇ ସୁପର କିଙ୍ଗସ୍‌ରେ ସ୍ଥାନ ପାଇଥିଲେ ବି ଗୋଟିଏ ମ୍ୟାଚ୍‌ ଖେଳିବା ପାଇଁ ସୁଯୋଗ ପାଇ ନ ଥିଲେ । ୨୦୨୨ ଆଇପିଏଲ ପୂର୍ବରୁ ହୋଇଥିବା ମିନି ନିଲାମିରେ ଶୁଭ୍ରାଂଶୁ ସେନାପତିଙ୍କୁ ୨୦ ଲକ୍ଷ ଟଙ୍କାରେ କିଣିଥିଲା ଚେନ୍ନାଇ। ତେବେ ଆଜି ଚେନ୍ନାଇ ସୁପର କିଙ୍ଗସ୍‌ ରିଲିଜ୍‌ କରିଥିବା ୮ ଖେଳାଳିଙ୍କ ମଧ୍ୟରେ ବେନ୍‌ ଷ୍ଟୋକ୍ସ, ପ୍ରିଟୋରିଓସ୍‌, ଅମ୍ବାତି ରାୟୁଡୁ,କାଇଲ ଜେମିସନ, ଭଗତ ବର୍ମା, ଆକାଶ ସିଂ,ଶୁଭ୍ରାଂଶୁ ସେନାପତି ଓ ଜାମିସନ୍‌ ଭଳି ଖେଳାଳି ରହିଛନ୍ତି। ଯାହାଫଳରେ ଚେନ୍ନାଇ ୩୨.୧ କୋଟି ଟଙ୍କା ନେଇ ଡିସେମ୍ବର ୧୯ରେ ହେବାକୁ ଥିବା ମିନି ନିଲାମକୁ ଯିବ। ବେନ ଷ୍ଟୋକ୍ସଙ୍କୁ ୧୬.୨୫ କୋଟି ଟଙ୍କାରେ ଚେନ୍ନାଇ କ୍ରୟ କରିଥିବାରୁ ସେ ରିଲିଜ ହେବା ଫଳରେ ଦଳର ମୋଟା ଅଙ୍କା ଅର୍ଥ ବଞ୍ଚିଛି।

ଅନ୍ୟପଟେ ବର୍ତ୍ତମାନ ଚେନ୍ନାଇ ସୁପର କିଙ୍ଗସ୍‌ ଦଳରେ ଡେଭିଡ କନୱେ, ରୁତୁରାଜ ଗାଇକୱାଡ, ମହେନ୍ଦ୍ର ସିଂ ଧୋନୀ (ଅଧିନାୟକ), ଶେଖ ରସିଦ, ଅଜିଙ୍କ୍ୟ ରାହାନେ, ମିଚେଲ ସାଣ୍ଟନର୍, ଶିବମ୍ ଦୁବେ, ମୋଇନ୍ ଅଲି, ରବିନ୍ଦ୍ର ଜାଡେଜା, ନିଶାନ୍ତ ସିନ୍ଧୁ, ଅଜୟ ମଣ୍ଡଳ, ଦୀପକ ଚହର, ତୁଷାର ଦେଶପାଣ୍ଡେ, ମୁକେଶ ଚୌଧୁରୀ, ମେହଶ ତିକ୍ଷିନ୍ନା,ସିମରଜିତ ସିଂ, ରାଜବର୍ଦ୍ଧନ ହାଙ୍ଗରକର, ମାଥିଶା ପଥିରାନା, ପ୍ରଶାନ୍ତ ସୋଲାନକି ରହିଛନ୍ତି।

ଭୁବନେଶ୍ୱର: ଚଳିତବର୍ଷ ଆଇପିଏଲରେ ଚେନ୍ନାଇ ସୁପର୍ କିଙ୍ଗସ୍‌ର ଲଗାତାର ପରାଜୟ ପରେ ଏବେ ଏହି ଦଳକୁ ଆଉ ଏକ ଝଟ୍‌କା ଲାଗିଛି। ଆଇପିଏଲ୍‌ରୁ  ଏହି ସିଜିନରୁ ବିଦାୟ ନେବେ ଚେନ୍ନାଇ ସୁପର୍ କିଙ୍ଗସ୍ ର ଷ୍ଟାର୍ ବୋଲର୍ ଦୀପକ ଚହର୍ । ଚଳିତବର୍ଷ ଫେବ୍ରୁଆରୀ ମାସରେ ୱେଷ୍ଟ ଇଣ୍ଡିଜ୍ ବିରୋଧରେ ଚହରଙ୍କ କ୍ୱାଡ୍ରିସେପ୍ସ ହାମ୍‌ଷ୍ଟ୍ରିଙ୍ଗ୍ ହୋଇଥିଲା । ଏଥିରୁ ସେ ଆରୋଗ୍ୟ ଲାଭ କରି ଚେନ୍ନାଇ ଦଳରେ ଯୋଗ ଦେବାକୁ ଆଶା ପୋଷଣ କରିଥିଲେ । ହେଲେ ନ୍ୟାସନାଲ କ୍ରିକେଟ୍ ଏକାଡେମୀରେ ରିହାବିଲେସନ୍ ସମୟରେ ଚହରଙ୍କ ଅଣ୍ଟାରେ ନୂଆ ଆଘାତ ସୃଷ୍ଟି ହୋଇଛି । ଫଳରେ ଆଇପିଏଲର ଚଳିତବର୍ଷ ସିଜିନରେ ସେ ବାଦ୍ ପଡିବା ନେଇ ଏକ ପ୍ରକାର ନିଶ୍ଚିତ ହୋଇଛି । ଯହାକୁ ନେଇ ଚେନ୍ନାଇ ଦଳରେ ନିରାଶା ଖେଳିଯାଇଛି ।

