ଭଦ୍ରକ: ମହାମାରୀ କରୋନାର ଦ୍ଵିତୀୟ ଲହରୀ ଏବେ ଦିନକୁ ଦିନ ବୃଦ୍ଧିପାଇବାରେ ଲାଗିଛି। କେନ୍ଦ୍ର ଓ ରାଜ୍ୟ ସରକାର ଏକାଠି ମିଶି ଏହାର ମୁକାବିଲା କରିବା ପାଇଁ ପ୍ରୟାସ ଜାରୀ ରଖିଛନ୍ତି। ଏପରିକି ବରିଷ୍ଠ ନାଗରୀକ ଓ ୧୮ବର୍ଷରୁ ୪୫ବର୍ଷ ପର୍ଯ୍ୟନ୍ତ ସମସ୍ତ ନାଗରୀକଙ୍କୁ କୋଭିଡ ଟିକା ଦେବା ପାଇଁ ଘୋଷଣା କରାଯାଇଛି । ମାତ୍ର ବିଡମ୍ବନାର ବିଷୟ ଯେ ପ୍ରଥମେ ବରିଷ୍ଠ ନାଗରୀକମାନେ ପ୍ରଥମ ଡୋଜ ଟିକା ନେବା ପରେ ଦ୍ବିତୀୟ ଡୋଜ ଟିକା ପାଇଁ ବାରମ୍ବାର ମେଡିକାଲକୁ ଆସୁଥିଲେ ମଧ୍ଯ ମେଡିକାଲରେ ଟିକା ଅଭାବରୁ ନିରାଶ ହୋଇ ଫେରୁଥିବା ଅଭିଯୋଗ ହୋଇଛି ।

ଆରଡି ମେଡିକାଲର ରିପୋର୍ଟ ଅନୁଯାୟୀ ଗତ ମାର୍ଚ୍ଚ ୧୬ରୁ ଅପ୍ରେଲ ମାସ ୨୦ ସୁଧା ୩ହଜାର ୬ଶହ ୩୬ଜଣ ପ୍ରଥମ ଟିକା ନେଇଛନ୍ତି। ହେଲେ ସେମାନଙ୍କ ମଧ୍ଯରୁ କାହାର ୨ମାସ ବିତିଲାଣି ତ ଆଉ କାହାର ଦେଢମାସ ହେଲାଣି । ୨ୟ ଡୋଜ ଟିକା କେତେ କାମ ଦେବ ତାହା ଲୋକଙ୍କୁ ସନ୍ଦେହ ଘେରରେ ପକାଇଛି। ବିଶେଷକରି ବାହାରୁ ଫେରୁଥିବା ପ୍ରବାସୀ ଏବେ ଚିନ୍ତାର କାରଣ ପାଲଟିଛନ୍ତି।

ମେଡିକାଲରେ ଆବଶ୍ଯକତା ଅନୁଯାୟୀ କିଟ ନଥିବାରୁ ଟେଷ୍ଟି ପାଇଁ ସକାଳୁ ସଂଞ୍ଜ ଯାଏଁ ଭିଡ ଜମୁଛି ମେଡିକାଲ ପରିସରରେ। ଏହି ଆରଡି ମେଡିକାଲ ଉପରେ ଚାନ୍ଦବାଲି ଓ ତିହିଡ ବ୍ଲକର ୧୫ପଞ୍ଚାୟତର ଲୋକଙ୍କ ସହ ପଡୋଶୀ କେନ୍ଦ୍ରାପଡା ଓ ଯାଜପୁର ଜିଲାର ଅଧିକାଂଶ ଅଞ୍ଚଳର ଲୋକ ନିର୍ଭର କରିଥାନ୍ତି। ବହୁ ଦୂରଦୂରାନ୍ତରରୁ ଆସୁଥବା ଳୋକ ଟିକା ନପାଇ ନିରାସ ହେଉଥିବା ମଧ୍ୟ ଅବିଯୋଗ ହୋଇଛି ।

