ଭୁବନେଶ୍ବର: ବିଜୁବାବୁଙ୍କ ପ୍ରତିମୂର୍ତ୍ତିକୁ ଜାଳିଦେଲା ଦୁର୍ବୃତ୍ତ। ବଲାଙ୍ଗୀର ପାଟଣାଗଡ଼ରେ ବ୍ଲକ ଛକରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିକୁ ଦୁର୍ବୃତ୍ତ ଜାଳି ଦେଇଥିବା ଜଣାପଡିଛି। ବିଜୁବାବୁଙ୍କ ପ୍ରତିମୂର୍ତ୍ତିକୁ ଜାଳିବା ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି। ପ୍ରବାଦପୁରୁଷଙ୍କୁ ଅସମ୍ମାନ ଦେବା ଘଟଣା ସ୍ଥାନୀୟ ଲୋକଙ୍କୁ ବ୍ୟଥିତ କରିଛି। ସାଂସଦ ମାନସ ମଙ୍ଗରାଜ ତୀବ୍ର ନିନ୍ଦା କରିଛନ୍ତି। ଏ ଘଟଣା ଅତି ନିନ୍ଦନୀୟ ବୋଲି ସାଂସଦ ମାନସ ମଙ୍ଗରାଜ କହିଛନ୍ତି। ଏଭଳି ଘୃଣ୍ୟ କାମକୁ ଓଡ଼ିଶାବାସୀ କେବେ କ୍ଷମା ଦେବେ ନାହିଁ ବୋଲି ସେ କହିଛନ୍ତି। ଏହା ସହ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ସମ୍ପୁର୍ଣ୍ଣ ବିପର୍ଯ୍ୟସ୍ଥ ହୋଇପଡ଼ିଛି। ଓଡ଼ିଶାର ବରପୁତ୍ରଙ୍କ ପ୍ରତି ଅସମ୍ମାନକୁ ପ୍ରଶୟ ଦିଆଯିବନି ବୋଲି ସେ କହିଛନ୍ତି।

Horrible & Outrageous! These are the visuals from Patnagarh where Legendary Biju Babu’s statue was set on fire. It’s really disturbing and highly condemnable. People of Odisha will never forgive such heinous act. pic.twitter.com/SrKzxX5lyu

— Manas Mangaraj (@manasrmangaraj) April 15, 2025

ସେହିପରି ପୂର୍ବତନ ମନ୍ତ୍ରୀ  ଅଶୋକ ଚନ୍ଦ୍ର ପଣ୍ଡା କହିଛନ୍ତି ଯେ,  ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ଜାଳିବା ରାଜ୍ୟବାସୀଙ୍କୁ ବ୍ୟଥିତ କରିଛି। ଯିଏ ବି କରିଛି, ଏହା ତାଙ୍କ ହୀନମନ୍ୟତା। କେହି ଭୁଲିବା କଥା ନୁହେଁ ଯେ, ବିଜୁ ପଟ୍ଟନାୟକଙ୍କ ପରି ମହାପୁରୁଷଙ୍କ ସ୍ୱତନ୍ତ୍ର ଓଡ଼ିଶା ଗଠନରେ ଭୂମିକା ରହିଛି। ଯେଉଁଥି ପାଇଁ ଆମେ ଆଜି ନାଗରିକ ହେବାର ଗର୍ବ କରି ପାରୁଛୁ। ପ୍ରଶାସନ ଏ ଦିଗରେ ଆଇନଗତ ପଦକ୍ଷେପ ନେବାର ଆବଶ୍ୟକତା ରହିଛି। ବିଜୁ ପଟ୍ଟନାୟକଙ୍କ ମରଶରୀରରେ ତିନି ରାଷ୍ଟ୍ରର ଜାତୀୟ ପତାକା ପଡିଥିଲା। ସଂକୀର୍ଣ୍ଣ ରାଜନୀତିରୁ ବାହାରିବା ଦରକାର ବୋଲି ସେ କହିଛନ୍ତି।

