ବୌଦ୍ଧ: ପକ୍ଷାଘାତ ରୋଗୀଙ୍କୁ ଦୀର୍ଘ ୨ଘଣ୍ଟା ଧରି ବାନ୍ଧି ରଖିଲା ସାପ। ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍‌ ଆଡ଼େନିଗଡ଼ ଗ୍ରାମରେ ଘଟିଥିବା ଏପରି ଏକ ଘଟଣା ସ୍ଥାନୀୟ ଅଞ୍ଚଳ‌‌ରେ ଚର୍ଚ୍ଚାର ବିଷୟ ହୋଇଛି। ସୂଚନାନୁଯାୟୀ, ଗାଁର କୃଷ୍ଣଚନ୍ଦ୍ର ସାହୁ ଜଣେ ପକ୍ଷାଘାତ ରୋଗୀ। ସେ ଘରେ ଶୋଇଥିବା ବେଳେ ବିଳମ୍ବିତ ରାତିରେ ଘରର ଝରକା ପଟେ ଗୋଟିଏ ସାପ ଭିତରକୁ ପଶି ଆସି କୃଷ୍ଣଚନ୍ଦ୍ରଙ୍କ ଉପରେ ଚଢ଼ି ଯାଇଥିଲା। ସେ ଏହା ଜାଣିପାରିଥିଲେ ହେଁ ହଠାତ୍‌ ଉଠି ପାରିନଥିଲେ କି କାହାକୁ ପାଖକୁ ଡାକି ପାରିନଥିଲେ। ରୋଗରେ ପୀଡ଼ିତ ଥିବାରୁ ତାଙ୍କ ଶରୀରର ଗୋଟିଏ ପାର୍ଶ୍ବ ସମ୍ପୂର୍ଣ୍ଣ ଅଚଳ ହୋଇପଡ଼ିଛି। କିଛି ସମୟ ପରେ କୃଷ୍ଣ ଉଠିବା ପାଇଁ ଚେଷ୍ଟା କରିଥିଲେ। କିନ୍ତୁ, ସେତେବେଳକୁ ସାପଟି ତାଙ୍କ ହାତକୁ ଏକ ଚେୟାର୍‌ ସହ ଜୋର୍‌ରେ ଗୁଡ଼ାଇ ବାନ୍ଧିସାରିଥିଲା। 

କୃଷ୍ଣଙ୍କ ପାଟି ଶୁଣି ପରିବାର ଲୋକେ ଏହା ଦେଖିବା ପରେ ଭୟଭୀତ ହୋଇପଡ଼ିଥିଲେ। ପରିବାରଲୋକେ ଅତି ସତର୍କତାର ସହ ପ୍ରାୟ ୨ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ସାପ କବଳରୁ କୃଷ୍ଣଙ୍କୁ ସୁରକ୍ଷିତ ଉଦ୍ଧାର କରିଥିଲେ। ପରେ ସାପଟିକୁ ଘର ବାହାରକୁ ସୁରକ୍ଷିତ ଭାବେ ନେଇ ଛାଡ଼ି ଦିଆଯାଇଥିଲା। ଏବେ ଏହି ଆଶ୍ଚର୍ଯ୍ୟଜନକ ଘଟଣା ପୂରା ଅଞ୍ଚଳରେ ଚର୍ଚ୍ଚାର ବିଷୟ ପାଲଟଛି।

ଭୁବନେଶ୍ୱର: ଭୁବନେଶ୍ୱର ଚିଲି ପୋଖରୀ ଅଞ୍ଚଳର ଝୁନା ଜେନା ଘରେ ଏକୁଟିଆ ଥିଲା ବେଳେ ଦିନ ପ୍ରାୟ ୩ଟା ସମୟରେ ହଠାତ୍‌‌ ତାଙ୍କର ପୋଷା କୁକୁର୍ୱାନେ ଭୁକିଥିଲେ। ବାହାରକୁ ଆସି ଝୁନା ଦେଖନ୍ତି ତ, ଗୋଟିଏ ବଡ଼ ନାଗ ସହିତ ତାଙ୍କର ୪ଟି କୁକୁର ଲଢେଇ ଲାଗିଛନ୍ତି। କୁକୁରମାନେ ଖୁବ୍‌‌ ଜୋରରେ ଭୁକିବା ସହିତ ନାଗ ସାପକୁ ମୁହଁରେ ଧରି କାମୁଡିବା ପାଇଁ ଚେଷ୍ଟା କରୁଥାନ୍ତି। ଝୁନା ବିକଳ ହୋଇ କୁକୁରମାନଙ୍କୁ ଡାକି ସାପ ଠାରୁ ଅଲଗା କରିବା ଚେଷ୍ଟା କରିବାକୁ ଲାଗିଲେ। 