ଭୁବନେଶ୍ବର : ରାଜ୍ୟରେ ଟିକା ଅଭାବ। ରାଜ୍ୟରେ ପର୍ଯ୍ୟାପ୍ତ ପରିମାଣର ଭ୍ୟାକସିନ ନଥିବାରୁ ରାଜ୍ୟରେ ବନ୍ଦ ହୋଇଗଲାଣି ୯୦୦ ଟିକାକରଣ କେନ୍ଦ୍ର। ରାଜ୍ୟରେ ଯେତିକି ଟିକା ମହଜୁଦ ଅଛି ତାକୁ ନେଇ ଆଜି ୫୭୯ କେନ୍ଦ୍ର ରେ ଟିକାକରଣ ଚାଲିଛି। ବର୍ତ୍ତମାନ ରାଜ୍ୟ ପାଖରେ ୨ ଲକ୍ଷ ୩୩ ହଜାର ଡୋଜ କୋଭିସିଲଡ଼ ଟିକା ଓ ୭୭ ହଜାର ୯୬୦ କୋଭାକ୍ସିନ ଟିକା ଅଛି ।

ଅନ୍ୟପଟେ ଆଜିଠାରୁ ଦେଶ ବ୍ୟାପି ଟିକା ଉତ୍ସବ ଆରମ୍ଭ ହୋଇଥିବା ବେଳେ ଓଡ଼ିଶା ପାଖରେ ରହିଛି ମାତ୍ର ୩ ଲକ୍ଷ ୩୦ ହଜାର ଟିକା । ଟିକାର ନିଅଂଟିଆ ସ୍ଥିତି ଭିତରେ ଓଡ଼ିଶାରେ ପାଳିତ ହେବ ଟିକା ଉତ୍ସବ। ବଡ଼ କଥା ହେଉଛି ଓଡ଼ିଶା ଦୈନିକ ୩ ଲକ୍ଷ ପର୍ଯ୍ୟନ୍ତ ଟିକା ଦେବାରେ ସକ୍ଷମ ଥିବା ବେଳେ ଅତି କମରେ ୨୫ ଲକ୍ଷ ଟିକା ଦେବା ପାଇଁ କେନ୍ଦ୍ରକୁ ଅନୁରୋଧ କରାଯାଇଥିଲା । ହେଲେ ଗତକାଲି ମାତ୍ର ୨ ଲକ୍ଷ ୫୦ ହଜାର ଟିକା ଆସି ପହଂଚିଥିଲା । ସୂଚନା ଅନୁସାରେ କେନ୍ଦ୍ର ସରକାରଙ୍କ ପକ୍ଷରୁ ଇତି ମଧ୍ୟରେ ୪୨ ଲକ୍ଷ ୭୧ ହଜାର ୮୭୦ କୋଭିସିଲ୍ଡ ଟିକା ଆସିଥିବା ବେଳେ ୩ଲକ୍ଷ ୩୬ ହଜାର ୭୮୦ କୋଭାକ୍ସିନ୍ ଟିକା ଓଡ଼ିଶା ଆସିଛି । ଗତକାଲି ଅଢେଇ ଲକ୍ଷ ପହଂଚିବା ପରେ ଜିଲ୍ଲା ଗୁଡ଼ିକୁ ବଣ୍ଟା ସରିଛି। ଅଧିକ ସଂକମିତ ଜିଲ୍ଲାକୁ ପ୍ରାଧାନ୍ୟ ଦିଆଯାଉଛି। ଖୋର୍ଦ୍ଧା,ସୁନ୍ଦରଗଡ ଓ ନୂଆପଡା ବଲାଙ୍ଗୀର ଭଳି ଜିଲ୍ଲାକୁ ପ୍ରାଧାନ୍ୟ ଦିଆଯାଉଛି।

ଯେଉଁଠି ଭ୍ୟାକ୍ସିନ ଅଛି ସେଠି ଟିକା ଉତ୍ସବ କରାଯାଉଛି। ଜିରୋ ୱେଷ୍ଟଜ ଓ ସଚେତନତା ଟିକା ଉତ୍ସବର ଲକ୍ଷ। ଟିକା ନ ଆସିଲେ ଆସନ୍ତାକାଲି ଅଧିକାଂଶ ଜିଲ୍ଲାରେ ଷ୍ଟକ ଆଉଟ ହୋଇଯିବ । ଯେଉଁ ଜିଲ୍ଲାକୁ ଟୀକା ଗତକାଲି ଯାଇଛି ସେ ଜିଲ୍ଲାରେ ଟକାକରଣ ଜାରି ରହିବ,ଅନ୍ୟ ଜିଲ୍ଲାରେ ବନ୍ଦ ରହିବ ବୋଲି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି।