ନୂଆଦିଲ୍ଲୀ : ବିଶ୍ୱକପରେ ଆଜି ଭାରତ ଏବଂ ବାଂଲାଦେଶ ମଧ୍ୟରେ ଖେଳାଯିବ। ୨୦୨୩ ଏସିଆ କପରେ ବାଂଲାଦେଶ ବିପକ୍ଷ ପରାଜୟର ପ୍ରତିଶୋଧ ନେବାକୁ ଟିମ ଇଣ୍ଡିଆ ଚାହୁଁଛି। ଏହି ବିଶ୍ୱକପରେ ଭାରତୀୟ ଦଳ ଏହାର ପ୍ରଥମ ତିନୋଟି ମ୍ୟାଚ ଜିତିଛି। ବର୍ତ୍ତମାନ ରୋହିତ ବ୍ରିଗେଡ ଗୁରୁବାର ବାଂଲାଦେଶକୁ ପରାସ୍ତ କରି ବିଶ୍ୱକପ ଜିତିବାକୁ ଚାହୁଁଛି। ତେବେ ବାଂଲାଦେଶ ବିପକ୍ଷରେ ଟିମ ଇଣ୍ଡିଆର ରେକର୍ଡ କିଛି ସମୟ ପାଇଁ ଭଲ ନ ଥିଲା। ୨୦୧୯ ବିଶ୍ୱକପ ପରଠାରୁ ଶାକିବ ଅଲ ହାସନଙ୍କ ଦଳ ଦିନିକିଆ ମ୍ୟାଚରେ ଭାରତକୁ ତିନିଥର ପରାସ୍ତ କରିଛି।

ଭାରତ ଏବଂ ବାଂଲାଦେଶ ମଧ୍ୟରେ ଏହି ମ୍ୟାଚ ଅକ୍ଟୋବର ୧୯ ଗୁରୁବାର ପୁଣେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଖେଳାଯିବ। ମ୍ୟାଚର ଟସ ଆଜି ଦିନ ୧.୩୦ରେ ହେବ। ମ୍ୟାଚ ଅପରାହ୍ନ ୨ଟାରୁ ଆରମ୍ଭ ହେବ।
ଡିଜନି ପ୍ଲସ ହଟଷ୍ଟାରରେ ଆପଣ ଭାରତ ଏବଂ ବାଂଲାଦେଶ ମଧ୍ୟରେ ମ୍ୟାଚ ମାଗଣାରେ ଦେଖିପାରିବେ। ଟିଭିରେ ମ୍ୟାଚ ଦେଖୁଥିବା ପ୍ରଶଂସକମାନେ ଷ୍ଟାର୍‌ ସ୍ପୋର୍ଟସ ନେଟୱାର୍କରେ ମ୍ୟାଚ ଲାଇଭ ଦେଖିପାରିବେ।

ଚେନ୍ନାଇ: ଆଇସିସି ବିଶ୍ୱକପ୍‌ ୨୦୨୩ । ରବିବାର ବିଶ୍ୱକପ୍‌ର ୫ମ ମୁକାବିଲା ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା । ଟସ୍‌ ଜିତି ଅଷ୍ଟ୍ରେଲିଆ ଟିମ୍‌ ବ୍ୟାଟିଂ ନିଷ୍ପତ୍ତି ନେଇଥିଲା। ଭାରତର ଘାତକ ବୋଲିଂରେ ଅଷ୍ଟ୍ରେଲିଆର ବ୍ୟାଟିଂ ବିପର୍ଯ୍ୟ ଘଟିଥିଲା । ଅଷ୍ଟ୍ରେଲିଆ ୪୯.୩ ଓଭରରେ ସମସ୍ତ ୱିକେଟ ହରାଇ ୧୯୯ ରନ କରିଥିଲା। ଏହି ମ୍ୟାଚ ଜିତିବାକୁ ହେଲେ ଭାରତକୁ ୨୦୦ ରନର ଆବଶ୍ୟକତା ରହିଥିଲା । ଭାରତ ୪୧.୨ ଓଭରରେ ୪ ୱିକେଟ ହରାଇ ୨୦୧ ରନ କରି ସହଜରେ ମ୍ୟାଚକୁ ଜିତି ନେଇଛି।

ଭାରତୀୟ ଦଳ ପକ୍ଷରୁ ରୋହିତ ଶର୍ମା  ଓ ଇଷାନ୍‌ କିଷାନ କୌଣିସ ରନ ନ କରି ଆଉଟ ହୋଇଥିଲେ। ପରେ ଶ୍ରେୟସ ଆୟର ମଧ୍ୟ ନିରାଶ କରିଥିଲେ। ହେଲେ ପାରିକୁ ବିରାଟ କୋହଲି ଓ କେଏଲ୍‌ ରାହୁଲ ପାରିକୁ ସମ୍ଭାଳିଥିଲେ । ଉଭୟ ଅର୍ଦ୍ଧଶତକୀୟ ଇଂନିସ ଖେଳିଥିଲେ। ପରେ ବିରାଟ କୋହଲି ୧୧୬ ବଲରେ ୮୫ ରନ କରି ଆଉଟ ହୋଇଥିଲେ। ଏହା ପରେ କେଏଲ୍‌ ରାହୁଲଙ୍କ ସାଥ ଦେବା ପାଇଁ ହାର୍ଦ୍ଦିକ ପାଣ୍ଡ୍ୟା ପଡିଆକୁ ଆସିଥିଲେ। କେଏଲ୍‌ ରାହୁଲ ୧୧୫ ବଲରେ ୯୭ ରନ କରି ଅପରାଜିତ ରହିଥିବା ବେଳେ ହାର୍ଦ୍ଦିକ ପାଣ୍ଡ୍ୟା ୮ ବଲରେ ୧୧ ରନ କରି ଅପରାଜିତ ରହିଥିଲେ।

