ନୂଆଦିଲ୍ଲୀ: ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ପୁଣି ଥରେ ଜୀବନରୁ ମାରିଦେବାକୁ ଧମକ ମିଳିଛି। ରାଜସ୍ଥାନର କୋଟା ନିବାସୀ ତଥା ନିଜକୁ ଗୋ-ରକ୍ଷକ ବୋଲାଉଥିବା ରାଜ ଆମେରା ନାମକ ଜଣେ ଯୁବକ ଏକ ଭିଡିଓ ଜାରି କରି ଏହି ଧମକ ଦେଇଛନ୍ତି। ସେ କେବଳ ରାହୁଲ ଗାନ୍ଧୀ ନୁହେଁ, ବରଂ କଂଗ୍ରେସର ଅନ୍ୟ ସାଂସଦମାନଙ୍କୁ ମଧ୍ୟ ଗୁଳି କରି ହତ୍ୟା କରିବାକୁ ଖୋଲାଖୋଲି ଚେତାବନୀ ଦେଇଛନ୍ତି।

୫୬ ସେକେଣ୍ଡର ଭିଡିଓରେ ସାଂଘାତିକ ଧମକ

ଗୁରୁବାର ସକାଳେ ଜାରି ହୋଇଥିବା ଏହି ୫୬ ସେକେଣ୍ଡର ଭିଡିଓରେ ଅଭିଯୁକ୍ତ ନିଜକୁ କରଣୀ ସେନାର ସଦସ୍ୟ ବୋଲି ଦାବି କରିଛନ୍ତି। ସେ କହିଛନ୍ତି ଯେ, ସେ ସଂସଦ ଭିତରେ କିମ୍ବା ଘରେ ପଶି ରାହୁଲ ଗାନ୍ଧୀ ଏବଂ ୨୫ ଜଣ କଂଗ୍ରେସ ସାଂସଦଙ୍କୁ ଗୁଳି ମାରିବେ। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ବିରୋଧୀ ଦଳ ନେତାଙ୍କ ସୁରକ୍ଷା ବ୍ୟବସ୍ଥାକୁ ନେଇ ଗମ୍ଭୀର ପ୍ରଶ୍ନବାଚୀ ସୃଷ୍ଟି ହୋଇଛି।

The RSS-BJP ecosystem is a “Godse factory.”

The threat issued by the so called Karni Sena against Rahul Gandhi and the “25 Members of Parliament” is not an isolated outburst. It is the part of a calculated and devious plan.

▪️First, @KirenRijiju publicly lied and misled the… pic.twitter.com/MWbuG3gwbX

— Pawan Khera 🇮🇳 (@Pawankhera) February 19, 2026

ବାଚସ୍ପତିଙ୍କ ସହ ବିବାଦର ପ୍ରସଙ୍ଗ

ଫେବୃଆରୀ ୪ ତାରିଖରେ ଲୋକସଭା ବାଚସ୍ପତି ଓମ୍ ବିର୍ଲାଙ୍କ ଚ୍ୟାମ୍ବରରେ ହୋଇଥିବା ଘଟଣାକୁ କେନ୍ଦ୍ର କରି ଏହି ଧମକ ଦିଆଯାଇଥିବା କୁହାଯାଉଛି। କେନ୍ଦ୍ରମନ୍ତ୍ରୀ କିରଣ ରିଜିଜୁ ଅଭିଯୋଗ କରିଥିଲେ ଯେ କଂଗ୍ରେସ ସାଂସଦମାନେ ବାଚସ୍ପତିଙ୍କ ଚ୍ୟାମ୍ବରରେ ପଶି ଦୁର୍ବ୍ୟବହାର କରିଥିଲେ। ଯଦିଓ କଂଗ୍ରେସ ଏହାକୁ ଖଣ୍ଡନ କରିଥିଲା, ତଥାପି ଏହି ଘଟଣାକୁ ନେଇ ରାଜ ଆମେରା ଉତ୍ତ୍ୟକ୍ତ ହୋଇ ଏଭଳି ଧମକ ଦେଇଥିବା ଜଣାପଡିଛି।

ଅନ୍ୟପଟେ, କଂଗ୍ରେସ ଓ ଅନ୍ୟ ବିରୋଧୀ ଦଳ ନେତାମାନେ ଅଭିଯୁକ୍ତର ତୁରନ୍ତ ଗିରଫ ଦାବି କରିଛନ୍ତି। ବିଜେପି ନେତାମାନଙ୍କ ଉତ୍ତେଜନାମୂଳକ ଭାଷଣ ଯୋଗୁଁ ରାହୁଲ ଗାନ୍ଧୀଙ୍କ ଜୀବନ ପ୍ରତି ବିପଦ ବଢୁଥିବା କଂଗ୍ରେସ ଅଭିଯୋଗ କରିଛି। ତେବେ ଶେଷ ଖବର ସୁଦ୍ଧା ପୋଲିସ ପକ୍ଷରୁ କୌଣସି ଦୃଢ କାର୍ଯ୍ୟାନୁଷ୍ଠାନ ନିଆଯାଇ ନଥିବା ସୂଚନା ମିଳିଛି।