ଖବର ଅନୁଯାୟୀ, ବଲାଙ୍ଗୀର ପାଟଣାଗଡ଼ରେ ବ୍ଲକ ଛକରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିକୁ ଦୁର୍ବୃତ୍ତ ଜାଳି ଦେଇଥିବା ଜଣାପଡିଛି। ଆଜି ସକାଳୁ ବିଜୁବାବୁଙ୍କ ପ୍ରତିମୂର୍ତ୍ତିକୁ ଜାଳି ଦେଇଥିବା ଦେଖିବାକୁ ମିଳିଛି  ପାଟଣାଗଡ ସହରରେ ଅଶାନ୍ତ ପରିବେଶ ସୃଷ୍ଟି ଲାଗି ଏହା ପ୍ରୟାସ ବୋଲି ବୁଦ୍ଧିଜୀବୀ ମତ ରଖିଛନ୍ତି।

ଭୁବନେଶ୍ବର: ପୁରୀ ଜିଲ୍ଲା କଣାସରେ ହଇଜା ବ୍ଯାପିବା ନେଇ ଉଦବେଗ ପ୍ରକାଶ କରିଛନ୍ତି ବିଜେଡି ସାଂସଦ ମାନସ ମଙ୍ଗରାଜ। ସେ ନିଜର ‘ଏକ୍ସ’ ହ୍ଯାଣ୍ଡେଲରେ ହଇଜାରେ ଲୋକଙ୍କ ମୃତ୍ଯୁ ନେଇ ମଧ୍ଯ ଚିନ୍ତା ପ୍ରକଟ କରିଛନ୍ତି। ରାଜ୍ଯ ସରକାର ତୁରନ୍ତ ଏ ଦିଗରେ ଜରୁରୀ ପଦକ୍ଷେପ ନେଇ ଏହାକୁ ଅକ୍ତିଆରକୁ ଆଣିବାକୁ ସେ ଦାବି କରିଛନ୍ତି। ପ୍ରଭାବିତ ଅଞ୍ଚଳକୁ ଏକ ସ୍ବତନ୍ତ୍ର ମେଡିକାଲ ଟିମ ପଠାଇବାକୁ ସେ ଦାବି କରିଛନ୍ତି । ବର୍ଜ୍ଯବସ୍ତୁ ପରିଚାଳନାରେ ଅପାରଗତା ଲାଗି ଗଙ୍ଗୁଆ ନଦୀ ଜଳ ଦୟା ନଦୀ ଦେଇ ଚିଲିକାରେ ମଧ୍ଯ ମିଶୁଥିବାରୁ ବିଜେଡି ସାଂସଦ ଚିନ୍ତା ପ୍ରକଟ କରିଛନ୍ତି । ଯଦ୍ବାରା ରାଜୁଆ, ମକରା, ଲୁଣା, ରତ୍ନଚିରା ଓ ଭାର୍ଗବୀ ଜଳ ମଧ୍ଯ ପ୍ରଦୂଷିତ ହୋଇପଡିଛି । ତେଣୁ ସେ ରାଜ୍ଯ ସରକାର ସମସ୍ଯାରେ ତୁରନ୍ତ ହସ୍ତକ୍ଷେପ କରି ହଇଜା ରୋକିବା ଦିଗରେ କାମ କରିବାକୁ ନିବେଦନ କରିଛନ୍ତି ।

Diarrhoea outbreak in Kanas Block of Puri district is concerning. People are dying due to diarrhoea.

Government should take steps to control the situation by sending a special medical team to the affected areas.