ଯଦିଓ ଅନ୍ୟ କୁକୁର ୩ଟି ତାଙ୍କ କଥା ମାନି ଫେରି ଆସିଥିଲେ, ୬ ବର୍ଷ ବୟସ୍କ ମାଈ ଡାସଣ୍ଡ ଫୋନୀ କିନ୍ତୁ ନାଗ ସାପକୁ ମୁହଁରେ ଧରି ବାରମ୍ବାର ଝୁଣି ପକେଇ ଥିଲା। ସେତିକି ବେଳେ ନାଗ ସାପ ଫୋନୀକୁ କାମୁଡି ଦେଇଥିଲା। କିଛି ସମୟ ପରେ ଜଣେ ଯୁବକ ଆସି ଫୋନୀକୁ ଅଲଗା କଲେ ସିନା, ସିଏ ସେତେବେଳକୁ ଗୁରୁତର ହେଇ ସାରି ଥିଲା। ସେତିକି ବେଳେ ଝୁନା ବିକଳ ହୋଇ ପାଇପ୍‌‌ରେ ଫୋନୀ ଉପରେ ପାଣି ଢାଳି ଥିଲେ। ଏହାପରେ ତାକୁ ସହିଦ ନଗରସ୍ଥିତ ପ୍ରାଣୀ ଚିକିତ୍ସାଳୟକୁ ନେଇଥିଲେ। ସେତେବେଳକୁ ଫୋନୀ ଜୀବନ ହାରି ସାରିଥିଲା। ସ୍ନେକ୍‌‌ ହେଲ୍ପ ଲାଇନ୍‌‌ ଟିମ୍‌‌ ଘଟଣା ସ୍ଥଳରେ ପହଞ୍ଚିବା ବେଳକୁ କେବଳ ସାପ ଏବଂ କୁକୁରର ମୃତ ଦେହ ଦେଖିବାକୁ ପାଇଥିଲେ। ଫୋନୀର ଦେହ ଯାଞ୍ଚ କରିବାରୁ, ଛାତି ପାଖରେ ଏବଂ କାନରେ ରକ୍ତ ଦାଗ ଦେଖିବାକୁ ପାଇଥିଲେ ସ୍ନେକ୍‌‌ ହେଲ୍ପ ଲାଇନ ସଦସ୍ୟ ଅରୁଣ ବରାଳ। ସ୍ନେକ୍‌‌ ହେଲ୍ପ ଲାଇନ୍‌‌ର ସମ୍ପାଦକ କହିଛନ୍ତି ‘କୁକୁର ମାନେ ସାପକୁ ମାରି ପାରନ୍ତି। କିନ୍ତୁ ଡାସଣ୍ଡ କୁକୁର ମାନଙ୍କର ଉଚ୍ଚ଼ତା କମ୍‌‌ ହେଇଥିବାରୁ ନାଗ ସାପ ଫୋନୀକୁ ସହଜରେ କାମୁଡ଼ି ଦେଇଥିଲା। ତେବେ, ସାପ କାମୁଡି ବା ପରେ କେବେ ହେଲେ ବି କୌଣସି ପଶୁଙ୍କ ଦେହରେ ପାଣି ଢାଳିବା କଥା ନୁହେଁ। ଏହାଦ୍ୱାରା ଦେହରେ ଶୀଘ୍ର ବିଷ ସଞ୍ଚରଣ ହୋଇଥାଏ ବୋଲି ସେ କହିଛନ୍ତି।

ସ୍ବପ୍ନ ଶାସ୍ତ୍ର ଅନୁସାରେ, ଭୋର ସମୟରେ ଦେଖାଯାଉଥିବା ସ୍ବପ୍ନ କାଳେ ସତ ହୁଏ। ସେହିପରି ଏବେ ଶ୍ରାବଣ ମାସ ଚାଲିଛି। ଶିବଭକ୍ତ ଶିବଲିଙ୍ଗରେ ଜଳାଭିଷେକ କରିବା ସହ ଶିବଙ୍କ ପୂଜାର୍ଚ୍ଚନା କରୁଛନ୍ତି। ତେବେ ଏହି ମାସରେ ସର୍ପ ସ୍ବପ୍ନ ଦେଖିବାର ଅର୍ଥ କ’ଣ, ସେ ସମ୍ପର୍କରେ ଜାଣିବା।

-ଶ୍ରାବଣ ମାସରେ ସର୍ପ ସ୍ବପ୍ନ ଦେଖିଲେ ଭଗବାନ ଶିବଙ୍କ କୃପା ପ୍ରାପ୍ତି ହୁଏ। ଏହା ଦ୍ବାରା କୌଣସି ମନୋକାମନା ପୂରଣ ହୋଇଥାଏ।

-ସାପ ଫଣା ଉଠାଇବା ସ୍ବପ୍ନ ସମ୍ପତ୍ତି ଲାଭକୁ ଇଙ୍ଗିତ କରେ।

-ନାଗ ଚୋଟରେ ମୃତ୍ୟୁ ସ୍ବପ୍ନରେ ଆୟୁ ଦୀର୍ଘ ହୁଏ।

-ଗାତ ଖୋଳିବା ସମୟରେ ସାପ ଦେଖିବା ସ୍ବପ୍ନର ଅର୍ଥ ଧନପ୍ରାପ୍ତି।

-ସ୍ବପ୍ନରେ ସାପ ରାସ୍ତା ଅତିକ୍ରମ କରି ଯାଉଥିବା ଦେଖିଲେ ବିଜୟ ସୂଚନା ଦିଏ।

-ସ୍ବପ୍ନରେ ସାପ ମୁଣ୍ଡରେ ଚଢ଼ି ବସିବା ଦେଖିଲେ ମାନସମ୍ମାନ ବୃଦ୍ଧି ପାଏ।

-ସାପ ବିଲରେ ଯିବା ଦେଖିଲେ ଅଚାନକ ଧନପ୍ରାପ୍ତି ହୁଏ।

ଜଳେଶ୍ୱର: ୫ ସାପ ଉଦ୍ଧାର ସହ ୫ସାପୁଆ ଗିରଫ । ରାଇବଣିଆ ଥାନା ଅନ୍ତର୍ଗତ ରାଜନଗର ଗ୍ରାମରୁ ଗିରଫ କରିଛି ବନ ବିଭାଗ । ରାଇବଣିଆ, ଲୁହାପଡା ସହ ସ୍ଥାନୀୟ ଜଙ୍ଗଲରୁ ବେଆଇନ ଭାବେ ସାପ ଧରି ପଶ୍ଚିମବଙ୍ଗକୁ ଚାଲାଣ କରିବା ଅଭିଯୋଗରେ ଗିରଫ କରାଯାଇଛି । ଗିରଫ ପାଞ୍ଚ ବ୍ୟକ୍ତିଙ୍କ ଘର ପଶ୍ଚିମବଙ୍ଗର ବର୍ଦ୍ଧମାନ ଅଞ୍ଚଳରେ ବୋଲି ଜଣା ପଡ଼ିଛି । ଉଦ୍ଧାର ହୋଇଥିବା ସାପଙ୍କ ମଧ୍ୟରେ ଦୁଇଟି ନାଗ , ଦୁଇଟି ଚନ୍ଦନ ବୋଡା ଓ ଗୋଟାଏ ତମ୍ପ ସାପ ଥିବା ସୂଚନା ।