ଜୟପୁର: ରାଷ୍ଟ୍ରୀୟ ରାଜପୁତ କର୍ଣ୍ଣିସେନା ସଭାପତି ସୁଖଦେବ ସିଂ ଗୋଗାମେଡିଙ୍କୁ ଗୁଳି କରି ହତ୍ୟା କରାଯାଇଛି। ସିସିଟିଭିରେ କଏଦ ହୋଇଛି ତାଙ୍କ ହତ୍ୟା ବେଳର ଦୃଶ୍ୟ। ଏଥିରେ ସ୍ପଷ୍ଟ ଦେଖିବାକୁ ମିଳୁଛି ତିନି ଅଜଣା ଲୋକ ସୁଖଦେବ ସିଂ ଗୋଗାମେଡିଙ୍କ ସହ ସାମ୍ନାସାମ୍ନି ବସି କଥା ହେଉଛନ୍ତି। ଏହା ପରେ ହଠାତ୍ ସେମାନେ ସୁଖଦେବଙ୍କୁ ଅତର୍କିତ ଗୁଳିମାଡ଼ କରୁଛନ୍ତିି। ଜୟପୁରର ଶ୍ୟାମ ନଗର ଜନପଥରେ ଥିବା ତାଙ୍କ ବାସଭବନରେ ସୁଖଦେବ ସିଂ ଗୋଗାମେଡିଙ୍କୁ ହତ୍ୟା କରାଯାଇଛି। ଏହି ହତ୍ୟାକାଣ୍ଡ ପାଇଁ ରାଜସ୍ଥାନର ରୋହିତ ଗୋଦାରା ଗ୍ୟାଙ୍ଗ୍ ନିଜକୁ ଦାୟୀ କରିଛି।

ମିଳିଥିବା ସୂଚନା ଅନୁଯାୟୀ ଗୋଗାମେଡିଙ୍କୁ ଭେଟିବାକୁ ତିନିଜଣ ଲୋକ ଏକ ସ୍କୁଟରରେ ତାଙ୍କ ଘରକୁ ଆସିଥିଲେ । ସେମାନେ ତାଙ୍କ ରୁମକୁ ଯାଇ ସେଠାରେ ବସି ପ୍ରାୟ ୧୦ ମିନିଟ୍ କଥାବାର୍ତ୍ତା କରିଥିଲେ । ଏହା ପରେ ସେମାନେ ହଠାତ୍ ସୁଖଦେବଙ୍କ ଉପରକୁ ଏକାଧିକ ରାଉଣ୍ଡ ଗୁଳିମାଡ଼ କରିଥିଲେ । ପାଖରେ ଛିଡ଼ା ହୋଇଥିବା ଗୋଗାମେଡିଙ୍କ ଜଣେ ଅଙ୍ଗରକ୍ଷୀ ମଧ୍ୟ ଆକ୍ରମଣକାରୀଙ୍କୁ ପାଲଟା ଗୁଳି ଚଳାଇଥିଲା। କ୍ରସ୍ ଫାୟାରିଂରେ ଜଣେ ଆକ୍ରମଣକାରୀଙ୍କର ମଧ୍ୟ ମୃତ୍ୟୁ ହୋଇଥିବା ଜଣାପଡିଛି।

ରୋହିତ ଗୋଦରା ଗ୍ୟାଙ୍ଗ୍ ରାଷ୍ଟ୍ରୀୟ ରାଜପୁତ କର୍ଣ୍ଣି ସେନା ସଭାପତି ସୁଖଦେବ ସିଂ ଗୋଗାମେଡିଙ୍କ ହତ୍ୟା ପାଇଁ ନିଜକୁ ଦାୟୀ କରିଛି । ଏହି ଗ୍ୟାଙ୍ଗ ଲରେନ୍ସ ବିଷ୍ଣୁ ଗ୍ୟାଙ୍ଗ୍ ସହ ଜଡ଼ିତ । କିଛି ମାସ ତଳେ ରୋହିତ ଗୋଦାରା ଦୁବାଇରୁ ଗୋଗାମେଡିଙ୍କୁ ଧମକ ଦେଇଥିଲା। ରୋହିତ ଗୋଦାରା ଜଣେ କୁଖ୍ୟାତ ଗ୍ୟାଙ୍ଗଷ୍ଟର ଯିଏ ବର୍ତ୍ତମାନ ଭାରତ ବାହାରେ ରହୁଛି। ଏନଆଇଏ ମଧ୍ୟ ତାକୁ ଖୋଜୁଛି ।