Due to lack of proper waste management, the polluted water of…

— Manas Mangaraj (@manasrmangaraj) January 22, 2025

ସେପଟେ ସତ୍ୟବାଦୀ ନିର୍ବାଚନ ମଣ୍ଡଳୀର କଣାସ ଅଞ୍ଚଳରେ ବ୍ୟାପିଥିବା ହଇଜାର କାରଣ ଜାଣିବା ପାଇଁ ବିଜେଡି ଏକ ଟିମ୍ ଗଠନ କରିଛି। ବିଧାୟକ ଅରୁଣ ସାହୁ, ପୂର୍ବତନ ସାଂସଦ ରାଜଶ୍ରୀ ମଲ୍ଲିକ ଓ ଡକ୍ଟର ସଞ୍ଜୟ ଦାସଙ୍କୁ ନେଇ ଏକ ୩ ଜଣିଆ ଟିମ୍ ଗଠନ ହୋଇଛି। ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଏହି ଟିମ୍ ଗଠନ ହୋଇଛି। ଏହି ଟିମ୍ ପ୍ରଭାବିତ ଅଞ୍ଚଳକୁ ଯାଇ ସ୍ଥାନୀୟ ଲୋକଙ୍କ ସହ ଆଲୋଚନା କରିବେ। ଏବଂ ନିର୍ବାଚନ ମଣ୍ଡଳୀର ବିଭିନ୍ନ ଅଞ୍ଚଳ ବୁଲି ସ୍ଥିତି ଅନୁଧ୍ୟାନ କରିବେ। ବିଜେଡି ସମନ୍ବୟ କମିଟି ଅଧ୍ୟକ୍ଷ ଦେବୀ ମିଶ୍ର ଏନେଇ ସୂଚନା ଦେଇଛନ୍ତି।

ନୂଆଦିଲ୍ଲୀ: ରାଜ୍ୟରେ କୋ-ଅପରେଟିଭ ସୋସାଇଟି ସଦସ୍ୟମାନଙ୍କ ଦକ୍ଷତା ବୃଦ୍ଧି ପାଇଁ କୌଣସି ତାଲିମ କାର୍ଯ୍ୟକ୍ରମ କରାଯିବାର ଯୋଜନା ଅଛି କି ବୋଲି ରାଜ୍ୟସଭାରେ ପ୍ରଶ୍ନ କରିଛନ୍ତି ସାଂସଦ ମାନସ ମଙ୍ଗରାଜ ଓ ମୁଜିବୁଲ୍ଲା ଖାନ। ୩ ବର୍ଷରେ କେତୋଟି କର୍ମଶାଳା ଓ ଦକ୍ଷତା ବିକାଶ କାର୍ଯ୍ୟକ୍ରମ ହାତକୁ ନିଆଯାଇଛି, ତାର ସୂଚନା ମାଗିଥିଲେ ସାଂସଦ । ଏହା ସହିତ ଓଡ଼ିଶାରେ କୋଅପରେଟିଭ ସୋସାଇଟିଗୁଡିକର କୌଣସି ଶିକ୍ଷାନୁଷ୍ଠାନ କିମ୍ବା ବିଶେଷଜ୍ଞଙ୍କ ସହଯୋଗିତାରେ ତାଲିମ ପାଇଁ କାର୍ଯ୍ୟକ୍ରମ କରାଯାଉଛି କି ବୋଲି ପ୍ରଶ୍ନ କରିଛନ୍ତି ମାନସ ମଙ୍ଗରାଜ।

ଏହାର ଉତ୍ତରରେ ମନ୍ତ୍ରୀ ଅମିତ ଶାହ କହିଛନ୍ତି, ନ୍ୟାସନାଲ କାଉନସିଲ ଫର କୋଅପରେଟିଭ ଟ୍ରେନିଂ ଜରିଆରେ ପୂରା ଦେଶରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି। ସମଗ୍ର ଦେଶରେ ୨୦ ଟି ଟ୍ରେନିଂ ଇନଷ୍ଟିଚ୍ୟୁଟ ଅଛି। ଭୁବନେଶ୍ଵରରେ ଥିବା ମଧୁସୂଦନ ଇନଷ୍ଟିଚ୍ୟୁଟ ଅଫ କୋପରେଟିଭ ମ୍ୟାନେଜମେଣ୍ଟ ମାଧ୍ୟମରେ ପରିଚାଳନାଗତ କୌଶଳ ଶିକ୍ଷା ପ୍ରଦାନ କରାଯାଉଛି । ୩ ବର୍ଷର ସୂଚନା ଦେବାକୁ ଯାଇ ମନ୍ତ୍ରୀ ଅମିତ ଶାହ କହିଛନ୍ତି ୨୦୨୧-୨୨ରେ ୯୪ ଟି କାର୍ଯ୍ୟକ୍ରମ ମାଧ୍ୟମରେ ୪୪୪୬ ଜଣ, ୨୦୨୨-୨୩ ରେ ୧୬୬ ଟି କାର୍ଯ୍ୟକ୍ରମ ଜରିଆରେ ୯୧୬୫ ଜଣ ଓ ୨୦୨୩-୨୪ ରେ ୧୯୧ ଟି କାର୍ଯ୍ୟକ୍ରମ ମାଧ୍ୟମରେ ୯୪୫୬ ଜଣ ତାଲିମ ନେଇଛନ୍ତି। ମଧୁସୂଦନ ଇନଷ୍ଟିଚ୍ୟୁଟ ଅଫ୍ କୋଅପରେଟିଭ ମ୍ୟାନେଜମେଣ୍ଟ, ନାବାର୍ଡ, ରିଜର୍ଭ ବ୍ୟାଙ୍କ, ରାଜ୍ୟ କୋ ଅଅପରେଟିଭ ବ୍ୟାଙ୍କରେ ଟ୍ରେନିଂ ଦିଆଯାଏବୋଲି କହିଛନ୍ତି ମନ୍ତ୍ରୀ।

ଭୁବନେଶ୍ବର: ଜାତୀୟ ଓ ଆନ୍ତର୍ଜାତିକସ୍ତରରେ ଶ୍ରୀଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ଓ ଅଧିକ ଗବେଷଣା ପାଇଁ କି ପଦକ୍ଷେ ନେଇଛନ୍ତି କେନ୍ଦ୍ର ସରକାର । ଏନେଇ ସଂସଦରେ ପ୍ରଶ୍ନ ଉଠାଇଛନ୍ତି ବିଜେଡି ସାଂସଦ ମାନସ ରଞ୍ଜନ ମଙ୍ଗରାଜ। ବିଜେଡି ସାଂସଦଙ୍କ ଲିକ୍ଷିତ ପ୍ରଶ୍ନର ଉତର ଦେଇଛନ୍ତି କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ। ପୁରୀର ଶ୍ରୀଜଗନ୍ନାଥ ମନ୍ଦିର ଏକ ଜାତୀୟ ଐତିହ୍ୟ। ଏହାର ସଂରକ୍ଷଣ ଦାୟିତ୍ୱ ଏଏସଆଇକୁ ଦିଆଯାଇଛି। ଗତ ୨୦୨୨ ଏପ୍ରିଲରୁ ଏର୍ଯ୍ୟନ୍ତ ପୂର୍ବାଞ୍ଚଳ ଜୋନାଲ ସାଂସ୍କୃତି କେନ୍ଦ୍ର ପକ୍ଷରୁ ଶ୍ରୀଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପାଇଁ ରାଜ୍ୟର ବିଭିନ୍ନ ସ୍ଥାନରେ ୧୦ କାର୍ଯ୍ୟକ୍ରମ ଗ୍ରହଣ କରାଯାଇଛି। ଏହାସହ ଓଡିଶୀ ଓ ଗୋଟିପୁଅ ନୃତ୍ୟି କାର୍ଯ୍ୟକ୍ରମର ମଧ୍ୟ ଆୟୋଜନ କରାଯାଇଥିଲା। ଏହିସବୁ କାର୍ଯ୍ୟକ୍ରମରେ ୧୮୦ରୁ ଅଧିକ କଳାକାର ଉପକୃତ ହୋଇଛନ୍ତି। ଏଥିପାଇଁ କେନ୍ଦ୍ର ସରକାର ୪୮ ଲକ୍ଷ ଟଙ୍କାର ଆର୍ଥିକ ସହାୟତା ଦେଇଛନ୍ତି ବୋଲି କେନ୍ଦ୍ରମନ୍ତ୍ରୀ କହିଛନ୍ତି।

ସେହିପରି, ଓଡିଶାରେ ବାତ୍ୟା ଆଗୁଆ ଆକଳନ ଓ ଦୂରୀକରଣ ନେଇ ରାଜ୍ୟସଭାରେ ସରକାରଙ୍କୁ ପ୍ରଶ୍ନ କରିଛନ୍ତି ସାସଂଦ ମାନସ ରଂଜନ ମଙ୍ଗରାଜ। ବାତ୍ୟା ପ୍ରଭାବିତ ଜିଲ୍ଲା ମାନଙ୍କରେ ପ୍ରାରମ୍ଭିକ ଚେତାବନୀ ଓ ବିପର୍ଯ୍ୟୟ ମୁକାବିଲା ପାଇଁ କ’ଣ ସବୁ ପଦକ୍ଷେ ନିଆଯାଇଛି ବୋଲି ସେ ପଚାରିଛନ୍ତି।

ଏହାର ଉତ୍ତରରେ କେନ୍ଦ୍ର ବିଜ୍ଞାନ ଓ କାରିଗରୀ ମନ୍ତ୍ରୀ ଜିତେନ୍ଦ୍ର ସିଂହ କହିଛନ୍ତି ଯେ, ଓଡିଶାରେ ସର୍ଫେସ ମନିଟରିଂ ସିଷ୍ଟମ ନେଟୱର୍କ ଅଧିନରେ ୩୯ ଟି ମାନବ ପର୍ଯ୍ୟବେକ୍ଷଣ କେନ୍ଦ୍ର ଅଛି। ସେହିଭଳି ୨୯ଟି ସ୍ୱୟଂଚାଳିତ ପାଣିପାଗ କେନ୍ଦ୍ର ଓ ୧୩୬ ଟି ଅଟୋମେଟେଡ ରେନଗେଜ ଷ୍ଟେସନ ଅଛି। ପାରାଦ୍ୱୀପ ଓ ଗୋପାଳପୁରରେ ଦୁଇଟି ରାଡାର ୨୪ ଘଣ୍ଟିା କାର୍ଯ୍ୟକ୍ଷମ ଅଛି। ସେହିଭଳି ଉଚ୍ଚ ପବନର ଗତି ରେକର୍ଡ ନେଟୱର୍କ ପାଇଁ ଏଚଡବ୍ଲୁଏସଆର ସିଷ୍ଟମ ୬ଟି ଅଛି । ଯାହା ସମଗ୍ର ଉପକୂଳ ଓଡିଶାକୁ ଆଛାଦିତ କରୁଛି । ୪ ଟି ବିମାନ ଚଳାଚଳ ପର୍ଯ୍ୟବେକ୍ଷଣକାରୀ ଷ୍ଟେସନ ଓ ଗୋଟିଏ ଏରୋଡ୍ରୋମ ପାଣିପାଗ କାର୍ଯ୍ୟାଳୟ ମଧ୍ୟ ଅଛ । ଏଥିସହ ୪ଟି ଆଭିଏସନ ୱେଦର ଅଟୋମେଟିକ ଷ୍ଟେସନ ଓ ଦୁଇଟି ମାନବ ଚାଳିତ ପର୍ଯ୍ୟବେକ୍ଷଣ ସେଂଟର ଅଛି ବୋଲି ମନ୍ତ୍ରୀ କହିଛନ୍ତି।