ଅଷ୍ଟ୍ରେଲିଆ ଦଳ ପକ୍ଷରୁ ଜୋଷ ହେଜେଲହୁଡ୍‌ ୩ ଟି ୱିକେଟ ନେଇଥିବା ବେଳେ ମିଚେଲ୍‌ ଷ୍ଟାର୍କ ଗୋଟିଏ ୱିକେଟ ନେଇଥିଲେ।

ଚେନ୍ନାଇ: ଆଇସିସି ବିଶ୍ୱକପ୍‌ ୨୦୨୩  ରବିବାର ବିଶ୍ୱକପ୍‌ରେ ୫ମ ମୁକାବିଲାରେ ଭାରତ- ଅଷ୍ଟ୍ରେଲିଆ ମୁହାଁମୁହିଁ ହୋଇଛନ୍ତି।  ଟସ୍‌ ଜିତି ଅଷ୍ଟ୍ରେଲିଆ ଟିମ୍‌ ବ୍ୟାଟିଂ ନିଷ୍ପତ୍ତି ନେଇଥିଲା। ଭାରତର ଘାତକ ବୋଲିଂରେ ଅଷ୍ଟ୍ରେଲିଆର ବ୍ୟାଟିଂ ବିପର୍ଯ୍ୟ ଘଟିଛି । ଅଷ୍ଟ୍ରେଲିଆ ୪୯.୩ ଓଭରରେ ସମସ୍ତ ୱିକେଟ ହରାଇ ୧୯୯ ରନ କରିଛି। ଏହି ମ୍ୟାଚ ଜିତିବାକୁ ହେଲେ ଭାରତକୁ ୨୦୦ ରନର ଆବଶ୍ୟକତା ରହିଛି।

ଅଷ୍ଟ୍ରେଲିଆ ପକ୍ଷରୁ ମିଚେଲ୍‌ ମାର୍ସ କୌଣସି ରନ ନ କରି ଆଉଟ ହୋଇଥିଲେ। ପରେ ପାରିକୁ ଡେଭିଡ୍‌ ଓ୍ୱାର୍ଣ୍ଣର ଓ ଷ୍ଟିଭ୍‌ ସ୍ମିଥ୍‌ ପାରିକୁ ସମ୍ଭାଳିଥିଲେ। ଡେଭିଡ୍‌ ଓ୍ୱାର୍ଣ୍ଣର ୫୨ ବଲରେ ୪୧ ରନ କରି ଆଉଟ ହୋଇଥିଲେ। ପରେ ଷ୍ଟିଭ୍‌ ସ୍ମିଥ୍‌ ୭୧ ବଲରେ ୪୬ ରନ କରି ଆଉଟ ହୋଇଥିଲେ। ମାର୍ନସ ଲାବୁସେନ୍‌ ୪୧ ବଲରେ ୨୭ ରନ କରି ଆଉଟ ହୋଇଥିଲେ। ଗ୍ଲେନ୍‌ ମାକ୍ସଓ୍ୱେଲ ୨୫ ବଲରେ ୧୫ ରନ କରି ଆଉଟ ହୋଇଥିବା ବେଳେ  ଆଲେକ୍ସ କେରୀ କୌଣସି ରନ ନ କରି ଆଉଟ ହୋଇଥିଲେ। ପରେ କ୍ୟାମେରୁନ୍‌ ଗ୍ରୀନ୍‌ ୨୦ ବଲରେ ୮ ରନ କରି ଆଉଟ ହୋଇଥିଲେ। ଅଧିନାୟକ ପ୍ୟାଟ୍‌ କମିନ୍ସ ୨୪ ବଲରେ ୧୫ ରନ କରି ଆଉଟ ହୋଇଥିଲେ। ପରେ ମିଚେଲ୍‌ ଷ୍ଟାର୍କ ଓ ଆଡମ ଜାମ୍ପା ପାରିକୁ ସମ୍ଭାଳିଥିଲେ। ଆଡମ ଜାମ୍ପା ୨୦ ବଲରେ ୬ରନ କରି ଆଉଟ ହୋଇଥିଲେ । ମିଚେଲ୍‌ ଷ୍ଟାର୍କ  ୩୫ ବଲରେ ୨୮ ରନ କରି ଆଉଟ ହୋଇଥିଲେ। ଜୋଷ ହେଜେଲହୁଡ୍‌ ୧ ବଲରେ ୧ ରନ କରି ଅପରାଜିତ ରହିଥିଲେ।

ଭାରତୀୟ ଦଳ ପକ୍ଷରୁ ରବିନ୍ଦ୍ର ଜାଡେଜା ୩ ଟି ୱିକେଟ ନେଇଥିବା ବେଳେ କୁଲଦୀପ ଯାଦବ ଓ ଜଶପ୍ରୀତ୍‌ ବୁମ୍‌ରା ୨ଟି ଲେଖାଏଁ  ୱିକେଟ ନେଇଥିଲେ। ରବିଚନ୍ଦ୍ରନ ଅଶ୍ୱିନୀ, ମହମ୍ମଦ ସିରାଜ ଓ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏଁ  ୱିକେଟ ନେଇଥିଲେ।