ନୂଆଦିଲ୍ଲୀ: ୫୦ ଯାତ୍ରୀଙ୍କୁ ନେଇ ଯାଉଥିବା ରୁଷୀୟ ବିମାନ ଦୁର୍ଘଟଣା। ଦୁର୍ଘଟଣାରେ ସମସ୍ତ ଯାତ୍ରୀଙ୍କ ମୃତ୍ୟୁ ଆଶଙ୍କା। ଟିଣ୍ଡା ଯିବା ବେଳେ ଚୀନ ସୀମାନ୍ତ ଅମୁର ଅଞ୍ଚଳରେ ଦୁର୍ଘଟଣାଗ୍ରସ୍ତ। ବିମାନଟି ସାଇବେରିଆ ସ୍ଥିତ ଅଙ୍ଗାରା ଏୟାରଲାଇନ୍ସର ବୋଲି ଜଣାପଡିଛି। ବିମାନରେ ୫ ପିଲାଙ୍କ ସହ ୪୪ ଯାତ୍ରୀ ଓ ୬ କ୍ରିଉ ସଦସ୍ୟ ଥିଲେ। ଦୁର୍ଘଟଣାଗ୍ରସ୍ତ ବିମାନକୁ ଠାବ କଲା ଉଦ୍ଧାର ପାଇଁ ଯାଇଥିବା ହେଲିକପ୍ଟର।

ଏପର୍ଯ୍ୟନ୍ତ ଯାତ୍ରୀଙ୍କ ସମ୍ପର୍କରେ କୌଣସି ସୂଚନା ମିଳିପାରିନାହିଁ। ପୂରା ବିମାନ ମଧ୍ୟ ମିଳିପାରିନାହିଁ। ୫୦ ଯାତ୍ରୀ ନିଖୋଜ ଥିବା ବେଳେ ସେମାନଙ୍କର ମୃତ୍ୟୁ ହୋଇଥିବା ଅନୁମାନ କରାଯାଉଛି । ଯାତ୍ରୀବାହୀ ବିମାନ ଆନ ଆନ -୨୪ ସହ ଋଷିଆ ଏୟାର ଟ୍ରାଫିକର ଯୋଗାଯୋଗ ବିଚ୍ଛିନ୍ନ ହୋଇଛି।

ଋଷର ଜରୁରୀକାଳୀନ ମନ୍ତ୍ରାଳୟ କହିଛି ଯେ ସାଇବେରିଆ ଆଧାରିତ ଏୟାରଲାଇନ୍‌ ଆଙ୍ଗାରା ଦ୍ୱାରା ପରିଚାଳିତ ଏକ ବିମାନ ତା’ର ଗନ୍ତବ୍ୟସ୍ଥଳ ଟାଇଣ୍ଡା ଆଡ଼କୁ ଯାଉଥିବା ବେଳେ ରାଡାରରୁ ଅଦୃଶ୍ୟ ହୋଇଯାଇଥିଲା। ଟାଇଣ୍ଡା ହେଉଛି ଚୀନ୍‌ ସୀମାବର୍ତ୍ତୀ ଅମୁର ଅଞ୍ଚଳର ଏକ ସହର।

ମସ୍କୋ: ୟୁକ୍ରେନ ସୀମାରେ ଋଷ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଋଷୀୟ ମିଲିଟାରୀ ଟ୍ରାନ୍ସପୋର୍ଟ ବିମାନ ଇଲୁଶିନ ଆଇଆଇ-୭୬ ବିମାନ ବୁଧବାର(୨୪ ଜାନୁଆରୀ) ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡ଼ିଛି। ଏନେଇ ଋଷ ଖବର ସରବରାହ ଏଜେନ୍ସି ଆର୍‌ଆଇଏ ଏହି ସୂଚନା ଦେଇଛି। ଏହି ବିମାନରେ ୟୁକ୍ରେନ୍ କଏଦୀ ଥିଲେ। ଯୁଦ୍ଧ ସର୍ତ୍ତ ମୁତାବକ କଏଦୀ ବଦଳ ପାଇଁ ଏମାନଙ୍କୁ ନିଆଯାଉଥିବା ଦୁର୍ଘଟଣା ହୋଇଛି।

ଋଷ ପ୍ରତିରକ୍ଷା ମନ୍ତ୍ରଣାଳୟରୁ ମିଳିଥିବା ଖବର ଅନୁସାରେ,  କ୍ରାସ୍ ହୋଇଥିବା ବିମାନରେ ୬୫ ଜଣ ୟୁକ୍ରେନ୍ ଯୁଦ୍ଧ କଏଦୀ ଥିଲେ।। ଏହା ବାଦ୍ ବିମାନରେ ୬ ପରିଚାଳନା ସଦସ୍ୟ ଓ ଅନ୍ୟ ୩ ବ୍ୟକ୍ତି ରହିଥିଲେ। ତେବେ ବିମାନ କାହିଁକି କ୍ରାସ୍ ହେଲା ସେ ନେଇ କୌଣସି ଖବର ମିଳି ନଥିବା ବେଳେ ବିମାନରେ ବସିଥିବା ଯାତ୍ରୀଙ୍କ ପରିଚୟ ମଧ୍ୟ ମିଳିପାରି ନାହିଁ। ଋଷ ସୁରକ୍ଷା ସେବା ସହ ଜଡ଼ିତ ଏକ ଚ୍ୟାନେଲ ବାଜା ଦ୍ୱାରା ବିମାନ ଦୁର୍ଘଟଣାର ଭିଡିଓକୁ ଟେଲିଗ୍ରାମ ଦ୍ୱାରା ଶେୟାର କରାଯାଇଛି। ଏଥିରେ ବିମାନଟି ତଳକୁ ଖସି ହଠାତ୍ ବିସ୍ଫୋରଣ ହୋଇଯାଉଥିବାର ଦେଖିବାକୁ ମିଳିଛି।

ସୂଚନା ଥାଉକି ଋଷର ଆଇଆଇ-୭୬ ମିଲିଟାରୀ ଟ୍ରାନ୍ସପୋର୍ଟ ବିମାନକୁ ସେନା, ମାଲ୍‌, ସୈନ୍ୟଉପକରଣ ଏବଂ ଅସ୍ତ୍ରଶସ୍ତ୍ର ପରିବହନ ପାଇଁ ବ୍ୟାବହାର କରାଯାଇଥାଏ। ଏଥିରେ ସାଧାରଣତଃ ୫ ଜଣ କ୍ରୁ ମେମ୍ବର ରହିଥିବା ବେଳେ ବିମାନରେ ୯୦ ଯାତ୍ରୀ ଯିବାର ସୁବିଧା ରହିଛି।