ସମ୍ବଲପୁର: ଶୁକ୍ରବାର ସମ୍ବଲପୁରକୁ ଦୁଇ ଦିନିଆ ଗସ୍ତରେ ଯିବେ 5T ଓ ନବୀନ ଓଡିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ସମ୍ବଲପୁର ବରେଇପାଲି ପଡିଆ ଓ ରେଙ୍ଗାଲି କିଲାସମା ଷ୍ଟାଡିୟମରେ ଦୁଇଟି ସାଧାରଣ ସଭାକୁ 5T ଅଧ୍ୟକ୍ଷ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ଦୁଇଟି ଯାକ ସାଧାରଣ ସଭାରେ ସେ ଲୋକଙ୍କ ଠାରୁ ଆବେଦନପତ୍ର ଗ୍ରହଣ କରିବା ସହ ରାଜ୍ୟ ସରକାରଙ୍କ  କିଛି ପ୍ରମୁଖ ବିକାଶମୂଳକ ଯୋଜନା ସମ୍ପର୍କରେ ସଚେତନ କରାଇବେ।

5T  ଅଧ୍ୟକ୍ଷଙ୍କ ଗସ୍ତ ପୂର୍ବରୁ ଗୁରୁବାର ସମ୍ବଲପୁର ଲୋକସଭା କ୍ଷେତ୍ର ପାଇଁ ବିଜେଡି ପର୍ଯ୍ୟବେକ୍ଷକ ତଥା ସାଂସଦ ମାନସ ରଞ୍ଜନ ମଙ୍ଗରାଜ ଦୁଇଟି ଯାକ ସ୍ଥାନ ପରିଦର୍ଶନ କରିଛନ୍ତି । 5T ଅଧ୍ୟକ୍ଷଙ୍କ ଗସ୍ତକୁ ସଫଳ କରିବା ପାଇଁ ହୋଇଥିବା ଆୟୋଜନର ସମୀକ୍ଷା କରିଛନ୍ତି ସାଂସଦ । ତାଙ୍କ ସହ ସମ୍ବଲପୁର ଜିଲ୍ଲା ବିଜେଡି ସଭାପତି ରୋହିତ ପୁଝାରୀ ଓ ଅନ୍ୟ ବିଜେଡି ନେତାମାନେ ମଧ୍ୟ ସଭାସ୍ଥଳକୁ ଯାଇଥିଲେ ।

5T ଅଧ୍ୟକ୍ଷଙ୍କ ସମ୍ବଲପୁର ଗସ୍ତ କାର୍ଯ୍ୟକ୍ରମକୁ ସଫଳ କରିବା ଲାଗି ସାଂସଦ ମାନସ ମଙ୍ଗରାଜ ସ୍ଥାନୀୟ ବିଜେଡି ନେତା ଓ କର୍ମୀଙ୍କ ସହ ଆଲୋଚନା କରିଛନ୍ତି । ସମ୍ବଲପୁର ଗସ୍ତ ପୂର୍ବରୁ ଫାଇଭ-ଟି ଅଧ୍ୟକ୍ଷ କଳାହାଣ୍ଡି ଜିଲ୍ଲାର ଭବାନୀପାଟଣା ଠାରେ ଦୁଇଟି କାର୍ଯ୍ୟକ୍ରମରେ ମଧ୍ୟ ଯୋଗ ଦେବେ । ଭବାନୀପାଟଣା ମାଣିକେଶ୍ବରୀ ବିଶ୍ବବିଦ୍ୟାଳୟ ଗ୍ରାଉଣ୍ଡରେ ନୂଆ-ଓ କାର୍ଯ୍ୟକ୍ରମ ସହ ଶ୍ରୀକ୍ରିଷ୍ଣାନଗର ପଡିଆରେ ସାଧାରଣ ସଭାକୁ ସମ୍ବୋଧିତ କରିବେ । ଶନିବାର ଫାଇଭ ଟି ଅଧ୍ୟକ୍ଷ ଜିଲ୍ଲାପାଳଙ୍କ କାର୍ଯ୍ୟାଳୟରେ ସମଲେଇ ପ୍ରକଳ୍ପ ଅଗ୍ରଗତିର ସମୀକ୍ଷା କରିବେ । ଏହାପରେ ସେ ସମଲେଶ୍ବରୀ ମନ୍ଦିର ଯାଇ ମାଙ୍କ ଦର୍ଶନ କରିବେ । ଏହାପରେ ସେ ମଣ୍ଡଳିଆ ପଡିଆରେ ନୂଆ-ଓ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ସଫଳତାର ଟିପ୍ସ ଦେବେ । କୁଚିଣ୍ଡା ଓ ରେଢାଖୋଲରେ ମଧ୍ୟ ଦୁଇଟି ସାଧାରଣ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି।