ଚହରଙ୍କୁ ବାଦ୍ ଦେଲେ ଚେନ୍ନାଇ ଦଳର ବୋଲିଂ ଲାଇନ୍ ଏଥର ଖୁବ ଦୁର୍ବଳ ଅନୁଭୂତ ହୋଇଛି । ଏପରି ସ୍ଥିତିରେ ରବୀନ୍ଦ୍ର ଜାଡେଜାଙ୍କ ୟେଲୋ ଆର୍ମି କେତେଦୂର ସଫଳ ହେବ, ସେ ନେଇ ସନ୍ଦେହ ସୃଷ୍ଟି ହୋଇଛି । ଆଜି ସନ୍ଧ୍ଯାକେ ରବୀନ୍ଦ୍ରଙ୍କ ଚେନ୍ନାଇ ଦଳ ଫାଫ୍ ଡୁପ୍ଲେସିଙ୍କ ଆର୍‌ସିବିକୁ ମୁମ୍ବାଇରେ ଭେଟିବ ।

ମୁମ୍ବାଇ: ଆଜିର ଆଇପିଏଲ ମ୍ୟାଚରେ ଚେନ୍ନାଇ ସୁପର କିଙ୍ଗସ ଓ ପଞ୍ଜାବ କିଙ୍ଗସ ମୁହାଁମୁହିଁ ହୋଇଛନ୍ତି। ଏହି ମ୍ୟାଚରେ ଚେନ୍ନାଇ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ତେଣୁ ପ୍ରଥମେ ବ୍ୟାଟିଂ କରି ପଞ୍ଜାବ ଦଳ ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୧୦୬ ରନ କରିଥିଲା । ଚେନ୍ନାଇକୁ  ପ୍ରଥମ ବିଜୟ  ପାଇଁ ୧୦୭ ରନର ଆବଶ୍ଯକତା ଅଛି।

ପଞ୍ଜାବ କିଙ୍ଗ୍‌ସ ପକ୍ଷରୁ ଲୋକେଶ ରାହୁଲ (ଅଧିନାୟକ) ଓ ମୟଙ୍କ ଅଗ୍ରୱାଲ୍‌ ଓପନିଂ କରିଥିଲେ। ମୟଙ୍କ ଅଗ୍ରୱାଲ୍‌ ଖାତା ଖୋଲି ନ ପାରି ଆଉଟ ହୋଇଥିବ ବେଳେ ଅଧିନାୟକ ଲୋକେଶ ରାହୁଲ ୫ ରନ କରି ରନ ଆଉଟ ହୋଇଥିଲେ। କ୍ରିସ ଗେଲ୍‌ ୧୦ ରନ୍‌, ଦୀପକ ହୁଡ଼ା ୧୦ ରିନ କରି ଆଉଟ ହୋଇଥିଲେ। ନିକୋଲାସ ପୂରନ ମଧ୍ଯ କୌଣସି ରନ କରିବାରେ ସମର୍ଥ ହୋଇ ନ ଥିଲେ। ପରେ ଶାହରୁଖ ଖାନ୍‌ ଓ ରିଚାର୍ଡସନ ମଧ୍ଯରେ ଏକ ଛୋଟ ପାର୍ଟନରସିପ ଦେଖିବାକୁ ମିଳିଥିଲା। ପରେ ରିଚାର୍ଡସନ ୨୨ ବଲରେ ୧୫ ରନ ଓ ମୁର୍ଗାନ ଅଶ୍ବିନ ୬ ରନ କରି ଆଉଟ ହୋଇଥିବା ବେଳେ ଶାହରୁଖ ଖାନ୍‌ ଲଢ଼ୁଆ ବ୍ଯାଟିଂ କରି ୪୭ ରନ କରି ଆଉଟ ହୋଇଥିଲେ। ମହମ୍ମଦ ସାମି ୯ ରନ କରି ଅପରାଜିତ ରହିଥିଲେ।

ଚେନ୍ନାଇ ପକ୍ଷରୁ ଆକ୍ରମଣାତ୍ମକ ବୋଲିଂ ପ୍ରଥମରୁ ଦେଖିବାକୁ ମିଳିଥିଲା  ଦୀପକ ଚହର ସର୍ବାଧିକ ୪ ୱିକେଟ ନେଇଥିଲେ। ଡ୍ୱେନ ବ୍ରାଭୋ ଓ ମୋଇନ ଅଲି ଗୋଟିଏ ଲେଖାଏଁ ୱିକେଟ ନେଇଥିଲେ।