ସମ୍ବଲପୁର: ଆଜି ସମ୍ବଲପୁରରେ ଅନୁଷ୍ଠିତ ହୋଇଛି ବିଜେଡି ସାଂଗଠନିକ ବୈଠକ । ଆଗାମୀ ଦିନରେ ଦଳକୁ ପଶ୍ଚିମ ଓଡିଶାରେ କିଭଳି ଅଧିକ ସୁଦୃଢ ଓ ସକ୍ରିୟ କରାଯାଇପାରିବ ସେନେଇ ବୈଠକରେ ବିଷଦ ଭାବେ ଆଲୋଚନା ହୋଇଛି । ପୂର୍ବତନ ସାଂସଦ ତଥା ଦଳର ବରିଷ୍ଠ ଉପସଭାପତି ପ୍ରସନ୍ନ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା । ବୈଠକରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ସମ୍ବଲପୁର ଲୋକସଭା କ୍ଷେତ୍ରର ପର୍ଯ୍ୟବେକ୍ଷକ ମାନସ ମଙ୍ଗରାଜ, ଜିଲ୍ଲା ବିଜେଡି ସଭାପତି ରୋହିତ ପୂଜାରୀଙ୍କ ସମେତ ଦଳର ବହୁ ବିଧାୟକ, ନେତା ଓ କର୍ମୀ ଯୋଗ ଦେଇଥିଲେ । ବୈଠକରେ ଦଳର ସାଂଗଠନିକ କାର୍ଯ୍ୟକ୍ରମ ସହ ବହୁ ପ୍ରତୀକ୍ଷିତ ସମଲେଇ ପ୍ରକଳ୍ପ ଲୋକାର୍ପଣ ଉତ୍ସବ ନେଇ ମଧ୍ୟ ଆଲୋଚନା ହୋଇଛି ।

ସମ୍ବଲପୁରର ଅଧିଷ୍ଠାତ୍ରୀ ଦେବୀ ମାଆ ସମଲେଶ୍ବରୀ ପ୍ରକଳ୍ପ ଶେଷ ପର୍ଯ୍ୟାୟରେ ପହଂଚିଛି । ଖୁବଶୀଘ୍ର ଏହାର ଲୋକାର୍ପଣ କରାଯିବ ବୋଲି ସୂଚନା ଦେଇଛନ୍ତି ବରିଷ୍ଠ ବିଜେଡି ନେତା ପ୍ରସନ୍ନ ଆଚାର୍ଯ୍ୟ ଓ ମନ୍ଦିର ଟ୍ରଷ୍ଟବୋର୍ଡ ସଭାପତି ସଂଜୟ ବାବୁ। ସମଲେଇ ପ୍ରକଳ୍ପ ଲୋକାର୍ପଣ ସମୟରେ ପଶ୍ଚିମ ଓଡିଶାର ସବୁ ଜିଲ୍ଲାର ପ୍ରମୁଖ ମନ୍ଦିରଗୁଡ଼ିକୁ ନିମନ୍ତ୍ରଣ କରାଯିବ । ସମ୍ବଲପୁର ସଂସଦୀୟ କ୍ଷେତ୍ର ପର୍ଯ୍ୟବେକ୍ଷକ ଦାୟିତ୍ବ ନେବା ପରେ ଏହା ଥିଲା ସାଂସଦ ମାନସ ମଙ୍ଗରାଜଙ୍କ ପ୍ରଥମ ବୈଠକ ।

ଭୁବନେଶ୍ବର: ଆଜି ଠାରୁ ରାଜ୍ୟର ସମସ୍ତ ବିଧାନସଭା ନିର୍ବାଚନ ମଣ୍ଡଳୀରେ ଆରମ୍ଭ ହୋଇଛି ବିଜୁ ଜନତାଦଳର ପ୍ରଶିକ୍ଷଣ ଶିବିର। ସେହି କ୍ରମରେ ଆଜି ଗଞ୍ଜାମ ଜିଲ୍ଲାର ବ୍ରହ୍ମପୁର ଓ ଛତ୍ରପୁର ନିର୍ବାଚନ ମଣ୍ଡଳୀରେ ଆୟୋଜିତ ହୋଇଛି ଏହି ପ୍ରଶିକ୍ଷଣ ଶିବିର। ଆଜି ଠାରୁ ତିନିଦିନ ଧରି ଏହି ଶିବିର ଅନୁଷ୍ଠିତ ହେ । ଶିବିରରେ ପର୍ଯ୍ୟାୟ କ୍ରମରେ ସକ୍ରିୟ କର୍ମୀମାନଙ୍କୁ ଏହି ପ୍ରଶିକ୍ଷଣ ଦେବାପାଇଁ ବ୍ୟବସ୍ଥା କରାଯାଇଥିବା ବେଳେ ଯୁବ ପିଢିଙ୍କ ସଂଖ୍ୟା ଅଧିକ ଦେଖିବାକୁ ମିଳିଛି। ବ୍ରହ୍ମପୁର ଟାଉନ ହଲରେ ଏହି ଶିବିର ଆୟୋଜିତ ହୋଇଥିବା ବେଳେ ରାଜ୍ୟସଭା ସାଂସଦ ତଥା ବ୍ରହ୍ମପୁର ସାଂସଦୀୟ କ୍ଷେତ୍ରର ପର୍ଯ୍ୟବେକ୍ଷକ ମାନସ ରଞ୍ଜନ ମଙ୍ଗରାଜ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ମେୟର ଓ ସମସ୍ତ କର୍ପୋରେଟର ମାନେ ଉପସ୍ଥିତ ଥିଲେ। ସେହିପରି ଛତ୍ରପୁର ରିଡିଙ୍ଗ ହଲ ଠାରେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରାଙ୍କ ନେତୃତ୍ବରେ ଅନୁଷ୍ଠିତ ହୋଇଥିଲା। ସାଂସଦ ମାନସ ରଞ୍ଜନ ମଙ୍ଗରାଜ ଯୋଗଦେଇ ଉପସ୍ଥିତ କର୍ମୀଙ୍କୁ ଉଦବୋଧନ ଦେଇଥିଲେ।

ଭୁବନେଶ୍ବର: ବିଶିଷ୍ଟ ଶ୍ରମିକ ନେତା ଘନଶ୍ୟାମ ଜେନାଙ୍କ ପରଲୋକ। ୯୩ବର୍ଷ ବୟସରେ ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ଘଟିଛି। ଗତକାଲି ଘନଶ୍ୟାମଙ୍କ ପତ୍ନୀ ହୃଦଘାତରେ ପ୍ରାଣ ହରାଇଥିଲେ।

ଶ୍ରମିକ ନେତା ଘନଶ୍ୟାମଙ୍କ ପରଲୋକରେ ଶୋକପ୍ରକାଶ କରିଛନ୍ତି ବିଜେଡି ସାଂସଦ ମାନସ ମଙ୍ଗରାଜ । ଶୋକସନ୍ତପ୍ତ ପରିବାରକୁ ଗଭୀର ସମବେଦନା ଜଣାଇଛନ୍ତି ସାଂସଦ ମାନସ ମଙ୍ଗରାଜ।